ໂຢບ 23:1-17
23 ໂຢບຕອບວ່າ:
2 “ຈົນຮອດຕອນນີ້ ຂ້ອຍກໍຈະຈົ່ມອີກ.+ຂ້ອຍຖອນຫາຍໃຈຈົນເມື່ອຍແລ້ວ.
3 ຖ້າຂ້ອຍຮູ້ວ່າພະເຈົ້າຢູ່ໃສ+
ຂ້ອຍກໍຈະໄປຫາເພິ່ນ.+
4 ຂ້ອຍຈະອະທິບາຍໃຫ້ເພິ່ນຟັງເພື່ອພິສູດວ່າຂ້ອຍບໍ່ຜິດ.
5 ຂ້ອຍຈະໄດ້ຮູ້ວ່າເພິ່ນຈະຕອບຂ້ອຍແນວໃດແລະຕັ້ງໃຈຟັງວ່າເພິ່ນຈະເວົ້າຫຍັງ.
6 ເພິ່ນຈະໃຊ້ລິດເດດຂອງເພິ່ນເພື່ອຖຽງກັບຂ້ອຍບໍ?
ບໍ່ ເພິ່ນຈະຟັງຂ້ອຍແນ່ນອນ.+
7 ຄັນຄົນສັດຊື່ໄປຫາເພິ່ນ ເພິ່ນຈະຈັດການຄະດີໃຫ້ແລະຜູ້ຕັດສິນຂອງຂ້ອຍຈະປະກາດວ່າຂ້ອຍບໍ່ມີຄວາມຜິດ.
8 ແຕ່ເມື່ອຂ້ອຍໄປທາງທິດຕາເວັນອອກ ເພິ່ນກໍບໍ່ຢູ່ຫັ້ນແລ້ວແລະເມື່ອກັບມາບ່ອນເກົ່າ ຂ້ອຍກໍຍັງບໍ່ເຫັນເພິ່ນ.
9 ຕອນເພິ່ນເຮັດວຽກຢູ່ເບື້ອງຊ້າຍ ຂ້ອຍຫຼຽວໄປກໍບໍ່ເຫັນ.ບາດເທື່ອເພິ່ນກັບມາຢູ່ເບື້ອງຂວາ ຂ້ອຍກໍຍັງບໍ່ເຫັນເພິ່ນອີກ.
10 ແຕ່ເພິ່ນຮູ້ໝົດວ່າຂ້ອຍເຮັດຫຍັງ.+
ເມື່ອຂ້ອຍຜ່ານການທົດສອບຂອງເພິ່ນແລ້ວ ຂ້ອຍກໍຈະເປັນຄືກັບຄຳແທ້.+
11 ຂ້ອຍຮຽນແບບເພິ່ນຢ່າງຄັກແນ່.*ຂ້ອຍເຊື່ອຟັງເພິ່ນຕະຫຼອດ.+
12 ຂ້ອຍບໍ່ເຄີຍຂັດຂືນຄຳສັ່ງຂອງເພິ່ນເລີຍ.
ຂ້ອຍເຮັດຫຼາຍກວ່າທີ່ເພິ່ນຮຽກຮ້ອງຊ້ຳ.+
13 ຖ້າເພິ່ນຕັ້ງໃຈເຮັດຫຍັງ ໃຜຈະຂັດຂວາງເພິ່ນໄດ້?+
ເພິ່ນຢາກເຮັດຫຍັງ ເພິ່ນກໍເຮັດ.+
14 ເພິ່ນຈະເຮັດກັບຂ້ອຍຕາມທີ່ເພິ່ນຄິດໄວ້ແລ້ວທຸກຢ່າງແລະເພິ່ນມີອີກຫຼາຍຢ່າງທີ່ຈະເຮັດກັບຂ້ອຍ.
15 ຍ້ອນແນວນີ້ ຂ້ອຍຈຶ່ງຢ້ານເພິ່ນ.ເມື່ອຂ້ອຍຄິດເຖິງເລື່ອງຂອງເພິ່ນ ຂ້ອຍແຮ່ງຢ້ານຫຼາຍກວ່າເກົ່າ.
16 ພະເຈົ້າເຮັດໃຫ້ຂ້ອຍລ່ອຍໝົດໂຕແລະຜູ້ມີລິດເດດສູງສຸດເຮັດໃຫ້ຂ້ອຍຢ້ານ.
17 ເຖິງວ່າມັນຈະມືດຫຼາຍຈົນຂ້ອຍແນມເບິ່ງບໍ່ເຫັນຫຍັງແຕ່ຂ້ອຍຈະບໍ່ມິດຢູ່.”
ຂໍ
^ ຫຼື “ຍ່າງຕາມຮອຍຕີນຂອງເພິ່ນ”
