ໂຢບ 22:1-30
22 ເອລີຟັດ+ຄົນເຕມານເວົ້າວ່າ:
2 “ມະນຸດມີຄ່າສຳລັບພະເຈົ້າບໍ?
ຄົນສະຫຼາດຈະຊ່ວຍເພິ່ນໄດ້ບໍ?+
3 ເມື່ອເຈົ້າເຮັດສິ່ງທີ່ຖືກຕ້ອງ ຜູ້ມີລິດເດດສູງສຸດຈະສົນໃຈ*ບໍ?ເມື່ອເຈົ້າເປັນຄົນສັດຊື່ ເພິ່ນຈະໄດ້ປະໂຫຍດຫຍັງ?+
4 ຄັນເຈົ້ານັບຖືເພິ່ນເພິ່ນກໍຈະບໍ່ຕັດສິນແລະບໍ່ລົງໂທດເຈົ້າດອກ!
5 ແຕ່ທີ່ເຈົ້າເປັນແບບນີ້ ແທ້ໆແລ້ວກໍເປັນຍ້ອນເຈົ້າເຮັດຊົ່ວຫຼາຍແລະຍ້ອນເຈົ້າເຮັດຜິດບໍ່ເຊົາບໍ່ແມ່ນບໍ?+
6 ເຈົ້າຍຶດເອົາເຄື່ອງຄ້ຳປະກັນຈາກພີ່ນ້ອງຂອງເຈົ້າໂດຍບໍ່ມີເຫດຜົນ.ເຈົ້າເອົາເຄື່ອງນຸ່ງຂອງເຂົາເຈົ້າໄປ ແລະປະໃຫ້ເຂົາເຈົ້າບໍ່ມີຫຍັງໃສ່.+
7 ເຈົ້າບໍ່ໄດ້ເອົາເຂົ້າໃຫ້ຄົນທີ່ຫິວກິນແລະບໍ່ໄດ້ເອົານ້ຳໃຫ້ຄົນທີ່ເມື່ອຍກິນ.+
8 ເຈົ້າເປັນຄົນມີອຳນາດຈຶ່ງໄດ້ດິນໄດ້ດອນບັກຫຼາຍໆ.+ມີແຕ່ຄົນພິເສດຄືເຈົ້າທີ່ໄດ້ແບບນີ້.
9 ແຕ່ເຈົ້າພັດໄລ່ແມ່ໝ້າຍໃຫ້ກັບໄປໂດຍບໍ່ໄດ້ຊ່ວຍຫຍັງແລະເຮັດໃຫ້ລູກກຳພ້າໄດ້ຮັບອັນຕະລາຍ.
10 ຍ້ອນແນວນີ້ຈຶ່ງມີເລື່ອງບໍ່ດີເກີດຂຶ້ນກັບເຈົ້າ*+ເຊິ່ງເຮັດໃຫ້ເຈົ້າຢ້ານຫຼາຍ
11 ແລະຍ້ອນແນວນີ້ເຈົ້າຈຶ່ງຢູ່ໃນຄວາມມືດແລະແນມບໍ່ເຫັນຫຍັງແລ້ວນ້ຳກໍມາຖ້ວມເຈົ້າ.
12 ພະເຈົ້າຢູ່ບ່ອນສູງສຸດຂອງສະຫວັນບໍ່ແມ່ນບໍ?
ເບິ່ງແມ້ ດາວກໍຢູ່ບັກສູງໆຄືກັນ.
13 ແຕ່ເຈົ້າພັດເວົ້າວ່າ ‘ພະເຈົ້າຈະຮູ້ແທ້ໆບໍວ່າມະນຸດເຮັດຫຍັງ?
ເພິ່ນຈະເບິ່ງຜ່ານຄວາມມືດເພື່ອຕັດສິນໄດ້ບໍ?
14 ຕອນທີ່ເພິ່ນຍ່າງໄປຍ່າງມາຢູ່ຂອບສະຫວັນເພິ່ນກໍບໍ່ເຫັນຫຍັງຍ້ອນຂີ້ເຝື້ອບັງຢູ່.’
15 ເຈົ້າຈະເຮັດຄືກັບຄົນຊົ່ວທີ່ມີມາຕັ້ງແຕ່ອະດີດຈົນຮອດຕອນນີ້ບໍ?
16 ເຂົາເຈົ້າຕາຍກ່ອນໄວຄືກັບເຮືອນທີ່ຖືກນ້ຳ*ພັດໄປ.+
17 ເຂົາເຈົ້າເວົ້າກັບພະເຈົ້າທ່ຽງແທ້ວ່າ ‘ຢ່າມາຫຍຸ້ງກັບພວກເຮົາ!’
