ໂຮເຊອາ 10:1-15
10 “ອິດສະຣາເອນເປັນຄືກັບຕົ້ນໝາກລະແຊັງທີ່ບໍ່ງາມ*ທີ່ຍັງເປັນໝາກຢູ່.+
ແຮ່ງເປັນໝາກຫຼາຍ ເຂົາເຈົ້າກໍແຮ່ງສ້າງແທ່ນບູຊາຫຼາຍ.+ແຮ່ງດິນເກີດດອກອອກໝາກຫຼາຍ ເຂົາເຈົ້າກໍແຮ່ງເຮັດໃຫ້ເສົາຫີນສັກສິດງາມຂຶ້ນ.+
2 ເຂົາເຈົ້າເປັນຄົນໜ້າໄຫວ້ຫຼັງຫຼອກ.*ເຂົາເຈົ້າມີຄວາມຜິດ.
ແທ່ນບູຊາຂອງເຂົາເຈົ້າຈະຖືກທຳລາຍ ແລະເສົາຫີນສັກສິດຂອງເຂົາເຈົ້າຈະຖືກທຸບ.
3 ເຂົາເຈົ້າເວົ້າວ່າ ‘ພວກເຮົາບໍ່ມີກະສັດ+ ຍ້ອນພວກເຮົາບໍ່ໄດ້ຢ້ານຢຳພະເຢໂຫວາ
ແຕ່ເຖິງວ່າມີກະສັດ ລາວກໍຊ່ວຍຫຍັງພວກເຮົາບໍ່ໄດ້ດອກ.’
4 ເຂົາເຈົ້າເວົ້າບໍ່ຈິງໃຈ ສາບານຕົວະ+ ແລະເຮັດສັນຍາໄວ້ຊື່ໆ.ການຕັດສິນທີ່ບໍ່ຍຸຕິທຳຂອງເຂົາເຈົ້າແພ່ອອກໄປຄືກັບຫຍ້າມີພິດທີ່ຂຶ້ນຢູ່ຕາມຄອງໄຖ.+
5 ຄົນໃນເມືອງຊາມາເຣຍຈະຢ້ານຮູບງົວນ້ອຍທີ່ຢູ່ເມືອງເບັດອາເວນ.+
ເຂົາເຈົ້າຈະຮ້ອງໄຫ້ເສຍໃຈຍ້ອນມັນ.ພວກປະໂລຫິດຂອງພະເຈົ້າຕ່າງຊາດທີ່ເຄີຍພູມໃຈຍ້ອນຄວາມງາມຂອງຮູບນັ້ນກໍຈະຮ້ອງໄຫ້ເສຍໃຈຄືກັນຍ້ອນມັນຈະຖືກເອົາໄປຈາກເຂົາເຈົ້າ.
6 ມັນຈະຖືກເອົາໄປອັດຊີເຣຍເພື່ອເປັນຂອງຂວັນໃຫ້ກະສັດທີ່ຍິ່ງໃຫຍ່.+
ເອຟຣາຢິມຈະຕ້ອງອັບອາຍແລະອິດສະຣາເອນກໍຈະຕ້ອງອັບອາຍຄືກັນ ຍ້ອນເຂົາເຈົ້າເຮັດຕາມຄຳແນະນຳທີ່ບໍ່ດີ.+
7 ຊາມາເຣຍກັບກະສັດຂອງເມືອງນີ້ຈະຖືກຈັດການ*ແນ່ນອນ.+ເຂົາເຈົ້າຈະເປັນຄືກັບກິ່ງໄມ້ທີ່ຖືກຫັກແລະຖິ້ມລົງນ້ຳ.
8 ບ່ອນນະມັດສະການຢູ່ເມືອງເບັດອາເວນ+ທີ່ເປັນຕົ້ນເຫດພາໃຫ້ອິດສະຣາເອນ+ເຮັດຜິດຈະຖືກທຳລາຍ.+
ຕົ້ນໜາມຈະຂຶ້ນຢູ່ແທ່ນບູຊາຂອງເຂົາເຈົ້າ.+
ເຂົາເຈົ້າຈະເວົ້າກັບພູວ່າ ‘ບັງພວກເຮົາໄວ້ແດ່’
ແລະເວົ້າກັບໂນນພູວ່າ ‘ປົກພວກເຮົາໄວ້ແດ່.’+
9 ອິດສະຣາເອນເອີ້ຍ ຕັ້ງແຕ່ເກີດເລື່ອງຢູ່ເມືອງກີເບອາ+ ພວກເຈົ້າກໍເຮັດຜິດມາຕະຫຼອດ.
