ຂ່າວຄາວສະບັບທີໜຶ່ງ 26:1-32
26 ຕໍ່ໄປນີ້ແມ່ນລາຍຊື່ຄົນຍາມປະຕູທີ່ຖືກແບ່ງເປັນກຸ່ມ.+ ໃນພວກລູກຫຼານຂອງໂກຣາມີ ເມເຊເລມີຢາ+ລູກຊາຍຂອງໂກເຣທີ່ເປັນລູກຫຼານຂອງອາສັບ.
2 ເມເຊເລມີຢາມີລູກຊາຍກົກຊື່ເຊຄາຣີຢາ ຜູ້ທີ 2 ຊື່ເຢດີອາເອນ ຜູ້ທີ 3 ຊື່ເຊບາດີຢາ ຜູ້ທີ 4 ຊື່ຢາດນີເອນ
3 ຜູ້ທີ 5 ຊື່ເອລາມ ຜູ້ທີ 6 ຊື່ເຢໂຮຮານັນ ແລະຜູ້ທີ 7 ຊື່ເອລີເອໂຮນາຍ.
4 ໂອເບັດເອໂດມມີລູກຊາຍກົກຊື່ເຊມາຢາ ຜູ້ທີ 2 ຊື່ເຢໂຮຊາບັດ ຜູ້ທີ 3 ຊື່ໂຢອາ ຜູ້ທີ 4 ຊື່ສາກາ ຜູ້ທີ 5 ຊື່ເນທາເນນ
5 ຜູ້ທີ 6 ຊື່ອຳມີເອນ ຜູ້ທີ 7 ຊື່ອິດຊາຄາ ແລະຜູ້ທີ 8 ຊື່ເປອູເລທາຍ. ພະເຈົ້າໄດ້ອວຍພອນໂອເບັດເອໂດມໃຫ້ມີລູກທັງໝົດນີ້.
6 ເຊມາຢາລູກຊາຍຂອງໂອເບັດເອໂດມມີລູກຊາຍຫຼາຍຄົນທີ່ເປັນຫົວໜ້າໃນຈຸ້ມເຈື້ອຂອງໂຕເອງ ຍ້ອນເຂົາເຈົ້າເປັນຄົນແຂງແຮງແລະມີຄວາມສາມາດ.
7 ເຊມາຢາມີລູກຊາຍຊື່ໂອທະນີ ເຣຟາເອນ ໂອເບັດ ແລະເອນຊາບັດ. ເອລີຮູແລະເຊມາກີຢາພີ່ນ້ອງຂອງເອນຊາບັດກໍເປັນຄົນທີ່ມີຄວາມສາມາດຄືກັນ.
8 ໂອເບັດເອໂດມມີລູກຫຼານທັງໝົດ 62 ຄົນ. ເຂົາເຈົ້າກັບພວກລູກຊາຍແລະພວກພີ່ນ້ອງຂອງເຂົາເຈົ້າເປັນຄົນທີ່ມີຄວາມສາມາດແລະເໝາະສົມທີ່ຈະເຮັດວຽກຮັບໃຊ້ແບບນີ້.
9 ເມເຊເລມີຢາ+ມີລູກຊາຍແລະພີ່ນ້ອງທັງໝົດ 18 ຄົນ. ເຂົາເຈົ້າເປັນຄົນທີ່ມີຄວາມສາມາດ.
10 ໂຮສາລູກຫຼານຂອງເມຣາຣີມີລູກຊາຍຫຼາຍຄົນ. ຊິມລີບໍ່ໄດ້ເປັນລູກກົກ ແຕ່ພໍ່ກໍໃຫ້ລາວເປັນຫົວໜ້າໃນຈຸ້ມເຈື້ອ.
11 ລູກຊາຍຜູ້ທີ 2 ຂອງໂຮສາຊື່ຮິນກີຢາ ຜູ້ທີ 3 ຊື່ເຕບາລີຢາ ແລະຜູ້ທີ 4 ຊື່ເຊຄາຣີຢາ. ໂຮສາມີລູກຊາຍແລະພີ່ນ້ອງທັງໝົດ 13 ຄົນ.
12 ໃນແຕ່ລະກຸ່ມທີ່ເຮັດໜ້າທີ່ຍາມປະຕູ ຜູ້ທີ່ເປັນຫົວໜ້າກໍຕ້ອງເຮັດວຽກຄືກັບພວກພີ່ນ້ອງຂອງເຂົາເຈົ້າໃນການຮັບໃຊ້ຢູ່ວິຫານຂອງພະເຢໂຫວາ.
