ໂຮເຊອາ 4:1-19
4 ຄົນອິດສະຣາເອນເອີ້ຍ ໃຫ້ຟັງສິ່ງທີ່ພະເຢໂຫວາເວົ້າ.ພະເຢໂຫວາຈະຕັດສິນຄົນທີ່ຢູ່ແຜ່ນດິນນີ້+ຍ້ອນເຂົາເຈົ້າບໍ່ສັດຊື່ ບໍ່ມີຄວາມຮັກທີ່ໝັ້ນຄົງ ແລະເຮັດຄືກັບວ່າພະເຈົ້າບໍ່ມີຢູ່ແທ້.*+
2 ຫຼາຍຄົນເປັນພະຍານປອມ ເວົ້າຕົວະ+ ຂ້າຄົນ+ເປັນຂີ້ລັກ ແລະຫຼິ້ນຊູ້.+ເຂົາເຈົ້າຂ້າຄົນບໍ່ຢຸດບໍ່ເຊົາ.+
3 ຍ້ອນແນວນີ້ ຄົນທີ່ຢູ່ແຜ່ນດິນນີ້ຈະຕ້ອງຮ້ອງໄຫ້ເສຍໃຈ.+ທຸກຄົນຈະໝົດແຮງແລະຕາຍ.ສັດປ່າທີ່ຢູ່ທົ່ງຫຍ້າ ນົກທີ່ຢູ່ເທິງຟ້າແລະປາທີ່ຢູ່ໃນທະເລກໍຈະຕາຍໝົດ.
4 “ແຕ່ບໍ່ຕ້ອງໃຫ້ຜູ້ໃດສອນຫຼືຕັກເຕືອນພວກເຈົ້າດອກ+ຍ້ອນພວກເຈົ້າເປັນຄືກັບຄົນຫົວແຂງທີ່ມັກຖຽງປະໂລຫິດ.+
5 ແມ່ນແຕ່ຕອນກາງເວັນພວກເຈົ້າກໍຈະສະດຸດລົ້ມ.ແລະຜູ້ພະຍາກອນກໍຈະສະດຸດລົ້ມນຳພວກເຈົ້າຄືກັບວ່າເປັນຕອນກາງຄືນ.
ເຮົາຈະທຳລາຍແມ່ຂອງພວກເຈົ້າ.
6 ເຮົາຈະທຳລາຍປະຊາຊົນຂອງເຮົາຍ້ອນເຂົາເຈົ້າບໍ່ຮູ້ຈັກເຮົາ.
ຍ້ອນພວກເຈົ້າບໍ່ຍອມຮູ້ຈັກເຮົາ+ເຮົາກໍຈະບໍ່ຍອມໃຫ້ພວກເຈົ້າຮັບໃຊ້ເປັນປະໂລຫິດຂອງເຮົາ.ຍ້ອນພວກເຈົ້າລືມກົດໝາຍ*ຂອງເຮົາ+ເຮົາກໍຈະລືມລູກຊາຍຂອງພວກເຈົ້າ.
7 ເມື່ອພວກປະໂລຫິດມີຫຼາຍຂຶ້ນ ເຂົາເຈົ້າກໍແຮ່ງເຮັດຜິດຕໍ່ເຮົາຫຼາຍຂຶ້ນ.+
ແທນທີ່ເຂົາເຈົ້າຈະໄດ້ຮັບກຽດ* ເຮົາຈະເຮັດໃຫ້ເຂົາເຈົ້າອັບອາຍຂາຍໜ້າ.
8 ເຂົາເຈົ້າກິນຈົນຕຸ້ຍ*ຕອນປະຊາຊົນເຮັດຜິດແລະເຂົາເຈົ້າຢາກໃຫ້ປະຊາຊົນເຮັດຜິດຫຼາຍຂຶ້ນເລື້ອຍໆ.
9 ປະຊາຊົນກັບປະໂລຫິດຈະໄດ້ຮັບໂທດຄືກັນ.ເຮົາຈະລົງໂທດເຂົາເຈົ້າຕາມການກະທຳຂອງເຂົາເຈົ້າແລະຈະໃຫ້ເຂົາເຈົ້າຮັບຜິດຊອບຕາມສິ່ງທີ່ເຂົາເຈົ້າໄດ້ເຮັດ.+
10 ເຂົາເຈົ້າຈະກິນ ແຕ່ຈະບໍ່ອີ່ມ.+
ເຂົາເຈົ້າຈະນອນນຳຫຼາຍຄົນ* ແຕ່ຈະບໍ່ມີລູກບໍ່ມີຫຼານ+ຍ້ອນເຂົາເຈົ້າບໍ່ເຊື່ອຟັງພະເຢໂຫວາ.
