ຂ່າວຄາວສະບັບທີໜຶ່ງ 24:1-31
24 ລູກຫຼານຂອງອາໂຣນໄດ້ຖືກແບ່ງເປັນກຸ່ມຕາມນີ້: ອາໂຣນມີລູກຊາຍຊື່ນາດາບ ອາບີຮູ+ ເອເລອາຊາ ແລະອີທາມາ.+
2 ນາດາບກັບອາບີຮູຕາຍກ່ອນພໍ່ຂອງເຂົາເຈົ້າ+ ແລະທັງສອງຄົນກໍບໍ່ມີລູກຊາຍ. ແຕ່ເອເລອາຊາ+ກັບອີທາມາຍັງເປັນປະໂລຫິດຕໍ່ໄປ.
3 ດາວິດກັບຊາໂດກ+ທີ່ເປັນລູກຫຼານຂອງເອເລອາຊາ ແລະອາຮີເມເລັກທີ່ເປັນລູກຫຼານຂອງອີທາມາໄດ້ຊ່ວຍກັນແບ່ງລູກຫຼານຂອງອາໂຣນເປັນກຸ່ມເພື່ອເຮັດໜ້າທີ່ຕ່າງໆ.
4 ຍ້ອນຫົວໜ້າໃນຈຸ້ມເຈື້ອທີ່ເປັນລູກຫຼານຂອງເອເລອາຊາມີຫຼາຍກວ່າຫົວໜ້າໃນຈຸ້ມເຈື້ອທີ່ເປັນລູກຫຼານຂອງອີທາມາ ເຂົາເຈົ້າຈຶ່ງເລືອກເອົາລູກຫຼານຂອງເອເລອາຊາ 16 ຄົນ ແລະລູກຫຼານຂອງອີທາມາ 8 ຄົນ.
5 ເຂົາເຈົ້າແບ່ງຄົນເຫຼົ່ານີ້ໂດຍການຈົກສະຫຼາກ+ ຍ້ອນວ່າພວກຫົວໜ້າທີ່ເບິ່ງແຍງບ່ອນບໍລິສຸດແລະພວກຫົວໜ້າທີ່ຮັບໃຊ້ພະເຈົ້າທ່ຽງແທ້ມາຈາກລູກຫຼານຂອງເອເລອາຊາແລະອີທາມາ.
6 ແລ້ວເຊມາຢາລູກຊາຍຂອງເນທາເນນທີ່ເປັນເລຂາຂອງພວກເລວີກໍໄດ້ຈົດຊື່ເຂົາເຈົ້າຕໍ່ໜ້າກະສັດ ພວກເຈົ້ານາຍ ປະໂລຫິດຊາໂດກ+ ອາຮີເມເລັກ+ລູກຊາຍຂອງອາບີອາທາ+ ແລະຫົວໜ້າໃນຈຸ້ມເຈື້ອຕ່າງໆຂອງພວກປະໂລຫິດແລະພວກເລວີ. ເຂົາເຈົ້າຈົກສະຫຼາກເພື່ອໃຫ້ລູກຫຼານຂອງເອເລອາຊາເຮັດວຽກສະຫຼັບກັບລູກຫຼານຂອງອີທາມາ.
7 ສະຫຼາກອັນທີ 1 ເປັນຂອງເຢໂຮຢາຣິບ. ອັນທີ 2 ເປັນຂອງເຢດາຢາ.
8 ອັນທີ 3 ເປັນຂອງຮາຣີມ. ອັນທີ 4 ເປັນຂອງເສໂອຣີມ.
9 ອັນທີ 5 ເປັນຂອງມັນກີຢາ. ອັນທີ 6 ເປັນຂອງມິຢາມິນ.
10 ອັນທີ 7 ເປັນຂອງຮັກກົດ. ອັນທີ 8 ເປັນຂອງອາບີຢາ.+
11 ອັນທີ 9 ເປັນຂອງເຢຊູອາ. ອັນທີ 10 ເປັນຂອງເຊການີອາ.
12 ອັນທີ 11 ເປັນຂອງເອລີຢາຊິບ. ອັນທີ 12 ເປັນຂອງຢາກີມ.
13 ອັນທີ 13 ເປັນຂອງຮຸບປາ. ອັນທີ 14 ເປັນຂອງເຢເຊເບອາບ.
14 ອັນທີ 15 ເປັນຂອງບິນກາ. ອັນທີ 16 ເປັນຂອງອິມເມ.
15 ອັນທີ 17 ເປັນຂອງເຮຊີ. ອັນທີ 18 ເປັນຂອງຮາບປິດເຊັດ.
