ຂ່າວຄາວສະບັບທີໜຶ່ງ 15:1-29
15 ດາວິດສ້າງວັງຫຼາຍຫຼັງຢູ່ເມືອງຂອງດາວິດ ແລະກຽມເຕັ້ນເພື່ອເປັນບ່ອນມ້ຽນຫີບສັນຍາຂອງພະເຈົ້າທ່ຽງແທ້.+
2 ແລ້ວດາວິດກໍເວົ້າວ່າ: “ຢ່າໃຫ້ໃຜຫາມຫີບສັນຍາຂອງພະເຈົ້າທ່ຽງແທ້ນອກຈາກພວກເລວີ ຍ້ອນພະເຢໂຫວາໄດ້ເລືອກເຂົາເຈົ້າໃຫ້ຫາມຫີບສັນຍາຂອງພະເຢໂຫວາແລະຮັບໃຊ້ເພິ່ນຕະຫຼອດໄປ.”+
3 ຈາກນັ້ນ ດາວິດກໍໃຫ້ພວກອິດສະຣາເອນທຸກຄົນມາລວມກັນຢູ່ເມືອງເຢຣູຊາເລັມເພື່ອໄປເອົາຫີບສັນຍາຂອງພະເຢໂຫວາມາມ້ຽນຢູ່ບ່ອນທີ່ລາວໄດ້ກຽມໄວ້.+
4 ດາວິດເອີ້ນພວກລູກຫຼານຂອງອາໂຣນ+ກັບພວກເລວີມາຊ່ວຍ.+
5 ຈາກລູກຫຼານຂອງໂກຮາດ ດາວິດເລືອກອຸຣີເອນທີ່ເປັນຫົວໜ້າແລະພວກພີ່ນ້ອງຂອງລາວ 120 ຄົນ.
6 ຈາກລູກຫຼານຂອງເມຣາຣີ ດາວິດເລືອກອາສາຢາ+ທີ່ເປັນຫົວໜ້າແລະພວກພີ່ນ້ອງຂອງລາວ 220 ຄົນ.
7 ຈາກລູກຫຼານຂອງເກໂຊມ ດາວິດເລືອກໂຢເອນ+ທີ່ເປັນຫົວໜ້າແລະພວກພີ່ນ້ອງຂອງລາວ 130 ຄົນ.
8 ຈາກລູກຫຼານຂອງເອລີຊາຟັນ+ ດາວິດເລືອກເຊມາຢາທີ່ເປັນຫົວໜ້າແລະພວກພີ່ນ້ອງຂອງລາວ 200 ຄົນ.
9 ຈາກລູກຫຼານຂອງເຮັບໂຣນ ດາວິດເລືອກເອລີເອນທີ່ເປັນຫົວໜ້າແລະພວກພີ່ນ້ອງຂອງລາວ 80 ຄົນ.
10 ຈາກລູກຫຼານຂອງອຸດຊີເອນ+ ດາວິດເລືອກອຳມີນາດາບທີ່ເປັນຫົວໜ້າແລະພວກພີ່ນ້ອງຂອງລາວ 112 ຄົນ.
11 ຈາກນັ້ນ ດາວິດໄດ້ເອີ້ນປະໂລຫິດຊາໂດກ+ກັບປະໂລຫິດອາບີອາທາ+ແລະພວກເລວີເຊິ່ງມີ: ອຸຣີເອນ ອາສາຢາ ໂຢເອນ ເຊມາຢາ ເອລີເອນ ແລະອຳມີນາດາບໃຫ້ມາຫາລາວ.
12 ແລ້ວດາວິດກໍເວົ້າວ່າ: “ພວກເຈົ້າເປັນຫົວໜ້າໃນຈຸ້ມເຈື້ອຕ່າງໆທີ່ເປັນລູກຫຼານຂອງພວກເລວີ ໃຫ້ພວກເຈົ້າກັບພີ່ນ້ອງຂອງພວກເຈົ້າເຮັດໃຫ້ໂຕເອງສະອາດ* ແລ້ວເອົາຫີບສັນຍາຂອງພະເຢໂຫວາພະເຈົ້າຂອງອິດສະຣາເອນມາມ້ຽນຢູ່ບ່ອນທີ່ຂ້ອຍກຽມໄວ້.
