ເອເຊກຽນ 48:1-35
48 “ຕໍ່ໄປນີ້ແມ່ນສ່ວນແບ່ງ*ຂອງຕະກູນຕ່າງໆເລີ່ມໄລ່ຈາກທາງເໜືອສຸດ. ດິນມູນຂອງຕະກູນດານ+ເລີ່ມຕັ້ງແຕ່ເຮດໂລນຮອດເລໂບຮາມັດ*+ ແລະຈົນຮອດຮາຊາເອນັນໄປຕາມເຂດແດນຂອງດາມາເຊທີ່ຢູ່ທາງທິດເໜືອຕິດກັບຮາມັດ.+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
2 ດິນມູນຂອງຕະກູນອາເຊ+ຕິດກັບຕະກູນດານ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
3 ດິນມູນຂອງຕະກູນນັບທາລີ+ຕິດກັບຕະກູນອາເຊ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
4 ດິນມູນຂອງຕະກູນມານາເຊ+ຕິດກັບຕະກູນນັບທາລີ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
5 ດິນມູນຂອງຕະກູນເອຟຣາຢິມຕິດກັບຕະກູນມານາເຊ+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
6 ດິນມູນຂອງຕະກູນຣູເບັນຕິດກັບຕະກູນເອຟຣາຢິມ+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
7 ດິນມູນຂອງຕະກູນຢູດາຕິດກັບຕະກູນຣູເບັນ+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
8 ດິນທີ່ພວກເຈົ້າເອົາໃຫ້ພະເຈົ້າຈະຕິດກັບດິນຂອງຕະກູນຢູດາ ຕັ້ງແຕ່ສຸດເຂດທາງທິດຕາເວັນອອກຈົນຮອດເຂດແດນທາງທິດຕາເວັນຕົກ ດິນນັ້ນຕ້ອງກວ້າງ 25.000* ສອກ+ ແລະຍາວສ່ຳກັບດິນຂອງຕະກູນທີ່ຢູ່ຕິດກັນ ຕັ້ງແຕ່ສຸດເຂດທາງທິດຕາເວັນອອກຈົນຮອດເຂດແດນທາງທິດຕາເວັນຕົກ. ວິຫານຈະຢູ່ທາງກາງດິນຕອນນັ້ນ.
9 ດິນທີ່ພວກເຈົ້າຈະເອົາໃຫ້ພະເຢໂຫວາຈະຕ້ອງຍາວ 25.000 ສອກ* ແລະກວ້າງ 10.000 ສອກ.*
10 ດິນຕອນນີ້ຈະເປັນສ່ວນແບ່ງທີ່ບໍລິສຸດສຳລັບພວກປະໂລຫິດ.+ ດິນຕອນນີ້ທາງທິດເໜືອຍາວ 25.000 ສອກ* ທິດຕາເວັນຕົກຍາວ 10.000 ສອກ* ທິດຕາເວັນອອກຍາວ 10.000 ສອກ ແລະທິດໃຕ້ຍາວ 25.000 ສອກ. ວິຫານຂອງພະເຢໂຫວາຈະຢູ່ທາງກາງດິນຕອນນີ້.
11 ດິນຕອນນີ້ຈະເປັນຂອງພວກປະໂລຫິດທີ່ເປັນລູກຫຼານຂອງຊາໂດກ+ທີ່ເຮັດໃຫ້ໂຕເອງສະອາດ*ແລ້ວ. ເຂົາເຈົ້າໄດ້ເຮັດວຽກມອບໝາຍທີ່ເຮົາໃຫ້ເຂົາເຈົ້າເຮັດ ແລະເຂົາເຈົ້າບໍ່ໄດ້ປະຖິ້ມເຮົາຕອນທີ່ພວກອິດສະຣາເອນກັບພວກເລວີປະຖິ້ມເຮົາ.+
12 ເຂົາເຈົ້າຈະໄດ້ສ່ວນແບ່ງຈາກດິນທີ່ແຍກໄວ້ຕ່າງຫາກເພື່ອໃຊ້ສຳລັບສິ່ງທີ່ບໍລິສຸດທີ່ສຸດ. ດິນຕອນນີ້ຕິດກັບດິນຂອງພວກເລວີ.
13 ດິນຂອງພວກເລວີຈະຕິດກັບດິນຂອງພວກປະໂລຫິດ. ດິນນີ້ຍາວ 25.000 ສອກ* ແລະກວ້າງ 10.000 ສອກ.* (ດິນທັງໝົດຕ້ອງຍາວ 25.000 ສອກ ແລະກວ້າງ 10.000 ສອກ.)
