ໂຢບ 12:1-25
12 ຈາກນັ້ນ ໂຢບກໍຕອບວ່າ:
2 “ມັນກໍແມ່ນທີ່ພວກເຈົ້າມີຄວາມຮູ້ຫຼາຍແຕ່ເມື່ອພວກເຈົ້າຕາຍ ສະຕິປັນຍາຂອງພວກເຈົ້າກໍບໍ່ເຫຼືອ!
3 ຂ້ອຍກໍມີຄວາມເຂົ້າໃຈຄືກັນ.
ຂ້ອຍບໍ່ໄດ້ຮູ້ໜ້ອຍໄປກວ່າພວກເຈົ້າດອກ.
ສິ່ງທີ່ພວກເຈົ້າເວົ້າມາ ແມ່ນໃຜກໍຮູ້.
4 ຂ້ອຍຖືກໝູ່ຫົວຂວັນໃສ່+ຍ້ອນຂ້ອຍຮ້ອງຫາພະເຈົ້າ ແລະຢາກໃຫ້ເພິ່ນຕອບຂ້ອຍ.+
ຄົນທີ່ເຮັດສິ່ງທີ່ຖືກຕ້ອງແລະບໍ່ມີບ່ອນຕິຄືກັບຂ້ອຍ ກໍຈະຖືກຫົວຂວັນໃສ່ແບບນີ້ແຫຼະ.
5 ຄົນທີ່ຢູ່ສຸກສະບາຍປະໝາດຄວາມທຸກລຳບາກ.ລາວຄິດວ່າສິ່ງທີ່ບໍ່ດີເກີດຂຶ້ນກັບຄົນທີ່ເຈິບັນຫາຢູ່ແລ້ວເທົ່ານັ້ນ.
6 ພວກຂີ້ລັກຢູ່ໃນເຮືອນຂອງເຂົາເຈົ້າຢ່າງສະຫງົບສຸກ.+ຄົນທີ່ເຮັດໃຫ້ພະເຈົ້າໃຈຮ້າຍແລະຖືຮູບບູຊາພະເຈົ້າຂອງເຂົາເຈົ້າຢູ່ໃນມືກໍຢູ່ຢ່າງປອດໄພ.+
7 ຂໍໃຫ້ໄປຖາມພວກສັດເບິ່ງແລະພວກມັນຈະສອນເຈົ້າໄປຖາມນົກຢູ່ເທິງຟ້າແມ້ແລະພວກມັນຈະບອກເຈົ້າ.
8 ເບິ່ງໂລກແມ້ແລະມັນຈະສອນເຈົ້າແລະພວກປາໃນທະເລກໍຈະໃຫ້ຄວາມຮູ້ກັບເຈົ້າ.
9 ຈາກສິ່ງທັງໝົດນີ້ ມີຫຍັງບໍທີ່ບໍ່ຮູ້ວ່າພະເຢໂຫວາສ້າງພວກມັນດ້ວຍມືຂອງເພິ່ນ?
10 ຊີວິດຂອງທຸກສິ່ງແລະຂອງທຸກຄົນ+ກໍຢູ່ໃນມືຂອງເພິ່ນ.
11 ຫູມີໄວ້ຟັງໃຫ້ດີໆເພື່ອໃຫ້ແຍກໄດ້ວ່າອັນໃດດີອັນໃດຊົ່ວຄືກັບລີ້ນທີ່ມີໄວ້ຊີມອາຫານ.+
12 ຄົນທີ່ອາຍຸຫຼາຍກໍມີສະຕິປັນຍາຫຼາຍ+ແລະຄົນທີ່ມີອາຍຸຫຼາຍຂຶ້ນກໍມີຄວາມເຂົ້າໃຈຫຼາຍຂຶ້ນບໍ່ແມ່ນບໍ?
13 ພະເຈົ້າມີສະຕິປັນຍາແລະມີລິດເດດ.+ເພິ່ນມີຄວາມເຂົ້າໃຈ+ແລະເພິ່ນຈະເຮັດໃຫ້ຄວາມຕ້ອງການຂອງເພິ່ນເກີດຂຶ້ນແທ້.
