ເອເຊກຽນ 42:1-20
42 ຈາກນັ້ນ ລາວກໍພາຂ້ອຍໄປເດີ່ນທາງນອກທີ່ຢູ່ທາງທິດເໜືອ.+ ແລ້ວລາວກໍພາຂ້ອຍໄປບ່ອນທີ່ມີຫ້ອງກິນເຂົ້າຢູ່ທາງຂ້າງບ່ອນທີ່ໂລ່ງ+ ເຊິ່ງຢູ່ທາງເໜືອຂອງຕຶກທີ່ຢູ່ທາງຫຼັງຂອງວິຫານ.*+
2 ຕັ້ງແຕ່ບ່ອນທີ່ມີຫ້ອງກິນເຂົ້າຈົນຮອດທາງເຂົ້າທີ່ຢູ່ທາງທິດເໜືອຍາວ 100 ສອກ* ແລະກວ້າງ 50 ສອກ.*
3 ບ່ອນນີ້ຢູ່ລະຫວ່າງເດີ່ນທາງໃນທີ່ກວ້າງ 20 ສອກ*+ກັບທາງຍ່າງຂອງເດີ່ນທາງນອກ. ບ່ອນນີ້ມີຕຶກ 3 ຊັ້ນ 2 ຕຶກ ແລະແຕ່ລະຕຶກມີລະບຽງປິ່ນໜ້າໃສ່ກັນ.
4 ຢູ່ລະຫວ່າງ 2 ຕຶກມີທາງຍ່າງ+ກວ້າງ 10 ສອກ* ແລະຍາວ 100 ສອກ.* ທາງເຂົ້າບ່ອນນີ້ຢູ່ທາງທິດເໜືອ.
5 ຫ້ອງກິນເຂົ້າທີ່ຢູ່ຊັ້ນ 3 ນ້ອຍກວ່າຫ້ອງກິນເຂົ້າທີ່ຢູ່ຊັ້ນ 1 ກັບຊັ້ນ 2 ຍ້ອນວ່າຊັ້ນນີ້ມີລະບຽງກວ້າງ.
6 ບ່ອນນີ້ມີຫ້ອງກິນເຂົ້າກໍ່ລຽນກັນຂຶ້ນ 3 ຊັ້ນ ແຕ່ບໍ່ມີເສົາຄືກັບເສົາທີ່ຢູ່ເດີ່ນວິຫານ. ຍ້ອນແນວນີ້ ພື້ນຂອງຫ້ອງທີ່ຢູ່ຊັ້ນ 3 ຈຶ່ງນ້ອຍກວ່າພື້ນຂອງຫ້ອງທີ່ຢູ່ຊັ້ນ 1 ແລະຊັ້ນ 2.
7 ມີກຳແພງຫີນທີ່ຂັ້ນລະຫວ່າງເດີ່ນທາງນອກກັບບ່ອນທີ່ມີຫ້ອງກິນເຂົ້າ. ກຳແພງຫີນນີ້ຍາວ 50 ສອກ* ແລະຢູ່ກົງກັນຂ້າມກັບຫ້ອງກິນເຂົ້າທີ່ຢູ່ອີກຟາກໜຶ່ງ.
8 ຕຶກທີ່ມີຫ້ອງກິນເຂົ້າທີ່ຢູ່ເບື້ອງເດີ່ນທາງນອກ ຍາວ 50 ສອກ* ແຕ່ຕຶກທີ່ຢູ່ເບື້ອງວິຫານຍາວ 100 ສອກ.*
9 ຕຶກທີ່ມີຫ້ອງກິນເຂົ້າມີທາງເຂົ້າຢູ່ທາງທິດຕາເວັນອອກ ແລະສາມາດເຂົ້າໄດ້ຈາກເດີ່ນທາງນອກ.
10 ຢູ່ທາງທິດໃຕ້ກໍມີບ່ອນທີ່ມີຫ້ອງກິນເຂົ້າຄືກັນ. ມີກຳແພງຫີນຢູ່ທາງທິດຕາເວັນອອກຂອງຫ້ອງກິນເຂົ້າເຫຼົ່ານີ້. ບ່ອນນີ້ຢູ່ໃກ້ບ່ອນທີ່ໂລ່ງກັບຕຶກທີ່ຢູ່ທາງຫຼັງວິຫານ.+
11 ບ່ອນນີ້ມີທາງຍ່າງຄືກັບບ່ອນທີ່ມີຫ້ອງກິນເຂົ້າຢູ່ທິດເໜືອ.+ ຄວາມຍາວ ຄວາມກວ້າງ ທາງເຂົ້າ ແລະຮູບຊົງຂອງບ່ອນນີ້ຄືກັບບ່ອນທີ່ມີຫ້ອງກິນເຂົ້າທີ່ຢູ່ທິດເໜືອ.
