ໂຮເຊອາ 13:1-16
13 “ເມື່ອເອຟຣາຢິມເວົ້າ ຄົນກໍຢ້ານຈົນໂຕສັ່ນ.ເຂົາເຈົ້າເດັ່ນກວ່າຕະກູນອື່ນໆໃນອິດສະຣາເອນ+
ແຕ່ເຂົາເຈົ້າມີຄວາມຜິດຍ້ອນໄປນະມັດສະການພະບາອານ+ ເຂົາເຈົ້າຈຶ່ງຕ້ອງຕາຍ.
2 ຕອນນີ້ ເຂົາເຈົ້າເຮັດຜິດຕື່ມອີກ.ເຂົາເຈົ້າເອົາເງິນມາຫຼໍ່ເປັນຮູບພະ.+ຊ່າງທີ່ມີສີມືກໍພາກັນເຮັດຮູບບູຊາ.
ເຂົາເຈົ້າເວົ້າວ່າ ‘ຕອນທີ່ເອົາເຄື່ອງບູຊາມາໃຫ້ຮູບງົວນ້ອຍກໍໃຫ້ຈູບມັນພ້ອມ.’+
3 ຍ້ອນແນວນີ້ ເຂົາເຈົ້າຈະເປັນຄືກັບນ້ຳໝອກໃນຕອນເຊົ້າເປັນຄືກັບນ້ຳຄ້າງທີ່ເຫີຍໄວໆເປັນຄືກັບຂີ້ແກບທີ່ຖືກລົມພາຍຸພັດໄປຈາກລານຟາດເຂົ້າແລະເປັນຄືກັບຄວັນທີ່ລອຍອອກທາງປ່ອງທີ່ຢູ່ຫຼັງຄາ.
4 ເຮົາເຢໂຫວາເປັນພະເຈົ້າຂອງພວກເຈົ້າຕັ້ງແຕ່ຕອນພວກເຈົ້າຢູ່ເອຢິບ.+ພວກເຈົ້າບໍ່ຮູ້ຈັກພະເຈົ້າອື່ນນອກຈາກເຮົາແລະມີແຕ່ເຮົາຜູ້ດຽວທີ່ເປັນຜູ້ຊ່ວຍໃຫ້ລອດ.+
5 ເຮົາເບິ່ງແຍງພວກເຈົ້າຢູ່ບ່ອນກັນດານ+ໃນແຜ່ນດິນທີ່ແຫ້ງແລ້ງ.
6 ເຂົາເຈົ້າພໍໃຈທີ່ໄດ້ກິນຫຍ້າຢູ່ທົ່ງຂອງໂຕເອງ.+ເມື່ອກິນຈົນໜຳໃຈແລ້ວ ເຂົາເຈົ້າກໍຍິ່ງຈອງຫອງ
ແລ້ວເຂົາເຈົ້າກໍລືມເຮົາ.+
7 ເຮົາຈະໂຈມຕີເຂົາເຈົ້າຄືກັບໂຕສິງ+ຄືກັບເສືອດາວທີ່ດັກຊຸ້ມຢູ່ຕາມຫົນທາງ.
8 ເຮົາຈະໂຈມຕີເຂົາເຈົ້າຄືກັບແມ່ໝີທີ່ລູກຖືກລັກເອົາໄປແລະເຮົາຈະຈີກໜ້າເອິກຂອງເຂົາເຈົ້າ.
ເຮົາຈະຂ້າເຂົາເຈົ້າຢູ່ຫັ້ນຄືກັບໂຕສິງກິນເຫຍື່ອແລະສັດປ່າຈະຈີກເຂົາເຈົ້າເປັນຕ່ອນໆ.
9 ອິດສະຣາເອນເອີ້ຍ ມັນຈະທຳລາຍພວກເຈົ້າຍ້ອນພວກເຈົ້າບໍ່ສັດຊື່ຕໍ່ເຮົາເຊິ່ງເປັນຜູ້ທີ່ຊ່ວຍພວກເຈົ້າໄດ້.
10 ກະສັດທີ່ຈະປົກປ້ອງພວກເຈົ້າໃນເມືອງຕ່າງໆຢູ່ໃສເດ້?+ພວກເຈົ້າເຄີຍຂໍນຳເຮົາວ່າ‘ໃຫ້ຕັ້ງກະສັດກັບພວກເຈົ້ານາຍໃຫ້ພວກເຮົາແດ່.’ ຕອນນີ້ ຜູ້ປົກຄອງ*ຂອງພວກເຈົ້າຢູ່ໃສແລ້ວ?+
11 ເຮົາຍອມໃຫ້ພວກເຈົ້າມີກະສັດທັງໆທີ່ເລື່ອງນີ້ເຮັດໃຫ້ເຮົາໃຈຮ້າຍ+ແລະເຮົາຈະເອົາລາວໄປຈາກພວກເຈົ້າ ຍ້ອນເຮົາໃຈຮ້າຍຫຼາຍ.+
12 ຄວາມຜິດຂອງເອຟຣາຢິມຈະຖືກຈື່ໄວ້.ຄວາມຜິດຂອງເຂົາເຈົ້າຈະຖືກນັບແລະຖືກຈົດໄວ້.
13 ເຂົາເຈົ້າຈະເຈັບປວດຄືກັບຜູ້ຍິງທີ່ກຳລັງຈະເກີດລູກ
ຍ້ອນຮອດຍາມເກີດ ລູກກໍບໍ່ອ່ວຍຈັກເທື່ອ.ມັນເປັນຄືກັບລູກທີ່ໂງ່.
14 ເຮົາຈະໄຖ່ເຂົາເຈົ້າຈາກອຳນາດຂອງຂຸມຝັງສົບ.*ເຮົາຈະຊ່ວຍເຂົາເຈົ້າໃຫ້ພົ້ນຈາກຄວາມຕາຍ.+
ຄວາມຕາຍເອີ້ຍ ລິດເດດຂອງເຈົ້າຢູ່ໃສ?+
ຂຸມຝັງສົບເອີ້ຍ ອຳນາດໃນການທຳລາຍຂອງເຈົ້າຢູ່ໃສ?+
ເຮົາຈະບໍ່ອີ່ຕົນພວກເຈົ້າດອກ.
15 ເຖິງວ່າເຂົາເຈົ້າຈະງາມຄືກັບຕົ້ນອໍ້ແຕ່ພະເຢໂຫວາຈະເຮັດໃຫ້ມີລົມຮ້ອນພັດມາຈາກທິດຕາເວັນອອກມາຈາກທະເລຊາຍ ແລະເຮັດໃຫ້ນ້ຳສ້າງກັບນ້ຳອອກບໍ່ຂອງເຂົາເຈົ້າແຫ້ງ.
ຈະມີຄົນມາປຸ້ນເອົາຊັບສົມບັດທີ່ມີຄ່າທັງໝົດຂອງເຂົາເຈົ້າ.+
16 ຊາມາເຣຍຈະຖືກລົງໂທດ+ ຍ້ອນເຂົາເຈົ້າກະບົດຕໍ່ພະເຈົ້າ.+
ເຂົາເຈົ້າຈະຖືກຂ້າດ້ວຍດາບ.+ພວກລູກຂອງເຂົາເຈົ້າຈະຖືກຕີຈົນຕາຍແລະພວກຜູ້ຍິງທີ່ຖືພາກໍຈະຖືກປາດທ້ອງ.”
