ໂຮເຊອາ 8:1-14
8 “ໃຫ້ເຈົ້າເປົ່າແກເຂົາສັດ.+
ສັດຕູທີ່ເປັນຄືກັບນົກອິນຊີກຳລັງມາໂຈມຕີປະຊາຊົນ*ຂອງພະເຢໂຫວາ+ຍ້ອນປະຊາຊົນເຫຼົ່ານີ້ບໍ່ເຮັດຕາມສັນຍາທີ່ເຮັດກັບເຮົາ+ແລະບໍ່ເຮັດຕາມກົດໝາຍຂອງເຮົາ.+
2 ເຂົາເຈົ້າຮ້ອງບອກເຮົາວ່າ ‘ພະອົງເປັນພະເຈົ້າຂອງພວກເຮົາ. ພວກເຮົາແມ່ນຊາດອິດສະຣາເອນທີ່ຮູ້ຈັກພະອົງ.’+
3 ພວກອິດສະຣາເອນບໍ່ຍອມເຮັດສິ່ງທີ່ດີ.+
ໃຫ້ສັດຕູໄລ່ລ່າເຂົາເຈົ້າສະ.
4 ເຂົາເຈົ້າແຕ່ງຕັ້ງກະສັດເອົາເອງໂດຍທີ່ເຮົາບໍ່ໄດ້ເຫັນດີນຳ.
ເຂົາເຈົ້າແຕ່ງຕັ້ງພວກເຈົ້ານາຍໂດຍທີ່ເຮົາບໍ່ໄດ້ຮັບຮູ້ນຳ.
ເຂົາເຈົ້າເອົາເງິນເອົາຄຳມາເຮັດຮູບບູຊາ+ທີ່ເຮັດໃຫ້ໂຕເອງຖືກທຳລາຍ.+
5 ຊາມາເຣຍເອີ້ຍ ເຮົາບໍ່ຍອມຮັບຮູບງົວນ້ອຍທີ່ພວກເຈົ້ານະມັດສະການ.+
ເຮົາໃຈຮ້າຍໃຫ້ພວກເຈົ້າຫຼາຍ.+
ເປັນຫຍັງພວກເຈົ້າບໍ່ເຮັດໃຫ້ໂຕເອງສະອາດ*ຈັກເທື່ອ?
6 ຮູບງົວນ້ອຍໂຕນີ້ມາຈາກອິດສະຣາເອນ.
ຊ່າງເຮັດມັນຂຶ້ນມາແລະມັນບໍ່ແມ່ນພະເຈົ້າ.ຮູບງົວນ້ອຍຂອງຊາມາເຣຍຈະແຕກເປັນປ່ຽງໆ.
7 ເຂົາເຈົ້າເຮັດຊົ່ວເຊິ່ງເປັນຄືກັບການຫວ່ານລົມແລະເຂົາເຈົ້າຈະຕ້ອງເກັບກ່ຽວແນວບໍ່ດີເຊິ່ງເປັນຄືກັບລົມພາຍຸ.+
ຕົ້ນເຂົ້າຈະບໍ່ອອກຮວງ.+ເຖິງວ່າມັນອອກຮວງກໍຈະເອົາໄປເຮັດເປັນແປ້ງບໍ່ໄດ້
ແລະເຖິງວ່າເຮັດເປັນແປ້ງໄດ້ ຄົນຕ່າງຊາດ*ກໍຈະເອົາໄປກິນໝົດ.+
8 ຊາດອິດສະຣາເອນຈະຖືກທຳລາຍ.+
ເຂົາເຈົ້າຈະກະຈັດກະຈາຍໄປຢູ່ນຳຊາດຕ່າງໆ.+ເຂົາເຈົ້າຈະເປັນຄືກັບເຄື່ອງໃຊ້ທີ່ບໍ່ມີປະໂຫຍດຫຍັງ.
9 ເຂົາເຈົ້າໄປຂໍໃຫ້ອັດຊີເຣຍຊ່ວຍ+ຄືກັບລາປ່າທີ່ເຮັດຕາມໃຈໂຕເອງ.
ເອຟຣາຢິມຈ້າງໂສເພນີໃຫ້ມານອນນຳ.+
10 ເຖິງວ່າເຂົາເຈົ້າຈ້າງພວກໂສເພນີມາຈາກຊາດຕ່າງໆແຕ່ຕອນນີ້ ເຮົາຈະລວບລວມເຂົາເຈົ້າໃຫ້ມາຢູ່ນຳກັນ.ເຂົາເຈົ້າຈະເຈິຄວາມລຳບາກ+ ຍ້ອນກະສັດແລະພວກເຈົ້ານາຍຈະກົດຂີ່ເຂົາເຈົ້າ.
11 ເອຟຣາຢິມເຮັດແທ່ນບູຊາຫຼາຍໆແທ່ນເຊິ່ງເປັນການເຮັດຜິດ.+
ເຂົາເຈົ້າໃຊ້ແທ່ນບູຊາເຫຼົ່ານັ້ນເພື່ອເຮັດຜິດຕື່ມອີກ.+
12 ເຮົາໄດ້ຂຽນກົດໝາຍ*ຫຼາຍຂໍ້ໃຫ້ເຂົາເຈົ້າແຕ່ເຂົາເຈົ້າບໍ່ສົນໃຈກົດໝາຍຂອງເຮົາ.+
13 ເຂົາເຈົ້າເອົາເຄື່ອງບູຊາມາໃຫ້ເຮົາແລະກິນຊີ້ນນັ້ນແຕ່ເຮົາເຢໂຫວາບໍ່ພໍໃຈເຄື່ອງບູຊາເຫຼົ່ານັ້ນ.+
ເຮົາຈະຈື່ຄວາມຜິດຂອງເຂົາເຈົ້າ ແລະຈະລົງໂທດເຂົາເຈົ້າຕາມຄວາມຜິດທີ່ເຂົາເຈົ້າໄດ້ເຮັດ.+
ເຂົາເຈົ້າກັບໄປຂໍໃຫ້ເອຢິບຊ່ວຍ.*+
14 ອິດສະຣາເອນລືມຜູ້ສ້າງເຂົາເຈົ້າແລ້ວ+ ແລະພາກັນສ້າງວິຫານຫຼາຍບ່ອນແທນ.+ຢູດາໄດ້ສ້າງເມືອງທີ່ມີກຳແພງອ້ອມຫຼາຍເມືອງ.+
ເຮົາຈະໃຊ້ໄຟເພື່ອລົງໂທດເມືອງເຫຼົ່ານີ້ແລະໄຟນັ້ນຈະຈູດປ້ອມຕ່າງໆໃນແຕ່ລະເມືອງ.+
ຂໍ
^ ຫຼື “ວິຫານ”
^ ໝາຍເຖິງເຮັດໃຫ້ພະເຈົ້າຍອມຮັບ ແລະບໍ່ໄດ້ໝາຍເຖິງສະອາດໂດຍການອາບນ້ຳ
^ ຫຼື “ຄົນແປກໜ້າ”
^ ຫຼື “ຄຳສອນ”
^ ຫຼືອາດແປວ່າ “ເຂົາເຈົ້າຈະກັບໄປເອຢິບອີກ”
