ໂຮເຊອາ 5:1-15
-
ຕັດສິນເອຟຣາຢິມແລະຢູດາ (1-15)
5 “ພວກປະໂລຫິດເອີ້ຍ ໃຫ້ຟັງເດີ້.+ພວກອິດສະຣາເອນເອີ້ຍ ໃຫ້ຕັ້ງໃຈຟັງດີໆ.ພວກລູກຫຼານຂອງກະສັດເອີ້ຍ ໃຫ້ສົນໃຈຟັງເດີ້.ພວກເຈົ້າຈະຖືກຕັດສິນຍ້ອນພວກເຈົ້າເປັນຄືກັບກັບດັກຢູ່ເມືອງມິດຊະປາແລະເປັນຄືກັບຕານ່າງຈັບສັດຢູ່ເມືອງຕາໂບ.+
2 ພວກກະບົດ*ທີ່ມັກຂ້າຄົນເຮົາກຳລັງເຕືອນ*ເຂົາເຈົ້າທຸກຄົນ.
3 ເຮົາຮູ້ຈັກເອຟຣາຢິມດີ.ອິດສະຣາເອນບໍ່ສາມາດລີ້ເຮົາໄດ້.
ເອຟຣາຢິມເອີ້ຍ ຕອນນີ້ເຈົ້າເຮັດໂຕຄືກັບແມ່ຈ້າງ.*ອິດສະຣາເອນເອີ້ຍ ເຈົ້າເຮັດໃຫ້ໂຕເອງບໍ່ສະອາດ.+
4 ການກະທຳຂອງເຂົາເຈົ້າເຮັດໃຫ້ເຂົາເຈົ້າກັບມາຫາພະເຈົ້າບໍ່ໄດ້ຍ້ອນເຂົາເຈົ້າມັກນອນນຳຫຼາຍຄົນ+ແລະເຂົາເຈົ້າບໍ່ຍອມຮັບວ່າ ເຮົາເຢໂຫວາເປັນພະເຈົ້າຂອງເຂົາເຈົ້າ.
5 ຄວາມຍິ່ງຂອງອິດສະຣາເອນຢືນຢັນວ່າເຂົາເຈົ້າຊົ່ວ+ທັງອິດສະຣາເອນແລະເອຟຣາຢິມໄດ້ສະດຸດລົ້ມຍ້ອນຄວາມຜິດຂອງໂຕເອງແລະຢູດາກໍສະດຸດລົ້ມນຳເຂົາເຈົ້າຄືກັນ.+
6 ເຂົາເຈົ້າພາຝູງງົວກັບຝູງແກະໄປຊອກຫາພະເຢໂຫວາແຕ່ກໍຊອກບໍ່ເຫັນ.
ເພິ່ນໄດ້ຖິ້ມເຂົາເຈົ້າແລ້ວ.+
7 ເຂົາເຈົ້າທໍລະຍົດພະເຢໂຫວາ.+ເຂົາເຈົ້າໄດ້ລູກກັບເມຍທີ່ເປັນຄົນຕ່າງຊາດ.*
ພາຍໃນໜຶ່ງເດືອນ ເຂົາເຈົ້າຈະຖືກທຳລາຍພ້ອມກັບດິນມູນຂອງເຂົາເຈົ້າ.
8 ໃຫ້ເປົ່າແກເຂົາສັດ+ຢູ່ເມືອງກີເບອາແລະເປົ່າແກຢູ່ເມືອງຣາມາ.+
ໃຫ້ຮ້ອງດັງໆຕອນອອກໄປຕໍ່ສູ້ໃນສົງຄາມຢູ່ເມືອງເບັດອາເວນ.+ ເບັນຢາມິນເອີ້ຍ ໃຫ້ອອກໜ້າໝູ່ເດີ້!
9 ເອຟຣາຢິມເອີ້ຍ ຄົນອື່ນຈະຢ້ານຫຼາຍຕອນທີ່ເຫັນຈຸດຈົບຂອງເຈົ້າໃນມື້ທີ່ເຈົ້າຖືກລົງໂທດ.+
ເຮົາໄດ້ບອກໃຫ້ຮູ້ແລ້ວວ່າຈະເກີດຫຍັງຂຶ້ນກັບຕະກູນຕ່າງໆຂອງອິດສະຣາເອນ.
10 ພວກເຈົ້ານາຍຂອງຢູດາເປັນຄືກັບຄົນທີ່ຍ້າຍຫຼັກແດນເອົາດິນຂອງຄົນອື່ນ.+
ເຮົາຈະເທຄວາມໃຈຮ້າຍຂອງເຮົາໃສ່ເຂົາເຈົ້າຄືກັບເທນ້ຳ.
11 ເອຟຣາຢິມຖືກກົດຂີ່. ສົມແລ້ວທີ່ເຂົາເຈົ້າຖືກທຳລາຍຍ້ອນເຂົາເຈົ້າຕັ້ງໃຈຈະເປັນມິດກັບສັດຕູຂອງເຂົາເຈົ້າ.+
12 ເຮົາຈະກັດກິນເອຟຣາຢິມຄືກັບປວກກິນໄມ້ແລະເຮົາຈະເຮັດໃຫ້ຢູດາຜຸຄືກັບໄມ້ທີ່ຜຸ.
13 ເມື່ອເອຟຣາຢິມຮູ້ວ່າໂຕເອງບໍ່ສະບາຍແລະຢູດາເຫັນບາດຂອງໂຕເອງທີ່ເປື່ອຍເອຟຣາຢິມໄດ້ຂໍໃຫ້ອັດຊີເຣຍຊ່ວຍ+ແລະສົ່ງຄົນໄປຫາກະສັດຜູ້ຍິ່ງໃຫຍ່.
ແຕ່ລາວປິ່ນປົວພວກເຈົ້າບໍ່ໄດ້ແລະລາວກໍປົວບາດໃຫ້ພວກເຈົ້າບໍ່ໄດ້ຄືກັນ.
14 ເຮົາຈະເປັນຄືກັບໂຕສິງແລະຈະໂຈມຕີເອຟຣາຢິມ.ເຮົາຈະເປັນຄືກັບສິງໂຕຜູ້ທີ່ແຂງແຮງແລະຈະໂຈມຕີຢູດາ.
ເຮົາຈະຈີກເຂົາເຈົ້າເປັນຕ່ອນໆແລ້ວກໍໄປ.+ເຮົາຈະລາກເຂົາເຈົ້າໄປແລະຈະບໍ່ມີໃຜຊ່ວຍເຂົາເຈົ້າໄດ້.+
15 ເຮົາຈະກັບໄປບ່ອນຢູ່ຂອງເຮົາຈົນຮອດຕອນທີ່ເຂົາເຈົ້າຖືກລົງໂທດສຳລັບຄວາມຜິດຂອງໂຕເອງແລ້ວເຂົາເຈົ້າຈະຂໍໃຫ້ເຮົາຊ່ວຍ.+
ເມື່ອເຈິຄວາມລຳບາກ ເຂົາເຈົ້າຈະຊອກຫາເຮົາ.”+
ຂໍ
^ ຫຼື “ພວກທີ່ຖອຍຫ່າງຈາກເຮົາ”
^ ຫຼື “ເຮົາຈະລົງໂທດ”
^ ຫຼື “ເຮັດຜິດສິນລະທຳ; ຂາຍໂຕ”
^ ຫຼື “ເຂົາເຈົ້າໄດ້ລູກທີ່ບໍ່ໄດ້ເປັນລູກຂອງພະເຈົ້າ”
