ໂຢຊວຍ 19:1-51
19 ສະຫຼາກທີ 2+ ຕົກເປັນຂອງຕະກູນຊີເມໂອນ+ຕາມຈຸ້ມເຈື້ອຂອງເຂົາເຈົ້າ. ດິນມູນທີ່ເຂົາເຈົ້າໄດ້ຮັບແມ່ນຢູ່ໃນເຂດຂອງດິນມູນຕະກູນຢູດາ.+
2 ດິນມູນຂອງເຂົາເຈົ້າມີດັ່ງຕໍ່ໄປນີ້: ເຂດເບເອເຊບາ+ກັບເມືອງເຊບາ ເມືອງໂມລາດາ+
3 ເມືອງຮາຊາຊູອານ+ ເມືອງບາລາ ເມືອງອີຢິມ+
4 ເມືອງເອນໂຕລັດ+ ເມືອງເບັດອູນ ເມືອງໂຮມາ
5 ເມືອງຊິກລັກ+ ເມືອງເບັດມັກກາໂບດ ເມືອງຮາຊາສູສາ
6 ເມືອງເບັດເລບາໂອດ+ ແລະເມືອງຊາຣູເຮັນ. ລວມທັງໝົດມີ 13 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
7 ນອກຈາກນັ້ນຍັງມີອີກ 4 ເມືອງຄື: ເມືອງອາອິນ ເມືອງຣິມໂມນ ເມືອງເອເທ ແລະເມືອງອາຊານ+ພ້ອມກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
8 ເຂົາເຈົ້າໄດ້ບ້ານຕ່າງໆທີ່ຢູ່ອ້ອມແອ້ມເມືອງທັງໝົດນີ້ໄປຈົນຮອດເມືອງບາອາລາດເບເອເຊິ່ງມີອີກຊື່ໜຶ່ງວ່າຣາມາທີ່ຢູ່ທາງໃຕ້. ທັງໝົດນີ້ແມ່ນດິນມູນທີ່ຕະກູນຊີເມໂອນໄດ້ຕາມຈຸ້ມເຈື້ອຂອງເຂົາເຈົ້າ.
9 ດິນມູນຂອງລູກຫຼານຊີເມໂອນແມ່ນໄດ້ຈາກສ່ວນແບ່ງດິນມູນຂອງຕະກູນຢູດາ ຍ້ອນຕະກູນຢູດາມີດິນຫຼາຍເກີນຈຳນວນຄົນຂອງເຂົາເຈົ້າ. ເຂົາເຈົ້າກໍເລີຍໃຫ້ລູກຫຼານຊີເມໂອນມາຢູ່ໃນເຂດຂອງເຂົາເຈົ້າ.+
10 ສະຫຼາກທີ 3+ ຕົກເປັນຂອງຕະກູນເຊບູລູນ+ຕາມຈຸ້ມເຈື້ອຂອງເຂົາເຈົ້າ. ດິນມູນຂອງເຂົາເຈົ້າມີເຂດແດນດັ່ງຕໍ່ໄປນີ້: ເລີ່ມຈາກເມືອງສາຣິດ
11 ໄປທາງທິດຕາເວັນຕົກຮອດມາເຣອານ ຕໍ່ໄປອີກຈົນຮອດດັບເບເຊັດ ໄປຈົນຮອດຮ່ອມພູ*ທີ່ຢູ່ໜ້າເມືອງໂຢກເນອາມ.
12 ຈາກເມືອງສາຣິດໄປທາງທິດຕາເວັນອອກ ເຂດແດນຈະໄປຮອດເມືອງກິສະໂລດຕາໂບເລ ໄປຈົນຮອດເມືອງດາເບຣາດ+ ແລະຂຶ້ນໄປຮອດເມືອງຢາເຟຍ.
13 ຈາກບ່ອນນັ້ນ ເຂດແດນຈະໄປທາງທິດຕາເວັນອອກ ໄປຈົນຮອດເມືອງກັດເຮເຟ+ ໄປທາງເມືອງເອັດກະຊິນຮອດເມືອງຣິມໂມນ ແລະຕໍ່ໄປຈົນຮອດເມືອງເນອາ.
