ຈົດໝາຍເຖິງຄລິດສະຕຽນໃນເມືອງໂຣມ 13:1-14
13 ໃຫ້ທຸກຄົນຍອມເຊື່ອຟັງຄົນທີ່ມີອຳນາດປົກຄອງ+ ຍ້ອນບໍ່ມີໃຜມີອຳນາດໄດ້ຖ້າພະເຈົ້າບໍ່ອະນຸຍາດ.+ ຄົນທີ່ມີອຳນາດປົກຄອງຢູ່ໃນຕຳແໜ່ງສູງຫຼືຕ່ຳໄດ້ກໍຍ້ອນພະເຈົ້າອະນຸຍາດ.+
2 ດັ່ງນັ້ນ ຜູ້ທີ່ຕໍ່ຕ້ານອຳນາດປົກຄອງກໍຕໍ່ຕ້ານການຈັດກຽມຂອງພະເຈົ້າ ແລະຜູ້ທີ່ຕໍ່ຕ້ານການຈັດກຽມນັ້ນຈະຖືກຕັດສິນລົງໂທດ.
3 ຜູ້ທີ່ເຮັດດີບໍ່ຕ້ອງຢ້ານຄົນທີ່ມີອຳນາດປົກຄອງ ແຕ່ຜູ້ທີ່ເຮັດຊົ່ວຕ້ອງຢ້ານ.+ ພວກເຈົ້າບໍ່ຕ້ອງຢ້ານຄົນທີ່ມີອຳນາດປົກຄອງ. ຖ້າພວກເຈົ້າເຮັດດີຕໍ່ໆໄປ+ ເຂົາເຈົ້າຈະຊົມເຊີຍພວກເຈົ້າ.
4 ພະເຈົ້າໃຊ້ຄົນທີ່ມີອຳນາດປົກຄອງໃຫ້ເຮັດວຽກເພື່ອປະໂຫຍດຂອງພວກເຈົ້າ. ແຕ່ຖ້າພວກເຈົ້າເຮັດຊົ່ວກໍໃຫ້ລະວັງໂຕໄວ້ໂລດ. ເຂົາເຈົ້າບໍ່ໄດ້ຖືດາບໄວ້ລ້າໆ ແຕ່ເຂົາເຈົ້າເປັນຜູ້ທີ່ພະເຈົ້າໃຊ້ເຮັດໜ້າທີ່ແທນເພິ່ນເພື່ອລົງໂທດຄົນທີ່ເຮັດຊົ່ວ.
5 ມີເຫດຜົນທີ່ດີທີ່ພວກເຈົ້າຄວນຈະເຊື່ອຟັງຄົນທີ່ມີອຳນາດປົກຄອງ ບໍ່ແມ່ນຍ້ອນຢ້ານຖືກລົງໂທດເທົ່ານັ້ນ ແຕ່ເພື່ອຈະມີໃຈຮູ້ຜິດຮູ້ຖືກທີ່ດີຕໍ່ໆໄປ.+
6 ນີ້ເປັນເຫດຜົນທີ່ພວກເຈົ້າຕ້ອງເສຍພາສີ ຍ້ອນເຂົາເຈົ້າເປັນຜູ້ຮັບໃຊ້ຂອງພະເຈົ້າເພື່ອປະຊາຊົນແລະເຮັດໜ້າທີ່ນີ້ຢູ່ຕະຫຼອດ.
7 ພວກເຈົ້າຕ້ອງໃຫ້ທຸກຄົນຕາມທີ່ເຂົາເຈົ້າສົມຄວນໄດ້ຮັບ. ພວກເຈົ້າຄວນເສຍພາສີໃຫ້ຄົນທີ່ຮຽກຮ້ອງພາສີ+ ເສຍອາກອນໃຫ້ຄົນທີ່ຮຽກຮ້ອງອາກອນ ຢ້ານຢຳຄົນທີ່ຮຽກຮ້ອງຄວາມຢ້ານຢຳ+ ແລະໃຫ້ກຽດຄົນທີ່ຮຽກຮ້ອງກຽດ.+
8 ຢ່າຕິດໜີ້ຫຍັງຜູ້ໃດຈັກເທື່ອ ນອກຈາກຕິດໜີ້ຄວາມຮັກທີ່ຄວນໃຫ້ກັນແລະກັນ.+ ຄົນທີ່ຮັກຄົນອື່ນກໍເຮັດຕາມກົດໝາຍຂອງໂມເຊຢູ່ແລ້ວ.+
9 ກົດໝາຍຂໍ້ທີ່ບອກວ່າ: “ຫ້າມຫຼິ້ນຊູ້+ ຫ້າມຂ້າຄົນ+ ຫ້າມລັກ+ ຫ້າມໂລບ”+ ແລະກົດໝາຍຂໍ້ອື່ນໆກໍລວມຢູ່ໃນຂໍ້ນີ້ທີ່ບອກວ່າ: “ໃຫ້ຮັກຄົນອື່ນຄືກັບຮັກໂຕເອງ.”+
10 ຄົນທີ່ມີຄວາມຮັກບໍ່ເຮັດຊົ່ວຕໍ່ຄົນອື່ນ.+ ດັ່ງນັ້ນ ຄົນທີ່ຮັກຄົນອື່ນກໍເຮັດຕາມກົດໝາຍຂອງໂມເຊຢູ່ແລ້ວ.+
11 ໃຫ້ພວກເຈົ້າເຮັດແບບນັ້ນ ຍ້ອນຮູ້ວ່າຕອນນີ້ເປັນເວລາທີ່ຄວນຈະຕື່ນນອນໄດ້ແລ້ວ.+ ຕອນນີ້ ພວກເຮົາຢູ່ໃກ້ຄວາມລອດຫຼາຍກວ່າຕອນທີ່ຫາກໍເຂົ້າມາເຊື່ອ.
12 ກາງຄືນໃກ້ຈະຜ່ານໄປແລະກາງເວັນກໍໃກ້ຈະມາຮອດແລ້ວ. ດັ່ງນັ້ນ ໃຫ້ພວກເຮົາເຊົາເຮັດສິ່ງທີ່ກ່ຽວຂ້ອງກັບຄວາມມືດ+ ແລະໃຫ້ເອົາອາວຸດຂອງຄວາມສະຫວ່າງມາໃຊ້.+
13 ໃຫ້ພວກເຮົາໃຊ້ຊີວິດຢ່າງຖືກຕ້ອງ+ຄືກັບຢູ່ໃນຕອນກາງເວັນ. ຢ່າກິນລ້ຽງເຮຮາຈົນສຸດຂີດຫຼືກິນເຫຼົ້າຈົນເມົາ ຢ່າມີເພດສຳພັນແບບທີ່ພະເຈົ້າບໍ່ຍອມຮັບຫຼືເຮັດຊົ່ວແບບບໍ່ອາຍ*+ ແລະຢ່າຜິດຖຽງກັນຫຼືອິດສາກັນ.+
14 ໃຫ້ເຮັດຕາມຕົວຢ່າງຂອງພະເຢຊູຄລິດ+ຜູ້ເປັນນາຍຢ່າງໃກ້ຊິດ ແລະຢ່າວາງແຜນເພື່ອເຮັດຕາມຄວາມຕ້ອງການຂອງຮ່າງກາຍທີ່ມີບາບ.+
ຂໍ
^ ເບິ່ງສ່ວນອະທິບາຍຄຳສັບ
