ຂ່າວຄາວສະບັບທີໜຶ່ງ 11:1-47
11 ຕໍ່ມາ ພວກອິດສະຣາເອນໄດ້ມາຫາດາວິດຢູ່ເມືອງເຮັບໂຣນ+ແລະເວົ້າວ່າ: “ພວກເຮົາເປັນພີ່ນ້ອງສາຍເລືອດດຽວກັນກັບທ່ານ.*+
2 ຕອນທີ່ຊາອູນເປັນກະສັດ ທ່ານເປັນຜູ້ນຳກອງທັບອິດສະຣາເອນອອກໄປຕໍ່ສູ້+ ແລະພະເຢໂຫວາພະເຈົ້າຂອງທ່ານໄດ້ບອກທ່ານວ່າ ‘ເຈົ້າຈະເບິ່ງແຍງພວກອິດສະຣາເອນປະຊາຊົນຂອງເຮົາ ແລະເຈົ້າຈະເປັນຜູ້ນຳພວກອິດສະຣາເອນປະຊາຊົນຂອງເຮົາ.’”+
3 ພວກຜູ້ນຳທຸກຄົນຂອງອິດສະຣາເອນຈຶ່ງມາຫາກະສັດດາວິດຢູ່ເມືອງເຮັບໂຣນ ແລະດາວິດກໍເຮັດສັນຍາກັບເຂົາເຈົ້າຢູ່ເມືອງເຮັບໂຣນຕໍ່ໜ້າພະເຢໂຫວາ. ຈາກນັ້ນ ເຂົາເຈົ້າໄດ້ແຕ່ງຕັ້ງດາວິດໃຫ້ເປັນກະສັດຂອງອິດສະຣາເອນ+ຕາມທີ່ພະເຢໂຫວາບອກໄວ້ຜ່ານທາງຊາມູເອນ.+
4 ແລ້ວດາວິດກັບພວກອິດສະຣາເອນກໍໄປເມືອງເຢຣູຊາເລັມ ເຊິ່ງຕອນນັ້ນມີອີກຊື່ໜຶ່ງວ່າເມືອງເຢບຸດ.+ ເຂົາເຈົ້າໄປຕໍ່ສູ້ກັບພວກເຢບຸດ+ທີ່ອາໄສຢູ່ຫັ້ນ.
5 ພວກເຢບຸດເວົ້າໃຫ້ດາວິດວ່າ: “ເຈົ້າບໍ່ມີທາງເຂົ້າມາໃນເມືອງນີ້ໄດ້ດອກ!”+ ແຕ່ດາວິດຍຶດປ້ອມຊີໂອນໄດ້.+ ຕອນນີ້ປ້ອມນັ້ນຖືກເອີ້ນວ່າເມືອງຂອງດາວິດ.+
6 ດາວິດເວົ້າວ່າ: “ໃຜທີ່ຂຶ້ນໄປຕໍ່ສູ້ກັບພວກເຢບຸດເປັນຜູ້ທຳອິດ ຂ້ອຍຈະໃຫ້ເປັນຫົວໜ້າກອງທັບ.” ໂຢອາບ+ລູກຊາຍຂອງເຊຣູຢາໄປຕໍ່ສູ້ເປັນຜູ້ທຳອິດ ແລະລາວກໍໄດ້ເປັນຫົວໜ້າກອງທັບ.
7 ແລ້ວດາວິດກໍຍ້າຍເຂົ້າໄປຢູ່ໃນປ້ອມນັ້ນ ປ້ອມນັ້ນຈຶ່ງຖືກເອີ້ນວ່າເມືອງຂອງດາວິດ.
8 ດາວິດເລີ່ມສ້າງກຳແພງເມືອງແລະສ້າງສິ່ງຕ່າງໆຢູ່ເທິງໂນນ.* ຫຼັງຈາກນັ້ນ ລາວໄດ້ສ້າງສິ່ງອື່ນໆຢູ່ອ້ອມແອ້ມໂນນນັ້ນນຳ. ສ່ວນໂຢອາບກໍໄດ້ສ້າງບ່ອນອື່ນໆຂອງເມືອງຂຶ້ນໃໝ່.
9 ດາວິດມີອຳນາດຫຼາຍຂຶ້ນເລື້ອຍໆ+ ແລະພະເຢໂຫວາຜູ້ບັນຊາການກອງທັບກໍຢູ່ນຳລາວ.
