ຈົດໝາຍເຖິງຄລິດສະຕຽນໃນເມືອງໂຣມ 16:1-27
16 ຂ້ອຍຂໍແນະນຳໃຫ້ຮູ້ຈັກຟອຍເບພີ່ນ້ອງຍິງຂອງພວກເຮົາທີ່ຮັບໃຊ້ໃນປະຊາຄົມຢູ່ເມືອງເກັນເຂອາຍ.+
2 ພວກເຈົ້າຈະໄດ້ຕ້ອນຮັບລາວທີ່ເປັນລູກສິດຂອງຜູ້ເປັນນາຍຄືກັບທີ່ຕ້ອນຮັບພວກພີ່ນ້ອງ*ແລະຊ່ວຍລາວໃນເລື່ອງທີ່ຈຳເປັນ+ ຍ້ອນລາວໄດ້ຊ່ວຍພີ່ນ້ອງຫຼາຍຄົນລວມທັງຂ້ອຍນຳ.
3 ຂ້ອຍຂໍຝາກຄວາມຄິດຮອດໄປຫາປີຊະກາກັບອາກີລາ+ທີ່ເປັນໝູ່ເຮັດວຽກນຳກັນກັບຂ້ອຍໃນການຮັບໃຊ້ພະຄລິດເຢຊູ.
4 ເຂົາເຈົ້າສ່ຽງຊີວິດເພື່ອຂ້ອຍ+ ແລະຂ້ອຍກັບພີ່ນ້ອງໃນທຸກປະຊາຄົມທີ່ເປັນຄົນຕ່າງຊາດຮູ້ສຶກຂອບໃຈ 2 ຄົນນີ້ຫຼາຍ.
5 ຂໍຝາກຄວາມຄິດຮອດໄປຫາປະຊາຄົມທີ່ປະຊຸມກັນຢູ່ເຮືອນຂອງເຂົາເຈົ້ານຳ.+ ຂໍຝາກຄວາມຄິດຮອດໄປຫາເອປາຍເນດພີ່ນ້ອງທີ່ຮັກຂອງຂ້ອຍ. ລາວເປັນຄົນໜຶ່ງໃນລູກສິດກຸ່ມທຳອິດຂອງພະຄລິດໃນແຂວງອາຊີ.*
6 ຂໍຝາກຄວາມຄິດຮອດໄປຫາມາຣິອາທີ່ເຮັດວຽກໜັກເພື່ອພວກເຈົ້າ.
7 ຂໍຝາກຄວາມຄິດຮອດໄປຫາອັນດາໂຣນີໂກກັບຢູເນຍທີ່ເປັນຍາດຕິພີ່ນ້ອງຂອງຂ້ອຍ+ແລະເຄີຍຕິດຄຸກນຳກັນກັບຂ້ອຍ. ເຂົາເຈົ້າເປັນພີ່ນ້ອງຊາຍທີ່ມີຊື່ສຽງດີໃນພວກອັກຄະສາວົກ*ແລະເປັນລູກສິດຂອງພະຄລິດດົນກວ່າຂ້ອຍອີກ.
8 ຂໍຝາກຄວາມຄິດຮອດໄປຫາອຳເປຍພີ່ນ້ອງທີ່ຮັກຂອງຂ້ອຍແລະເປັນລູກສິດຂອງຜູ້ເປັນນາຍ.
9 ຂໍຝາກຄວາມຄິດຮອດໄປຫາອູຣະບານທີ່ເປັນໝູ່ເຮັດວຽກນຳກັນກັບພວກເຮົາໃນການຮັບໃຊ້ພະຄລິດ ແລະຂໍຝາກຄວາມຄິດຮອດໄປຫາຊະຕາຂີພີ່ນ້ອງທີ່ຮັກຂອງຂ້ອຍນຳ.
10 ຂໍຝາກຄວາມຄິດຮອດໄປຫາອະເປເລທີ່ເປັນລູກສິດແທ້ຄົນໜຶ່ງຂອງພະຄລິດ. ຂໍຝາກຄວາມຄິດຮອດໄປຫາອາຣິດໂຕບູໂລແລະຄົນໃນເຮືອນຂອງລາວນຳ.
