ໂຢບ 19:1-29
19 ໂຢບຕອບວ່າ:
2 “ພວກເຈົ້າຈະເຮັດໃຫ້ຂ້ອຍລຳຄານ+ແລະເວົ້າຊ້ຳເຕີມຂ້ອຍອີກດົນປານໃດ?+
3 ພວກເຈົ້າດູຖູກຂ້ອຍສິບເທື່ອແລ້ວ.ພວກເຈົ້າບໍ່ອາຍແດ່ບໍທີ່ເວົ້າໃຫ້ຂ້ອຍແນວນີ້?+
4 ເຖິງວ່າຂ້ອຍເຮັດຜິດແທ້ໆມັນກໍບໍ່ກ່ຽວກັບພວກເຈົ້າ.
5 ຖ້າພວກເຈົ້າຍັງຍົກໂຕເອງໃຫ້ສູງກວ່າຂ້ອຍແລະເວົ້າວ່າຂ້ອຍສົມຄວນໄດ້ຮັບຄວາມອັບອາຍຍ້ອນບັນຫາຂອງຂ້ອຍ
6 ກໍໃຫ້ພວກເຈົ້າຮູ້ໄວ້ເລີຍວ່າ ພະເຈົ້າເປັນຜູ້ເຮັດກັບຂ້ອຍແບບບໍ່ຍຸຕິທຳແລະເພິ່ນໄດ້ເອົາດາງມາຈັບຂ້ອຍ.
7 ຂ້ອຍຮ້ອງບໍ່ຢຸດບໍ່ເຊົາວ່າ ‘ຂ້ອຍຖືກທຳຮ້າຍ’ ແຕ່ບໍ່ມີຜູ້ໃດຕອບຂ້ອຍ.+ຂ້ອຍຮ້ອງຂໍໃຫ້ຄົນຊ່ວຍ ແຕ່ກໍບໍ່ມີຜູ້ໃດມາຊ່ວຍ.+
8 ເພິ່ນເອົາກຳແພງຫີນມາຕັນທາງ ຂ້ອຍຈຶ່ງຜ່ານໄປບໍ່ໄດ້.ເພິ່ນເອົາຄວາມມືດມາປົກຄຸມທາງຂ້ອຍໄວ້.+
9 ເພິ່ນເຮັດໃຫ້ຂ້ອຍເສຍກຽດແລະເອົາມົງກຸດອອກຈາກຫົວຂອງຂ້ອຍ.
10 ເພິ່ນທຳລາຍຂ້ອຍຈົນຂ້ອຍສາບສູນໄປແລະຄວາມຫວັງຂອງຂ້ອຍກໍເປັນຄືກັບຕົ້ນໄມ້ທີ່ຖືກເພິ່ນຖອນ.
11 ເພິ່ນໃຈຮ້າຍໃຫ້ຂ້ອຍຫຼາຍແລະເຫັນຂ້ອຍເປັນສັດຕູຂອງເພິ່ນ.+
12 ກອງທະຫານຂອງເພິ່ນມາລວມໂຕກັນແລະລ້ອມຂ້ອຍໄວ້.ເຂົາເຈົ້າຕັ້ງຄ້າຍອ້ອມເຕັ້ນຂອງຂ້ອຍ.
13 ເພິ່ນໄລ່ພວກພີ່ນ້ອງຂອງຂ້ອຍໄປຈາກຂ້ອຍແລະຄົນທີ່ຮູ້ຈັກຂ້ອຍກໍໜີໄປຈາກຂ້ອຍ.+
14 ໝູ່ສະໜິດ*ຂອງຂ້ອຍຖິ້ມຂ້ອຍໄປໝົດແລະຄົນທີ່ຂ້ອຍຮູ້ຈັກດີກໍລືມຂ້ອຍໄປໝົດແລ້ວ.+
15 ແຂກໃນເຮືອນຂອງຂ້ອຍ+ກັບທາດຜູ້ຍິງຂອງຂ້ອຍເຮັດກັບຂ້ອຍຄືກັບຄົນແປກໜ້າ.ເຂົາເຈົ້າເຮັດຄືກັບວ່າຂ້ອຍເປັນຄົນຕ່າງຊາດ.
16 ຂ້ອຍຮ້ອງຫາຄົນຮັບໃຊ້ຂອງຂ້ອຍ ແຕ່ລາວບໍ່ຕອບ.ເຖິງວ່າຂ້ອຍຈະຮ້ອງຂໍຄວາມເຫັນໃຈ ແຕ່ລາວກໍບໍ່ສົນ.
17 ເມຍຂອງຂ້ອຍຊັງແມ່ນແຕ່ລົມຫາຍໃຈຂອງຂ້ອຍ.+ອ້າຍນ້ອງຂອງຂ້ອຍກໍບໍ່ຢາກມາໃກ້ຂ້ອຍ ຍ້ອນຂ້ອຍໂຕເໝັນ.