10 ນີ້ແມ່ນພວກຫົວໜ້າທະຫານທີ່ເກັ່ງໆຂອງດາວິດ. ພວກຫົວໜ້າທະຫານເຫຼົ່ານີ້ແລະພວກອິດສະຣາເອນທັງໝົດໄດ້ຊ່ວຍດາວິດໃຫ້ເປັນກະສັດຕາມທີ່ພະເຢໂຫວາໄດ້ສັນຍາໄວ້ກັບພວກອິດສະຣາເອນ.+
11 ຕໍ່ໄປນີ້ແມ່ນລາຍຊື່ທະຫານທີ່ເກັ່ງໆຂອງດາວິດ. ຢາໂຊເບອາມ+ລູກຊາຍຂອງຄົນຮັກໂມນີເປັນຜູ້ໜຶ່ງໃນທະຫານ 3 ຄົນທີ່ເກັ່ງທີ່ສຸດແລະລາວກໍເປັນຫົວໜ້າ.+ ໃນການຕໍ່ສູ້ເທື່ອດຽວ ລາວໃຊ້ຫອກຂ້າສັດຕູ 300 ຄົນ.+
12 ຕໍ່ຈາກລາວແມ່ນເອເລອາຊາ+ລູກຊາຍຂອງໂດໂດຄົນອາໂຮອາ.+ ເອເລອາຊາເປັນຜູ້ໜຶ່ງໃນທະຫານ 3 ຄົນທີ່ເກັ່ງທີ່ສຸດ.
13 ລາວເຄີຍຢູ່ປັດດຳມີມ+ກັບດາວິດຕອນທີ່ພວກຟີລິດສະຕີນມາຕໍ່ສູ້ກັບພວກອິດສະຣາເອນ. ຢູ່ຫັ້ນມີດິນຕອນໜຶ່ງທີ່ມີເຂົ້າບາເລຫຼາຍ ພວກທະຫານອິດສະຣາເອນພາກັນໜີຈາກຫັ້ນຍ້ອນຢ້ານພວກຟີລິດສະຕີນ.
14 ແຕ່ເອເລອາຊາຍັງຢືນຕໍ່ສູ້ຢູ່ກາງດິນຕອນນັ້ນແລະຂ້າພວກຟີລິດສະຕີນຕາຍບັກຫຼາຍໆເພື່ອບໍ່ໃຫ້ເຂົາເຈົ້າມາຍຶດເອົາດິນຕອນນັ້ນ. ພະເຢໂຫວາໄດ້ຊ່ວຍລາວໃຫ້ຊະນະ.+
15 ມີເທື່ອໜຶ່ງ ພວກຫົວໜ້າ 3 ຄົນໃນຈຳນວນຫົວໜ້າ 30 ຄົນໄດ້ໄປຫາດາວິດຢູ່ຖ້ຳໃນອະດຸລາມ+ເຊິ່ງຢູ່ແຖວພູທີ່ເປັນຫີນ ແລະພວກຟີລິດສະຕີນໄດ້ຕັ້ງຄ້າຍຢູ່ຮ່ອມພູເຣຟາຢິມ.+
16 ຕອນນັ້ນດາວິດລີ້ຢູ່ບ່ອນທີ່ປອດໄພ ແລະທະຫານຟີລິດສະຕີນກອງໜຶ່ງຢູ່ໃນເມືອງເບັດເລເຮັມ.
17 ດາວິດຄິດຮອດນ້ຳສ້າງທີ່ຢູ່ຂ້າງປະຕູເມືອງເບັດເລເຮັມ+ ລາວຈຶ່ງເວົ້າອອກມາວ່າ: “ຂ້ອຍຢາກກິນນ້ຳຢູ່ຫັ້ນເດ້!”
18 ເມື່ອທະຫານ 3 ຄົນທີ່ເກັ່ງທີ່ສຸດຮູ້ເລື່ອງນີ້ ເຂົາເຈົ້າກໍບຸກເຂົ້າໄປໃນຄ້າຍຂອງພວກຟີລິດສະຕີນ ແລະຕັກເອົານ້ຳຈາກນ້ຳສ້າງທີ່ຢູ່ຂ້າງປະຕູເມືອງເບັດເລເຮັມມາໃຫ້ດາວິດ ແຕ່ດາວິດບໍ່ຍອມກິນ. ລາວຖອກນ້ຳລົງດິນໃຫ້ພະເຢໂຫວາ.