14 ເຂດແດນທາງທິດເໜືອຈະໂຄ້ງໄປທາງເມືອງຮັນນາໂທນ ໄປສຸດຢູ່ຮ່ອມພູອິບຕາເອນ.
15 ນອກຈາກນີ້ຍັງມີເມືອງກັດຕາດ ເມືອງນາຮາລານ ເມືອງຊິມໂຣນ+ ເມືອງອິດາລາ ແລະເມືອງເບັດເລເຮັມ.+ ລວມທັງໝົດມີ 12 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
16 ທັງໝົດນີ້ແມ່ນດິນມູນ ແລະເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນທີ່ລູກຫຼານເຊບູລູນໄດ້ຕາມຈຸ້ມເຈື້ອຂອງເຂົາເຈົ້າ.+
17 ສະຫຼາກທີ 4+ ຕົກເປັນຂອງຕະກູນອິດຊາຄາ+ຕາມຈຸ້ມເຈື້ອຂອງເຂົາເຈົ້າ.
18 ເຂດແດນຂອງເຂົາເຈົ້າຢູ່ຕາມເມືອງຕ່າງໆດັ່ງຕໍ່ໄປນີ້: ເມືອງເຢດຊະເຣເອນ+ ເມືອງເກສຸນໂລດ ເມືອງຊູເນມ+
19 ເມືອງຮາຟາຣາຢິມ ເມືອງຊີໂອນ ເມືອງອານາຮາຣາ
20 ເມືອງຣັບບີດ ເມືອງກີຊີໂອນ ເມືອງເອເບດເຊ
21 ເມືອງເຣເມັດ ເມືອງເອັນກັນນີມ+ ເມືອງເອັນຮັດດາ ແລະເມືອງເບັດປັດເຊັດ.
22 ເຂດແດນຂອງເຂົາເຈົ້າໄປຮອດຕາໂບ+ ແລະຕໍ່ໄປຈົນຮອດເມືອງຊາຮາຊູມາກັບເມືອງເບັດເຊເມັດ ແລະໄປສຸດຢູ່ແມ່ນ້ຳຈໍແດນ. ລວມທັງໝົດມີ 16 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
23 ທັງໝົດນີ້ແມ່ນດິນມູນ ແລະເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນທີ່ຕະກູນອິດຊາຄາໄດ້ຕາມຈຸ້ມເຈື້ອຂອງເຂົາເຈົ້າ.+
24 ສະຫຼາກທີ 5+ ຕົກເປັນຂອງຕະກູນອາເຊ+ຕາມຈຸ້ມເຈື້ອຂອງເຂົາເຈົ້າ.
25 ເຂດແດນຂອງເຂົາເຈົ້າຢູ່ຕາມເມືອງຕ່າງໆດັ່ງຕໍ່ໄປນີ້: ເມືອງເຮັນກາດ+ ເມືອງຮາລີ ເມືອງເບເຕັນ ເມືອງອັກຊາບ
26 ເມືອງອັນລຳເມເລັກ ເມືອງອາມາດ ແລະເມືອງມີຊານ. ເຂດແດນຂອງເຂົາເຈົ້າໄປຮອດພູກາເມນ+ ແລະຕໍ່ໄປຈົນຮອດແມ່ນ້ຳຊີໂຮລີບນາດ
27 ແລ້ວກັບໄປທາງທິດຕາເວັນອອກຮອດເມືອງເບັດດາໂກນ ໄປຕໍ່ຈົນຮອດເຂດແດນຂອງເຊບູລູນ ແລະໄປຈົນຮອດທາງເໜືອຂອງພູອິບຕາເອນ ໄປຈົນຮອດເມືອງເບັດເອເມັກກັບເມືອງເນອີເອນ ແລະໄປຈົນຮອດເບື້ອງຊ້າຍຂອງເມືອງກາບູນ
28 ໄປຮອດເມືອງເອັບໂຣນ ເມືອງເຣໂຮບ ເມືອງຮຳໂມນ ແລະເມືອງການາຈົນຮອດເມືອງຊີໂດນໃຫຍ່.+
29 ຈາກນັ້ນ ເຂດແດນໂຄ້ງກັບໄປທາງເມືອງຣາມາຈົນຮອດເມືອງຕີເຣ+ເຊິ່ງເປັນເມືອງທີ່ມີປ້ອມທີ່ແຂງແຮງ. ເຂດແດນລົງໄປຮອດເມືອງໂຮສາ ແລະໄປສຸດຢູ່ທະເລໃນເຂດຂອງເມືອງອັກຊິບ.
