ເອເຊກຽນ 10:1-22
10 ຢູ່ເທິງແຜ່ນທີ່ຢູ່ເທິງຫົວພວກເຄຣູບ ຂ້ອຍເຫັນສິ່ງໜຶ່ງທີ່ຄ້າຍຄືກັບບັນລັງທີ່ເຮັດຈາກແກ້ວໄພລິນ.+
2 ພະເຈົ້າເວົ້າກັບຜູ້ຊາຍທີ່ນຸ່ງເຄື່ອງທີ່ເປັນຜ້າລີນິນວ່າ:+ “ໃຫ້ເຂົ້າໄປໃກ້ໆກົງລໍ້+ທີ່ຢູ່ກ້ອງເຄຣູບເຫຼົ່ານັ້ນ ແລະເອົາຖ່ານທີ່ມີໄຟລຸກຢູ່+ທີ່ຢູ່ລະຫວ່າງເຂົາເຈົ້າໃສ່ໃຫ້ເຕັມ 2 ມືຂອງເຈົ້າ ແລ້ວເອົາໄປໂຍນໃສ່ເມືອງ.”+ ຈາກນັ້ນ ຂ້ອຍກໍເຫັນລາວເຂົ້າໄປ.
3 ຕອນທີ່ຜູ້ຊາຍຄົນນັ້ນເຂົ້າໄປ ພວກເຄຣູບຢືນຢູ່ເບື້ອງຂວາຂອງວິຫານແລະມີຂີ້ເຝື້ອຢູ່ເຕັມເດີ່ນທາງໃນ.
4 ແລ້ວແສງລັດສະໝີຂອງພະເຢໂຫວາ+ທີ່ຢູ່ເທິງພວກເຄຣູບກໍຍ້າຍໄປຢູ່ປະຕູທາງເຂົ້າວິຫານ. ຂີ້ເຝື້ອຄ່ອຍໆເຕັມວິຫານ+ແລະຢູ່ເດີ່ນກໍມີແຕ່ແສງລັດສະໝີຂອງພະເຢໂຫວາທີ່ເຫຼື້ອມໆ.
5 ສຽງທີ່ມາຈາກປີກຂອງເຄຣູບເຫຼົ່ານີ້ດັງຄືກັບສຽງເວົ້າຂອງພະເຈົ້າຜູ້ມີລິດເດດສູງສຸດ ແລະດັງໄປຮອດເດີ່ນທາງນອກຂອງວິຫານ.+
6 ຈາກນັ້ນ ເພິ່ນສັ່ງຜູ້ຊາຍທີ່ນຸ່ງເຄື່ອງທີ່ເປັນຜ້າລີນິນວ່າ: “ໃຫ້ເອົາໄຟທີ່ຢູ່ລະຫວ່າງກົງລໍ້ແລະຢູ່ລະຫວ່າງພວກເຄຣູບມາ.” ແລ້ວລາວກໍເຂົ້າໄປແລະຢືນຢູ່ທາງຂ້າງກົງລໍ້.
7 ເຄຣູບອົງໜຶ່ງເດ່ມືໄປຈັບເອົາໄຟທີ່ຢູ່ລະຫວ່າງເຂົາເຈົ້າ+ ແລ້ວເອົາມາໃສ່ມືທັງສອງເບື້ອງຂອງຜູ້ຊາຍທີ່ນຸ່ງເຄື່ອງທີ່ເປັນຜ້າລີນິນ.+ ຜູ້ຊາຍຄົນນັ້ນເອົາໄຟ ແລ້ວກໍອອກມາ.
8 ເຄຣູບເຫຼົ່ານີ້ມີມືຄືກັບມືຄົນຢູ່ກ້ອງປີກ.+
9 ຂ້ອຍເຫັນກົງລໍ້ 4 ອັນຢູ່ທາງຂ້າງພວກເຄຣູບ. ກົງລໍ້ແຕ່ລະອັນຢູ່ຂ້າງເຄຣູບແຕ່ລະອົງ. ກົງລໍ້ເຫຼົ່ານີ້ເຫຼື້ອມຄືກັບແກ້ວຄຣິດໂຊໄລທ໌.+
10 ທັງສີ່ກົງມີລັກສະນະຄືກັນ ແລະແຕ່ລະອັນມີກົງລໍ້ອີກອັນໜຶ່ງຢູ່ໄຂວ່ກັນ.*
11 ມັນເຄື່ອນທີ່ໄປໄດ້ທັງສີ່ທິດໂດຍທີ່ບໍ່ຕ້ອງປິ່ນໄປທາງນັ້ນ ຍ້ອນມັນໄປໃນທິດທາງດຽວກັບໜ້າຂອງເຄຣູບ.
