ໂຢນາ 2:1-10
2 ຕອນຢູ່ໃນທ້ອງປາ ໂຢນາໄດ້ອະທິດຖານເຖິງພະເຢໂຫວາພະເຈົ້າຂອງລາວ.+
2 ລາວເວົ້າວ່າ:
“ຕອນທີ່ລູກມີຄວາມທຸກ ລູກໄດ້ຮ້ອງຫາພະເຢໂຫວາ ແລ້ວພະອົງກໍຕອບລູກ.+
ລູກຮ້ອງຂໍໃຫ້ພະອົງຊ່ວຍຈາກບ່ອນທີ່ເລິກໆ*ຂອງຂຸມຝັງສົບ*+
ແລ້ວພະອົງກໍໄດ້ຍິນສຽງລູກ.
3 ເມື່ອພະອົງໂຍນລູກລົງກາງທະເລເລິກລູກກໍຈົມຢູ່ໃນນ້ຳ+
ແລະຄື້ນໃຫຍ່ໆຂອງພະອົງກໍຊັດໃສ່ລູກບໍ່ຢຸດບໍ່ເຊົາ.+
4 ລູກເວົ້າວ່າ ‘ລູກຖືກໄລ່ໜີໄປຈາກພະອົງ.
ລູກຈະໄປວິຫານທີ່ບໍລິສຸດຂອງພະອົງໄດ້ແນວໃດ?’
5 ລູກຈົມລົງໄປໃນນ້ຳແລະເກືອບຈະຕາຍແລ້ວ.+ລູກຈົມລົງໄປໃນນ້ຳເລິກ
ແລະສາຫຼ່າຍກໍກ້ຽວຫົວຂອງລູກຢູ່.
6 ລູກຈົມລົງໄປຮອດພື້ນທະເລ
ປະຕູຂອງບ່ອນຝັງສົບ*ກຳລັງຈະລ໋ອກລູກໄວ້ຕະຫຼອດໄປ
ແຕ່ພະເຢໂຫວາພະເຈົ້າຂອງລູກໄດ້ຊ່ວຍລູກໃຫ້ຂຶ້ນມາຈາກບ່ອນຝັງສົບນັ້ນ.+
7 ຕອນທີ່ລູກໃກ້ຈະຕາຍ ລູກຄິດເຖິງແຕ່ພະເຢໂຫວາເທົ່ານັ້ນ.+
ແລ້ວພະອົງກໍໄດ້ຍິນຄຳອະທິດຖານຂອງລູກຈາກວິຫານທີ່ບໍລິສຸດຂອງພະອົງ.+
8 ຄົນທີ່ນະມັດສະການຮູບບູຊາທີ່ບໍ່ມີຊີວິດມັກບໍ່ສົນໃຈຄົນທີ່ຮັກເຂົາເຈົ້າຢ່າງໝັ້ນຄົງ*
9 ແຕ່ສຳລັບລູກ ລູກຈະເອົາເຄື່ອງບູຊາໃຫ້ພະອົງດ້ວຍຄວາມຂອບໃຈ.
ລູກສາບານຫຍັງໄວ້ ລູກກໍຈະເຮັດຕາມນັ້ນ.+
ພະເຢໂຫວາເປັນຜູ້ຊ່ວຍໃຫ້ລອດ.”+
10 ແລ້ວພະເຢໂຫວາກໍສັ່ງໃຫ້ປາໃຫຍ່ໂຕນັ້ນຄາຍໂຢນາອອກມາໄວ້ແຄມຝັ່ງ.
ຂໍ
^ ແປຕາມໂຕວ່າ “ທ້ອງ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ໂລກ”
^ ຫຼືອາດແປວ່າ “ບໍ່ໄດ້ສະແດງຄວາມພັກດີ”
