ໂຢບ 35:1-16
35 ເອລີຮູເວົ້າຕໍ່ໄປວ່າ:
2 “ເຈົ້າໝັ້ນໃຈວ່າເຈົ້າເຮັດຖືກຈົນກ້າເວົ້າວ່າ‘ຂ້ອຍເປັນຝ່າຍຖືກກວ່າພະເຈົ້າ’ ຊັ້ນບໍ?+
3 ເພາະເຈົ້າເວົ້າວ່າ ‘ຖ້າຂ້ອຍເຮັດສິ່ງທີ່ຖືກຕ້ອງ ມັນກໍບໍ່ກ່ຽວຫຍັງກັບພະອົງ.*
ຂ້ອຍບໍ່ໄດ້ເຮັດຜິດ ແຕ່ກໍບໍ່ເຫັນວ່າໃນຊີວິດຂ້ອຍມີຫຍັງດີຂຶ້ນເລີຍ.’+
4 ຂ້ອຍຊິຕອບເຈົ້າແລະຕອບໝູ່+ຂອງເຈົ້ານຳ.
5 ໃຫ້ເຈົ້າແນມເບິ່ງຟ້າແລະແນມເບິ່ງຂີ້ເຝື້ອ+ທີ່ຢູ່ສູງໆ.
6 ຖ້າເຈົ້າເຮັດຜິດ ມັນກໍບໍ່ມີຜົນຫຍັງກັບພະເຈົ້າ.+
ເຖິງວ່າເຈົ້າຈະເຮັດຜິດຫຼາຍຢ່າງຫຼາຍແນວ ແຕ່ເພິ່ນກໍບໍ່ເສຍຫາຍຫຍັງດອກ.+
7 ຖ້າເຈົ້າເຮັດສິ່ງທີ່ຖືກຕ້ອງ ເຈົ້າໄດ້ໃຫ້ຫຍັງເພິ່ນແລະເພິ່ນໄດ້ຫຍັງນຳເຈົ້າ?+
8 ຖ້າເຈົ້າເຮັດຊົ່ວ ມັນກໍຈະສົ່ງຜົນຕໍ່ຜູ້ທີ່ເປັນມະນຸດຄືກັນກັບເຈົ້າເທົ່ານັ້ນແລະຖ້າເຈົ້າເຮັດສິ່ງທີ່ຖືກຕ້ອງກໍມີແຕ່ມະນຸດນຳກັນທີ່ໄດ້ປະໂຫຍດ.
9 ມະນຸດຮ້ອງຂໍຄວາມຊ່ວຍເຫຼືອ ຕອນທີ່ເຂົາເຈົ້າຖືກກົດຂີ່ຢ່າງໜັກ.ເຂົາເຈົ້າຮ້ອງຂໍໃຫ້ຫຼຸດພົ້ນຈາກຜູ້ມີອຳນາດ.+
10 ແຕ່ບໍ່ມີຜູ້ໃດຖາມວ່າ ‘ພະເຈົ້າຜູ້ສ້າງອົງຍິ່ງໃຫຍ່ຂອງຂ້ອຍຢູ່ໃສ?+ຜູ້ທີ່ເຮັດໃຫ້ພວກເຮົາຮ້ອງເພງສັນລະເສີນໃນຕອນກາງຄືນຢູ່ໃສ?’+
11 ເພິ່ນສອນພວກເຮົາ+ຫຼາຍກວ່າສັດທີ່ຢູ່ເທິງໂລກ+ແລະເພິ່ນເຮັດໃຫ້ພວກເຮົາສະຫຼາດກວ່ານົກທີ່ບິນຢູ່ເທິງຟ້າ.
12 ມະນຸດຮ້ອງຂໍໃຫ້ເພິ່ນຊ່ວຍ ແຕ່ເພິ່ນກໍບໍ່ຕອບ+ເພາະເພິ່ນເຫັນວ່າຄົນຊົ່ວຈອງຫອງຫຼາຍ.+
13 ພະເຈົ້າບໍ່ຟັງຄຳຮ້ອງຂໍທີ່ຂີ້ຕົວະແນ່ນອນ.+ຜູ້ມີລິດເດດສູງສຸດບໍ່ສົນໃຈຄຳຮ້ອງຂໍແບບນັ້ນເລີຍ.
14 ຄັນຊັ້ນ ຖ້າເຈົ້າຈົ່ມໃຫ້ເພິ່ນວ່າເພິ່ນບໍ່ສົນໃຈເຈົ້າ ເພິ່ນກໍແຮ່ງຊິບໍ່ຟັງເຈົ້າ.+
ເພິ່ນໃກ້ຊິຕັດສິນຄະດີໃຫ້ເຈົ້າແລ້ວ ໃຫ້ເຈົ້າຖ້າກ່ອນ.+
15 ເພາະພະເຈົ້າບໍ່ໄດ້ໃຈຮ້າຍເອົາໂທດນຳເຈົ້າແລະບໍ່ໄດ້ສົນໃຈທີ່ເຈົ້າເວົ້າແບບບໍ່ຄິດ.+
16 ໂຢບເອີ້ຍ ເຈົ້າເວົ້າແຕ່ແນວບໍ່ມີປະໂຫຍດເຈົ້າເວົ້າຫຼາຍຢ່າງຫຼາຍແນວ ທັງໆທີ່ບໍ່ຮູ້ຫຍັງເລີຍ.”+
ຂໍ
^ ຫຼືອາດແປວ່າ “ຈະມີປະໂຫຍດຫຍັງກັບພະເຈົ້າບໍ?”