12 ຢູ່ຕາມຕົນໂຕ ຢູ່ຫຼັງ ຢູ່ມື ແລະຢູ່ປີກຂອງພວກເຄຣູບມີຕາຢູ່ເຕັມ. ແຕ່ລະອົງມີກົງລໍ້ຢູ່ທາງຂ້າງ ແລະກົງລໍ້ແຕ່ລະອັນກໍມີຕາຢູ່ເຕັມຄືກັນ.+
13 ຂ້ອຍໄດ້ຍິນສຽງສັ່ງກົງລໍ້ວ່າ: “ກົງລໍ້ທັງໝົດ ໄປ!”
14 ເຄຣູບແຕ່ລະອົງມີໜ້າ 4 ໜ້າ. ໜ້າທີ 1 ເປັນໜ້າເຄຣູບ ໜ້າທີ 2 ເປັນໜ້າຄົນ ໜ້າທີ 3 ເປັນໜ້າສິງ ແລະໜ້າທີ 4 ເປັນໜ້ານົກອິນຊີ.+
15 ເຄຣູບເຫຼົ່ານີ້ແມ່ນພວກດຽວກັບສິ່ງທີ່ມີຊີວິດທີ່ຂ້ອຍເຄີຍເຫັນຢູ່ແມ່ນ້ຳເກບາ.+ ເມື່ອພວກເຄຣູບບິນຂຶ້ນ
16 ແລະເຄື່ອນທີ່ ກົງລໍ້ກໍລອຍຂຶ້ນໄປນຳເຂົາເຈົ້າ. ເມື່ອພວກເຄຣູບບິນຂຶ້ນໄປ ກົງລໍ້ກໍຢູ່ທາງຂ້າງເຂົາເຈົ້າຕະຫຼອດ.+
17 ເມື່ອເຂົາເຈົ້າຢຸດ ມັນກໍຢຸດ ເມື່ອເຂົາເຈົ້າບິນຂຶ້ນໄປ ມັນກໍລອຍຂຶ້ນໄປ ຍ້ອນພະລັງຂອງພະເຈົ້າທີ່ຢູ່ນຳສິ່ງທີ່ມີຊີວິດກໍຢູ່ນຳກົງລໍ້ຄືກັນ.
18 ແລ້ວແສງລັດສະໝີຂອງພະເຢໂຫວາ+ກໍຍ້າຍຈາກປະຕູທາງເຂົ້າວິຫານມາຢູ່ເທິງພວກເຄຣູບ.+
19 ຂ້ອຍເຫັນເຄຣູບເຫຼົ່ານີ້ຍົກປີກຂຶ້ນແລະບິນໄປ. ກົງລໍ້ກໍລອຍຂຶ້ນໄປນຳເຂົາເຈົ້າ ແລ້ວເຂົາເຈົ້າກໍຢຸດຢູ່ປະຕູທິດຕາເວັນອອກຂອງວິຫານຂອງພະເຢໂຫວາ. ແສງລັດສະໝີຂອງພະເຈົ້າຂອງອິດສະຣາເອນກໍຢູ່ເທິງເຂົາເຈົ້າ.+
20 ເຂົາເຈົ້າແມ່ນສິ່ງທີ່ມີຊີວິດທີ່ຂ້ອຍເຄີຍເຫັນຢູ່ກ້ອງບັນລັງຂອງພະເຈົ້າຂອງອິດສະຣາເອນຢູ່ແມ່ນ້ຳເກບາ+ ຂ້ອຍຈຶ່ງຮູ້ວ່າສິ່ງທີ່ມີຊີວິດທີ່ຂ້ອຍເຫັນຕອນນັ້ນແມ່ນພວກເຄຣູບ.
21 ເຂົາເຈົ້າມີໜ້າ 4 ໜ້າ ມີປີກ 4 ປີກ ແລະມີມືຄືກັບມືຄົນຢູ່ກ້ອງປີກ.+
22 ໜ້າຂອງເຂົາເຈົ້າຄືກັບໜ້າຂອງສິ່ງທີ່ມີຊີວິດທີ່ຂ້ອຍເຄີຍເຫັນຢູ່ແຄມແມ່ນ້ຳເກບາ.+ ເມື່ອເຂົາເຈົ້າໄປທິດທາງໃດ ເຂົາເຈົ້າກໍໄປໄດ້ໂດຍທີ່ບໍ່ຕ້ອງປິ່ນໂຕໄປນຳ.+
ຂໍ
^ ເບິ່ງຄືວ່າເປັນກົງລໍ້ 2 ອັນທີ່ມີຂະໜາດສ່ຳກັນເຊິ່ງຕັດກັນທາງຂວາງໃນມຸມຕັ້ງສາກ