14 ເມື່ອເພິ່ນມ້າງຫຍັງລົງກໍບໍ່ມີຜູ້ໃດສ້າງຄືນໃໝ່ໄດ້.+ເມື່ອເພິ່ນປິດຫຍັງໄວ້ກໍບໍ່ມີຜູ້ໃດເປີດໄດ້.
15 ເມື່ອເພິ່ນຕັນນ້ຳໄວ້ ທຸກບ່ອນກໍແຫ້ງ.+ເມື່ອເພິ່ນປ່ອຍນ້ຳມາ ນ້ຳກໍຖ້ວມໂລກ.+
16 ເພິ່ນມີກຳລັງແລະສະຕິປັນຍາ.+ເພິ່ນມີອຳນາດເໜືອຄົນທີ່ຖືກພາໄປເຮັດຜິດແລະຄົນທີ່ພາໄປເຮັດຜິດ.
17 ເພິ່ນເຮັດໃຫ້ພວກທີ່ປຶກສາຍ່າງຕີນເປົ່າ*ແລະເຮັດໃຫ້ພວກຜູ້ຕັດສິນເປັນຄົນໂງ່.+
18 ເພິ່ນປົດພວກກະສັດອອກຈາກຕຳແໜ່ງ+ແລະໃຫ້ເຂົາເຈົ້າໄປເປັນທາດ.
19 ເພິ່ນເຮັດໃຫ້ພວກປະໂລຫິດຍ່າງຕີນເປົ່າ+ແລະປົດພວກຜູ້ທີ່ມີຕຳແໜ່ງໝັ້ນຄົງອອກ.+
20 ເພິ່ນເຮັດໃຫ້ຄຳເວົ້າຂອງພວກທີ່ປຶກສາເຊື່ອຖືບໍ່ໄດ້ແລະເຮັດໃຫ້ພວກຜູ້ເຖົ້າ*ທີ່ມີສະຕິປັນຍາກາຍເປັນຄົນບໍ່ມີເຫດຜົນ.
21 ເພິ່ນເຮັດໃຫ້ພວກຜູ້ປົກຄອງອັບອາຍ+ແລະເຮັດໃຫ້ຄົນທີ່ມີເຫື່ອມີແຮງອ່ອນແອ.*
22 ເພິ່ນເປີດເຜີຍສິ່ງທີ່ຖືກເຊື່ອງຢູ່ໃນບ່ອນມືດ+ແລະໃຫ້ແສງສະຫວ່າງສ່ອງໃສ່ບ່ອນທີ່ມືດທຶບ.
23 ເພິ່ນເຮັດໃຫ້ຊາດຕ່າງໆຈະເລີນຂຶ້ນເພື່ອຈະທຳລາຍເຂົາເຈົ້າ.ເພິ່ນເຮັດໃຫ້ເຂດແດນຂອງຊາດຕ່າງໆກວ້າງອອກເພື່ອຈະພາເຂົາເຈົ້າໄປເປັນຊະເລີຍ.
24 ເພິ່ນເຮັດໃຫ້ພວກຜູ້ນຳບໍ່ມີຄວາມເຂົ້າໃຈ*ແລະເຮັດໃຫ້ເຂົາເຈົ້າຍ້າຍບ່ອນຢູ່ໄປເລື້ອຍໆໃນບ່ອນທີ່ບໍ່ມີຫຍັງ.+
25 ເຂົາເຈົ້າງົມໆທາວໆໃນບ່ອນທີ່ບໍ່ມີແສງສະຫວ່າງ.+ເພິ່ນເຮັດໃຫ້ເຂົາເຈົ້າຍ່າງເຊຄືຄົນເມົາ.”+
ຂໍ ຄວາມ ໄຂ ເງື່ອນ
^ ຫຼື “ບໍ່ມີຫຍັງເຫຼືອເລີຍ”
^ ຫຼື “ຜູ້ນຳ”
^ ແປຕາມໂຕວ່າ “ເຮັດໃຫ້ສາຍແອວຂອງພວກຜູ້ມີອຳນາດຫຼົມ”
^ ແປຕາມໂຕວ່າ “ຫົວໃຈ”