13 ທັງຈຸ້ມເຈື້ອນ້ອຍແລະຈຸ້ມເຈື້ອໃຫຍ່ກໍໄດ້ຈົກສະຫຼາກ+ເພື່ອຈະຮູ້ວ່າໃຜຈະໄດ້ຍາມຢູ່ທາງໃດ.
14 ເຊເລມີຢາເບິ່ງແຍງທາງທິດຕາເວັນອອກ. ເຊຄາຣີຢາລູກຊາຍຂອງລາວເຊິ່ງເປັນທີ່ປຶກສາທີ່ສຸຂຸມຮອບຄອບໄດ້ເບິ່ງແຍງທາງທິດເໜືອ.
15 ໂອເບັດເອໂດມໄດ້ເບິ່ງແຍງທາງທິດໃຕ້. ພວກລູກຊາຍຂອງລາວ+ຖືກມອບໝາຍໃຫ້ເບິ່ງແຍງຫ້ອງມ້ຽນເຄື່ອງນຳ.
16 ຊຸບປີມແລະໂຮສາ+ໄດ້ເບິ່ງແຍງທາງທິດຕາເວັນຕົກໃກ້ກັບປະຕູຊັນເລເກັດທີ່ມີຫົນທາງຂຶ້ນໄປເທິງໂນນ. ຄົນຍາມແຕ່ລະກຸ່ມຈະຢືນຍາມຢູ່ຂ້າງກັນ.
17 ໃນແຕ່ລະມື້ ມີພວກເລວີ 6 ຄົນຍາມຢູ່ທາງທິດຕາເວັນອອກ ມີ 4 ຄົນຍາມຢູ່ທາງທິດເໜືອ ແລະມີ 4 ຄົນຍາມຢູ່ທາງທິດໃຕ້ ກັບອີກ 4 ຄົນທີ່ຍາມຫ້ອງມ້ຽນເຄື່ອງ+ເບື້ອງລະ 2 ຄົນ.
18 ຢູ່ທາງທິດຕາເວັນຕົກມີ 4 ຄົນຍາມຢູ່ຫົນທາງຂຶ້ນໄປເທິງໂນນ+ ແລະມີ 2 ຄົນຍາມຢູ່ສາລາ.
19 ທັງໝົດນີ້ແມ່ນກຸ່ມຕ່າງໆທີ່ຍາມປະຕູເຊິ່ງແມ່ນລູກຫຼານຂອງໂກຣາແລະເມຣາຣີ.
20 ໃນພວກເລວີ ອາຮີຢາເປັນຜູ້ເບິ່ງແຍງຄັງຊັບສິນໃນວິຫານຂອງພະເຈົ້າທ່ຽງແທ້ແລະຄັງຊັບສິນສຳລັບເຄື່ອງຕ່າງໆທີ່ບໍລິສຸດ.*+
21 ໃນພວກລູກຫຼານຂອງລາດານທີ່ເປັນລູກຫຼານຂອງເກໂຊນມີ ເຢຮີເອລີ+ທີ່ເປັນຫົວໜ້າໃນຈຸ້ມເຈື້ອຂອງລາດານ.
22 ລູກຫຼານຂອງເຢຮີເອລີມີ ເຊທາມແລະໂຢເອນທີ່ເປັນອ້າຍນ້ອງຂອງລາວ. ເຂົາເຈົ້າເປັນຜູ້ເບິ່ງແຍງຄັງຊັບສິນໃນວິຫານຂອງພະເຢໂຫວາ.+
23 ພວກລູກຫຼານອຳຣາມ ພວກລູກຫຼານອິດຊະຮາ ພວກລູກຫຼານເຮັບໂຣນ ພວກລູກຫຼານອຸດຊີເອນ+
24 ແລະພວກລູກຫຼານຂອງເຊບູເອນທີ່ເປັນລູກຊາຍຂອງເກໂຊມແລະເປັນຫຼານຂອງໂມເຊ ເຂົາເຈົ້າເປັນຫົວໜ້າເບິ່ງແຍງຫ້ອງມ້ຽນເຄື່ອງ.
25 ພວກພີ່ນ້ອງຂອງເຊບູເອນທີ່ເປັນລູກຫຼານຂອງເອລີເອເຊ+ມີ: ເຣຮາບີຢາ+ ເຢຊາຢາ ໂຢຣາມ ຊິກຣີ ແລະເຊໂລໂມດ.
