ເອັດຊະຣາ 10:1-44
10 ຕອນທີ່ເອັດຊະຣາກຳລັງອະທິດຖານ+ສາລະພາບຄວາມຜິດຂອງປະຊາຊົນ ລາວຮ້ອງໄຫ້ແລະໝູບລົງຕໍ່ໜ້າວິຫານຂອງພະເຈົ້າທ່ຽງແທ້ ແລ້ວພວກອິດສະຣາເອນກຸ່ມໃຫຍ່ທີ່ມີທັງຜູ້ຊາຍ ຜູ້ຍິງ ແລະເດັກນ້ອຍກໍມາຢູ່ອ້ອມລາວແລະພາກັນໄຫ້ແທ້ໄຫ້ວ່າ.
2 ເຊການີອາລູກຊາຍຂອງເຢຮີເອນ+ທີ່ເປັນລູກຫຼານຂອງເອລາມ+ເວົ້າກັບເອັດຊະຣາວ່າ: “ພວກເຮົາບໍ່ເຊື່ອຟັງພະເຈົ້າໂດຍເອົາຜູ້ຍິງຈາກຊາດຕ່າງໆທີ່ຢູ່ອ້ອມຂ້າງມາເປັນເມຍ.+ ເຖິງວ່າຈະເປັນແນວນີ້ ແຕ່ກໍຍັງມີຄວາມຫວັງທີ່ວ່າພະເຈົ້າຈະຍົກໂທດໃຫ້ອິດສະຣາເອນ.
3 ຂໍໃຫ້ພວກເຮົາເຮັດສັນຍາກັບພະເຈົ້າຂອງພວກເຮົາວ່າ+ຈະສົ່ງພວກເມຍທີ່ເປັນຄົນຕ່າງຊາດກັບລູກທີ່ໄດ້ນຳເຂົາເຈົ້າກັບຄືນໄປປະເທດຂອງເຂົາເຈົ້າຕາມທີ່ພະເຢໂຫວາແລະຄົນທີ່ຢ້ານຢຳຄຳສັ່ງຂອງພະເຈົ້າໄດ້ສັ່ງໄວ້.+ ຂໍໃຫ້ພວກເຮົາເຮັດຕາມກົດໝາຍນີ້.
4 ໃຫ້ເຈົ້າລຸກຂຶ້ນເພາະເຈົ້າເປັນຜູ້ທີ່ຕ້ອງຈັດການເລື່ອງນີ້. ພວກເຮົາຈະຢູ່ຝ່າຍເຈົ້າ. ໃຫ້ເຈົ້າກ້າຫານແລະລົງມືເຮັດໂລດ.”
5 ເອັດຊະຣາກໍລຸກຂຶ້ນແລະໃຫ້ຫົວໜ້າພວກປະໂລຫິດ ຫົວໜ້າພວກເລວີ ແລະຫົວໜ້າພວກອິດສະຣາເອນທຸກຄົນສາບານວ່າເຂົາເຈົ້າຈະເຮັດຕາມທີ່ເຊການີອາບອກ+ ແລ້ວເຂົາເຈົ້າກໍສາບານ.
