ຂ່າວຄາວສະບັບທີໜຶ່ງ 20:1-8
20 ໃນໄລຍະຕົ້ນປີ* ຕອນທີ່ກະສັດຕ່າງໆກຳລັງຕໍ່ສູ້ກັນ ໂຢອາບ+ໄດ້ພາກອງທັບໄປໂຈມຕີແລະທຳລາຍພວກອຳໂມນ. ຕອນທີ່ດາວິດຍັງຢູ່ເມືອງເຢຣູຊາເລັມ+ ໂຢອາບລ້ອມເມືອງຣັບບາ+ໄດ້ແລະທຳລາຍເມືອງນັ້ນ.+
2 ຈາກນັ້ນ ດາວິດກໍມາເມືອງຣັບບາ. ລາວປົດມົງກຸດອອກຈາກຫົວຂອງຮູບພະມັນກາມ*ແລ້ວເອົາມາສຸບໃສ່ຫົວໂຕເອງ. ມົງກຸດນັ້ນເຮັດດ້ວຍຄຳໜັກ 1 ຕະລັນ*ແລະປະດັບດ້ວຍເພັດນິນຈິນດາຫຼາຍ. ດາວິດກັບພວກທະຫານໄດ້ຍຶດເອົາເຄື່ອງຫຼາຍແທ້ຫຼາຍວ່າຈາກເມືອງນັ້ນ.+
3 ດາວິດໃຫ້ຄົນໃນເມືອງນັ້ນມາເຮັດວຽກໃຫ້ລາວ.+ ລາວໃຫ້ເຂົາເຈົ້າເອົາເລື່ອຍຕັດຫີນແລະໃຫ້ເຮັດວຽກໂດຍໃຊ້ພ້າກັບຂວານ. ດາວິດເຮັດແບບນີ້ກັບທຸກເມືອງຂອງພວກອຳໂມນ. ໃນທີ່ສຸດດາວິດກັບພວກທະຫານທັງໝົດກໍກັບເມືອເມືອງເຢຣູຊາເລັມ.
4 ຕໍ່ມາ ພວກອິດສະຣາເອນໄປຕໍ່ສູ້ກັບພວກຟີລິດສະຕີນຢູ່ເກເຊ. ຕອນນັ້ນສິບເບກາຍ+ຄົນຮູຊາໄດ້ຂ້າສິບປາຍ*ທີ່ເປັນລູກຫຼານຂອງພວກເຣຟາຢິມ+ ແລະພວກອິດສະຣາເອນກໍຊະນະ.
5 ຫຼັງຈາກນັ້ນ ພວກອິດສະຣາເອນກັບພວກຟີລິດສະຕີນໄດ້ຕໍ່ສູ້ກັນອີກ. ເອນຮະນັນລູກຊາຍຂອງຢາອີໄດ້ຂ້າລາມີນ້ອງຊາຍຂອງໂກລີອາດ+ຄົນເມືອງກັດເຊິ່ງຖືຫອກທີ່ມີດ້າມເປັນໄມ້ທີ່ໃຫຍ່ສ່ຳກັບໄມ້ຄານກີ່ຕ່ຳຫູກ.+
6 ແລ້ວກໍມີການຕໍ່ສູ້ອີກຢູ່ເມືອງກັດ.+ ຢູ່ຫັ້ນມີລູກຫຼານຂອງຄົນເຣຟາຢິມອີກຜູ້ໜຶ່ງ+ທີ່ໂຕໃຫຍ່ຫຼາຍ.+ ລາວມີນິ້ວມືເບື້ອງລະ 6 ນິ້ວແລະນິ້ວຕີນເບື້ອງລະ 6 ນິ້ວ ລວມທັງໝົດເປັນ 24 ນິ້ວ.
7 ລາວເວົ້າເຍາະເຍີ້ຍ+ພວກອິດສະຣາເອນຕະຫຼອດ ໂຢນາທານລູກຊາຍຂອງຊິເມອາ+ທີ່ເປັນອ້າຍຂອງດາວິດຈຶ່ງຂ້າລາວ.
8 ທັງໝົດນີ້ແມ່ນລູກຫຼານຂອງພວກເຣຟາຢິມ+ໃນເມືອງກັດ.+ ດາວິດແລະພວກທະຫານຂອງລາວໄດ້ຂ້າເຂົາເຈົ້າຕາຍ.
ຂໍ ຄວາມ ໄຂ ເງື່ອນ
^ ໝາຍເຖິງລະດູໃບໄມ້ປົ່ງໃນອິດສະຣາເອນ (ເລີ່ມຕົ້ນໃນເດືອນມີນາຫຼືເມສາ). ເບິ່ງພາກຜະໜວກ ຂ15.
^ ອາດເປັນຮູບພະຂອງພວກອຳໂມນ. ຢູ່ຂໍ້ອື່ນເອີ້ນວ່າພະໂມເລັກຫຼືພະມີເລກອມ.
^ 34,2 ກິໂລກຣາມ. ເບິ່ງພາກຜະໜວກ ຂ14.