ໂຢບ 18:1-21
18 ບິນດັດ+ຄົນຊູອາເວົ້າວ່າ:
2 “ເຈົ້າຈະເວົ້າແນວນີ້ອີກດົນບໍ?
ຖ້າເຈົ້າມີຄວາມເຂົ້າໃຈແດ່ ພວກເຮົາກໍຈະລົມກັນຮູ້ເລື່ອງ.
3 ເປັນຫຍັງເຈົ້າເຫັນພວກເຮົາເປັນຄືກັບສັດ+ແລະຄິດວ່າພວກເຮົາເປັນຄົນໂງ່?*
4 ເຖິງວ່າເຈົ້າຈະໃຈຮ້າຍຈົນຈີກໂຕເອງເປັນຕ່ອນໆແຕ່ໂລກກໍຈະບໍ່ຖືກປ່ອຍໃຫ້ຮ້າງແລະຫີນກໍຈະບໍ່ຖືກຍ້າຍອອກຈາກບ່ອນຂອງມັນດອກ!
5 ທີ່ຈິງ ແສງສະຫວ່າງຂອງຄົນຊົ່ວຈະບໍ່ມີອີກຕໍ່ໄປແລະກອງໄຟຂອງລາວກໍຈະມອດ.+
6 ແສງໄຟທີ່ຢູ່ໃນເຕັ້ນຂອງລາວຈະມືດລົງແລະຕະກຽງທີ່ສ່ອງແສງຢູ່ເທິງຫົວຂອງລາວກໍຈະມອດ.
7 ລາວຈະບໍ່ມີແຮງຍ່າງເລີຍແລະແຜນການທັງໝົດຂອງລາວຈະເຮັດໃຫ້ລາວເຈິຄວາມຈິບຫາຍ.+
8 ລາວຈະຍ່າງໄປຕິດກັບດັກທີ່ເປັນຕານ່າງແລະຫຼົງໄປຕິດດາງ.
9 ລາວຈະຖືກກັບດັກງັບສົ້ນນ່ອງແລະລາວຈະຕິດແຮ້ວ.+
10 ມີເຊືອກທີ່ຫ້າງໄວ້ຢູ່ດິນເພື່ອດັກລາວແລະມີກັບດັກທີ່ວາງໄວ້ຢູ່ທາງຂອງລາວ.
11 ລາວຢ້ານທຸກຢ່າງທີ່ຢູ່ອ້ອມໂຕລາວ+ແລະຄວາມຢ້ານກໍໄລ່ນຳຫຼັງລາວໄປຕິດໆ.
12 ລາວໝົດເຫື່ອໝົດແຮງ.ຄວາມຈິບຫາຍ+ເຮັດໃຫ້ລາວສະດຸດລົ້ມ.
13 ພະຍາດແພ່ລາມໄປຕາມຜິວໜັງຂອງລາວພະຍາດທີ່ຮ້າຍແຮງເຖິງຕາຍ*ກໍກັດກິນແຂນຂາຂອງລາວ.
14 ລາວຖືກລາກອອກຈາກເຕັ້ນທີ່ປອດໄພຂອງລາວ+ແລະຖືກບັງຄັບໃຫ້ຍ່າງໄປຫາກະສັດຂອງຄວາມຕາຍ.*
15 ຄົນແປກໜ້າ*ຈະໄປອາໄສຢູ່ເຕັ້ນຂອງລາວແລະເຮືອນຂອງລາວຈະຖືກປະໃຫ້ຖືກທຳລາຍດ້ວຍໄຟ.*+
16 ຄືກັບຕົ້ນໄມ້ ຮາກຂອງລາວຈະແຫ້ງແລະງ່າຂອງລາວຈະຫ່ຽວແຫ້ງໄປ.
17 ທຸກຄົນຈະລືມລາວແລະຄົນທີ່ຢູ່ຕາມຫົນທາງຈະບໍ່ຮູ້ຈັກຊື່ຂອງລາວ.*
18 ລາວຈະຖືກຂັບໄລ່ຈາກບ່ອນທີ່ມີແສງສະຫວ່າງໄປຢູ່ບ່ອນມືດແລະຖືກໄລ່ອອກຈາກແຜ່ນດິນທີ່ອຸດົມສົມບູນ.
19 ໃນພວກພີ່ນ້ອງຂອງລາວ ລາວຈະເປັນຄົນທີ່ບໍ່ມີລູກບໍ່ມີຫຼານແລະໃນບ່ອນທີ່ລາວຢູ່*ຈະບໍ່ມີຜູ້ໃດລອດຊີວິດເລີຍ.
20 ເມື່ອມື້ຂອງລາວມາຮອດ ຄົນທີ່ຢູ່ທາງທິດຕາເວັນຕົກຈະຢ້ານຈົນໂຕສັ່ນແລະຄົນທີ່ຢູ່ທາງທິດຕາເວັນອອກຈະຢ້ານຈົນໂຕແຂງ.
21 ນີ້ແມ່ນສິ່ງທີ່ຈະເກີດຂຶ້ນກັບເຕັ້ນຂອງຄົນທີ່ເຮັດຜິດແລະນີ້ແມ່ນສິ່ງທີ່ຈະເກີດຂຶ້ນກັບຄົນທີ່ບໍ່ຮູ້ຈັກພະເຈົ້າ.”
ຂໍ
^ ຫຼືອາດແປວ່າ “ບໍ່ສະອາດ”
^ ແປຕາມໂຕວ່າ “ລູກກົກຂອງຄວາມຕາຍ”
^ ຫຼື “ຖືກຂ້າຕາຍຢ່າງໂຫດຫ້ຽມ”
^ ແປຕາມໂຕວ່າ “ສິ່ງທີ່ບໍ່ແມ່ນຂອງລາວ”
^ ຫຼື “ມາດທີ່ຕິດໄຟ”
^ ແປຕາມໂຕວ່າ “ລາວຈະບໍ່ມີຊື່”
^ ຫຼື “ບ່ອນທີ່ລາວອາໄສຢູ່ຊົ່ວຄາວ”