18 ແມ່ນແຕ່ພວກເດັກນ້ອຍກໍດູຖູກຂ້ອຍຕອນຂ້ອຍລຸກຂຶ້ນເຂົາເຈົ້າກໍເຍາະເຍີ້ຍຂ້ອຍ.
19 ໝູ່ສະໜິດຂອງຂ້ອຍພາກັນຊັງຂ້ອຍ+ແລະຄົນທີ່ຂ້ອຍຮັກກໍຫັນມາຕໍ່ຕ້ານຂ້ອຍ.+
20 ຂ້ອຍຈ່ອຍຈົນເຫຼືອແຕ່ໜັງຫຸ້ມກະດູກ.+ຂ້ອຍລອດຕາຍແບບຫວຸດຫວິດ.*
21 ໝູ່ເອີ້ຍ ອີ່ຕົນຂ້ອຍແດ່ເພາະພະເຈົ້າເຮັດໃຫ້ຂ້ອຍທົນທຸກແລ້ວ.*+
22 ເປັນຫຍັງພວກເຈົ້າຈຶ່ງຂົ່ມເຫງແລະໂຈມຕີຂ້ອຍບໍ່ເຊົາ*+ຄືກັບທີ່ພະເຈົ້າໄດ້ເຮັດກັບຂ້ອຍ?+
23 ຂ້ອຍຫວັງວ່າຄຳເວົ້າຂອງຂ້ອຍຈະຖືກຂຽນໄວ້ແລະຂ້ອຍຫວັງວ່າສິ່ງທີ່ຂ້ອຍເວົ້າຈະຖືກຂຽນໄວ້ໃນປຶ້ມ.
24 ຂ້ອຍຢາກໃຫ້ພວກມັນຖືກສະຫຼັກໄວ້ດ້ວຍສິ່ວແລະຝັງກົ່ວໃສ່ຢູ່ຫີນຕະຫຼອດໄປ.
25 ເພາະຂ້ອຍຮູ້ດີວ່າຜູ້ໄຖ່*ຂອງຂ້ອຍ+ມີຊີວິດຢູ່.ໃນທີ່ສຸດ ເພິ່ນຈະມາແລະຢືນຢູ່ເທິງໂລກ.
26 ຫຼັງຈາກທີ່ເນື້ອໜັງຂອງຂ້ອຍຂີ້ຮ້າຍແນວນີ້ຍ້ອນເປັນພະຍາດຕອນທີ່ຂ້ອຍຍັງມີຊີວິດຢູ່ ຂ້ອຍຈະໄດ້ເຫັນພະເຈົ້າ.
27 ຂ້ອຍຈະໄດ້ເຫັນເພິ່ນ.ຂ້ອຍຈະໄດ້ເຫັນເພິ່ນດ້ວຍຕາຂອງຂ້ອຍເອງ ແຕ່ຄົນອື່ນຈະບໍ່ເຫັນ.+
ແຕ່ຕອນນີ້ ຂ້ອຍຮູ້ສຶກບໍ່ໄຫວແລ້ວ*
28 ເພາະພວກເຈົ້າເວົ້ານຳກັນວ່າ ‘ພວກເຮົາໄປຂົ່ມເຫງລາວຕອນໃດ?’+
ຍ້ອນບັນຫາທັງໝົດມັນເກີດມາຈາກຂ້ອຍ.
29 ພວກເຈົ້າຫັ້ນແຫຼະຕ້ອງຢ້ານດາບ+ເພາະຖ້າພວກເຈົ້າເຮັດຜິດ ພວກເຈົ້າກໍຈະຖືກລົງໂທດດ້ວຍດາບ.ພວກເຈົ້າຄວນຮູ້ວ່າມີຜູ້ໜຶ່ງທີ່ຈະມາຕັດສິນ.”+
ຂໍ ຄວາມ ໄຂ ເງື່ອນ
^ ຫຼື “ຍາດຕິພີ່ນ້ອງ”
^ ແປຕາມໂຕວ່າ “ຂ້ອຍລອດມາໂດຍມີແຕ່ຜິວຂອງແຂ້ວ”
^ ແປຕາມໂຕວ່າ “ເພາະມືຂອງພະເຈົ້າບາຍຂ້ອຍ”
^ ແປຕາມໂຕວ່າ “ບໍ່ພໍໃຈກັບການກິນຊີ້ນຂອງຂ້ອຍ”
^ ຫຼື “ຜູ້ມີສິດໄຖ່”
^ ຫຼື “ໝາກໄຂ່ຫຼັງໃນໂຕຂອງຂ້ອຍບໍ່ເຮັດວຽກແລ້ວ”