19 ດາວິດເວົ້າວ່າ: “ຂ້ອຍຈະບໍ່ກິນນ້ຳນີ້ເດັດຂາດ! ຍ້ອນຂ້ອຍນັບຖືພະເຈົ້າຫຼາຍ. 3 ຄົນນີ້ສ່ຽງຊີວິດໄປເອົານ້ຳນີ້ມາໃຫ້ຂ້ອຍ ຖ້າຂ້ອຍກິນກໍສ່ຳກັບວ່າຂ້ອຍກິນເລືອດຂອງເຂົາເຈົ້າ.”+ ດາວິດຈຶ່ງບໍ່ຍອມກິນນ້ຳນັ້ນ. ທັງໝົດນີ້ແມ່ນສິ່ງທີ່ທະຫານ 3 ຄົນທີ່ເກັ່ງທີ່ສຸດຂອງດາວິດໄດ້ເຮັດ.
20 ອາບີຊາຍ+ອ້າຍຂອງໂຢອາບ+ຢູ່ໃນກຸ່ມທະຫານອີກກຸ່ມໜຶ່ງທີ່ມີ 3 ຄົນ ແລະລາວເປັນຫົວໜ້າ. ໃນການຕໍ່ສູ້ເທື່ອດຽວ ລາວໃຊ້ຫອກຂ້າພວກທະຫານຫຼາຍກວ່າ 300 ຄົນ ແລະລາວມີຊື່ສຽງສ່ຳກັບພວກທະຫານ 3 ຄົນທີ່ເກັ່ງທີ່ສຸດ.+
21 ລາວເປັນຫົວໜ້າແລະເກັ່ງທີ່ສຸດໃນກຸ່ມຂອງລາວ ແຕ່ລາວກໍບໍ່ໄດ້ມີຕຳແໜ່ງສ່ຳກັບທະຫານ 3 ຄົນທີ່ເກັ່ງທີ່ສຸດ.
22 ເບນາຢາ+ລູກຊາຍຂອງເຢໂຮຢາດາເປັນຄົນກ້າຫານ. ລາວເຮັດຫຼາຍສິ່ງທີ່ກ້າຫານຢູ່ເມືອງກັບເຊເອນ.+ ລາວຂ້າລູກຊາຍ 2 ຄົນຂອງອາຣີເອນທີ່ເປັນຄົນໂມອາບ. ໃນມື້ທີ່ມີຫິມະຕົກ ລາວລົງໄປໃນຂຸມເລິກແລ້ວຂ້າໂຕສິງ.+
23 ເບນາຢາຍັງໄດ້ຂ້າຜູ້ຊາຍເອຢິບຄົນໜຶ່ງທີ່ໂຕບັກໃຫຍ່ໆສູງ 5 ສອກ.*+ ຄົນເອຢິບຜູ້ນັ້ນຖືຫອກທີ່ມີດ້າມເປັນໄມ້ທີ່ໃຫຍ່ສ່ຳກັບໄມ້ຄານກີ່ຕ່ຳຫູກ+ເພື່ອມາຕໍ່ສູ້ກັບເບນາຢາ. ເບນາຢາມີແຕ່ໄມ້ຄ້ອນເທົ້າເທົ່ານັ້ນ ແຕ່ເບນາຢາກໍຍາດເອົາຫອກທີ່ຢູ່ມືຂອງລາວແລະເອົາຫອກນັ້ນແທງລາວຕາຍ.+
24 ທັງໝົດນີ້ແມ່ນສິ່ງທີ່ເບນາຢາລູກຊາຍຂອງເຢໂຮຢາດາໄດ້ເຮັດ. ລາວມີຊື່ສຽງສ່ຳກັບພວກທະຫານ 3 ຄົນທີ່ເກັ່ງທີ່ສຸດ.
25 ເຖິງວ່າເບນາຢາຈະເກັ່ງກວ່າພວກທະຫານ 30 ຄົນ ລາວກໍບໍ່ໄດ້ມີຕຳແໜ່ງສ່ຳກັບທະຫານ 3 ຄົນທີ່ເກັ່ງທີ່ສຸດ.+ ແຕ່ດາວິດໄດ້ແຕ່ງຕັ້ງລາວໃຫ້ເປັນຫົວໜ້າພວກທະຫານປ້ອງກັນໂຕດາວິດ.
