ຂ່າວຄາວສະບັບທີໜຶ່ງ 27:1-34
-
ພວກທະຫານທີ່ຮັບໃຊ້ກະສັດ (1-34)
27 ຕໍ່ໄປນີ້ແມ່ນຈຳນວນພວກອິດສະຣາເອນທີ່ເປັນຫົວໜ້າໃນຈຸ້ມເຈື້ອຕ່າງໆ ພວກຫົວໜ້າກອງພັນ ພວກຫົວໜ້າກອງຮ້ອຍ+ ແລະພວກຫົວໜ້າກອງທະຫານຂອງກະສັດ.+ ໃນປີໜຶ່ງກອງທະຫານເຫຼົ່ານີ້ຈະປ່ຽນກັນເຮັດວຽກກອງລະ 1 ເດືອນ. ແຕ່ລະກອງມີ 24.000 ຄົນ.
2 ຫົວໜ້າກອງທະຫານທີ 1 ທີ່ເຮັດວຽກເດືອນທຳອິດແມ່ນຢາໂຊເບອາມ+ລູກຊາຍຂອງຊັບດີເອນ. ກອງທະຫານຂອງລາວມີ 24.000 ຄົນ.
3 ລາວເປັນລູກຫຼານຂອງເປເຣດ+ແລະເປັນຫົວໜ້າເບິ່ງແຍງກຸ່ມຕ່າງໆທີ່ເຮັດວຽກໃນເດືອນທຳອິດ.
4 ຫົວໜ້າກອງທະຫານທີ 2 ທີ່ເຮັດວຽກເດືອນທີ 2 ແມ່ນໂດດາຍ+ຄົນອາໂຮອາ.+ ກອງທະຫານຂອງລາວມີ 24.000 ຄົນ ແລະມິກໂລດເປັນຜູ້ຮອງຈາກລາວ.
5 ຫົວໜ້າກອງທະຫານທີ 3 ທີ່ເຮັດວຽກເດືອນທີ 3 ແມ່ນເບນາຢາ+ລູກຊາຍຂອງເຢໂຮຢາດາ+ທີ່ເປັນປະໂລຫິດໃຫຍ່. ກອງທະຫານຂອງລາວມີ 24.000 ຄົນ.
6 ເບນາຢາເປັນທະຫານທີ່ເກັ່ງໃນກຸ່ມພິເສດທີ່ມີຈຳນວນ 30 ຄົນແລະລາວເປັນຫົວໜ້າຂອງ 30 ຄົນນັ້ນ. ອຳມິດຊາບັດລູກຊາຍຂອງລາວເປັນຜູ້ຮອງຈາກລາວໃນກອງທະຫານ.
7 ຫົວໜ້າກອງທະຫານທີ 4 ທີ່ເຮັດວຽກເດືອນທີ 4 ແມ່ນອາສາເຮນ+ນ້ອງຊາຍຂອງໂຢອາບ.+ ກອງທະຫານຂອງລາວມີ 24.000 ຄົນ. ເຊບາດີຢາລູກຊາຍຂອງລາວເບິ່ງແຍງກອງທັບຕໍ່ຈາກລາວ.
8 ຫົວໜ້າກອງທະຫານທີ 5 ທີ່ເຮັດວຽກເດືອນທີ 5 ແມ່ນຊາມຮູດຄົນອິດຊະຣາ. ກອງທະຫານຂອງລາວມີ 24.000 ຄົນ.
9 ຫົວໜ້າກອງທະຫານທີ 6 ທີ່ເຮັດວຽກເດືອນທີ 6 ແມ່ນອີຣາ+ລູກຊາຍຂອງອິກເກດຄົນເຕໂກອາ.+ ກອງທະຫານຂອງລາວມີ 24.000 ຄົນ.
10 ຫົວໜ້າກອງທະຫານທີ 7 ທີ່ເຮັດວຽກເດືອນທີ 7 ແມ່ນເຮເລັດ+ຄົນເປໂລນທີ່ເປັນລູກຫຼານຂອງເອຟຣາຢິມ. ກອງທະຫານຂອງລາວມີ 24.000 ຄົນ.