12 ທາງເຂົ້າຂອງບ່ອນທີ່ຢູ່ທິດເໜືອຄືກັບທາງເຂົ້າຂອງບ່ອນທີ່ຢູ່ທິດໃຕ້. ບ່ອນທີ່ເປັນຈຸດເລີ່ມຕົ້ນຂອງທາງຍ່າງມີທາງເຂົ້າເຊິ່ງຢູ່ຕິດກັບກຳແພງຫີນທີ່ຢູ່ທາງທິດຕາເວັນອອກ.+
13 ແລ້ວລາວກໍບອກຂ້ອຍວ່າ “ຫ້ອງກິນເຂົ້າທາງທິດເໜືອແລະທິດໃຕ້ທີ່ຢູ່ໃກ້ບ່ອນທີ່ໂລ່ງ+ເປັນຫ້ອງກິນເຂົ້າທີ່ບໍລິສຸດສຳລັບພວກປະໂລຫິດທີ່ເຮັດວຽກຮັບໃຊ້ຢູ່ຕໍ່ໜ້າພະເຢໂຫວາ. ເຂົາເຈົ້າຈະກິນເຄື່ອງບູຊາທີ່ບໍລິສຸດຢູ່ຫັ້ນ.+ ເຂົາເຈົ້າຈະວາງເຄື່ອງບູຊາທີ່ບໍລິສຸດທີ່ສຸດ ເຄື່ອງບູຊາທີ່ເຮັດຈາກເມັດເຂົ້າ ເຄື່ອງບູຊາໄຖ່ບາບ ແລະເຄື່ອງບູຊາໄຖ່ຄວາມຜິດໄວ້ຢູ່ຫັ້ນ ຍ້ອນວ່າບ່ອນນັ້ນບໍລິສຸດ.+
14 ເມື່ອພວກປະໂລຫິດເຂົ້າໄປໃນບ່ອນບໍລິສຸດ ກ່ອນທີ່ຈະອອກໄປເດີ່ນທາງນອກ ເຂົາເຈົ້າຕ້ອງແກ້ເຄື່ອງນຸ່ງທີ່ນຸ່ງຕອນຮັບໃຊ້ພະເຈົ້າອອກກ່ອນ+ ຍ້ອນວ່າເຄື່ອງນຸ່ງເຫຼົ່ານັ້ນບໍລິສຸດ. ເຂົາເຈົ້າຈະໃສ່ເຄື່ອງນຸ່ງໂຕອື່ນແທນເມື່ອເຂົ້າໄປບ່ອນສຳລັບຄົນທົ່ວໄປ.”
15 ເມື່ອລາວແທກວິຫານທັງໝົດແລ້ວໆ ລາວກໍພາຂ້ອຍອອກໄປປະຕູທີ່ຢູ່ທາງທິດຕາເວັນອອກ+ ແລະແທກບໍລິເວນນັ້ນທັງໝົດ.
16 ລາວໃຊ້ໄມ້ແທກແທກທາງທິດຕາເວັນອອກ. ຈາກເບື້ອງໜຶ່ງໄປຫາອີກເບື້ອງໜຶ່ງ ຍາວ 500 ໄມ້ແທກ.*
17 ລາວໃຊ້ໄມ້ແທກແທກທາງທິດເໜືອ. ມັນຍາວ 500 ໄມ້ແທກ.*
18 ລາວໃຊ້ໄມ້ແທກແທກທາງທິດໃຕ້. ມັນຍາວ 500 ໄມ້ແທກ.*
19 ລາວໃຊ້ໄມ້ແທກແທກທາງທິດຕາເວັນຕົກ. ມັນຍາວ 500 ໄມ້ແທກ.*
20 ລາວແທກທຸກດ້ານຂອງວິຫານ. ທັງສີ່ດ້ານມີກຳແພງອ້ອມ.+ ແຕ່ລະດ້ານຍາວ 500 ໄມ້ແທກ.*+ ກຳແພງນີ້ຂັ້ນລະຫວ່າງບ່ອນບໍລິສຸດກັບບ່ອນທົ່ວໄປ.+
ຂໍ
^ ໝາຍເຖິງຕຶກທີ່ຢູ່ທາງທິດຕາເວັນຕົກ
^ 51,8 ແມັດ. ໝາຍເຖິງສອກຍາວ. ເບິ່ງພາກຜະໜວກ ຂ14.
^ 25,9 ແມັດ
^ 10,4 ແມັດ
^ 5,1 ແມັດ
^ 51,8 ແມັດ
^ 25,9 ແມັດ
^ 25,9 ແມັດ
^ 51,8 ແມັດ
^ 1.555 ແມັດ
^ 1.555 ແມັດ
^ 1.555 ແມັດ
^ 1.555 ແມັດ
^ 1.555 ແມັດ