ແລະເຂົາເຈົ້າຍັງເວົ້າອີກວ່າ ‘ຜູ້ມີລິດເດດສູງສຸດຈະເຮັດຫຍັງໃຫ້ພວກເຮົາໄດ້?’
18 ແທ້ໆແລ້ວ ເພິ່ນເຮັດໃຫ້ເຮືອນຂອງເຂົາເຈົ້າມີແຕ່ສິ່ງດີໆ.
(ຂ້ອຍບໍ່ເຄີຍຄິດຊົ່ວແບບນັ້ນເລີຍ.)
19 ຄົນດີຈະດີໃຈເມື່ອເຫັນຄົນຊົ່ວຈິບຫາຍແລະຄົນທີ່ບໍ່ໄດ້ເຮັດຜິດກໍຈະເຍາະເຍີ້ຍເຂົາເຈົ້າວ່າ
20 ‘ສັດຕູຂອງພວກເຮົາຖືກທຳລາຍແລ້ວແລະໄຟກໍຈະໄໝ້ສິ່ງຂອງຂອງເຂົາເຈົ້າຈົນບໍ່ເຫຼືອຫຍັງ.’
21 ໃຫ້ເຈົ້າຮູ້ຈັກເພິ່ນໃຫ້ດີໆ ແລ້ວເຈົ້າກໍຈະມີຄວາມສະຫງົບສຸກແລະຊີວິດຂອງເຈົ້າກໍຈະມີແຕ່ສິ່ງດີໆ.
22 ໃຫ້ເຈົ້າຍອມຮັບກົດໝາຍຂອງເພິ່ນແລະຈື່ຄຳເວົ້າຂອງເພິ່ນໄວ້ໃນໃຈ.+
23 ຖ້າເຈົ້າກັບມາຫາຜູ້ມີລິດເດດສູງສຸດ ເຈົ້າກໍຈະຟື້ນໂຕໄດ້.+ຖ້າເຈົ້າກຳຈັດສິ່ງຊົ່ວອອກຈາກເຕັ້ນຂອງເຈົ້າ
24 ແລະຖ້າເຈົ້າຖິ້ມຄຳ*ຂອງເຈົ້າລົງດິນກັບໂຍນຄຳຈາກໂອຟີ*+ລົງຮ່ອມພູ*
25 ຜູ້ມີລິດເດດສູງສຸດກໍຈະເປັນຄຳຂອງເຈົ້າແລະຈະເປັນເງິນແທ້ຂອງເຈົ້າແທນ.
26 ຜູ້ມີລິດເດດສູງສຸດຈະເຮັດໃຫ້ເຈົ້າມີຄວາມສຸກແລະເຈົ້າຈະຫຼຽວໜ້າຫາພະເຈົ້າໄດ້.
27 ເຈົ້າຈະອະທິດຖານເຖິງເພິ່ນແລະເພິ່ນຈະຟັງເຈົ້າແລະເຈົ້າຈະໄດ້ເຮັດຕາມທີ່ສາບານໄວ້.
28 ບໍ່ວ່າເຈົ້າຈະຕັດສິນໃຈເຮັດຫຍັງ ເຈົ້າຈະເຮັດສຳເລັດແລະຈະມີແສງສະຫວ່າງສ່ອງທາງໃຫ້ເຈົ້າ.
29 ຖ້າເຈົ້າເວົ້າໂອ້ອວດ ເຈົ້າກໍຈະຖືກເຮັດໃຫ້ອັບອາຍແຕ່ເພິ່ນຈະປົກປ້ອງຄົນທີ່ຖ່ອມໂຕ.
30 ເພິ່ນຈະຊ່ວຍຄົນທີ່ບໍ່ໄດ້ເຮັດຫຍັງຜິດໃຫ້ລອດ.ດັ່ງນັ້ນ ຖ້າເຈົ້າບໍ່ໄດ້ເຮັດຫຍັງຜິດ ເຈົ້າກໍຈະລອດຄືກັນ.”
ຂໍ
^ ຫຼື “ມີຄວາມສຸກ”
^ ຫຼື “ມີກັບດັກຢູ່ອ້ອມໂຕເຈົ້າ”
^ ແປຕາມໂຕວ່າ “ແມ່ນ້ຳ”
^ ຫຼື “ກ້ອນຄຳ”
^ ບ່ອນທີ່ມີຄຳຄຸນນະພາບດີ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
