ໂຢບ 13:1-28
13 “ຂ້ອຍເຄີຍເຫັນເລື່ອງແນວນີ້ມາໝົດແລ້ວ.ຂ້ອຍເຄີຍໄດ້ຍິນແລະເຂົ້າໃຈດີ.
2 ສິ່ງທີ່ພວກເຈົ້າຮູ້ ຂ້ອຍກໍຮູ້.ຂ້ອຍບໍ່ໄດ້ຮູ້ໜ້ອຍໄປກວ່າພວກເຈົ້າດອກ.
3 ທີ່ຈິງ ຂ້ອຍຢາກເວົ້າກັບພະເຈົ້າຜູ້ມີລິດເດດສູງສຸດດ້ວຍໂຕຂ້ອຍເອງ.ຂ້ອຍຢາກຈະພິສູດໃຫ້ເພິ່ນເຫັນວ່າຂ້ອຍບໍ່ໄດ້ເຮັດຜິດ.+
4 ແຕ່ພວກເຈົ້າເວົ້າຕົວະແລະໃສ່ຮ້າຍຂ້ອຍ.ພວກເຈົ້າເປັນຄືກັບໝໍທີ່ປົວໃຜບໍ່ໄດ້.+
5 ຖ້າພວກເຈົ້າມິດໆຢູ່ກໍຍັງຊິເບິ່ງຄືວ່າສະຫຼາດກວ່າ.+
6 ຂໍໃຫ້ພວກເຈົ້າຟັງຂ້ອຍອະທິບາຍແລະຕັ້ງໃຈຟັງເຫດຜົນຂອງຂ້ອຍ.
7 ເປັນຫຍັງພວກເຈົ້າລຳອຽງເຂົ້າຂ້າງພະເຈົ້າ?ເປັນຫຍັງພວກເຈົ້າເວົ້າຕົວະເພື່ອຊ່ວຍເພິ່ນ?
8 ເປັນຫຍັງພວກເຈົ້າເຂົ້າຂ້າງເພິ່ນ?ເປັນຫຍັງພວກເຈົ້າຢູ່ຝ່າຍພະເຈົ້າທ່ຽງແທ້?
9 ຖ້າເພິ່ນມາກວດເບິ່ງພວກເຈົ້າ ພວກເຈົ້າຈະລອດບໍ?+
ພວກເຈົ້າຈະຫຼອກເພິ່ນຄືກັບທີ່ຫຼອກມະນຸດໄດ້ບໍ?
10 ຖ້າພວກເຈົ້າທຳທ່າເຂົ້າຂ້າງພະເຈົ້າໂດຍເວົ້າຕົວະກ່ຽວກັບຂ້ອຍ+ເພິ່ນຈະລົງໂທດພວກເຈົ້າແທ້.
11 ຄວາມຍິ່ງໃຫຍ່ຂອງເພິ່ນບໍ່ໄດ້ເຮັດໃຫ້ພວກເຈົ້າຢ້ານແດ່ບໍ?ພວກເຈົ້າບໍ່ຢ້ານເພິ່ນເລີຍບໍ?
12 ຄຳສຸພາສິດຂອງພວກເຈົ້າບໍ່ມີຄ່າແລະເປັນຄືກັບຂີ້ເທົ່າ.ການຫາເຫດຜົນຂອງພວກເຈົ້າບໍ່ມີປະໂຫຍດ ແລະເປັນຄືກັບໂລ້ທີ່ເຮັດຈາກດິນເຜົາ.
13 ເຊົາເວົ້າສະ ໃຫ້ຂ້ອຍເປັນຄົນເວົ້າ.
ຂ້ອຍຈະເປັນແນວໃດກະຢ່າ!
14 ຂ້ອຍພ້ອມຈະເຈິອັນຕະລາຍທຸກຢ່າງ.*ຂ້ອຍຈະຮັບຜິດຊອບຊີວິດຂອງຂ້ອຍເອງ.
15 ເຖິງວ່າເພິ່ນຈະຂ້າຂ້ອຍ ຂ້ອຍກໍຈະບໍ່ໜີ.+ຂ້ອຍພ້ອມຈະພິສູດໃຫ້ເພິ່ນເຫັນວ່າ ຂ້ອຍບໍ່ແມ່ນຄົນຜິດ.