26 ພວກທະຫານທີ່ເກັ່ງໆມີລາຍຊື່ຕໍ່ໄປນີ້: ອາສາເຮນ+ນ້ອງຊາຍຂອງໂຢອາບ ເອນຮະນັນລູກຊາຍຂອງໂດໂດຄົນເບັດເລເຮັມ+
27 ຊາມໂມດຄົນຮາໂຣ ເຮເລັດຄົນເປໂລນ
28 ອີຣາ+ລູກຊາຍຂອງອິກເກດຄົນເຕໂກອາ ອາບີເອເຊ+ຄົນອານາໂທດ
29 ສິບເບກາຍ+ຄົນຮູຊາ ອີລາຍຄົນອາໂຮອາ
30 ມາຮາຣາຍ+ຄົນເນໂຕຟາ ເຫເລດ+ລູກຊາຍຂອງບາອານ້າຄົນເນໂຕຟາ
31 ອີທາຍລູກຊາຍຂອງຣີບາຍຄົນເບັນຢາມິນ+ຈາກເມືອງກີເບອາ ເບນາຢາຄົນປີຣາໂທນ
32 ຮູຣາຍຈາກຮ່ອມພູ*ກາອາດ+ ອາບີເອນຄົນເບັດອາຣາບາ
33 ອາຊະມາເວດຄົນບາຮູຣີມ ເອລີຢາບາຄົນຊາອານບີມ
34 ພວກລູກຊາຍຂອງຮາເຊັມຄົນກິໂຊນ ໂຢນາທານລູກຊາຍຂອງຊາກີຄົນຮາຣາ
35 ອາຮີອາມລູກຊາຍຂອງສາກາຄົນຮາຣາ ເອລີຟັນລູກຊາຍຂອງອູເຣ
36 ເຮເຟຄົນເມເກຣາດ ອາຮີຢາຄົນເປໂລນ
37 ເຮດຊະໂຣຄົນກາເມນ ນາອາຣາຍລູກຊາຍຂອງເອຊະບາຍ
38 ໂຢເອນນ້ອງຊາຍຂອງນາທານ ມິບຮາລາລູກຊາຍຂອງຮັກຣີ
39 ເຊເລັກຄົນອຳໂມນ ນາຮາຣາຍຄົນເບເອໂຣດທີ່ເປັນຄົນຖືອາວຸດໃຫ້ໂຢອາບລູກຊາຍຂອງເຊຣູຢາ
40 ອີຣາຄົນອິດຣີ ກາເຣບຄົນອິດຣີ
41 ອູຣີຢາ+ຄົນເຮດ ຊາບາດລູກຊາຍຂອງອາຮະລາຍ
42 ອາດີນາລູກຊາຍຂອງຊີສາຄົນຣູເບັນ (ລາວເປັນຫົວໜ້າຕະກູນຣູເບັນແລະມີ 30 ຄົນຢູ່ນຳລາວ.)
43 ຮານານລູກຊາຍຂອງມາອາກາ ໂຢຊາຟັດຄົນມິດນີ
44 ອຸດຊີອາຄົນອັດຊະເຕຣາດ ຊາມາກັບເຢອີເອນລູກຊາຍຂອງໂຮທາມຄົນອາໂຣເອ
45 ເຢດີອາເອນລູກຊາຍຂອງຊິມລີກັບໂຢຮານ້ອງຊາຍຂອງລາວທີ່ເປັນຄົນຕີເຊ
46 ເອລີເອນຄົນມາຮາວາ ເຢຣີບາຍກັບໂຢຊາວີຢາລູກຊາຍຂອງເອນນາອາມ ອີທະມາຄົນໂມອາບ
47 ເອລີເອນ ໂອເບັດ ແລະຢາອາສີເອນຄົນເມໂຊບາ.
ຂໍ ຄວາມ ໄຂ ເງື່ອນ
^ ຫຼື “ເປັນກະດູກແລະເນື້ອໜັງຂອງທ່ານ”
^ ພາສາເຮັບເຣີແມ່ນມິໂລ. ອາດສ້າງໂນນນີ້ເພື່ອປົກປ້ອງເມືອງ.
^ 2,2 ແມັດ. ເບິ່ງພາກຜະໜວກ ຂ14.
^ ຫຼື “ວາດີ.” ເບິ່ງສ່ວນອະທິບາຍຄຳສັບ.