6 ເອັດຊະຣາລຸກອອກຈາກໜ້າວິຫານຂອງພະເຈົ້າທ່ຽງແທ້ແລ້ວໄປຫ້ອງກິນເຂົ້າຂອງເຢໂຮຮານັນລູກຊາຍຂອງເອລີຢາຊິບ. ເຖິງວ່າລາວຈະໄປຫ້ອງນັ້ນ ແຕ່ລາວກໍບໍ່ໄດ້ກິນເຂົ້າກິນນ້ຳຍ້ອນວ່າເສຍໃຈທີ່ພວກທີ່ກັບມາຈາກບາບີໂລນໄດ້ເຮັດຜິດ.+
7 ຫຼັງຈາກນັ້ນກໍມີການປະກາດໄປທົ່ວຢູດາແລະທົ່ວເມືອງເຢຣູຊາເລັມວ່າ ໃຫ້ທຸກຄົນທີ່ກັບມາຈາກບາບີໂລນມາລວມກັນຢູ່ເມືອງເຢຣູຊາເລັມ
8 ຕາມທີ່ພວກເຈົ້ານາຍກັບພວກຜູ້ນຳໄດ້ສັ່ງ. ຖ້າຜູ້ໃດບໍ່ມາພາຍໃນ 3 ມື້ກໍຈະຖືກຍຶດເຄື່ອງຂອງທັງໝົດແລະຖືກໄລ່ອອກຈາກກຸ່ມຄົນທີ່ກັບມາຈາກບາບີໂລນ.+
9 ພາຍໃນ 3 ມື້ ພວກຜູ້ຊາຍຈາກຕະກູນຢູດາແລະຕະກູນເບັນຢາມິນກໍມາລວມກັນຢູ່ເມືອງເຢຣູຊາເລັມໃນວັນທີ 20 ຂອງເດືອນທີ 9. ເຂົາເຈົ້າໄປນັ່ງຢູ່ເດີ່ນວິຫານຂອງພະເຈົ້າທ່ຽງແທ້. ເຂົາເຈົ້າພາກັນໂຕສັ່ນຍ້ອນຢ້ານທີ່ໄດ້ເຮັດຜິດແລະຍ້ອນຝົນຕົກແຮງ.
10 ປະໂລຫິດເອັດຊະຣາໄດ້ລຸກຂຶ້ນແລະເວົ້າກັບເຂົາເຈົ້າວ່າ: “ພວກເຈົ້າບໍ່ເຊື່ອຟັງພະເຈົ້າ ແລ້ວໄປເອົາຜູ້ຍິງຕ່າງຊາດມາເປັນເມຍ+ແລະເຮັດໃຫ້ອິດສະຣາເອນມີຄວາມຜິດຫຼາຍຂຶ້ນ.
11 ຕອນນີ້ ໃຫ້ພວກເຈົ້າຍອມຮັບຕໍ່ໜ້າພະເຢໂຫວາພະເຈົ້າຂອງປູ່ຍ່າຕານາຍຂອງພວກເຈົ້າວ່າພວກເຈົ້າໄດ້ເຮັດຜິດ ແລະຈາກນີ້ໄປໃຫ້ພວກເຈົ້າຕັ້ງໃຈເຮັດຕາມທີ່ເພິ່ນຕ້ອງການ. ໃຫ້ພວກເຈົ້າເຊົາພົວພັນກັບຊາດຕ່າງໆທີ່ຢູ່ອ້ອມຂ້າງແລະໃຫ້ເຊົາພົວພັນກັບເມຍຕ່າງຊາດຂອງພວກເຈົ້າ.”+
12 ເມື່ອໄດ້ຍິນແບບນັ້ນ ທຸກຄົນກໍຕອບສຽງດັງວ່າ: “ພວກເຮົາຈະເຮັດທຸກຢ່າງຕາມທີ່ເຈົ້າບອກ.
13 ແຕ່ຍາມນີ້ເປັນຍາມຝົນແລະພວກເຮົາມີຫຼາຍຄົນຢູ່ນີ້ ຊິໃຫ້ພວກເຮົາຢືນຢູ່ທາງນອກແບບນີ້ຕໍ່ໄປບໍ່ໄດ້ດອກ. ຍ້ອນພວກເຮົາຫຼາຍຄົນໄດ້ເຮັດຜິດ ຊິແກ້ໄຂເລື່ອງນີ້ໃນມື້ໜຶ່ງຫຼືສອງມື້ກໍຄືຊິເປັນໄປບໍ່ໄດ້.