13 ເທື່ອແລ້ວນີ້ພວກເຮົາບໍ່ໄດ້ຊອກວິທີທີ່ຈະເອົາຫີບສັນຍາມາຢ່າງຖືກຕ້ອງ+ແລະພວກເຈົ້າກໍບໍ່ໄດ້ຫາມຫີບສັນຍາມາ+ ພະເຢໂຫວາຈຶ່ງໃຈຮ້າຍໃຫ້ພວກເຮົາຫຼາຍ.”+
14 ພວກປະໂລຫິດກັບພວກເລວີຈຶ່ງເຮັດໃຫ້ໂຕເອງສະອາດເພື່ອຈະໄປເອົາຫີບສັນຍາຂອງພະເຢໂຫວາພະເຈົ້າຂອງອິດສະຣາເອນມາ.
15 ພວກເລວີກໍໃຊ້ໄມ້ຫາມຫີບສັນຍາຂອງພະເຈົ້າທ່ຽງແທ້ມາ+ຕາມທີ່ພະເຢໂຫວາສັ່ງໄວ້ຜ່ານທາງໂມເຊ.
16 ດາວິດຍັງບອກພວກຫົວໜ້າຂອງຕະກູນເລວີໄປແຕ່ງຕັ້ງພີ່ນ້ອງຂອງເຂົາເຈົ້າໃຫ້ເປັນນັກຮ້ອງເພື່ອຮ້ອງເພງໃຫ້ມ່ວນໆ ແລະໃຫ້ເປັນນັກດົນຕີເພື່ອຫຼິ້ນເຄື່ອງດົນຕີທີ່ມີສາຍ ດີດພິນ+ ແລະຕີແສ່ງ.+
17 ພວກເລວີກໍໄປແຕ່ງຕັ້ງເຮມານ+ລູກຊາຍຂອງໂຢເອນ ອາສັບ+ລູກຊາຍຂອງເບເຣກີຢາ ແລະເອທານ+ລູກຊາຍຂອງກູຊາຢາທີ່ເປັນລູກຫຼານຂອງເມຣາຣີ.
18 ນອກຈາກນັ້ນຍັງມີກຸ່ມທີ 2+ ທີ່ຊ່ວຍເຂົາເຈົ້າເຊິ່ງມີ: ເຊຄາຣີຢາ ເບັນ ຢາອາຊີເອນ ເຊມີຣາໂມດ ເຢຮີເອນ ອຸນນີ ເອລີອາບ ເບນາຢາ ມາອາເສຢາ ມັດຕີທີຢາ ເອລີເຟເລຮູ ມິກເນຢາ ໂອເບັດເອໂດມ ກັບເຢອີເອນທີ່ເປັນຄົນຍາມປະຕູ.
19 ເຮມານ+ ອາສັບ+ ແລະເອທານຈະຮ້ອງເພງແລະຕີແສ່ງທີ່ເປັນທອງແດງໄປນຳ.+
20 ເຊຄາຣີຢາ ອາຊີເອນ ເຊມີຣາໂມດ ເຢຮີເອນ ອຸນນີ ເອລີອາບ ມາອາເສຢາ ແລະເບນາຢາຈະຫຼິ້ນເຄື່ອງດົນຕີທີ່ມີສາຍທີ່ປັບເປັນສຽງສູງ.*+
21 ມັດຕີທີຢາ+ ເອລີເຟເລຮູ ມິກເນຢາ ໂອເບັດເອໂດມ ເຢອີເອນ ແລະອາຊາຊີຢາຈະດີດພິນທີ່ປັບເປັນສຽງຕ່ຳ*+ເພື່ອນຳໜ້ານັກດົນຕີຄົນອື່ນໆ.
22 ເກນານີຢາ+ທີ່ເປັນຫົວໜ້າພວກເລວີຈະເປັນຜູ້ເບິ່ງແຍງການຫາມຫີບມາ ຍ້ອນວ່າລາວຮູ້ເລື່ອງນີ້ດີ.
