ໂຢເອນ 3:1-21
3 “ໃນຕອນທີ່ເຮົາພາຊະເລີຍຄົນຢູດາແລະຄົນໃນເມືອງເຢຣູຊາເລັມກັບມາ+
2 ເຮົາກໍຈະລວບລວມທຸກຊາດແລະພາເຂົາເຈົ້າລົງໄປຮ່ອມພູເຢໂຮຊາຟັດ.*
ເຮົາຈະຕັດສິນເຂົາເຈົ້າຢູ່ຫັ້ນ+ຍ້ອນສິ່ງທີ່ເຂົາເຈົ້າໄດ້ເຮັດຕໍ່ພວກອິດສະຣາເອນປະຊາຊົນຂອງເຮົາ.ເຂົາເຈົ້າເຮັດໃຫ້ປະຊາຊົນຂອງເຮົາກະຈັດກະຈາຍກັນໄປຢູ່ນຳຊາດຕ່າງໆແລະເຂົາເຈົ້າເອົາດິນຂອງເຮົາໄປແບ່ງກັນ.+
3 ເຂົາເຈົ້າເອົາປະຊາຊົນຂອງເຮົາໄປຈົກສະຫຼາກ.+ເຂົາເຈົ້າຂາຍເດັກນ້ອຍຜູ້ຊາຍເພື່ອເອົາເງິນໄປເປັນຄ່າຈ້າງໂສເພນີແລະຂາຍເດັກນ້ອຍຜູ້ຍິງເພື່ອເອົາເງິນໄປຊື້ເຫຼົ້າແວງມາກິນ.
4 ເມືອງຕີເຣ ເມືອງຊີໂດນ ແລະທຸກເຂດຂອງພວກຟີລິດສະຕີນເປັນຫຍັງພວກເຈົ້າຈຶ່ງກ້າເຮັດແບບນີ້ກັບເຮົາ?
ພວກເຈົ້າກຳລັງແກ້ແຄ້ນເຮົາໃນສິ່ງທີ່ເຮົາໄດ້ເຮັດໃຫ້ພວກເຈົ້າບໍ?
ຖ້າພວກເຈົ້າກຳລັງແກ້ແຄ້ນເຮົາເຮົາກໍຈະຟ້າວມາໄວໆເພື່ອແກ້ແຄ້ນໃນສິ່ງທີ່ພວກເຈົ້າໄດ້ເຮັດຄືກັນ.+
5 ພວກເຈົ້າໄດ້ເອົາເງິນເອົາຄຳຂອງເຮົາໄປ+ແລະເອົາຊັບສົມບັດທີ່ມີຄ່າທີ່ສຸດຂອງເຮົາໄປໄວ້ໃນວິຫານພະເຈົ້າຂອງພວກເຈົ້າ.
6 ພວກເຈົ້າຍັງໄດ້ເອົາຄົນຢູດາແລະຄົນໃນເມືອງເຢຣູຊາເລັມໄປຂາຍໃຫ້ພວກກຣີກ+ເພື່ອໃຫ້ເຂົາເຈົ້າໄປຢູ່ໄກຈາກບ້ານເກີດຂອງໂຕເອງ.
7 ເຮົາຈະພາປະຊາຊົນຂອງເຮົາອອກມາຈາກບ່ອນທີ່ພວກເຈົ້າຂາຍເຂົາເຈົ້າ.+ເຮົາຈະແກ້ແຄ້ນພວກເຈົ້າໃນສິ່ງທີ່ພວກເຈົ້າໄດ້ເຮັດ.
8 ເຮົາຈະຂາຍລູກຊາຍກັບລູກສາວຂອງພວກເຈົ້າໃຫ້ຄົນຢູດາ+ແລະເຂົາເຈົ້າຈະຂາຍຕໍ່ໃຫ້ພວກເຊບາທີ່ຢູ່ໄກໆ.ເຮົາເຢໂຫວາຈະເຮັດແບບນັ້ນແທ້ໆ.
9 ໃຫ້ບອກຊາດຕ່າງໆວ່າ+
‘ໃຫ້ເອີ້ນພວກທະຫານມາແລະກຽມ*ເຮັດສົງຄາມ.
ໃຫ້ພວກທະຫານທຸກຄົນບຸກໂຈມຕີ.+
10 ໃຫ້ເອົາໝາກສົບໄຖ*ມາຕີເປັນດາບ ແລະເອົາກ່ຽວ*ມາຕີເປັນຫອກ.
ໃຫ້ຄົນທີ່ອ່ອນແອເວົ້າວ່າ “ຂ້ອຍແຂງແຮງ.”
11 ໃຫ້ທຸກຊາດທີ່ຢູ່ອ້ອມຂ້າງພວກເຈົ້າມາລວມກັນແລະຊ່ວຍພວກເຈົ້າໂລດ!’”+
ພະເຢໂຫວາເອີ້ຍ ຂໍໃຫ້ສົ່ງກອງທັບຂອງພະອົງລົງມາບ່ອນນັ້ນ.