30 ເມືອງອູມມາ ເມືອງອາເຟັກ+ ແລະເມືອງເຣໂຮບ.+ ລວມທັງໝົດມີ 22 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
31 ທັງໝົດນີ້ແມ່ນດິນມູນ ແລະເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນທີ່ຕະກູນອາເຊໄດ້ຕາມຈຸ້ມເຈື້ອຂອງເຂົາເຈົ້າ.+
32 ສະຫຼາກທີ 6+ ຕົກເປັນຂອງຕະກູນນັບທາລີຕາມຈຸ້ມເຈື້ອຂອງເຂົາເຈົ້າ.
33 ເຂດແດນຂອງເຂົາເຈົ້າເລີ່ມຈາກເຫເລບແລະຕົ້ນໄມ້ໃຫຍ່ຢູ່ຊາອັນອັນນີມ+ ໄປຮອດອະດາມີເນເກັບແລະຢັບເນເອນ ຕໍ່ໄປຈົນຮອດລັກກຸມ ແລ້ວໄປສຸດຢູ່ແມ່ນ້ຳຈໍແດນ.
34 ເຂດແດນທາງທິດຕາເວັນຕົກເລີ່ມຈາກເມືອງອັດຊະໂນດຕາໂບໄປຈົນຮອດເມືອງຮູກໂກກ. ເຂດແດນທາງທິດໃຕ້ຕິດກັບເຂດຂອງເຊບູລູນ. ເຂດແດນທາງທິດຕາເວັນຕົກຕິດກັບເຂດຂອງອາເຊ ແລະເຂດແດນທາງທິດຕາເວັນອອກຕິດກັບເຂດຂອງຢູດາ*ຢູ່ແມ່ນ້ຳຈໍແດນ.
35 ເຂົາເຈົ້າໄດ້ເມືອງທີ່ມີປ້ອມທີ່ແຂງແຮງດັ່ງຕໍ່ໄປນີ້: ເມືອງຊິດດີມ ເມືອງເຊເຣ ເມືອງຮຳມາດ+ ເມືອງຣັກກັດ ເມືອງກິນເນເຣດ
36 ເມືອງອະດາມາ ເມືອງຣາມາ ເມືອງຮາໂສ+
37 ເມືອງເກເດັດ+ ເມືອງເອັດເຣອີ ເມືອງເອັນຮາໂຊ
38 ເມືອງຢີໂຣນ ເມືອງມິກດັນເອນ ເມືອງໂຮເຣມ ເມືອງເບັດອານາດ ແລະເມືອງເບັດເຊເມັດ.+ ລວມທັງໝົດມີ 19 ເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນ.
39 ທັງໝົດນີ້ແມ່ນດິນມູນ ແລະເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນທີ່ຕະກູນນັບທາລີໄດ້ຕາມຈຸ້ມເຈື້ອຂອງເຂົາເຈົ້າ.+
40 ສະຫຼາກທີ 7+ ຕົກເປັນຂອງຕະກູນດານ+ຕາມຈຸ້ມເຈື້ອຂອງເຂົາເຈົ້າ.
