ໂຢຊວຍ 15:1-63
15 ຈຸ້ມເຈື້ອຕ່າງໆຂອງຕະກູນຢູດາໄດ້ດິນມູນ*+ໄປຈົນຮອດເຂດແດນຂອງພວກເອໂດມ+ ບ່ອນກັນດານຊິນ ແລະທາງໃຕ້ສຸດຂອງເນເກັບ.
2 ເຂດແດນທາງທິດໃຕ້ຂອງເຂົາເຈົ້າເລີ່ມຕັ້ງແຕ່ອ່າວທີ່ຢູ່ທາງໃຕ້ສຸດຂອງທະເລເກືອ.*+
3 ຈາກນັ້ນ ເຂດແດນທີ່ຢູ່ທາງທິດໃຕ້ຂອງເຂົາເຈົ້າລົງໄປທາງເສັ້ນທາງຂຶ້ນພູທີ່ຊື່ອັກຣັບບີມ+ ຜ່ານບ່ອນກັນດານຊິນຈົນຮອດກາເດັດບາເນອາ.+ ຈາກບ່ອນນັ້ນກໍຂຶ້ນໄປເມືອງເຮຊະໂຣນ ໄປເມືອງອັດດາ ແລະໂຄ້ງໄປເມືອງກາຣະກາ.
4 ຈາກນັ້ນ ເຂດແດນກໍໄປທາງເມືອງອາຊະໂມນ+ ແລະໄປຈົນຮອດຮ່ອມພູ*ຂອງເອຢິບ+ ແລ້ວໄປສຸດຢູ່ທະເລ.* ນີ້ແມ່ນເຂດແດນທາງທິດໃຕ້ຂອງດິນມູນຂອງຕະກູນຢູດາ.
5 ເຂດແດນທາງທິດຕາເວັນອອກແມ່ນທະເລເກືອຂຶ້ນໄປທາງເໜືອແລະສຸດຢູ່ປາກແມ່ນ້ຳຈໍແດນ.+
6 ສ່ວນເຂດແດນທີ່ຢູ່ທາງທິດເໜືອແມ່ນເລີ່ມຈາກປາກແມ່ນ້ຳຈໍແດນໄປທາງເມືອງເບັດໂຮກລາ+ ຂຶ້ນໄປທາງເໜືອຂອງເມືອງເບັດອາຣາບາ+ ໄປຈົນຮອດຫີນຂອງໂບຫານ*+ທີ່ເປັນລູກຫຼານຂອງຣູເບັນ.
7 ຈາກນັ້ນ ເຂດແດນກໍໄປຮອດເມືອງເດບີທີ່ຢູ່ຮ່ອມພູອາໂຄ+ ແລະຂຶ້ນໄປທາງເມືອງກິນການ+ທີ່ຢູ່ໃກ້ກັບເສັ້ນທາງຂຶ້ນພູອະດູມມີມເຊິ່ງຢູ່ທາງໃຕ້ຂອງຮ່ອມພູ.* ຈາກນັ້ນ ເຂດແດນກໍໄປທາງນ້ຳສ້າງເອັນເຊເມັດ+ຈົນຮອດນ້ຳສ້າງເອັນໂຣເກນ.+
8 ຈາກນັ້ນ ເຂດແດນກໍຂຶ້ນໄປຮອດຮ່ອມພູຮິນໂນມ*+ ແລະໄປທາງເນີນພູທີ່ມີເມືອງເຢຣູຊາເລັມ+ເຊິ່ງເປັນເມືອງຂອງພວກເຢບຸດ.+ ຈາກນັ້ນ ເຂດແດນກໍໄປຮອດຈອມພູໜຶ່ງທີ່ຢູ່ຟາກທິດຕາເວັນຕົກຂອງຮ່ອມພູຮິນໂນມ. ພູນັ້ນຢູ່ທາງທິດເໜືອສຸດຂອງຮ່ອມພູເຣຟາຢິມ.