ພວກເຈົ້າບໍ່ຢາກປ່ຽນແປງໂຕເອງເລີຍ.
ສົງຄາມບໍ່ໄດ້ທຳລາຍຄົນຊົ່ວໃນເມືອງກີເບອາໃຫ້ໝົດ.
10 ເຮົາຈະລົງໂທດພວກເຈົ້າເມື່ອເຮົາຢາກເຮັດ.
ຕອນທີ່ເຂົາເຈົ້າແບກຄວາມຜິດສອງຢ່າງໄວ້*ເຮົາຈະລວບລວມຊາດຕ່າງໆໃຫ້ມາຕໍ່ສູ້ພວກເຈົ້າ.
11 ເອຟຣາຢິມເປັນຄືກັບງົວໂຕແມ່ທີ່ມັກລາກໄມ້ແປ້ນຟາດເຂົ້າ.ເຮົາຈຶ່ງບໍ່ເອົາແອກໃສ່ຄໍທີ່ງາມໆຂອງມັນ.
ແຕ່ບັດນີ້ ເຮົາຈະໃຫ້ມີຄົນມາຂີ່ເອຟຣາຢິມ.+
ຢູດາຈະໄຖແລະຢາໂຄບຈະຄາດ.
12 ຕອນທີ່ຍັງມີເວລາທີ່ຈະຊອກຫາພະເຢໂຫວາ+
ແລະກ່ອນທີ່ເພິ່ນຈະມາແລະສອນພວກເຈົ້າໃນສິ່ງທີ່ຖືກຕ້ອງ+ພວກເຈົ້າຄວນຈະຫວ່ານສິ່ງທີ່ຖືກຕ້ອງແລະເກັບກ່ຽວຄວາມຮັກທີ່ໝັ້ນຄົງ.ພວກເຈົ້າຄວນຈະກຽມດິນໄວ້ເພື່ອປູກຝັງ.+
13 ແຕ່ພວກເຈົ້າພັດຫວ່ານ*ຄວາມຊົ່ວແລະເກັບກ່ຽວຄວາມຜິດ.+ພວກເຈົ້າຈຶ່ງໄດ້ຮັບຜົນຈາກຄວາມບໍ່ສັດຊື່ຂອງພວກເຈົ້າ.ຍ້ອນພວກເຈົ້າໄວ້ໃຈໂຕເອງແລະວາງໃຈໃນກອງທັບໃຫຍ່ຂອງພວກເຈົ້າ.
14 ພວກເຈົ້າຈະໄດ້ຍິນສຽງຄົນທີ່ມາຕໍ່ສູ້ພວກເຈົ້າແລະເມືອງຕ່າງໆຂອງພວກເຈົ້າທີ່ມີກຳແພງອ້ອມຈະຖືກທຳລາຍ.+ມັນຈະຖືກທຳລາຍຄືກັບທີ່ຊັນມານໄດ້ທຳລາຍບ້ານຂອງອາເບນ.ຢູ່ຫັ້ນ ແມ່ກັບລູກຈະຖືກຕີຈົນຕາຍ.
15 ເມືອງເບເທນເອີ້ຍ ເຈົ້າຈະເຈິແບບນັ້ນ+ຍ້ອນເຈົ້າເຮັດຊົ່ວ.
ໃນຕອນໃກ້ຊິແຈ້ງ ກະສັດຂອງອິດສະຣາເອນຈະຖືກຈັດການແນ່ນອນ.”+
ຂໍ
^ ຫຼືອາດແປວ່າ “ທີ່ປົ່ງອອກງາມໆ”
^ ຫຼື “ທໍລະຍົດ; ບໍ່ຈິງໃຈ”
^ ແປຕາມໂຕວ່າ “ຖືກເຮັດໃຫ້ມິດຢູ່”
^ ໝາຍເຖິງການຮັບໂທດທີ່ຄືກັບຕ້ອງແບກແອກໄວ້
^ ແປຕາມໂຕວ່າ “ໄຖ”
