ໂຮເຊອາ 11:1-12
11 “ຕອນທີ່ອິດສະຣາເອນຍັງນ້ອຍ ເຮົາຮັກລາວ.+ເຮົາໄດ້ເອີ້ນລູກຂອງເຮົາອອກມາຈາກເອຢິບ.+
2 ແຮ່ງມີຄົນ*ເອີ້ນພວກອິດສະຣາເອນເຂົາເຈົ້າກໍແຮ່ງອອກໄປໄກຈາກຄົນເຫຼົ່ານັ້ນ.+
ເຂົາເຈົ້າເອົາເຄື່ອງບູຊາໄປໃຫ້ຮູບພະບາອານ+ແລະເອົາເຄື່ອງບູຊາໄປໃຫ້ຮູບພະອື່ນໆ.+
3 ເຮົາເປັນຜູ້ສອນເອຟຣາຢິມໃຫ້ຍ່າງ+ແລະອູ້ມເຂົາເຈົ້າ+ແຕ່ເຂົາເຈົ້າບໍ່ຍອມຮັບວ່າເຮົາເປັນຜູ້ປົວເຂົາເຈົ້າ.
4 ເຮົາໃຊ້ຄວາມຮັກກັບຄວາມເມດຕາທີ່ເປັນຄືກັບເຊືອກ*ເພື່ອດຶງເຂົາເຈົ້າເຂົ້າມາຫາເຮົາ+ແລະປົດແອກອອກຈາກຄໍເຂົາເຈົ້າ.ເຮົາຄ່ອຍໆປ້ອນເຂົ້າປ້ອນນ້ຳເຂົາເຈົ້າ.
5 ເຂົາເຈົ້າຈະບໍ່ກັບໄປເອຢິບ ແຕ່ອັດຊີເຣຍຈະເປັນກະສັດຂອງເຂົາເຈົ້າ+ຍ້ອນເຂົາເຈົ້າບໍ່ຍອມກັບມາຫາເຮົາ.+
6 ພວກສັດຕູຈະໃຊ້ດາບເພື່ອໂຈມຕີເມືອງຕ່າງໆຂອງເຂົາເຈົ້າ.+ແລ້ວທຳລາຍປະຕູເມືອງທີ່ມີລ໋ອກມີກອນເປັນເຫຼັກ ແລະຂ້າເຂົາເຈົ້າຍ້ອນເຂົາເຈົ້າວາງແຜນຊົ່ວ.+
7 ປະຊາຊົນຂອງເຮົາຕັ້ງໃຈທີ່ຈະບໍ່ສັດຊື່ຕໍ່ເຮົາ.+
ເຖິງວ່າມີຄົນເອີ້ນເຂົາເຈົ້າໃຫ້ກັບມາຫາພະເຈົ້າສູງສຸດ ແຕ່ກໍບໍ່ມີໃຜກັບມາຍົກຍ້ອງເຮົາ.
8 ເອຟຣາຢິມເອີ້ຍ ເຮົາຖິ້ມພວກເຈົ້າບໍ່ໄດ້ດອກ.+
ອິດສະຣາເອນເອີ້ຍ ເຮົາມອບພວກເຈົ້າໃຫ້ສັດຕູບໍ່ໄດ້ດອກ.
ເຮົາບໍ່ຢາກທຳລາຍພວກເຈົ້າຄືກັບທີ່ເຄີຍທຳລາຍເມືອງອັດມາ.
ເຮົາບໍ່ຢາກກວາດລ້າງພວກເຈົ້າຄືກັບທີ່ເຄີຍກວາດລ້າງເມືອງເຊໂບຢິມ.+
ເຮົາປ່ຽນໃຈແລ້ວ.ເຮົາອີ່ຕົນພວກເຈົ້າຫຼາຍ.+
9 ເຮົາຈະບໍ່ປ່ອຍຄວາມໃຈຮ້າຍຂອງເຮົາອອກມາ.
ເຮົາຈະບໍ່ທຳລາຍເອຟຣາຢິມອີກ+ຍ້ອນເຮົາເປັນພະເຈົ້າ ບໍ່ແມ່ນມະນຸດ.ເຮົາເປັນພະເຈົ້າອົງບໍລິສຸດທີ່ຢູ່ນຳພວກເຈົ້າ.ເຮົາຈະບໍ່ລົງໂທດພວກເຈົ້າຍ້ອນເຮົາໃຈຮ້າຍໃຫ້ພວກເຈົ້າ.
10 ເຂົາເຈົ້າຈະນະມັດສະການພະເຢໂຫວາອີກ ແລະເພິ່ນຈະເປັນຄືກັບໂຕສິງທີ່ແຜດສຽງຮ້ອງ.+ເມື່ອເພິ່ນແຜດສຽງຮ້ອງ ພວກລູກຂອງເພິ່ນກໍຈະມາຈາກທິດຕາເວັນຕົກດ້ວຍຄວາມຢ້ານ.+
11 ຕອນອອກມາຈາກເອຢິບ ເຂົາເຈົ້າຈະຢ້ານຈົນໂຕສັ່ນຄືກັບນົກ.ຕອນອອກມາຈາກອັດຊີເຣຍ ເຂົາເຈົ້າຈະຢ້ານຈົນໂຕສັ່ນຄືກັບນົກເຂົາທີ່ຂີ້ຢ້ານ.+ເຮົາຈະໃຫ້ເຂົາເຈົ້າໄດ້ມາຢູ່ເຮືອນຂອງໂຕເອງ.” ພະເຢໂຫວາເວົ້າໄວ້ແບບນີ້.+
12 “ເອຟຣາຢິມມີແຕ່ເວົ້າຕົວະເຮົາແລະເຮົາປິ່ນໄປທາງໃດກໍເຫັນແຕ່ການຫຼອກລວງຂອງອິດສະຣາເອນ.+
ແຕ່ຢູດາຍັງຢູ່ໃນແນວທາງຂອງພະເຈົ້າ*ແລະສັດຊື່ຕໍ່ພະເຈົ້າອົງບໍລິສຸດ.”+
ຂໍ
^ ໝາຍເຖິງພວກຜູ້ພະຍາກອນແລະຄົນອື່ນໆທີ່ພະເຈົ້າສົ່ງມາສອນພວກອິດສະຣາເອນ
^ ເບິ່ງຄືວ່າເປັນເຊືອກທີ່ພໍ່ແມ່ໃຊ້ສອນລູກໃຫ້ຮູ້ຈັກຍ່າງ
^ ຫຼື “ຍ່າງກັບພະເຈົ້າ”