9 ຈາກຈອມພູນັ້ນ ເຂດແດນກໍໄປທາງນ້ຳອອກບໍ່ເນັບໂຕອາ+ ໄປທາງເມືອງຕ່າງໆຂອງພູເອຟະໂຣນ ຈົນຮອດເມືອງບາອາລາເຊິ່ງມີອີກຊື່ໜຶ່ງວ່າກີຣິອາດເຢອາຣີມ.+
10 ຈາກເມືອງບາອາລາ ເຂດແດນກໍໄປທາງທິດຕາເວັນຕົກຈົນຮອດພູເສອີ ແລະຈົນຮອດເມືອງເກສາໂລນທີ່ຢູ່ເນີນພູເຢອາຣີມ ແລ້ວລົງໄປເມືອງເບັດເຊເມັດ+ຈົນຮອດເມືອງຕິມນາ.+
11 ຈາກນັ້ນ ເຂດແດນກໍໄປທາງເນີນພູທີ່ຢູ່ທາງທິດເໜືອຂອງເມືອງເອັກໂຣນ+ ແລ້ວໄປທາງເມືອງຊິກເກໂຣນ ຂ້າມພູບາອາລາໄປຈົນຮອດຢັບເນເອນ ແລ້ວກໍໄປສຸດຢູ່ທະເລ.
12 ເຂດແດນທາງທິດຕາເວັນຕົກຂອງດິນມູນຂອງເຂົາເຈົ້າແມ່ນແຄມທະເລໃຫຍ່.*+ ທັງໝົດນີ້ແມ່ນເຂດແດນຂອງດິນມູນທີ່ລູກຫຼານຂອງຢູດາໄດ້ຕາມຈຸ້ມເຈື້ອຂອງເຂົາເຈົ້າ.
13 ສຳລັບກາເລັບ+ລູກຊາຍຂອງເຢຟຸນເນ ໂຢຊວຍໄດ້ເອົາເມືອງກີຣິອາດອາຣະບາ (ອາຣະບາເປັນພໍ່ຂອງອານາກ.) ທີ່ມີອີກຊື່ໜຶ່ງວ່າເຮັບໂຣນ+ໃຫ້ລາວ ເຊິ່ງເປັນສ່ວນແບ່ງຈາກດິນມູນຂອງລູກຫຼານຢູດາຕາມທີ່ພະເຢໂຫວາໄດ້ສັ່ງໄວ້.
14 ແລ້ວກາເລັບກໍໄດ້ຂັບໄລ່ລູກຊາຍຂອງອານາກ+ທັງສາມຄົນທີ່ຊື່ເຊຊາຍ ອາຮີມານ ແລະຕານມາຍ*+ອອກຈາກເມືອງນັ້ນ.
15 ຈາກນັ້ນ ລາວກໍຂຶ້ນໄປຕໍ່ສູ້ກັບຄົນໃນເມືອງເດບີ.+ (ແຕ່ກີ້ເມືອງເດບີມີຊື່ວ່າກີຣິອາດເສເຟ.)
16 ກາເລັບເວົ້າວ່າ: “ຜູ້ໃດທີ່ຍຶດເມືອງກີຣິອາດເສເຟໄດ້ ຂ້ອຍຊິຍົກອັກສາລູກສາວຂອງຂ້ອຍໃຫ້ຜູ້ນັ້ນ.”
17 ແລ້ວໂອດນີເອນ+ລູກຊາຍຂອງເກນັດ+ທີ່ເປັນນ້ອງຊາຍຂອງກາເລັບກໍຍຶດເມືອງນັ້ນໄດ້. ກາເລັບຈຶ່ງຍົກອັກສາ+ລູກສາວຂອງໂຕເອງໃຫ້ເປັນເມຍຂອງໂອດນີເອນ.
18 ຕອນທີ່ອັກສາຊິເມືອເຮືອນນຳຜົວ ລາວພະຍາຍາມໃຫ້ຜົວຂໍດິນກັບພໍ່ຂອງລາວ ລາວຈຶ່ງລົງຈາກຫຼັງລາໄປຫາພໍ່ເອງ.* ກາເລັບຖາມລາວວ່າ: “ລູກຢາກໄດ້ຫຍັງ?”+
19 ລາວຕອບວ່າ: “ຂໍພໍ່ອວຍພອນແລະເອົາຂອງຂວັນໃຫ້ລູກແດ່. ດິນທີ່ພໍ່ຍົກໃຫ້ລູກຢູ່ທາງທິດໃຕ້*ຫັ້ນມັນແຫ້ງແລ້ງ. ຂໍພໍ່ຍົກກຸນໂລມາອິມ*ໃຫ້ລູກນຳ.” ກາເລັບຈຶ່ງຍົກກຸນໂລເທິງກັບກຸນໂລລຸ່ມໃຫ້ລາວ.
20 ຕໍ່ໄປນີ້ແມ່ນດິນມູນຂອງຕະກູນຢູດາຕາມຈຸ້ມເຈື້ອຂອງເຂົາເຈົ້າ.