14 ເຂົາເຈົ້າຕ້ອງບໍ່ຂາຍ ບໍ່ແລກປ່ຽນ ຫຼືໂອນດິນທີ່ດີທີ່ສຸດນີ້ໃຫ້ຄົນອື່ນ ຍ້ອນວ່າມັນເປັນສິ່ງທີ່ບໍລິສຸດສຳລັບພະເຢໂຫວາ.
15 ດິນສ່ວນທີ່ເຫຼືອທີ່ກວ້າງ 5.000 ສອກ* ແລະຍາວ 25.000 ສອກ* ມັນຈະເປັນດິນສ່ວນລວມຂອງເມືອງ+ສຳລັບປຸກເຮືອນແລະເປັນທົ່ງຫຍ້າສຳລັບລ້ຽງສັດ. ເມືອງຈະຢູ່ທາງກາງດິນຕອນນີ້.+
16 ຂະໜາດຂອງເມືອງທາງທິດເໜືອຍາວ 4.500 ສອກ* ທິດໃຕ້ຍາວ 4.500 ສອກ ທິດຕາເວັນອອກຍາວ 4.500 ສອກ ແລະທິດຕາເວັນຕົກຍາວ 4.500 ສອກ.
17 ທົ່ງຫຍ້າທີ່ຢູ່ອ້ອມເມືອງ ທິດເໜືອຍາວ 250 ສອກ* ທິດໃຕ້ຍາວ 250 ສອກ ທິດຕາເວັນອອກຍາວ 250 ສອກ ແລະທິດຕາເວັນຕົກຍາວ 250 ສອກ.
18 ດິນສ່ວນທີ່ເຫຼືອຈະຍາວສ່ຳກັບດິນບໍລິສຸດ.+ ທິດຕາເວັນອອກຍາວ 10.000 ສອກ* ແລະທິດຕາເວັນຕົກຍາວ 10.000 ສອກ. ດິນຕອນນີ້ມີຂະໜາດສ່ຳກັບດິນບໍລິສຸດ ແລະຜົນລະປູກຈາກດິນຕອນນີ້ຈະເປັນຂອງກິນສຳລັບຄົນທີ່ເຮັດວຽກຢູ່ໃນເມືອງ.
19 ຄົນທີ່ເຮັດວຽກຢູ່ໃນເມືອງທີ່ມາຈາກທຸກຕະກູນຂອງອິດສະຣາເອນຈະເຮັດໄຮ່ເຮັດສວນຢູ່ນີ້.+
20 ດິນທັງໝົດທີ່ເອົາໃຫ້ພະເຈົ້າເປັນຮູບສີ່ລ່ຽມ. ແຕ່ລະຂ້າງຍາວ 25.000 ສອກ*ເທົ່າກັນ. ພວກເຈົ້າຕ້ອງແຍກດິນສ່ວນນີ້ກັບດິນຂອງເມືອງໄວ້ຕ່າງຫາກເພື່ອເປັນດິນບໍລິສຸດ.
21 ດິນທີ່ເຫຼືອທີ່ຢູ່ທາງທິດຕາເວັນອອກແລະທິດຕາເວັນຕົກຂອງສ່ວນແບ່ງທີ່ບໍລິສຸດກັບດິນຂອງເມືອງຈະເປັນຂອງຫົວໜ້າ.+ ເຂດແດນທີ່ຕິດກັບສ່ວນແບ່ງທີ່ບໍລິສຸດຍາວ 25.000 ສອກ.* ເຂດແດນທີ່ຢູ່ທິດເໜືອແລະທິດໃຕ້ຍາວສ່ຳກັບເຂດແດນດິນມູນຂອງຕະກູນທີ່ຢູ່ຕິດກັນ ແລະມັນຈະເປັນຂອງຫົວໜ້າ. ສ່ວນແບ່ງທີ່ບໍລິສຸດກັບວິຫານຈະຢູ່ທາງກາງດິນຕອນນີ້.
22 ດິນຂອງຫົວໜ້າຢູ່ທາງທິດຕາເວັນອອກແລະທິດຕາເວັນຕົກຂອງດິນພວກເລວີກັບດິນຂອງເມືອງ. ທາງເໜືອຕິດກັບດິນຂອງຕະກູນຢູດາ+ ແລະທາງໃຕ້ຕິດກັບດິນຂອງຕະກູນເບັນຢາມິນ.
