ໂຢບ 24:1-25
24 “ເປັນຫຍັງຜູ້ມີລິດເດດສູງສຸດຈຶ່ງບໍ່ໄດ້ກຳນົດວັນທີ່ຈະຕັດສິນຄົນຊົ່ວ?+
ເປັນຫຍັງຄົນທີ່ຮູ້ຈັກພະອົງຈຶ່ງບໍ່ໄດ້ເຫັນວັນນັ້ນ?
2 ຄົນຊົ່ວມັກຍ້າຍຫຼັກແດນເອົາດິນຄົນອື່ນ+ແລະລັກເອົາແກະຂອງຄົນອື່ນມາໄວ້ຢູ່ທົ່ງຫຍ້າຂອງໂຕເອງ.
3 ພວກເຂົາຍຶດເອົາລາຂອງລູກກຳພ້າແລະສັ່ງໃຫ້ແມ່ໝ້າຍເອົາງົວມາເປັນເຄື່ອງຄ້ຳປະກັນ.+
4 ຄົນຊົ່ວບໍ່ຍອມໃຫ້ຄົນທຸກຍ່າງເທິງຫົນທາງແລະບັງຄັບເຂົາເຈົ້າໃຫ້ຫຼີກທາງໃຫ້.+
5 ຄົນທຸກຕ້ອງຊອກຫາອາຫານຢູ່ບ່ອນກັນດານຄືກັບລາປ່າ+ແລະຊອກຫາອາຫານຢູ່ທະເລຊາຍມາລ້ຽງລູກ.
6 ເຂົາເຈົ້າຕ້ອງໄປເກັບເຂົ້າຢູ່ທົ່ງນາຂອງຄົນອື່ນແລະຕ້ອງໄປເກັບໝາກລະແຊັງຢູ່ສວນຂອງຄົນຊົ່ວ.
7 ຄົນທຸກຕ້ອງໄດ້ນອນເປືອຍໂຕ ຍ້ອນບໍ່ມີເຄື່ອງນຸ່ງ+ແລະຕ້ອງໄດ້ນອນໜາວ ຍ້ອນບໍ່ມີຜ້າຫົ່ມ.
8 ເຂົາເຈົ້າໂຕປຽກ ຍ້ອນຝົນຈາກພູແລະຕ້ອງເກາະຫີນໄວ້ ຍ້ອນບໍ່ມີບ່ອນບັງ.
9 ຄົນຊົ່ວຍາດເອົາລູກກຳພ້າພໍ່ໄປຈາກເອິກແມ່+ແລະບັງຄັບໃຫ້ຄົນທຸກເອົາເຄື່ອງນຸ່ງມາເປັນເຄື່ອງຄ້ຳປະກັນ.+
10 ພວກເຂົາໃຫ້ຄົນທຸກຍ່າງໂຕເປືອຍ ຍ້ອນບໍ່ມີເຄື່ອງນຸ່ງ.ຄົນທຸກຕ້ອງຫິວທັງໆທີ່ແບກຟ່ອນເຂົ້າຢູ່.
11 ຄົນທຸກເຮັດວຽກຕາກແດດຢູ່ເນີນພູທີ່ມີກຳແພງຫີນ.**ເຂົາເຈົ້າຫິວນ້ຳທັງໆທີ່ກຳລັງຢຽບໝາກລະແຊັງເພື່ອເຮັດເຫຼົ້າແວງ.+
12 ຄົນທີ່ກຳລັງຈະຕາຍ ຮ້ອງຄາງຢູ່ໃນເມືອງຄົນທີ່ບາດເຈັບໜັກ ຮ້ອງຂໍໃຫ້ຊ່ວຍ+ແຕ່ພະເຈົ້າກໍຍັງບໍ່ສົນໃຈ.*
13 ຄົນຊົ່ວປະຕິເສດແສງສະຫວ່າງ.+ເຂົາເຈົ້າບໍ່ຍອມຮັບທາງຂອງຄວາມສະຫວ່າງແລະບໍ່ຍ່າງໃນທາງນັ້ນ.
14 ຄົນທີ່ຂ້າຄົນຈະຕື່ນແຕ່ເຊົ້າໆແລະອອກໄປຂ້າຄົນທຸກກັບຄົນທີ່ບໍ່ມີຜູ້ໃດຊ່ວຍ.+ເມື່ອຮອດຕອນກາງຄືນ ເຂົາເຈົ້າກໍເຮັດໂຕເປັນຂີ້ລັກ.