21 ເມືອງຕ່າງໆຂອງຕະກູນຢູດາທີ່ຢູ່ທາງໃຕ້ສຸດໃກ້ໆເຂດແດນຂອງເອໂດມ+ມີຄື: ເມືອງກັບເຊເອນ ເມືອງເອເດ ເມືອງຢາກູເຣ
22 ເມືອງກີນາ ເມືອງດີໂມນາ ເມືອງອັກດາດາ
23 ເມືອງເກເດັດ ເມືອງຮາໂສ ເມືອງອິດນັນ
24 ເມືອງຊິເຟ ເມືອງເຕເລັມ ເມືອງເບອາໂລດ
25 ເມືອງຮາໂສຮາດັດຕາ ເມືອງເກຣີໂຢດເຮດຊະໂຣນເຊິ່ງມີອີກຊື່ໜຶ່ງວ່າຮາໂສ
26 ເມືອງອາມາມ ເມືອງເຊມາ ເມືອງໂມລາດາ+
27 ເມືອງຮາຊາກັດດາ ເມືອງເຮຊະໂມນ ເມືອງເບັດເປເລັດ+
28 ເມືອງຮາຊາຊູອານ ເມືອງເບເອເຊບາ+ ເມືອງບີຊີໂອທີອາ
29 ເມືອງບາອາລາ ເມືອງອີອີມ ເມືອງອີຢິມ
30 ເມືອງເອນໂຕລັດ ເມືອງເກຊິນ ເມືອງໂຮມາ+
31 ເມືອງຊິກລັກ+ ເມືອງມາດມານນາ ເມືອງສັນສັນນາ
32 ເມືອງເລບາໂອດ ເມືອງຊິນຮີມ ເມືອງອາອິນ ແລະເມືອງຣິມໂມນ.+ ລວມທັງໝົດມີ 29 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
33 ເມືອງທີ່ຢູ່ເຂດເຊເຟລາ+ມີຄື: ເມືອງເອຊະຕາໂອນ ເມືອງໂຊຣາ+ ເມືອງອາຊະນາ
34 ເມືອງຊາໂນອາ ເມືອງເອັນກັນນີມ ເມືອງຕັບປົວ ເມືອງເອນາມ
35 ເມືອງຢາຣະມຸດ ເມືອງອະດຸລາມ+ ເມືອງໂສໂກ ເມືອງອາເຊກາ+
36 ເມືອງຊະອາຣາຢິມ+ ເມືອງອາດີທາຢິມ ແລະເມືອງເກເດຣາກັບເກເດໂຣທາຢິມ.* ລວມທັງໝົດມີ 14 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
37 ເມືອງເຊນານ ເມືອງຮາດາຊາ ເມືອງມິກດັນກາດ
38 ເມືອງດິເລອານ ເມືອງມິດຊະປາ ເມືອງໂຢກເທເອນ
39 ເມືອງລາກິດ+ ເມືອງໂບຊະກາດ ເມືອງເອັກໂລນ
40 ເມືອງກັບໂບນ ເມືອງລາມາມ ເມືອງກິດລິດ
41 ເມືອງເກເດໂຣດ ເມືອງເບັດດາໂກນ ເມືອງນາອາມາ ແລະເມືອງມັກເກດາ.+ ລວມທັງໝົດມີ 16 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
42 ເມືອງລິບນາ+ ເມືອງເອເທ ເມືອງອາຊານ+
43 ເມືອງອິບຕາ ເມືອງອາຊະນາ ເມືອງເນດຊິບ
44 ເມືອງເກອີລາ ເມືອງອັກຊິບ ແລະເມືອງມາເຣຊາ. ລວມທັງໝົດມີ 9 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
45 ເມືອງເອັກໂຣນ ແລະເມືອງນ້ອຍໆກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ
46 ຈາກເມືອງເອັກໂຣນໄປທາງທິດຕາເວັນຕົກ ເມືອງຕ່າງໆທີ່ຢູ່ໃກ້ໆເມືອງອາຊະໂດດກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
47 ເມືອງອາຊະໂດດ+ ແລະເມືອງນ້ອຍໆກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ ເມືອງຄາຊາ+ ແລະເມືອງນ້ອຍໆກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ ລົງໄປຈົນຮອດລຳນ້ຳຂອງເອຢິບກັບແຄມທະເລໃຫຍ່.+