26 ເຊໂລໂມດກັບພວກພີ່ນ້ອງຂອງລາວເບິ່ງແຍງຄັງຊັບສິນທັງໝົດສຳລັບເຄື່ອງຕ່າງໆທີ່ບໍລິສຸດ+ທີ່ກະສັດດາວິດ+ ພວກຫົວໜ້າໃນຈຸ້ມເຈື້ອຕ່າງໆ+ ພວກຫົວໜ້າກອງພັນ ພວກຫົວໜ້າກອງຮ້ອຍ ແລະພວກຫົວໜ້າກອງທັບໄດ້ແຍກໄວ້ຕ່າງຫາກໃຫ້ບໍລິສຸດ.
27 ເຄື່ອງທີ່ຍຶດມາຈາກສົງຄາມ+ ເຂົາເຈົ້າໄດ້ແຍກໄວ້ຕ່າງຫາກໃຫ້ບໍລິສຸດເພື່ອເອົາໄວ້ແປງວິຫານຂອງພະເຢໂຫວາ
28 ລວມທັງເຄື່ອງຕ່າງໆທີ່ຊາມູເອນຜູ້ເຫັນນິມິດ+ ຊາອູນລູກຊາຍຂອງກີເຊ ອັບເນ+ລູກຊາຍຂອງເນ ແລະໂຢອາບ+ລູກຊາຍຂອງເຊຣູຢາ+ໄດ້ແຍກໄວ້ຕ່າງຫາກໃຫ້ບໍລິສຸດ. ເຄື່ອງອັນໃດກໍຕາມທີ່ຖືກແຍກໄວ້ຕ່າງຫາກໃຫ້ບໍລິສຸດ ເຊໂລມິດກັບພວກພີ່ນ້ອງຂອງລາວຈະເປັນຜູ້ເບິ່ງແຍງ.
29 ໃນພວກລູກຫຼານຂອງອິດຊະຮາ+ ເກນານີຢາກັບພວກລູກຫຼານຂອງລາວຖືກມອບໝາຍໃຫ້ເບິ່ງແຍງວຽກຕ່າງໆຢູ່ນອກວິຫານຂອງພະເຈົ້າ. ເຂົາເຈົ້າເປັນຫົວໜ້າແລະຜູ້ຕັດສິນ+ພວກອິດສະຣາເອນ.
30 ໃນພວກລູກຫຼານເຮັບໂຣນ+ ຮາຊາບີຢາກັບພວກພີ່ນ້ອງຂອງລາວ 1.700 ຄົນເປັນຄົນທີ່ມີຄວາມສາມາດ. ເຂົາເຈົ້າເບິ່ງແຍງພວກອິດສະຣາເອນທີ່ຢູ່ທາງທິດຕາເວັນອອກຂອງແມ່ນ້ຳຈໍແດນແລະເຮັດວຽກທຸກຢ່າງເພື່ອຮັບໃຊ້ພະເຢໂຫວາແລະກະສັດ.
31 ພວກລູກຫຼານທີ່ຢູ່ໃນຈຸ້ມເຈື້ອເຮັບໂຣນມີເຢຣີຢາ+ເປັນຫົວໜ້າ. ໃນປີທີ 40 ທີ່ດາວິດເປັນກະສັດປົກຄອງ+ ຄົນຂອງດາວິດໄດ້ໄປຊອກຫາຄົນທີ່ເກັ່ງແລະມີຄວາມສາມາດໃນຕະກູນເຮັບໂຣນແລະພົບຄົນເຫຼົ່ານີ້ຢູ່ເມືອງຢາເຊ+ໃນເຂດກິລຽດ.
32 ພີ່ນ້ອງຂອງເຢຣີຢາທີ່ມີຄວາມສາມາດແລະເປັນຫົວໜ້າໃນຈຸ້ມເຈື້ອຕ່າງໆມີ 2.700 ຄົນ. ກະສັດດາວິດຈຶ່ງໃຫ້ເຂົາເຈົ້າເບິ່ງແຍງຄົນໃນຕະກູນຣູເບັນ ຕະກູນຄາດ ແລະເຄິ່ງໜຶ່ງຂອງຕະກູນມານາເຊໃນທຸກເລື່ອງທີ່ກ່ຽວກັບວຽກຮັບໃຊ້ພະເຈົ້າທ່ຽງແທ້ແລະກະສັດ.
ຂໍ
^ ຫຼື “ສິ່ງຕ່າງໆທີ່ແຍກໄວ້ຕ່າງຫາກສຳລັບພະເຈົ້າ”