11 ຫົວໜ້າກອງທະຫານທີ 8 ທີ່ເຮັດວຽກເດືອນທີ 8 ແມ່ນສິບເບກາຍ+ຄົນຮູຊາທີ່ເປັນລູກຫຼານຂອງເຊຣາ.+ ກອງທະຫານຂອງລາວມີ 24.000 ຄົນ.
12 ຫົວໜ້າກອງທະຫານທີ 9 ທີ່ເຮັດວຽກເດືອນທີ 9 ແມ່ນອາບີເອເຊ+ຄົນອານາໂທດ+ທີ່ເປັນລູກຫຼານຂອງເບັນຢາມິນ. ກອງທະຫານຂອງລາວມີ 24.000 ຄົນ.
13 ຫົວໜ້າກອງທະຫານທີ 10 ທີ່ເຮັດວຽກເດືອນທີ 10 ແມ່ນມາຮາຣາຍ+ຄົນເນໂຕຟາທີ່ເປັນລູກຫຼານຂອງເຊຣາ.+ ກອງທະຫານຂອງລາວມີ 24.000 ຄົນ.
14 ຫົວໜ້າກອງທະຫານທີ 11 ທີ່ເຮັດວຽກເດືອນທີ 11 ແມ່ນເບນາຢາ+ຄົນປີຣາໂທນທີ່ເປັນລູກຫຼານຂອງເອຟຣາຢິມ. ກອງທະຫານຂອງລາວມີ 24.000 ຄົນ.
15 ຫົວໜ້າກອງທະຫານທີ 12 ທີ່ເຮັດວຽກເດືອນທີ 12 ແມ່ນເຮນດາຍຄົນເນໂຕຟາທີ່ເປັນລູກຫຼານຂອງໂອດນີເອນ. ກອງທະຫານຂອງລາວມີ 24.000 ຄົນ.
16 ຫົວໜ້າຕະກູນຕ່າງໆຂອງອິດສະຣາເອນມີ: ຫົວໜ້າຂອງຕະກູນຣູເບັນແມ່ນເອລີເອເຊລູກຊາຍຂອງຊິກຣີ ຫົວໜ້າຂອງຕະກູນຊີເມໂອນແມ່ນເຊຟາຕີຢາລູກຊາຍຂອງມາອາກາ
17 ຫົວໜ້າຂອງຕະກູນເລວີແມ່ນຮາຊາບີຢາລູກຊາຍຂອງເກມູເອນ ຫົວໜ້າຂອງລູກຫຼານຂອງອາໂຣນແມ່ນຊາໂດກ
18 ຫົວໜ້າຂອງຕະກູນຢູດາແມ່ນເອລີຮູ+ອ້າຍຂອງດາວິດ ຫົວໜ້າຂອງຕະກູນອິດຊາຄາແມ່ນອົມຣີລູກຊາຍຂອງມີກາເອນ
19 ຫົວໜ້າຂອງຕະກູນເຊບູລູນແມ່ນອີຊະມາຢາລູກຊາຍຂອງໂອບາດີຢາ ຫົວໜ້າຂອງຕະກູນນັບທາລີແມ່ນເຢຣີໂມດລູກຊາຍຂອງອັດຊະຣີເອນ
20 ຫົວໜ້າຂອງຕະກູນເອຟຣາຢິມແມ່ນໂຮເຊຢາລູກຊາຍຂອງອາຊາຊີຢາ ຫົວໜ້າຂອງເຄິ່ງໜຶ່ງຂອງຕະກູນມານາເຊແມ່ນໂຢເອນລູກຊາຍຂອງເປດາຢາ
21 ຫົວໜ້າຂອງອີກເຄິ່ງໜຶ່ງຂອງຕະກູນມານາເຊທີ່ຢູ່ກິລຽດແມ່ນອິດໂດລູກຊາຍຂອງເຊຄາຣີຢາ ຫົວໜ້າຂອງຕະກູນເບັນຢາມິນແມ່ນຢາອາສີເອນລູກຊາຍຂອງອັບເນ+
22 ຫົວໜ້າຂອງຕະກູນດານແມ່ນອັດຊາເຣນລູກຊາຍຂອງເຢໂຣຮາມ. ທັງໝົດນີ້ແມ່ນຫົວໜ້າຕະກູນຕ່າງໆຂອງອິດສະຣາເອນ.