48 ເມືອງທີ່ຢູ່ເຂດພູມີຄື: ເມືອງຊາມີ ເມືອງຢັດຕີ+ ເມືອງໂສໂກ
49 ເມືອງດານນາ ເມືອງກີຣິອາດສັນນາທີ່ມີອີກຊື່ໜຶ່ງວ່າເດບີ
50 ເມືອງອານາບ ເມືອງເອດເທໂມ+ ເມືອງອານີມ
51 ເມືອງໂກເຊັນ+ ເມືອງໂຮໂລນ ແລະເມືອງກິໂລ.+ ລວມທັງໝົດມີ 11 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
52 ເມືອງອາຣັບ ເມືອງດູມາ ເມືອງເອຊານ
53 ເມືອງຢານີມ ເມືອງເບັດຕັບປົວ ເມືອງອະເຟກາ
54 ເມືອງຮຸມຕາ ເມືອງກີຣິອາດອາຣະບາທີ່ມີອີກຊື່ໜຶ່ງວ່າເຮັບໂຣນ+ ແລະເມືອງຊີໂອ. ລວມທັງໝົດມີ 9 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
55 ເມືອງມາໂອນ+ ເມືອງກາເມນ ເມືອງຊິເຟ+ ເມືອງຢູຕາ
56 ເມືອງເຢດຊະເຣເອນ ເມືອງໂຢກເດອາມ ເມືອງຊາໂນອາ
57 ເມືອງກາອີນ ເມືອງກີເບອາ ແລະເມືອງຕິມນາ.+ ລວມທັງໝົດມີ 10 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
58 ເມືອງຮັນຮູນ ເມືອງເບັດຊູຣາ ເມືອງເກໂດເຣ
59 ເມືອງມາອາຣາດ ເມືອງເບັດອາໂນດ ແລະເມືອງເອນເຕໂກນ. ລວມທັງໝົດມີ 6 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
60 ເມືອງກີຣິອາດບາອານທີ່ມີອີກຊື່ໜຶ່ງວ່າກີຣິອາດເຢອາຣີມ+ ແລະເມືອງຣັບບາ. ລວມທັງໝົດມີ 2 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
61 ເມືອງທີ່ຢູ່ບ່ອນກັນດານມີຄື: ເມືອງເບັດອາຣາບາ+ ເມືອງມິດດິນ ເມືອງເສກາກາ
62 ເມືອງນິບຊານ ເມືອງອີເຣຫາມເມລາກ* ແລະເມືອງເອັນເກດີ.+ ລວມທັງໝົດມີ 6 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
63 ສຳລັບພວກເຢບຸດ+ທີ່ຢູ່ເມືອງເຢຣູຊາເລັມ+ນັ້ນ ຄົນໃນຕະກູນຢູດາຂັບໄລ່ພວກເຂົາອອກໄປບໍ່ໄດ້.+ ພວກເຢບຸດຈຶ່ງຢູ່ໃນເມືອງເຢຣູຊາເລັມກັບຄົນໃນຕະກູນຢູດາຈົນຮອດທຸກມື້ນີ້.
ຂໍ ຄວາມ ໄຂ ເງື່ອນ
^ ຫຼື “ໄດ້ດິນມູນໂດຍການຈົກສະຫຼາກ”
^ ໝາຍເຖິງທະເລຕາຍ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ໝາຍເຖິງທະເລໃຫຍ່ ຫຼືທະເລເມດີແຕຣາເນ
^ ໝາຍເຖິງຫີນທີ່ເປັນຫຼັກແດນ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ແປຕາມໂຕວ່າ “ຮ່ອມພູຂອງລູກຊາຍຮິນໂນມ.” ເບິ່ງຄຳວ່າ “ເກເຮັນນາ” ໃນສ່ວນອະທິບາຍຄຳສັບ.
^ ໝາຍເຖິງທະເລເມດີແຕຣາເນ
^ ອາດໝາຍເຖິງລູກຫຼານຂອງເຂົາເຈົ້າ
^ ຫຼືອາດແປວ່າ “ຕົບມືເອີ້ນຕອນຢູ່ຫຼັງລາ”
^ ຫຼື “ເນເກັບ”
^ ແປວ່າ “ອ່າງນ້ຳ”
^ ຫຼືອາດແປວ່າ “ເມືອງເກເດຣາກັບຄອກແກະຂອງເມືອງນັ້ນ”
^ ຫຼື “ເມືອງແຫ່ງເກືອ”