11 ຂໍຝາກຄວາມຄິດຮອດໄປຫາເຮໂຣດີໂອນທີ່ເປັນຍາດຕິພີ່ນ້ອງຂອງຂ້ອຍ. ຂໍຝາກຄວາມຄິດຮອດໄປຫານາຣະກິດກັບຄົນໃນເຮືອນຂອງລາວທີ່ເປັນລູກສິດຂອງຜູ້ເປັນນາຍ.
12 ຂໍຝາກຄວາມຄິດຮອດໄປຫາຕີຝາຍນາກັບທີໂຟຊາພີ່ນ້ອງຍິງທີ່ເຮັດວຽກໜັກເພື່ອຜູ້ເປັນນາຍ. ຂໍຝາກຄວາມຄິດຮອດໄປຫາເປຊີດາພີ່ນ້ອງຍິງທີ່ຮັກຂອງພວກເຮົາ ຍ້ອນລາວເຮັດວຽກໜັກໃນການຮັບໃຊ້ຜູ້ເປັນນາຍ.
13 ຂໍຝາກຄວາມຄິດຮອດໄປຫາຣູໂຟເຊິ່ງເປັນຄົນທີ່ຜູ້ເປັນນາຍເລືອກໄວ້ ແລະແມ່ຂອງລາວທີ່ເປັນຄືກັບແມ່ຂອງຂ້ອຍນຳ.
14 ຂໍຝາກຄວາມຄິດຮອດໄປຫາອາຊິນກຣິດ ຟະເລໂກນ ເຮຣະເມ ປະໂຕບາ ເຮຣະມາ ແລະພີ່ນ້ອງທີ່ຢູ່ກັບເຂົາເຈົ້າ.
15 ຂໍຝາກຄວາມຄິດຮອດໄປຫາຟີໂລໂລກກັບຢູເລຍ ເນເຣກັບນ້ອງສາວ* ໂອລິມປາ ແລະພວກພີ່ນ້ອງທຸກຄົນທີ່ຢູ່ນຳເຂົາເຈົ້າ.
16 ຂໍໃຫ້ຈູບທັກທາຍກັນແບບພີ່ນ້ອງ. ທຸກປະຊາຄົມຂອງພະຄລິດຝາກຄວາມຄິດຮອດໄປຫາພວກເຈົ້າ.
17 ພີ່ນ້ອງເອີ້ຍ ຂ້ອຍຂໍເຕືອນພວກເຈົ້າໃຫ້ລະວັງຄົນທີ່ສ້າງຄວາມແຕກແຍກແລະເປັນຕົ້ນເຫດພາໃຫ້ຄົນອື່ນຖິ້ມຄວາມເຊື່ອ. ເຂົາເຈົ້າເຮັດສິ່ງທີ່ຂັດກັບຄຳສອນທີ່ພວກເຈົ້າໄດ້ຮຽນຮູ້ມາ. ຢ່າຄົບຫາກັບເຂົາເຈົ້າ.+
18 ຍ້ອນເຂົາເຈົ້າບໍ່ໄດ້ເປັນທາດຂອງພະຄລິດຜູ້ເປັນນາຍຂອງພວກເຮົາ ແຕ່ເປັນທາດຂອງຄວາມຕ້ອງການ*ຂອງໂຕເອງ. ເຂົາເຈົ້າເວົ້າຫວານໆແລະເວົ້າເອາະເຊາະເພື່ອຊັກຈູງຄົນຊື່.
19 ຂ້ອຍດີໃຈຫຼາຍ ຍ້ອນຄົນຢູ່ທຸກບ່ອນຮູ້ຈັກເລື່ອງຄວາມສັດຊື່ຂອງພວກເຈົ້າ. ຂ້ອຍຢາກໃຫ້ພວກເຈົ້າເປັນຄົນສະຫຼາດໃນເລື່ອງຄວາມດີ ແຕ່ບໍ່ຕ້ອງຮຽນຮູ້ເລື່ອງຄວາມຊົ່ວ.+
20 ອີກບໍ່ດົນ ພະເຈົ້າຜູ້ໃຫ້ສັນຕິສຸກຈະໃຫ້ອຳນາດພວກເຈົ້າເຮັດໃຫ້ຊາຕານມຸ່ນ+ຢູ່ພື້ນຕີນຂອງພວກເຈົ້າ. ຂໍໃຫ້ພວກເຈົ້າໄດ້ຮັບຄວາມກະລຸນາທີ່ຍິ່ງໃຫຍ່ຈາກພະເຢຊູຜູ້ເປັນນາຍຂອງພວກເຮົາ.