41 ເຂດແດນຂອງເຂົາເຈົ້າຢູ່ຕາມເມືອງຕ່າງໆດັ່ງຕໍ່ໄປນີ້: ເມືອງໂຊຣາ+ ເມືອງເອຊະຕາໂອນ ເມືອງອີຣະເຊເມັດ
42 ເມືອງຊະອາລັບບິນ+ ເມືອງອາຢາໂລນ+ ເມືອງອີທະລາ
43 ເມືອງເອໂລນ ເມືອງຕິມນາ+ ເມືອງເອັກໂຣນ+
44 ເມືອງເອນເຕເກ ເມືອງກິດເບໂທນ+ ເມືອງບາອາລາດ
45 ເມືອງເຢຮຸດ ເມືອງເບເນເບຣັກ ເມືອງກັດຣິມໂມນ+
46 ເມືອງເມຢາໂກນ ແລະເມືອງຣັກໂກນ. ເຂດແດນຈະໄປຮອດທາງໜ້າຂອງເມືອງຢົບປາ.+
47 ແຕ່ເຂດແດນຂອງດານນ້ອຍໂພດສຳລັບເຂົາເຈົ້າ.+ ເຂົາເຈົ້າຈຶ່ງໄປຕີເມືອງເລເຊັມ+ ຂ້າຄົນແລະຍຶດເອົາເມືອງນັ້ນ. ເຂົາເຈົ້າໄດ້ປົກຄອງແລະອາໄສຢູ່ເມືອງນັ້ນ. ເຂົາເຈົ້າໄດ້ປ່ຽນຊື່ເມືອງເລເຊັມເປັນດານຕາມຊື່ຂອງດານທີ່ເປັນປູ່ຍ່າຕານາຍຂອງເຂົາເຈົ້າ.+
48 ທັງໝົດນີ້ແມ່ນດິນມູນ ແລະເມືອງກັບບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນທີ່ຕະກູນດານໄດ້ຕາມຈຸ້ມເຈື້ອຂອງເຂົາເຈົ້າ.
49 ເມື່ອເຂົາເຈົ້າແບ່ງດິນມູນຕາມເຂດແດນຕ່າງໆແລ້ວໆ ພວກອິດສະຣາເອນກໍໄດ້ເອົາດິນມູນສ່ວນໜຶ່ງຂອງເຂົາເຈົ້າໃຫ້ໂຢຊວຍລູກຊາຍຂອງນູນ.
50 ໂຢຊວຍໄດ້ຂໍເມືອງຕິມນາດເສຣາ+ ແລະເຂົາເຈົ້າກໍໄດ້ເອົາໃຫ້ລາວຕາມທີ່ພະເຢໂຫວາສັ່ງ. ຕິມນາດເສຣາຢູ່ເຂດພູຂອງເອຟຣາຢິມ. ໂຢຊວຍໄດ້ສ້າງເມືອງນັ້ນຂຶ້ນໃໝ່ແລະຢູ່ໃນເມືອງນັ້ນ.
51 ທັງໝົດນີ້ແມ່ນດິນມູນທີ່ປະໂລຫິດເອເລອາຊາ ໂຢຊວຍລູກຊາຍຂອງນູນ ແລະພວກຫົວໜ້າຕະກູນຕ່າງໆຂອງອິດສະຣາເອນໄດ້ແບ່ງ+ໂດຍການຈົກສະຫຼາກ. ເຂົາເຈົ້າແບ່ງກັນຢູ່ຊີໂລ+ຕໍ່ໜ້າພະເຢໂຫວາເຊິ່ງຢູ່ທາງເຂົ້າເຕັ້ນຂໍການຊີ້ນຳ.*+ ໃນທີ່ສຸດ ເຂົາເຈົ້າກໍແບ່ງດິນມູນທັງໝົດຈົນແລ້ວ.
ຂໍ ຄວາມ ໄຂ ເງື່ອນ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ເບິ່ງຄືວ່າບໍ່ໄດ້ໝາຍເຖິງຕະກູນຢູດາ ແຕ່ໝາຍເຖິງຄອບຄົວຂອງຜູ້ຊາຍຄົນໜຶ່ງໃນຕະກູນຢູດາ
^ ຫຼື “ເຕັ້ນສັກສິດ”