16 ອັນທີ 19 ເປັນຂອງເປທາຮີຢາ. ອັນທີ 20 ເປັນຂອງເຢເຮັດຊະເກັນ.
17 ອັນທີ 21 ເປັນຂອງຢາກິນ. ອັນທີ 22 ເປັນຂອງກາມູນ.
18 ອັນທີ 23 ເປັນຂອງເດລາຢາ ແລະອັນທີ 24 ເປັນຂອງມາອາຊີຢາ.
19 ຄົນເຫຼົ່ານີ້ໄດ້ຮັບວຽກມອບໝາຍຂອງໂຕເອງ+ໃນວິຫານຂອງພະເຢໂຫວາຕາມທີ່ອາໂຣນປູ່ຍ່າຕານາຍຂອງເຂົາເຈົ້າໄດ້ກຳນົດໄວ້ ເຊິ່ງເປັນວິທີທີ່ພະເຢໂຫວາພະເຈົ້າຂອງອິດສະຣາເອນໄດ້ສັ່ງລາວ.
20 ນອກຈາກພວກຫົວໜ້າໃນຈຸ້ມເຈື້ອທີ່ຈົກສະຫຼາກໄປແລ້ວ ລູກຫຼານຂອງພວກເລວີທີ່ຍັງເຫຼືອຢູ່ມີ: ຊູບາເອນ+ທີ່ເປັນລູກຫຼານຂອງອຳຣາມ+ ເຢເດຢາທີ່ເປັນລູກຫຼານຂອງຊູບາເອນ;
21 ອິດຊີຢາທີ່ເປັນຫົວໜ້າແລະເປັນລູກຫຼານຂອງເຣຮາບີຢາ;+
22 ເຊໂລໂມດ+ທີ່ເປັນລູກຫຼານຂອງອິດຊະຣາ; ຢາຮາດທີ່ເປັນລູກຫຼານຂອງເຊໂລໂມດ;
23 ເຢເຣຍທີ່ເປັນຫົວໜ້າ ອາມາຣີຢາທີ່ປັນຜູ້ທີ 2 ຢາຮາຊີເອນທີ່ເປັນຜູ້ທີ 3 ແລະເຢກາເມອາມທີ່ເປັນຜູ້ທີ 4 ທີ່ເປັນລູກຫຼານຂອງເຮັບໂຣນ;
24 ມີກາທີ່ເປັນລູກຫຼານຂອງອຸດຊີເອນ; ຊາມີທີ່ເປັນລູກຫຼານຂອງມີກາ;
25 ນ້ອງຊາຍຂອງມີກາທີ່ຊື່ອິດຊີຢາ; ເຊຄາຣີຢາທີ່ເປັນລູກຫຼານຂອງອິດຊີຢາ.
26 ລູກຊາຍຂອງເມຣາຣີ+ທີ່ຊື່ມາລີແລະມູຊີ; ເບໂນທີ່ເປັນລູກຫຼານຂອງຢາອາຊີຢາ;
27 ຢາອາຊີຢາ ເບໂນ ໂຊຮາມ ຊາກູເຣ ແລະອິບຣີທີ່ເປັນລູກຫຼານຂອງເມຣາຣີ;
28 ເອເລອາຊາຜູ້ທີ່ບໍ່ມີລູກຊາຍ+ທີ່ເປັນລູກຫຼານຂອງມາລີ;
29 ເຢຣາເມເອນທີ່ເປັນລູກຫຼານຂອງກີເຊ;
30 ມາລີ ເອເດ ແລະເຢຣີໂມດທີ່ເປັນລູກຫຼານຂອງມູຊີ.
ທັງໝົດນີ້ແມ່ນລູກຫຼານຂອງເລວີຕາມຈຸ້ມເຈື້ອຂອງເຂົາເຈົ້າ.
31 ເຂົາເຈົ້າຈົກສະຫຼາກ+ຄືກັບພວກລູກຫຼານຂອງອາໂຣນທີ່ເປັນພີ່ນ້ອງຂອງເຂົາເຈົ້າ. ເຂົາເຈົ້າຈົກສະຫຼາກຕໍ່ໜ້າກະສັດດາວິດ ຊາໂດກ ອາຮີເມເລັກ ແລະຫົວໜ້າໃນຈຸ້ມເຈື້ອຕ່າງໆຂອງພວກປະໂລຫິດແລະພວກເລວີ. ບໍ່ວ່າຫົວໜ້າໃນຈຸ້ມເຈື້ອຂອງເຂົາເຈົ້າຈະອາຍຸຫຼາຍຫຼືໜ້ອຍກໍໄດ້ຈົກສະຫຼາກຄືກັນ.