15 ຄົນຫຼິ້ນຊູ້ລໍຖ້າໃຫ້ຕາເວັນຕົກດິນ.+ເຂົາເຈົ້າເວົ້າວ່າ ‘ຊິບໍ່ມີຜູ້ໃດເຫັນຂ້ອຍດອກ!’+
ແລະກໍປິດໜ້າໂຕເອງໄວ້.
16 ຄົນຂີ້ລັກມັກເຂົ້າເຮືອນຂອງຄົນອື່ນໃນຕອນກາງຄືນແຕ່ຕອນກາງເວັນເຂົາເຈົ້າພັດຢູ່ແຕ່ເຮືອນຂອງໂຕເອງ.
ເຂົາເຈົ້າບໍ່ມັກແສງສະຫວ່າງເລີຍ.+
17 ເຂົາເຈົ້າຢ້ານຕອນເຊົ້າຄືກັບທີ່ຄົນທົ່ວໄປຢ້ານຄວາມມືດ.ເຂົາເຈົ້າລຶ້ງເຄີຍກັບຄວາມມືດທີ່ຄົນອື່ນຢ້ານນັ້ນ.
18 ແຕ່ເຂົາເຈົ້າຈະຖືກນ້ຳພັດໄປຢ່າງໄວ.
ດິນຂອງເຂົາເຈົ້າຈະຖືກສາບແຊ່ງ+
ແລະເຂົາເຈົ້າຈະບໍ່ໄດ້ກັບມາສວນໝາກລະແຊັງຂອງໂຕເອງອີກ.
19 ຄົນຊົ່ວຈະຕາຍ*ແລະຫາຍສາບສູນໄປເລີຍຄືກັບຫິມະທີ່ຖືກຄວາມຮ້ອນໃນລະດູແລ້ງ!+
20 ແມ່ຂອງລາວຈະລືມລາວ ແລະໂຕໜອນກໍຈະມາຈຶສົບຂອງລາວ.
ຈະບໍ່ມີໃຜຈື່ລາວໄດ້.+
ຄົນຊົ່ວຈະຖືກຕັດຖິ້ມຄືກັບຕົ້ນໄມ້.
21 ລາວເຮັດແນວບໍ່ດີໃສ່ຜູ້ຍິງທີ່ເປັນໝັນແລະຂົ່ມເຫງແມ່ໝ້າຍ.
22 ພະເຈົ້າຈະໃຊ້ລິດເດດຂອງເພິ່ນກຳຈັດຄົນທີ່ມີອຳນາດ.ເຖິງວ່າເຂົາເຈົ້າຈະຈະເລີນຂຶ້ນ ແຕ່ຊີວິດຂອງເຂົາເຈົ້າກໍບໍ່ໝັ້ນຄົງ.
23 ພະເຈົ້າປ່ອຍໃຫ້ເຂົາເຈົ້າຮູ້ສຶກໝັ້ນໃຈແລະຮູ້ສຶກປອດໄພ+ແຕ່ເພິ່ນກໍເບິ່ງທຸກສິ່ງທີ່ເຂົາເຈົ້າເຮັດ.+
24 ເຂົາເຈົ້າຈະຈະເລີນໄດ້ບໍ່ດົນ ແລ້ວເຂົາເຈົ້າກໍຈະສູນຫາຍໄປ.+
ເຂົາເຈົ້າຈະຖືກເຮັດໃຫ້ຕົກຕ່ຳ+ແລະຖືກລວບລວມຄືກັບຄົນອື່ນ.ເຂົາເຈົ້າຈະກາຍເປັນຄືກັບຮວງເຂົ້າທີ່ຖືກຕັດ.
25 ໃຜຈະພິສູດໄດ້ວ່າຂ້ອຍຕົວະຫຼືໃຜຈະຄັດຄ້ານຄຳເວົ້າຂອງຂ້ອຍ?”
ຂໍ
^ ໝາຍເຖິງກຳແພງຫີນກັ້ນດິນຢູ່ບ່ອນປູກຝັງແບບເປັນຂັ້ນໄດ
^ ຫຼືອາດແປວ່າ “ຄົນທຸກສະກັດນ້ຳມັນຢູ່ລະຫວ່າງກຳແພງຫີນ”
^ ຫຼືອາດແປວ່າ “ພະເຈົ້າບໍ່ໄດ້ເອົາຜິດກັບໃຜ”
^ ຫຼື “ລົງໄປຂຸມຝັງສົບ.” ເບິ່ງສ່ວນອະທິບາຍຄຳສັບ.
