ໂຢບ 28:1-28
28 “ມີບ່ອນທີ່ຈະຂຸດເອົາເງິນແລະມີບ່ອນທີ່ຈະຫຼອມເອົາຄຳ.+
2 ເຂົາເຈົ້າຂຸດເອົາເຫຼັກຈາກພື້ນດິນແລະຫຼອມເອົາທອງແດງຈາກກ້ອນຫີນ.+
3 ມະນຸດເຮົາຮູ້ວິທີເຮັດໃຫ້ແສງສະຫວ່າງສ່ອງລົງໄປໃນບ່ອນທີ່ມືດໆເພື່ອເຂົາເຈົ້າຈະເອົາແຮ່ທາດທີ່ມີຄ່າໄດ້.
4 ຢູ່ບ່ອນທີ່ບໍ່ມີຜູ້ໃດທຽວ ບ່ອນທີ່ບໍ່ມີຜູ້ໃດເວົ້າເຖິງແລະບ່ອນທີ່ຢູ່ຫ່າງໄກຈາກຜູ້ຄົນ ເຂົາເຈົ້າຂຸດຮູລົງໄປແລະບາງຄົນກໍໄຕ່ເຊືອກລົງໄປ.
5 ຢູ່ເທິງໜ້າດິນມີຜົນລະປູກງອກງາມແຕ່ຢູ່ໃນພື້ນດິນພັດຮ້ອນປານໄຟ.*
6 ຫີນຢູ່ຫັ້ນມີແກ້ວໄພລິນແລະໃນດິນກໍມີຄຳ.
7 ນົກທີ່ກິນຊີ້ນບໍ່ຮູ້ທາງໄປຫັ້ນແລະແຫຼວດຳກໍບໍ່ເຄີຍເຫັນບ່ອນນັ້ນ.
8 ແມ່ນແຕ່ສັດປ່າທີ່ເປັນຕາຢ້ານກໍບໍ່ເຄີຍໄປຫັ້ນແລະໂຕສິງກໍບໍ່ເຄີຍໄປບ່ອນນັ້ນຄືກັນ.
9 ມະນຸດເຈາະຫີນແຂງໆ*ດ້ວຍມືຂອງເຂົາເຈົ້າ.ແມ່ນແຕ່ຖານຂອງພູ ເຂົາເຈົ້າກໍທຳລາຍໄດ້.
10 ເຂົາເຈົ້າເຈາະຫີນເປັນຮ່ອງໃຫ້ເປັນທາງຂອງນ້ຳ.+ສິ່ງທີ່ມີຄ່າຢູ່ໃສ ເຂົາເຈົ້າກໍເຫັນໝົດ.
11 ເຂົາເຈົ້າຕັນທາງຂອງຕົ້ນນ້ຳໄວ້ແລະເອົາສິ່ງມີຄ່າທີ່ເຊື່ອງຢູ່ຂຶ້ນມາ.
12 ແຕ່ສຳລັບສະຕິປັນຍາ ຈະຫາມັນໄດ້ຈາກໃສ+ແລະຄວາມເຂົ້າໃຈ ຈະຫາມັນໄດ້ຈາກບ່ອນໃດ?+
13 ເພາະຄົນເຮົາບໍ່ເຫັນຄ່າຂອງສະຕິປັນຍາ+ແລະບໍ່ມີຜູ້ໃດຫາມັນໄດ້ຈາກບ່ອນໃດໃນໂລກນີ້.
14 ແມ່ນ້ຳຕ່າງໆທີ່ເລິກໆເວົ້າວ່າ ‘ສະຕິປັນຍາບໍ່ໄດ້ຢູ່ນີ້ເດີ້!’
ແລະທະເລກໍເວົ້າວ່າ ‘ສະຕິປັນຍາກໍບໍ່ໄດ້ຢູ່ນີ້ຄືກັນເດີ້!’+
15 ຈະເອົາຄຳແທ້ໄປຊື້ສະຕິປັນຍາກໍບໍ່ໄດ້ແລະເອົາເງິນບັກຫຼາຍໆໄປແລກກໍບໍ່ໄດ້.+
16 ຈະເອົາຄຳຈາກໂອຟີ*+ໄປຊື້ກໍບໍ່ໄດ້ຫຼືຈະເອົາແກ້ວໄພລິນແລະຫີນໂອນິກທີ່ຫາຍາກໄປຊື້ກໍບໍ່ໄດ້ຄືກັນ.
