ຂ່າວຄາວສະບັບທີໜຶ່ງ 14:1-17
14 ຮີຣາມ+ກະສັດຂອງຕີເຣສົ່ງຄົນໄປຫາດາວິດ ແລະຍັງໄດ້ສົ່ງໄມ້ຊີດ້າ* ຊ່າງກໍ່ຫີນ*ກັບຊ່າງໄມ້ໄປໃຫ້ນຳເພື່ອຈະສ້າງວັງໃຫ້ດາວິດ.+
2 ດາວິດຮູ້ວ່າພະເຢໂຫວາເປັນຜູ້ຊ່ວຍລາວໃຫ້ເປັນກະສັດປົກຄອງອິດສະຣາເອນຢ່າງໝັ້ນຄົງ+ ແລະເພິ່ນເຮັດໃຫ້ການປົກຄອງຂອງລາວຍິ່ງໃຫຍ່ຍ້ອນເຫັນແກ່ພວກອິດສະຣາເອນປະຊາຊົນຂອງເພິ່ນ.+
3 ດາວິດໄດ້ເອົາເມຍຕື່ມອີກຫຼາຍຄົນ+ຢູ່ເມືອງເຢຣູຊາເລັມ ແລະລາວກໍໄດ້ລູກຊາຍລູກສາວອີກຫຼາຍຄົນ.+
4 ພວກລູກຂອງດາວິດທີ່ເກີດຢູ່ເມືອງເຢຣູຊາເລັມມີ:+ ຊາມມູອາ ໂຊບາບ ນາທານ+ ໂຊໂລໂມນ+
5 ອິບຮາ ເອລີຊຸອາ ເອນເປເລັດ
6 ໂນຄາ ເນເຟັກ ຢາເຟຍ
7 ເອລີຊາມາ ເບເອລີຢາດາ ແລະເອລີເຟເລັດ.
8 ເມື່ອພວກຟີລິດສະຕີນໄດ້ຍິນວ່າດາວິດຖືກແຕ່ງຕັ້ງເປັນກະສັດປົກຄອງອິດສະຣາເອນແລ້ວ+ ເຂົາເຈົ້າກໍແຫ່ກັນມາຈັບດາວິດ.+ ເມື່ອດາວິດຮູ້ ລາວກໍໄປຕໍ່ສູ້ກັບເຂົາເຈົ້າ.
9 ພວກຟີລິດສະຕີນມາບຸກໂຈມຕີຢູ່ຮ່ອມພູເຣຟາຢິມຫຼາຍເທື່ອ.+
10 ດາວິດຖາມພະເຈົ້າວ່າ: “ລູກຄວນອອກໄປຕໍ່ສູ້ພວກຟີລິດສະຕີນບໍ? ພະອົງຈະຊ່ວຍລູກໃຫ້ຊະນະບໍ່?” ພະເຢໂຫວາຕອບລາວວ່າ: “ໄປໂລດ. ເຮົາຈະຊ່ວຍເຈົ້າໃຫ້ຊະນະເຂົາເຈົ້າແນ່ນອນ.”+
11 ດາວິດຈຶ່ງໄປບາອານເປຣາຊີມ+ແລະຂ້າພວກຟີລິດສະຕີນຢູ່ຫັ້ນ. ດາວິດເວົ້າວ່າ: “ພະເຈົ້າທ່ຽງແທ້ໄດ້ຊ່ວຍຂ້ອຍໃຫ້ທຳລາຍພວກສັດຕູຄືກັບກຳແພງທີ່ຖືກນ້ຳທັ່ງໃສ່ຈົນເຈື່ອນລົງມາ.” ເຂົາເຈົ້າຈຶ່ງເອີ້ນບ່ອນນັ້ນວ່າ ບາອານເປຣາຊີມ.*
12 ພວກຟີລິດສະຕີນຖິ້ມຮູບບູຊາຂອງເຂົາເຈົ້າໄວ້ຢູ່ຫັ້ນ ແລ້ວດາວິດກໍສັ່ງຄົນຂອງລາວໃຫ້ຈູດຮູບບູຊາເຫຼົ່ານັ້ນ.+
13 ຕໍ່ມາ ພວກຟີລິດສະຕີນມາບຸກໂຈມຕີຢູ່ຮ່ອມພູນັ້ນອີກ.+
14 ດາວິດຈຶ່ງຖາມພະເຈົ້າທ່ຽງແທ້ອີກ ແຕ່ເພິ່ນບອກວ່າ: “ຢ່າໄປໂຈມຕີໜ້າຕໍ່ໜ້າ ແຕ່ໃຫ້ອ້ອມໄປທາງຫຼັງແລະລີ້ຢູ່ຫຼັງຟຸ່ມໄມ້ບາຄາ ແລ້ວຈຶ່ງອອກມາໂຈມຕີເຂົາເຈົ້າ.+
15 ເມື່ອເຈົ້າໄດ້ຍິນສຽງຄືກັບສຽງຄົນຍ່າງດັງມາຈາກປາຍຟຸ່ມໄມ້ບາຄາກໍໃຫ້ໂຈມຕີໂລດ ຍ້ອນພະເຈົ້າທ່ຽງແທ້ໄດ້ອອກໄປທຳລາຍກອງທັບຟີລິດສະຕີນກ່ອນເຈົ້າແລ້ວ.”+
16 ດາວິດເຮັດຕາມທີ່ພະເຈົ້າທ່ຽງແທ້ບອກທຸກຢ່າງ.+ ດາວິດກັບຄົນຂອງລາວໄລ່ນຳກອງທັບຟີລິດສະຕີນຕັ້ງແຕ່ເມືອງກິເບໂອນຈົນຮອດເມືອງເກເຊ.+
17 ແລ້ວຊື່ສຽງຂອງດາວິດກໍດັງໄປທົ່ວທຸກປະເທດ ແລະພະເຢໂຫວາກໍເຮັດໃຫ້ທຸກປະເທດຢ້ານດາວິດຫຼາຍ.+