23 ເບເຣກີຢາແລະເອນການາຈະເປັນຜູ້ເຝົ້າຫີບສັນຍາ.
24 ເຊບານີຢາ ໂຢຊາຟັດ ເນທາເນນ ອາມາຊາຍ ເຊຄາຣີຢາ ເບນາຢາ ແລະເອລີເອເຊທີ່ເປັນປະໂລຫິດຈະຍ່າງອອກໜ້າຫີບສັນຍາຂອງພະເຈົ້າທ່ຽງແທ້ແລ້ວເປົ່າແກດັງໆ.+ ສ່ວນໂອເບັດເອໂດມກັບເຢຮີຢາຈະເປັນຜູ້ເຝົ້າຫີບສັນຍາ.
25 ແລ້ວດາວິດກັບພວກຜູ້ນຳຂອງອິດສະຣາເອນແລະພວກຫົວໜ້າກອງພັນກໍຍ່າງໄປເຮືອນຂອງໂອເບັດເອໂດມ+ຢ່າງມີຄວາມສຸກ+ເພື່ອເອົາຫີບສັນຍາຂອງພະເຢໂຫວາມາ.
26 ຍ້ອນພະເຈົ້າທ່ຽງແທ້ຊ່ວຍພວກເລວີໃຫ້ຫາມຫີບສັນຍາຂອງພະເຢໂຫວາມາ ເຂົາເຈົ້າຈຶ່ງເອົາງົວໂຕຜູ້ 7 ໂຕ ແລະແກະໂຕຜູ້ 7 ໂຕມາເຜົາເປັນເຄື່ອງບູຊາໃຫ້ເພິ່ນ.+
27 ດາວິດນຸ່ງເສື້ອແຂນກິ້ນທີ່ເຮັດຈາກຜ້າເນື້ອດີ. ພວກເລວີທີ່ຫາມຫີບສັນຍາ ພວກນັກຮ້ອງກັບເກນານີຢາທີ່ເປັນຜູ້ເບິ່ງແຍງການຫາມຫີບມາແລະເບິ່ງແຍງພວກນັກຮ້ອງກໍນຸ່ງເສື້ອແຂນກິ້ນຄືກັນ. ດາວິດຍັງນຸ່ງເອໂຟດ*ທີ່ເຮັດຈາກຜ້າລີນິນ.+
28 ພວກອິດສະຣາເອນທຸກຄົນທີ່ໄປເອົາຫີບສັນຍາຂອງພະເຢໂຫວາມາໄດ້ພາກັນຮ້ອງດ້ວຍຄວາມດີໃຈ.+ ເຂົາເຈົ້າເປົ່າແກເຂົາສັດກັບແກອື່ນໆ+ ຕີແສ່ງ ແລະຫຼິ້ນເຄື່ອງດົນຕີທີ່ມີສາຍກັບດີດພິນສຽງດັງໆ.+
29 ແຕ່ເມື່ອຫີບສັນຍາຂອງພະເຢໂຫວາເຂົ້າມາໃນເມືອງຂອງດາວິດ+ ມີການ+ລູກສາວຂອງຊາອູນແນມລົງມາທາງປ່ອງຢ້ຽມແລະເຫັນກະສັດດາວິດກຳລັງສະຫຼອງແລະເຕັ້ນໄປເຕັ້ນມາ ລາວກໍດູຖູກດາວິດໃນໃຈ.+
ຂໍ
^ ໝາຍເຖິງເຮັດໃຫ້ພະເຈົ້າຍອມຮັບ ແລະບໍ່ໄດ້ໝາຍເຖິງສະອາດໂດຍການອາບນ້ຳ
^ ແປຕາມໂຕວ່າ “ອາລາໂມດ.” ເບິ່ງສ່ວນອະທິບາຍຄຳສັບ.
^ ແປຕາມໂຕວ່າ “ເຊມີນິດ.” ເບິ່ງສ່ວນອະທິບາຍຄຳສັບ.
^ ເບິ່ງສ່ວນອະທິບາຍຄຳສັບ
