ຂ່າວຄາວສະບັບທີໜຶ່ງ 18:1-17
18 ຕໍ່ມາ ດາວິດຕໍ່ສູ້ກັບພວກຟີລິດສະຕີນແລະເອົາຊະນະເຂົາເຈົ້າໄດ້. ດາວິດຍຶດເອົາເມືອງກັດ+ແລະເມືອງນ້ອຍໆທີ່ຢູ່ອ້ອມແອ້ມມາຈາກພວກຟີລິດສະຕີນ.+
2 ຫຼັງຈາກນັ້ນ ລາວຕໍ່ສູ້ຊະນະພວກໂມອາບ.+ ພວກໂມອາບໄດ້ຍອມເປັນຫົວເມືອງຂຶ້ນຂອງດາວິດແລະເອົາເຄື່ອງເສຍສ່ວຍໃຫ້ລາວ.+
3 ດາວິດຕໍ່ສູ້ຊະນະຮາດາເດເຊ+ກະສັດຂອງໂຊບາ+ຢູ່ໃກ້ກັບເມືອງຮາມັດ.+ ຕອນນັ້ນຮາດາເດເຊໄດ້ຂະຫຍາຍອຳນາດຂອງລາວຈົນໄປຮອດແມ່ນ້ຳເອິຟາຣາດ.+
4 ດາວິດໄດ້ຍຶດເອົາລົດຮົບຂອງຮາດາເດເຊ 1.000 ຄັນ. ລາວຍັງໄດ້ຈັບທະຫານມ້າ 7.000 ຄົນ ແລະທະຫານອີກ 20.000 ຄົນ.+ ໃນຈຳນວນມ້າທີ່ແກ່ລົດຮົບ ດາວິດຈົ່ງໄວ້ 100 ໂຕ+ ແຕ່ເຫຼືອນັ້ນລາວໄດ້ຕັດເອັນຂາຂອງພວກມັນ.
5 ເມື່ອພວກຊີເຣຍຈາກເມືອງດາມາເຊມາຊ່ວຍຮາດາເດເຊກະສັດຂອງໂຊບາ ດາວິດໄດ້ຂ້າທະຫານຊີເຣຍຕາຍ 22.000 ຄົນ.+
6 ດາວິດຕັ້ງກອງທະຫານປ້ອງກັນໄວ້ໃນເມືອງດາມາເຊຢູ່ຊີເຣຍ ແລະພວກຊີເຣຍໄດ້ຍອມເປັນຫົວເມືອງຂຶ້ນຂອງດາວິດແລະເອົາເຄື່ອງເສຍສ່ວຍໃຫ້ລາວ. ພະເຢໂຫວາຊ່ວຍໃຫ້ດາວິດຊະນະ*ບໍ່ວ່າລາວຈະຕໍ່ສູ້ຢູ່ໃສ.+
7 ດາວິດຍັງເອົາໂລ້ວົງມົນທີ່ເປັນຄຳຂອງທະຫານຮາດາເດເຊກັບໄປເມືອງເຢຣູຊາເລັມນຳ.
8 ດາວິດໄດ້ເອົາທອງແດງຈຳນວນຫຼາຍຈາກ 2 ເມືອງຂອງຮາດາເດເຊທີ່ຊື່ຕິບຮາດແລະກູນ. ໂຊໂລໂມນເອົາທອງແດງເຫຼົ່ານີ້ໄປເຮັດອ່າງທະເລທອງແດງ+ ເສົາ 2 ຕົ້ນ ແລະເຄື່ອງໃຊ້ຕ່າງໆ.+
9 ເມື່ອໂຕອູ*ກະສັດຂອງເມືອງຮາມັດໄດ້ຍິນວ່າ ດາວິດຕໍ່ສູ້ຊະນະກອງທັບທັງໝົດຂອງຮາດາເດເຊ+ກະສັດຂອງໂຊບາ+
10 ໂຕອູຈຶ່ງຟ້າວສົ່ງຮາໂດຣາມ*ລູກຊາຍຂອງລາວໄປຫາກະສັດດາວິດ. ໂຕອູເຮັດແນວນີ້ເພື່ອຖາມສະບາຍດີແລະຊົມເຊີຍດາວິດທີ່ຕໍ່ສູ້ຊະນະຮາດາເດເຊ ຍ້ອນຮາດາເດເຊມັກມາຕໍ່ສູ້ກັບໂຕອູເລື້ອຍໆ. ຮາໂດຣາມເອົາເຄື່ອງຂອງທີ່ເຮັດຈາກເງິນຈາກຄຳແລະທອງແດງມາໃຫ້ດາວິດນຳ.
11 ກະສັດດາວິດມອບສິ່ງເຫຼົ່ານີ້ ພ້ອມທັງເງິນແລະຄຳທີ່ລາວຍຶດມາຈາກຊາດຕ່າງໆໃຫ້ພະເຢໂຫວາ.+ ຊາດເຫຼົ່ານັ້ນແມ່ນພວກເອໂດມ ພວກໂມອາບ ພວກອຳໂມນ+ ພວກຟີລິດສະຕີນ+ ແລະພວກອາມາເລັກ.+
12 ອາບີຊາຍ+ລູກຊາຍຂອງເຊຣູຢາ+ຂ້າພວກເອໂດມຕາຍ 18.000 ຄົນຢູ່ຮ່ອມພູເກືອ.+
13 ດາວິດໄດ້ຕັ້ງກອງທະຫານປ້ອງກັນໃນເອໂດມ ແລະພວກເອໂດມທັງໝົດກໍຍອມເປັນຫົວເມືອງຂຶ້ນຂອງດາວິດ.+ ພະເຢໂຫວາຊ່ວຍດາວິດໃຫ້ຊະນະບໍ່ວ່າລາວຈະຕໍ່ສູ້ຢູ່ໃສ.+
14 ດາວິດປົກຄອງທົ່ວອິດສະຣາເອນຕໍ່ໄປ.+ ລາວປົກຄອງປະຊາຊົນຢ່າງຖືກຕ້ອງແລະຍຸຕິທຳ.+
15 ໂຢອາບລູກຊາຍຂອງເຊຣູຢາເປັນຫົວໜ້າກອງທັບ.+ ເຢໂຮຊາຟັດ+ລູກຊາຍຂອງອາຮີລຸດເປັນຜູ້ຈົດບັນທຶກໃຫ້ກະສັດ.
16 ຊາໂດກລູກຊາຍຂອງອາຮີຕຸບແລະອາຮີເມເລັກລູກຊາຍຂອງອາບີອາທາເປັນປະໂລຫິດ ແລະຊາວະຊາເປັນເລຂາຂອງກະສັດ.
17 ເບນາຢາລູກຊາຍຂອງເຢໂຮຢາດາເປັນຫົວໜ້າພວກເກເຣັດ+ແລະພວກເປເລດ*+ ແລະພວກລູກຊາຍຂອງດາວິດເປັນຫົວໜ້າລະດັບສູງ.
ຂໍ
^ ຫຼື “ລອດ”
^ ລາວມີອີກຊື່ໜຶ່ງວ່າໂຕອີໃນ 2ຊມ 8:9, 10
^ ໝາຍເຖິງທະຫານປ້ອງກັນໂຕດາວິດ