16 ເພິ່ນຈະຊ່ວຍຂ້ອຍໃຫ້ລອດ+ຍ້ອນຄົນທີ່ບໍ່ນັບຖື*ເພິ່ນຈະຢູ່ຕໍ່ໜ້າເພິ່ນບໍ່ໄດ້.+
17 ຟັງຂ້ອຍດີໆເດີ້ໃຫ້ຕັ້ງໃຈຟັງສິ່ງທີ່ຂ້ອຍຈະເວົ້າ.
18 ຂ້ອຍກຽມໂຕຈະຂຶ້ນສານແລ້ວ.ຂ້ອຍຮູ້ວ່າຂ້ອຍເປັນຝ່າຍຖືກ.
19 ມີໃຜຈະໂຕ້ຖຽງກັບຂ້ອຍບໍ?
ຖ້າໃຫ້ຂ້ອຍມິດຢູ່ຊື່ໆ ຂ້ອຍຄືຊິຕາຍແທ້!*
20 ພະເຈົ້າເອີ້ຍ ລູກຂໍພຽງແຕ່ສອງຢ່າງ*ແລະລູກຈະບໍ່ໜີໜ້າໄປຈາກພະອົງ.
21 ຂໍພະອົງຢ່າເຮັດໃຫ້ລູກທົນທຸກອີກຕໍ່ໄປ*ແລະຢ່າເຮັດໃຫ້ລູກຢ້ານ.+
22 ຖ້າພະອົງເອີ້ນ ລູກກໍຈະຕອບຫຼືຄັນບໍ່ຊັ້ນ ໃຫ້ລູກເວົ້າແລະຂໍພະອົງຕອບລູກ.
23 ລູກເຮັດຫຍັງຜິດ?
ຂໍພະອົງບອກລູກແດ່.
24 ເປັນຫຍັງພະອົງຈຶ່ງໜີໜ້າຈາກລູກ+ແລະເຫັນລູກເປັນຄືກັບສັດຕູ?+
25 ລູກເປັນພຽງແຕ່ໃບໄມ້ທີ່ຖືກລົມພັດຊື່ໆແລະເປັນພຽງແຕ່ເຟືອງແຫ້ງໆ.ເປັນຫຍັງພະອົງເຮັດໃຫ້ລູກຢ້ານແລະໄລ່ນຳຫຼັງລູກ?
26 ພະອົງຈອບແຕ່ຈົດຂໍ້ກ່າວຫາທີ່ພະອົງຕັ້ງໄວ້ໃຫ້ລູກແລະລົງໂທດລູກຍ້ອນຄວາມຜິດທີ່ລູກເຮັດຕັ້ງແຕ່ຕອນຍັງໜຸ່ມ.
27 ພະອົງເອົາຕີນລູກໃສ່ຂື່ຄາ*ໄວ້ບໍ່ວ່າລູກຈະໄປໃສ ພະອົງກໍຈັບຕາເບິ່ງແລະຕິດຕາມເບິ່ງລູກທຸກໆກ້າວ.
28 ມະນຸດ*ຈຶ່ງເນົ່າເປື່ອຍໄປຄືກັບເຄື່ອງນຸ່ງທີ່ຖືກມອດກິນ.”
ຂໍ
^ ແປຕາມໂຕວ່າ “ຂ້ອຍໃຊ້ແຂ້ວຄາບຊີ້ນຂອງຂ້ອຍໄວ້”
^ ຫຼື “ຄົນທີ່ທໍລະຍົດ”
^ ຫຼືອາດແປວ່າ “ຖ້າມີຄົນໂຕ້ຖຽງກັບຂ້ອຍ ຂ້ອຍກໍຈະມິດຢູ່ແລະຕາຍໄປ”
^ ແປຕາມໂຕວ່າ “ພຽງແຕ່ສອງຢ່າງຢ່າເຮັດກັບລູກ”
^ ແປຕາມໂຕວ່າ “ຂໍເອົາມືຂອງພະອົງອອກໄປຈາກລູກ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ລາວ.” ອາດໝາຍເຖິງໂຢບ.