14 ຄັນຊັ້ນ ຂໍໃຫ້ພວກເຈົ້ານາຍຢູ່ນີ້ຕໍ່ເພື່ອວາງແຜນວ່າຈະແກ້ໄຂເລື່ອງນີ້ແນວໃດ.+ ຈາກນັ້ນ ໃຫ້ທຸກຄົນທີ່ເອົາເມຍຄົນຕ່າງຊາດມານີ້ຕາມມື້ທີ່ນັດໄວ້ ແລະໃຫ້ພວກຜູ້ນຳກັບພວກຜູ້ຕັດສິນໃນເມືອງຂອງເຂົາເຈົ້າມານຳ. ພວກເຮົາຕ້ອງເຮັດແນວນີ້ເພື່ອພະເຈົ້າຈະເຊົາໃຈຮ້າຍໃຫ້ພວກເຮົາ.”
15 ແຕ່ໂຢນາທານລູກຊາຍຂອງອາສາເຮນກັບຢາເຊຢາລູກຊາຍຂອງຕິກວາບໍ່ເຫັນດີນຳ ແລະຄົນເລວີທີ່ຊື່ເມຊຸນລຳກັບຊັບເບທາຍ+ກໍຢູ່ຝ່າຍເຂົາເຈົ້າ.
16 ແຕ່ໃນທີ່ສຸດ ທຸກຄົນທີ່ກັບມາຈາກບາບີໂລນກໍຕົກລົງເຮັດຕາມທີ່ລົມກັນ. ໃນວັນທີ 1 ຂອງເດືອນທີ 10 ປະໂລຫິດເອັດຊະຣາກັບພວກຫົວໜ້າໃນຈຸ້ມເຈື້ອຕ່າງໆໄດ້ປະຊຸມກັນອີກເທື່ອໜຶ່ງຕ່າງຫາກເພື່ອວາງແຜນຈັດການເລື່ອງນີ້.
17 ເມື່ອຮອດວັນທີ 1 ຂອງເດືອນທີ 1 ເຂົາເຈົ້າກໍຈັດການເລື່ອງຜູ້ຊາຍທຸກຄົນທີ່ໄປເອົາເມຍຄົນຕ່າງຊາດແລ້ວໆ.
18 ຕອນນັ້ນ ເຂົາເຈົ້າໄດ້ຮູ້ວ່າມີປະໂລຫິດ*ບາງຄົນເອົາເມຍຄົນຕ່າງຊາດຄືກັນ.+ ໃນພວກລູກຫຼານແລະອ້າຍນ້ອງຂອງເຢຊູອາ+ລູກຊາຍຂອງເຢໂຮຊາດັກມີ: ມາອາເສຢາ ເອລີເອເຊ ຢາຣິບ ແລະເກດາລີຢາ.
19 ເຂົາເຈົ້າສັນຍາວ່າຈະສົ່ງພວກເມຍຄົນຕ່າງຊາດກັບຄືນເມືອປະເທດແລະແຕ່ລະຄົນຈະເຜົາແກະໂຕໜຶ່ງເພື່ອໄຖ່ຄວາມຜິດຂອງໂຕເອງ.+
20 ປະໂລຫິດຄົນອື່ນໆທີ່ເອົາເມຍຄົນຕ່າງຊາດມີ: ຮານານີກັບເຊບາດີຢາທີ່ເປັນລູກຫຼານຂອງອິມເມ+
21 ມາອາເສຢາ ເອລີຢາ ເຊມາຢາ ເຢຮີເອນ ແລະອຸດຊີຢາ. ທັງໝົດນີ້ເປັນລູກຫຼານຂອງຮາຣີມ.+
22 ເອລີໂອນາຍ ມາອາເສຢາ ອິດຊະມາເອນ ເນທາເນນ ໂຢຊາບັດ ແລະເອເລອາສາ. ທັງໝົດນີ້ເປັນລູກຫຼານຂອງປັດຊູ.+
23 ພວກເລວີທີ່ເອົາເມຍຄົນຕ່າງຊາດມີ: ໂຢຊາບັດ ຊິເມອີ ເກລາຢາ (ຫຼືເກລີຕາ) ເປທາຮີຢາ ຢູດາ ແລະເອລີເອເຊ.