21 ຕີໂມທຽວທີ່ເປັນໝູ່ເຮັດວຽກນຳກັນກັບຂ້ອຍຝາກຄວາມຄິດຮອດໄປຫາພວກເຈົ້າ. ລູກີໂອ ຢາໂຊນ ແລະໂຊຊີປາໂທທີ່ເປັນຍາດຕິພີ່ນ້ອງຂອງຂ້ອຍກໍຝາກຄວາມຄິດຮອດໄປຫາຄືກັນ.+
22 ຂ້ອຍເຕຣະຕຽວທີ່ກຳລັງຂຽນຈົດໝາຍສະບັບນີ້ໃຫ້ໂປໂລ ຂໍຝາກຄວາມຄິດຮອດໄປຫາພວກເຈົ້າທີ່ເປັນລູກສິດຂອງຜູ້ເປັນນາຍ.
23 ຄາໂຢ+ທີ່ໃຫ້ຂ້ອຍພັກຢູ່ເຮືອນນຳແລະໃຫ້ປະຊາຄົມໃຊ້ເຮືອນເປັນບ່ອນປະຊຸມກໍຝາກຄວາມຄິດຮອດໄປຫາພວກເຈົ້າ. ເອຣາຊະໂຕທີ່ເປັນຜູ້ເບິ່ງແຍງຄັງຊັບສິນຂອງເມືອງນີ້ກໍຝາກຄວາມຄິດຮອດໄປຫາພວກເຈົ້າ ແລະກູອາໂຕທີ່ເປັນພີ່ນ້ອງກັບລາວກໍຝາກຄວາມຄິດຮອດໄປຫາຄືກັນ.
24 *——
25 ຂ່າວດີທີ່ຂ້ອຍປະກາດແລະຂ່າວເລື່ອງພະເຢຊູຄລິດສະແດງວ່າພະເຈົ້າເຮັດໃຫ້ພວກເຈົ້າໝັ້ນຄົງໄດ້. ຂ່າວດີນີ້ກ່ຽວຂ້ອງກັບການເປີດເຜີຍຄວາມລັບສັກສິດ+ທີ່ຖືກປິດບັງມາດົນແລ້ວ.
26 ຄວາມລັບນີ້ຖືກເປີດເຜີຍແລ້ວ ແລະຄົນທຸກຊາດໄດ້ຮູ້ເລື່ອງນີ້ຈາກຄຳພະຍາກອນໃນພະຄຳພີຕາມທີ່ພະເຈົ້າຜູ້ມີຊີວິດຕະຫຼອດໄປສັ່ງໄວ້. ເພິ່ນຢາກໃຫ້ຄົນທຸກຊາດມີຄວາມເຊື່ອແລະເຊື່ອຟັງເພິ່ນ.
27 ພະເຈົ້າເທົ່ານັ້ນທີ່ສະຫຼາດຮອບດ້ານ.+ ຂໍໃຫ້ເພິ່ນໄດ້ຮັບການຍົກຍ້ອງຕະຫຼອດໄປຍ້ອນສິ່ງທີ່ພະເຢຊູຄລິດເຮັດ. ອາແມນ.*
ຂໍ ຄວາມ ໄຂ ເງື່ອນ
^ ຫຼື “ຄືກັບທີ່ພວກບໍລິສຸດຄວນຕ້ອນຮັບຄົນອື່ນ”
^ ແຂວງໜຶ່ງຂອງຈັກກະວັດໂຣມ
^ ໃນພາສາກຣີກຄຳນີ້ແປວ່າ “ຜູ້ທີ່ຖືກສົ່ງອອກໄປ”
^ ອາດເປັນເອື້ອຍຫຼືນ້ອງກໍໄດ້
^ ຫຼື “ກະເພາະ”
^ ເບິ່ງພາກຜະໜວກ ກ3
^ ຫຼື “ຂໍໃຫ້ເປັນແນວນັ້ນ”