11 ເມື່ອເຂົາເຈົ້າເຮັດໂຕຄືກັບແມ່ຈ້າງ* ແລະກິນເຫຼົ້າແວງເກົ່າກັບເຫຼົ້າແວງໃໝ່ມັນກໍເຮັດໃຫ້ເຂົາເຈົ້າບໍ່ຢາກເຮັດສິ່ງທີ່ຖືກຕ້ອງ.+
12 ປະຊາຊົນຂອງເຮົາໄປຂໍໃຫ້ຮູບພະທີ່ເປັນໄມ້ຊ່ວຍແລະເຮັດຕາມທີ່ໄມ້ຄ້ອນເທົ້າ*ສັ່ງ.ເຂົາເຈົ້າມັກນອນນຳຫຼາຍຄົນ ການເຮັດແນວນັ້ນຈຶ່ງພາເຂົາເຈົ້າໄປຜິດທາງ.ເຂົາເຈົ້າເຮັດໂຕຄືກັບແມ່ຈ້າງ ເຂົາເຈົ້າຈຶ່ງບໍ່ເຊື່ອຟັງພະເຈົ້າຂອງເຂົາເຈົ້າ.
13 ເຂົາເຈົ້າເຜົາເຄື່ອງບູຊາຢູ່ຈອມພູ+ແລ້ວເຮັດໃຫ້ຄວັນຈາກເຄື່ອງບູຊາລອຍຂຶ້ນຢູ່ໂນນພູຢູ່ກ້ອງຕົ້ນໂອກ ຕົ້ນກຳຍານ ແລະຕົ້ນໄມ້ໃຫຍ່ອື່ນໆ+ຍ້ອນຢູ່ບ່ອນເຫຼົ່ານັ້ນຮົ່ມດີ.
ຍ້ອນແນວນີ້ ລູກສາວຂອງພວກເຈົ້າຈຶ່ງເປັນແມ່ຈ້າງແລະລູກໃພ້ຂອງພວກເຈົ້າຈຶ່ງຫຼິ້ນຊູ້.
14 ແຕ່ເຮົາຈະບໍ່ລົງໂທດລູກສາວຂອງພວກເຈົ້າທີ່ໄປຂາຍໂຕແລະຈະບໍ່ລົງໂທດລູກໃພ້ຂອງພວກເຈົ້າທີ່ໄປຫຼິ້ນຊູ້
ຍ້ອນພວກຜູ້ຊາຍຫັ້ນແຫຼະທີ່ໄປນອນນຳແມ່ຈ້າງແລະເຜົາເຄື່ອງບູຊາກັບພວກໂສເພນີຢູ່ວິຫານ.ໃນທີ່ສຸດ ເຂົາເຈົ້າ+ກໍຈະຖືກທຳລາຍ.
15 ພວກອິດສະຣາເອນເອີ້ຍ ເຖິງວ່າພວກເຈົ້າເຮັດໂຕຄືກັບແມ່ຈ້າງ+ຢ່າໃຫ້ພວກຢູດາເຮັດຜິດຄືກັບພວກເຈົ້າ.+
ຢ່າໄປກິນການ+ຫຼືເມືອງເບັດອາເວນ+ແລະຢ່າສາບານໂດຍເວົ້າວ່າ ‘ຂໍໃຫ້ພະເຢໂຫວາພະເຈົ້າຜູ້ມີຊີວິດຢູ່ເປັນພະຍານ.’+
16 ພວກອິດສະຣາເອນດື້ຄືກັບງົວຖ່ອຍ.+
ເຮົາເຢໂຫວາຍັງຈະລ້ຽງເຂົາເຈົ້າຄືກັບລ້ຽງແກະຢູ່ທົ່ງຫຍ້າບໍ?
17 ພວກເອຟຣາຢິມນະມັດສະການຮູບບູຊາຢູ່.+
ປ່ອຍໃຫ້ເຂົາເຈົ້າເຮັດໂລດ.
18 ເມື່ອເຂົາເຈົ້າກິນເບຍ*ຈົນໝົດແລ້ວເຂົາເຈົ້າກໍໄປນອນນຳຫຼາຍຄົນ.
ພວກຜູ້ປົກຄອງຂອງເຂົາເຈົ້າມັກເຮັດສິ່ງທີ່ເປັນຕາຂີ້ດຽດ.+
19 ລົມພາຍຸຈະພັດເຂົາເຈົ້າໄປ*ແລະເຂົາເຈົ້າຈະຕ້ອງອັບອາຍຍ້ອນເຄື່ອງບູຊາຂອງເຂົາເຈົ້າ.”
ຂໍ ຄວາມ ໄຂ ເງື່ອນ
^ ຫຼື “ບໍ່ມີຄວາມຮູ້ເລື່ອງພະເຈົ້າ”
^ ຫຼື “ຄຳສອນ”
^ ຫຼືອາດແປວ່າ “ເຂົາເຈົ້າບໍ່ໄດ້ໃຫ້ກຽດເຮົາແລະບໍ່ນັບຖືເຮົາ”
^ ໝາຍເຖິງກິນຈາກເຄື່ອງບູຊາຈົນຕຸ້ຍ
^ ຫຼື “ເຮັດຜິດສິນລະທຳທາງເພດຫຼາຍ; ຂາຍໂຕ”
^ ຫຼື “ຫຼິ້ນຊູ້; ເຮັດຜິດສິນລະທຳທາງເພດ”
^ ຫຼື “ໄມ້ຄ້ອນເທົ້າຂອງໝໍຜີ”
^ ຫຼື “ເບຍເຂົ້າວີດ”
^ ຫຼື “ກວາດເອົາເຂົາເຈົ້າໄປ”