24 ພວກນັກຮ້ອງທີ່ເອົາເມຍຄົນຕ່າງຊາດມີເອລີຢາຊິບ. ພວກຄົນຍາມປະຕູທີ່ເອົາເມຍຄົນຕ່າງຊາດມີ: ຊາລຶມ ເຕເລັມ ແລະອູຣີ.
25 ຕໍ່ໄປນີ້ແມ່ນພວກອິດສະຣາເອນທີ່ເອົາເມຍຄົນຕ່າງຊາດ. ຈາກລູກຫຼານຂອງປາຣົດມີ:+ ຣາມີຢາ ອິດຊີຢາ ມັນກີຢາ ມິຢາມິນ ເອເລອາຊາ ມັນກີຢາ ແລະເບນາຢາ.
26 ຈາກລູກຫຼານຂອງເອລາມມີ:+ ມັດຕານີຢາ ເຊຄາຣີຢາ ເຢຮີເອນ+ ອັບດີ ເຢເຣໂມດ ແລະເອລີຢາ.
27 ຈາກລູກຫຼານຂອງຊັດຕຸມີ:+ ເອລີໂອນາຍ ເອລີຢາຊິບ ມັດຕານີຢາ ເຢເຣໂມດ ຊາບາດ ແລະອາຊີຊາ.
28 ຈາກລູກຫຼານຂອງເບບາຍມີ:+ ເຢໂຮຮານັນ ຮານານີຢາ ຊັບບາຍ ແລະອັດລາຍ.
29 ຈາກລູກຫຼານຂອງບານີມີ: ເມຊຸນລຳ ມັນລຸກ ອາດາຢາ ຢາຊຸບ ເຊອານ ແລະເຢເຣໂມດ.
30 ຈາກລູກຫຼານຂອງປາຮາດໂມອາບມີ:+ ອັດນາ ເກລານ ເບນາຢາ ມາອາເສຢາ ມັດຕານີຢາ ເບຊາເລນ ບິນນຸຍ ແລະມານາເຊ.
31 ຈາກລູກຫຼານຂອງຮາຣີມມີ:+ ເອລີເອເຊ ອິດສີຢາ ມັນກີຢາ+ ເຊມາຢາ ຊິເມໂອນ
32 ເບັນຢາມິນ ມັນລຸກ ແລະເຊມາຣີຢາ.
33 ຈາກລູກຫຼານຂອງຮາຊຸມມີ:+ ມັດເຕນາຍ ມັດຕາຕາ ຊາບາດ ເອລີເຟເລັດ ເຢເຣມາຍ ມານາເຊ ແລະຊິເມອີ.
34 ຈາກລູກຫຼານຂອງບານີມີ: ມາອາດາຍ ອຳຣາມ ອູເອນ
35 ເບນາຢາ ເບເດຢາ ເກລູຮີ
36 ວານີຢາ ເມເຣໂມດ ເອລີຢາຊິບ
37 ມັດຕານີຢາ ມັດເຕນາຍ ແລະຢາອາສູ.
38 ຈາກລູກຫຼານຂອງບິນນຸຍມີ: ຊິເມອີ
39 ເຊເລມີຢາ ນາທານ ອາດາຢາ
40 ມັກນາເດບາຍ ຊາຊາຍ ຊາຣາຍ
41 ອັດຊາເຣນ ເຊເລມີຢາ ເຊມາຣີຢາ
42 ຊາລຶມ ອາມາຣີຢາ ແລະໂຢເຊັບ.
43 ຈາກລູກຫຼານຂອງເນໂບມີ: ເຢອີເອນ ມັດຕີທີຢາ ຊາບາດ ເຊບີນາ ຢາດດາຍ ໂຢເອນ ແລະເບນາຢາ.
44 ທັງໝົດນີ້ແມ່ນຄົນທີ່ໄດ້ເອົາເມຍຄົນຕ່າງຊາດ.+ ເຂົາເຈົ້າໄດ້ສົ່ງລູກສົ່ງເມຍກັບຄືນເມືອປະເທດ.+
ຂໍ
^ ແປຕາມໂຕວ່າ “ລູກຊາຍຂອງພວກປະໂລຫິດ”