17 ຄຳແລະແກ້ວກໍທຽບບໍ່ໄດ້ເຄື່ອງໃຊ້ທີ່ເຮັດຈາກຄຳຢ່າງດີກໍຍັງເອົາໄປແລກມັນບໍ່ໄດ້.+
18 ປະກາລັງແລະຫີນແກ້ວແຮ່ງທຽບບໍ່ໄດ້ເລີຍ+ເພາະສະຕິປັນຍາມີຄ່າກວ່າໄຂ່ມຸກເຕັມຖົງຊ້ຳ.
19 ແກ້ວໂທພັດສ໌+ຈາກກູເຊ*ກໍທຽບບໍ່ໄດ້ແລະຈະເອົາຄຳແທ້ໄປຊື້ສະຕິປັນຍາມາກໍບໍ່ໄດ້ຄືກັນ.
20 ຄັນຊັ້ນ ສະຕິປັນຍາມາຈາກໃສແລະຄວາມເຂົ້າໃຈມາຈາກບ່ອນໃດ?+
21 ບໍ່ມີສິ່ງທີ່ມີຊີວິດໃດເຫັນສະຕິປັນຍາໄດ້+ແລະນົກຢູ່ເທິງຟ້າກໍແນມບໍ່ເຫັນມັນ.
22 ຂຸມຝັງສົບແລະຄວາມຕາຍກໍເວົ້າວ່າ‘ພວກເຮົາໄດ້ຍິນແຕ່ຂ່າວລືເລື່ອງຂອງສະຕິປັນຍາເທົ່ານັ້ນ.’
23 ແຕ່ພະເຈົ້າເຂົ້າໃຈວ່າຈະຫາສະຕິປັນຍາໄດ້ແນວໃດແລະມີແຕ່ເພິ່ນຜູ້ດຽວທີ່ຮູ້ວ່າມັນຢູ່ໃສ.+
24 ເພິ່ນເບິ່ງທຸກສິ່ງທຸກຢ່າງຢູ່ທົ່ວໂລກແລະເພິ່ນເຫັນທຸກສິ່ງທຸກຢ່າງທີ່ຢູ່ໃຕ້ຟ້າ.+
25 ຕອນທີ່ເພິ່ນກຳນົດຄວາມແຮງໃຫ້ລົມ+ແລະຕອນທີ່ເພິ່ນຜອງນ້ຳທັງໝົດ+
26 ຕອນທີ່ເພິ່ນກຳນົດລະດູໃຫ້ຝົນ+ແລະຕອນທີ່ເພິ່ນກຳນົດທິດທາງໃຫ້ພາຍຸ+
27 ຕອນນັ້ນແຫຼະທີ່ເພິ່ນເຫັນສະຕິປັນຍາ ແລະອະທິບາຍກ່ຽວກັບເລື່ອງຂອງມັນ.ເພິ່ນເຮັດໃຫ້ສະຕິປັນຍາເກີດຂຶ້ນແລະທົດສອບເບິ່ງມັນ.
28 ແລ້ວເພິ່ນບອກມະນຸດວ່າ
‘ການນັບຖື*ພະເຢໂຫວາແທ້ໆນັ້ນແຫຼະແມ່ນສະຕິປັນຍາ+ແລະການບໍ່ເຮັດສິ່ງຊົ່ວແມ່ນຄວາມເຂົ້າໃຈ.’”+
ຂໍ
^ ອາດໝາຍເຖິງການເຮັດເໝືອງຢູ່ໃຕ້ດິນ
^ ຫີນຊະນິດນີ້ແຂງກວ່າເຫຼັກ. ຖ້າເອົາ 2 ກ້ອນມາຂີດໃສ່ກັນມັນຈະເກີດເປັນປະກາຍໄຟແລະໃຊ້ດັງໄຟໄດ້.
^ ບ່ອນທີ່ມີຄຳຄຸນນະພາບດີ
^ ຫຼື “ເອທິໂອເປຍ”
^ ແປຕາມໂຕວ່າ “ຢ້ານຢຳ”