23 ດາວິດບໍ່ໄດ້ນັບຄົນທີ່ມີອາຍຸ 20 ປີລົງມາ ຍ້ອນພະເຢໂຫວາສັນຍາວ່າຈະໃຫ້ພວກອິດສະຣາເອນມີຫຼາຍຄືກັບດວງດາວໃນທ້ອງຟ້າ.+
24 ໂຢອາບລູກຊາຍຂອງເຊຣູຢາໄດ້ເລີ່ມນັບຈຳນວນຄົນ ແຕ່ລາວຍັງນັບບໍ່ທັນແລ້ວຊ້ຳ ພະເຈົ້າກໍໃຈຮ້າຍໃຫ້ພວກອິດສະຣາເອນ.+ ດັ່ງນັ້ນຈຶ່ງບໍ່ມີການບັນທຶກຈຳນວນຄົນທີ່ຖືກນັບໃນປຶ້ມປະຫວັດຂອງກະສັດດາວິດ.
25 ອາຊະມາເວດລູກຊາຍຂອງອາດີເອນເບິ່ງແຍງຄັງຊັບສິນຂອງກະສັດ.+ ໂຢນາທານລູກຊາຍຂອງອຸດຊີຢາເບິ່ງແຍງບ່ອນມ້ຽນອາຫານທີ່ຢູ່ນອກເມືອງເຢຣູຊາເລັມ ຕາມບ້ານ ຕາມເມືອງ ແລະຕາມປ້ອມຕ່າງໆ.
26 ເອຊະຣີລູກຊາຍຂອງເກລຸບເບິ່ງແຍງຄົນທີ່ເຮັດວຽກຢູ່ທົ່ງນາ.
27 ຊິເມອີຄົນຣາມາເບິ່ງແຍງສວນໝາກລະແຊັງ. ຊັບດີຄົນຊິບມີເບິ່ງແຍງບ່ອນມ້ຽນເຫຼົ້າແວງ.
28 ບາອານຮານານຄົນເກເດເບິ່ງແຍງສວນໝາກກອກແລະຕົ້ນຊີກາມົນ*+ຢູ່ເຊເຟລາ.+ ໂຢອາດເບິ່ງແຍງບ່ອນມ້ຽນນ້ຳມັນໝາກກອກ.
29 ຊິດຣາຍຄົນຊາໂຣນເບິ່ງແຍງຝູງງົວທີ່ຢູ່ຊາໂຣນ.+ ຊາຟາດລູກຊາຍຂອງອາດະລາຍເບິ່ງແຍງຝູງງົວທີ່ຢູ່ທົ່ງພຽງ.
30 ໂອບິນຄົນອິດຊະມາເອນເບິ່ງແຍງຝູງອູດ. ເຢເດຢາຄົນເມໂຣໂນດເບິ່ງແຍງຝູງລາ.*
31 ຢາຊິດຄົນຮັກກິດເບິ່ງແຍງຝູງແກະ. ທັງໝົດນີ້ແມ່ນພວກຫົວໜ້າທີ່ເບິ່ງແຍງຊັບສິນຂອງກະສັດດາວິດ.
32 ໂຢນາທານ+ຫຼານຊາຍຂອງດາວິດເປັນທີ່ປຶກສາແລະເປັນເລຂາຂອງກະສັດ. ລາວເປັນຄົນທີ່ມີຄວາມເຂົ້າໃຈ. ເຢຮີເອນລູກຊາຍຂອງຮັກໂມນີເປັນຜູ້ເບິ່ງແຍງພວກລູກຊາຍຂອງກະສັດ.+
33 ອາຮີໂທເຟັນ+ເປັນທີ່ປຶກສາຂອງກະສັດ. ຮູຊາຍ+ຄົນອາຄີເປັນໝູ່ສະໜິດຂອງກະສັດ.
34 ຫຼັງຈາກອາຮີໂທເຟັນບໍ່ໄດ້ເປັນທີ່ປຶກສາແລ້ວ ເຢໂຮຢາດາລູກຊາຍຂອງເບນາຢາ+ແລະອາບີອາທາ+ກໍເປັນແທນ. ໂຢອາບ+ເປັນຫົວໜ້າກອງທັບຂອງກະສັດ.