23 ດິນມູນຂອງຕະກູນອື່ນໆເປັນຕາມນີ້. ດິນມູນຂອງຕະກູນເບັນຢາມິນເລີ່ມຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.+
24 ດິນມູນຂອງຕະກູນຊີເມໂອນຕິດກັບຕະກູນເບັນຢາມິນ+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
25 ດິນມູນຂອງຕະກູນອິດຊາຄາ+ຕິດກັບຕະກູນຊີເມໂອນ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
26 ດິນມູນຂອງຕະກູນເຊບູລູນຕິດກັບຕະກູນອິດຊາຄາ+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.+
27 ດິນມູນຂອງຕະກູນຄາດຕິດກັບຕະກູນເຊບູລູນ+ ຕັ້ງແຕ່ສຸດເຂດທາງທິດຕາເວັນອອກຈົນຮອດສຸດເຂດທາງທິດຕາເວັນຕົກ.
28 ເຂດແດນທາງໃຕ້ຂອງດິນມູນຂອງຕະກູນຄາດ ເລີ່ມຕັ້ງແຕ່ຕາມາ+ຮອດນ້ຳເມຣີບາກາເດັດ+ ຮອດຮ່ອມພູ*ຂອງເອຢິບ+ ແລະຈົນຮອດທະເລໃຫຍ່.
29 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າວ່າ: “ນີ້ແມ່ນດິນທີ່ພວກເຈົ້າຕ້ອງແບ່ງໃຫ້ທຸກຕະກູນຂອງອິດສະຣາເອນ+ ແລະມັນຈະເປັນດິນມູນຂອງເຂົາເຈົ້າ.”+
30 ຕໍ່ໄປນີ້ແມ່ນທາງເຂົ້າທາງອອກຂອງເມືອງ. ທາງທິດເໜືອຈະຍາວ 4.500 ສອກ.*+
31 ປະຕູເມືອງຈະມີຊື່ຕາມຊື່ຂອງຕະກູນຕ່າງໆຂອງອິດສະຣາເອນ. ທາງທິດເໜືອມີ 3 ປະຕູຄື: ປະຕູຣູເບັນ ປະຕູຢູດາ ແລະປະຕູເລວີ.
32 ທາງທິດຕາເວັນອອກຈະຍາວ 4.500 ສອກ* ແລະມີ 3 ປະຕູຄື: ປະຕູໂຢເຊັບ ປະຕູເບັນຢາມິນ ແລະປະຕູດານ.
33 ທາງທິດໃຕ້ຈະຍາວ 4.500 ສອກ* ແລະມີ 3 ປະຕູຄື: ປະຕູຊີເມໂອນ ປະຕູອິດຊາຄາ ແລະປະຕູເຊບູລູນ.
34 ທາງທິດຕາເວັນຕົກຈະຍາວ 4.500 ສອກ* ແລະມີ 3 ປະຕູຄື: ປະຕູຄາດ ປະຕູອາເຊ ແລະປະຕູນັບທາລີ.
35 ອ້ອມເມືອງຈະຍາວ 18.000 ສອກ* ແລະນັບຕັ້ງແຕ່ມື້ນັ້ນເມືອງນີ້ຈະຊື່ວ່າ ພະເຢໂຫວາຢູ່ຫັ້ນ.”+
ຂໍ
^ ຫຼື “ເຂດແດນຮາມັດ”
^ ແປຕາມໂຕວ່າ “ຊື່”
^ 12.950 ແມັດ. ໝາຍເຖິງສອກຍາວ. ເບິ່ງພາກຜະໜວກ ຂ14.
^ 12.950 ແມັດ
^ 5.180 ແມັດ
^ 5.180 ແມັດ
^ 12.950 ແມັດ
^ ໝາຍເຖິງເຮັດໃຫ້ພະເຈົ້າຍອມຮັບ ແລະບໍ່ໄດ້ໝາຍເຖິງສະອາດໂດຍການອາບນ້ຳ
^ 12.950 ແມັດ
^ 5.180 ແມັດ
^ 2.590 ແມັດ
^ 12.950 ແມັດ
^ 2.331 ແມັດ
^ 129,5 ແມັດ
^ 5.180 ແມັດ
^ 12.950 ແມັດ
^ 12.950 ແມັດ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ 2.331 ແມັດ
^ 2.331 ແມັດ
^ 2.331 ແມັດ
^ 2.331 ແມັດ
^ 9.324 ແມັດ