12 “ໃຫ້ຊາດຕ່າງໆລວມກັນແລະມາຮ່ອມພູເຢໂຮຊາຟັດເພາະວ່າຢູ່ບ່ອນນັ້ນ ເຮົາຈະນັ່ງຕັດສິນທຸກຊາດທີ່ຢູ່ອ້ອມຂ້າງພວກເຈົ້າ.+
13 ໃຫ້ເດ່ກ່ຽວອອກໄປ ຍ້ອນຜົນລະປູກເປັນຕາກ່ຽວແລ້ວ.
ໃຫ້ລົງມາຢຽບໝາກລະແຊັງ ເພາະວ່າໝາກລະແຊັງເຕັມອ່າງແລ້ວ.+
ຄືກັບທີ່ນ້ຳໝາກລະແຊັງລົ້ນອ່າງ ຄວາມຊົ່ວຂອງຊາດຕ່າງໆກໍມີຫຼາຍແທ້ຫຼາຍວ່າ.
14 ມີຄົນບັກຫຼາຍໆຢູ່ຮ່ອມພູຂອງການຕັດສິນຍ້ອນວ່າອີກຈັກໜ້ອຍກໍຈະຮອດມື້ທີ່ເຮົາເຢໂຫວາຈະມາຮ່ອມພູຂອງການຕັດສິນນັ້ນ.+
15 ຕາເວັນກັບເດືອນຈະມືດແລະດາວຈະບໍ່ສ່ອງແສງ.
16 ເຮົາເຢໂຫວາຈະແຜດສຽງອອກຈາກຊີໂອນຄືກັບໂຕສິງ.ເຮົາຈະຮ້ອງດັງໆອອກມາຈາກເມືອງເຢຣູຊາເລັມ.
ທ້ອງຟ້າກັບໂລກຈະສັ່ນສະເທືອນ.ແຕ່ເຮົາເຢໂຫວາຈະເປັນບ່ອນລີ້ໄພໃຫ້ປະຊາຊົນຂອງເຮົາ+ແລະເປັນປ້ອມໃຫ້ພວກອິດສະຣາເອນປະຊາຊົນຂອງເຮົາ.
17 ແລ້ວພວກເຈົ້າຈະຮູ້ວ່າ ເຮົາແມ່ນເຢໂຫວາພະເຈົ້າຂອງພວກເຈົ້າຜູ້ທີ່ຢູ່ເມືອງຊີໂອນເຊິ່ງເປັນພູທີ່ບໍລິສຸດຂອງເຮົາ.+
ເມືອງເຢຣູຊາເລັມຈະກາຍເປັນບ່ອນທີ່ບໍລິສຸດ+ແລະຄົນຕ່າງຊາດ*ຈະບໍ່ຍ່າງຜ່ານເມືອງນີ້ອີກຕໍ່ໄປ.+
18 ໃນຕອນນັ້ນ ຢູ່ຕາມພູຈະມີເຫຼົ້າແວງຫວານໆຍ້ອຍລົງມາ+ຢູ່ຕາມໂນນພູຈະມີນ້ຳນົມໄຫຼອອກມາແລະຢູ່ຕາມແມ່ນ້ຳຕ່າງໆໃນຢູດາຈະມີນ້ຳເຕັມ.
ຈະມີນ້ຳອອກບໍ່ອອກມາຈາກວິຫານຂອງເຮົາເຢໂຫວາ+ແລະມັນຈະເຮັດໃຫ້ຮ່ອມພູຕົ້ນອະຄາເຊຍມີນ້ຳ.
19 ແຕ່ເອຢິບຈະກາຍເປັນບ່ອນຮ້າງເປົ່າ+ແລະເອໂດມກໍຈະກາຍເປັນບ່ອນກັນດານທີ່ຮ້າງເປົ່າຄືກັນ+ຍ້ອນເຂົາເຈົ້າເຮັດສິ່ງທີ່ໂຫດຮ້າຍຕໍ່ພວກຢູດາ+ແລະຂ້າຄົນທີ່ບໍ່ມີຄວາມຜິດໃນແຜ່ນດິນນັ້ນ.+
20 ແຕ່ຢູດາຈະມີຄົນຢູ່ຕະຫຼອດແລະເມືອງເຢຣູຊາເລັມຈະມີຄົນຢູ່ທຸກຍຸກທຸກສະໄໝ.+
21 ເຮົາຈະຍົກໂທດຄວາມຜິດທີ່ເຂົາເຈົ້າເຄີຍເຮັດໃຫ້ຄົນຕາຍ+ແລະເຮົາເຢໂຫວາຈະຢູ່ເມືອງຊີໂອນ.”+
ຂໍ
^ ແປວ່າ “ພະເຢໂຫວາເປັນຜູ້ຕັດສິນ”
^ ແປຕາມໂຕວ່າ “ເຮັດໃຫ້ບໍລິສຸດ”
^ ເຫຼັກທີ່ໃຊ້ປີ້ນດິນຕອນໄຖນາ
^ ຫຼື “ມີດຂໍທີ່ໃຊ້ຕັດແຕ່ງເຄືອໝາກລະແຊັງ”
^ ຫຼື “ຄົນແປກໜ້າ”
