ໂຮເຊອາ 12:1-14
12 “ເອຟຣາຢິມຝາກຄວາມຫວັງໄວ້ກັບລົມ.
ເຂົາເຈົ້າແລ່ນນຳລົມທີ່ມາຈາກທິດຕາເວັນອອກໝົດມື້.
ເຂົາເຈົ້າເວົ້າຕົວະແລະເຮັດຊົ່ວຫຼາຍຂຶ້ນ.
ເຂົາເຈົ້າເຮັດສັນຍາກັບອັດຊີເຣຍ+ແລະເອົານ້ຳມັນໝາກກອກໄປໃຫ້ເອຢິບ.+
2 ພະເຢໂຫວາຈະຕັດສິນຢູດາ.+ເພິ່ນຈະລົງໂທດຢາໂຄບຕາມສິ່ງທີ່ລາວເຮັດ.ເພິ່ນຈະຕອບແທນລາວຕາມການກະທຳຂອງລາວ.+
3 ລາວຈັບສົ້ນຕີນຂອງອ້າຍໄວ້ຕອນຢູ່ໃນທ້ອງແມ່.+ລາວສູ້ກັບພະເຈົ້າຈົນສຸດແຮງ.+
4 ລາວປ້ຳສູ້ກັບທູດສະຫວັນຈົນຊະນະ.
ລາວຮ້ອງໄຫ້ແລະອ້ອນວອນເພື່ອຈະໄດ້ພອນ.+
ພະເຈົ້າເຫັນລາວຢູ່ເມືອງເບເທນແລະເພິ່ນເວົ້າກັບພວກເຮົາ*ຢູ່ຫັ້ນ.”+
5 ພະເຢໂຫວາເປັນພະເຈົ້າຜູ້ບັນຊາການກອງທັບ.+ຄົນຈະຕ້ອງຈື່ວ່າຊື່ຂອງເພິ່ນແມ່ນເຢໂຫວາ.+
6 “ໃຫ້ກັບມາຫາພະເຈົ້າຂອງພວກເຈົ້າ.+ໃຫ້ມີຄວາມຮັກທີ່ໝັ້ນຄົງແລະເຮັດສິ່ງທີ່ຖືກຕ້ອງ+ແລະໃຫ້ວາງໃຈພະເຈົ້າຂອງພວກເຈົ້າສະເໝີ.
7 ພວກພໍ່ຄ້າໂກງຕາຊິງ.ເຂົາເຈົ້າມັກສໍ້ໂກງ.+
8 ເອຟຣາຢິມມັກເວົ້າວ່າ ‘ຂ້ອຍຮັ່ງແລ້ວ+ຂ້ອຍລວຍແລ້ວ.+
ຂ້ອຍຮັ່ງຂ້ອຍມີກໍຍ້ອນຂ້ອຍຫາດ້ວຍເຫື່ອດ້ວຍແຮງຂອງຂ້ອຍເອງ. ຂ້ອຍບໍ່ໄດ້ເຮັດຫຍັງຜິດ.’
9 ເຮົາເຢໂຫວາເປັນພະເຈົ້າຂອງພວກເຈົ້າຕັ້ງແຕ່ຕອນພວກເຈົ້າຢູ່ເອຢິບ.+
ເຮົາຈະໃຫ້ພວກເຈົ້າໄດ້ຢູ່ໃນເຕັ້ນອີກຄືກັບໃນຍາມເທດສະການ.*
10 ເຮົາເວົ້າຜ່ານທາງພວກຜູ້ພະຍາກອນ.+ເຮົາໃຫ້ເຂົາເຈົ້າເຫັນນິມິດຫຼາຍຂຶ້ນແລະເຮົາໃຫ້ຕົວຢ່າງປຽບທຽບຫຼາຍເລື່ອງໂດຍທາງເຂົາເຈົ້າ.
11 ຢູ່ເມືອງກິລຽດມີແຕ່ການຂີ້ຕົວະ+ແລະການຫຼອກລວງ.*
ຢູ່ກິນການມີຄົນເຜົາງົວເປັນເຄື່ອງບູຊາ.+ແທ່ນບູຊາຂອງເຂົາເຈົ້າເປັນຄືກັບກອງກ້ອນຫີນທີ່ຢູ່ຄອງໄຖ.+
12 ຢາໂຄບໜີໄປແຜ່ນດິນອາຣາມ.*+ອິດສະຣາເອນ+ເຮັດວຽກຢູ່ຫັ້ນເພື່ອຈະໄດ້ເມຍ.+ລາວລ້ຽງແກະເພື່ອຈະໄດ້ເມຍ.+
13 ພະເຢໂຫວາໃຊ້ຜູ້ພະຍາກອນໃຫ້ພາອິດສະຣາເອນອອກມາຈາກເອຢິບ.+ເພິ່ນໃຊ້ຜູ້ພະຍາກອນຄົນນັ້ນໃຫ້ເບິ່ງແຍງລາວ.+
14 ເອຟຣາຢິມເຮັດໃຫ້ພະເຈົ້າເສຍໃຈຫຼາຍ.+ເຂົາເຈົ້າຈະຕ້ອງຮັບຜິດຊອບທີ່ຂ້າຄົນ.ຜູ້ເປັນນາຍຈະລົງໂທດເຂົາເຈົ້າຍ້ອນເຂົາເຈົ້າດູຖູກເພິ່ນ.”+
ຂໍ
^ ອາດໝາຍເຖິງລູກຫຼານຂອງຢາໂຄບ
^ ແປຕາມໂຕວ່າ “ໄລຍະທີ່ມີການກຳນົດໄວ້”
^ ຫຼື “ເລື່ອງເລິກລັບ; ສິ່ງເລິກລັບ”
^ ຫຼື “ຊີເຣຍ”
