ຂ່າວຄາວສະບັບທີໜຶ່ງ 4:1-43
4 ຢູດາມີລູກຊາຍຊື່ເປເຣດ+ ເຮຊະໂຣນ+ ກາມີ ຮູເຣ+ ແລະໂຊບານ.+
2 ເຣອາຢາລູກຊາຍຂອງໂຊບານເປັນພໍ່ຂອງຢາຮາດ. ຢາຮາດເປັນພໍ່ຂອງອາຮຸມາຍແລະລາຮາດ. ເຂົາເຈົ້າເປັນຕົ້ນຕະກູນຂອງພວກໂຊຣາດ.+
3 ພໍ່ຂອງເອຕາມ+ມີລູກຊາຍຊື່ເຢດຊະເຣເອນ ອີຊະມາ ແລະອິດບັດ. ເຂົາເຈົ້າມີນ້ອງສາວຊື່ຮັດເຊເລເລນໂປນີ.
4 ເປນູເອນເປັນພໍ່ຂອງເກໂດເຣ ແລະເອເຊເປັນພໍ່ຂອງຮູຊາ. ທັງໝົດນີ້ແມ່ນລູກຫຼານຂອງຮູເຣ+ທີ່ເປັນລູກກົກຂອງເອຟຣາທາແລະເປັນພໍ່ຂອງເບັດເລເຮັມ.+
5 ອາຊະຮູ+ພໍ່ຂອງເຕໂກອາ+ມີເມຍ 2 ຄົນຊື່ເຮລາແລະນະອາຣາ.
6 ລູກຊາຍທີ່ເກີດຈາກນະອາຣາຊື່ອາຮູດຊຳ ເຮເຟ ເຕເມນີ ແລະຮາຮັດສະຕາຣີ. ທັງໝົດນີ້ແມ່ນລູກຊາຍຂອງນະອາຣາ.
7 ລູກຊາຍທີ່ເກີດຈາກເຮລາຊື່ເຊເຣັດ ອິດຊະຮາ ແລະເອທານ.
8 ໂກເສເປັນພໍ່ຂອງອານຸບແລະໂຊເບບາ. ໂກເສເປັນປູ່ຍ່າຕານາຍຂອງພວກລູກຫຼານອາຮາລະເຮນທີ່ເປັນລູກຊາຍຂອງຮາຣຸມ.
9 ຢາເບດໄດ້ຮັບຄວາມນັບຖືຫຼາຍກວ່າອ້າຍນ້ອງຂອງລາວ. ແມ່ຕັ້ງຊື່ໃຫ້ລາວວ່າຢາເບດ*ແລະເວົ້າວ່າ: “ຂ້ອຍເກີດລູກຜູ້ນີ້ເຈັບແທ້ເຈັບວ່າ.”
10 ຢາເບດຮ້ອງຫາພະເຈົ້າຂອງອິດສະຣາເອນວ່າ: “ຂໍໃຫ້ພະອົງອວຍພອນຂ້ອຍ. ຂໍໃຫ້ເຂດແດນຂອງຂ້ອຍກວ້າງອອກໄປ. ຂໍໃຫ້ພະອົງຢູ່ກັບຂ້ອຍສະເໝີ ແລະຂໍໃຫ້ພະອົງປົກປ້ອງຂ້ອຍຈາກສິ່ງທີ່ບໍ່ດີຕ່າງໆ.” ແລ້ວພະເຈົ້າກໍໃຫ້ຕາມທີ່ລາວຂໍ.
11 ເກລຸບເປັນອ້າຍຂອງຊູຮາແລະເປັນພໍ່ຂອງເມຮີ. ເມຮີເປັນພໍ່ຂອງເອຊະໂຕນ.
12 ເອຊະໂຕນເປັນພໍ່ຂອງເບັດຣາຟາ ປາເສອາ ແລະເຕຮິນນາ. ເຕຮິນນາເປັນພໍ່ຂອງອີນາຮາດ. ທັງໝົດນີ້ແມ່ນຄົນເຣກາ.
13 ເກນັດມີລູກຊາຍຊື່ໂອດນີເອນ+ແລະເສຣາຢາ. ໂອດນີເອນມີລູກຊາຍຊື່ຮາທັດ.
14 ເມໂອໂນທາຍເປັນພໍ່ຂອງໂອຟຣາ. ເສຣາຢາເປັນພໍ່ຂອງໂຢອາບ. ໂຢອາບເປັນພໍ່ຂອງຄົນທີ່ຢູ່ເກຫະຣາຊິມ.* ບ່ອນນີ້ຖືກເອີ້ນວ່າເກຫະຣາຊິມກໍຍ້ອນເຂົາເຈົ້າເຮັດວຽກດ້ານສີໄມ້ລາຍມືເກັ່ງທຸກຢ່າງ.
15 ເຢຟຸນເນມີລູກຊາຍຊື່ກາເລັບ.+ ກາເລັບມີລູກຊາຍຊື່ອີຣູ ເອລາ ແລະນາອາມ. ເອລາມີລູກຊາຍຊື່ເກນັດ.
16 ເຢຮັນເລເລນມີລູກຊາຍຊື່ຊິເຟ ຊີຟາ ຕີເຣຍ ແລະອາສາເຣນ.
17 ເອຊະຣາມີລູກຊາຍຊື່ເຢເທ ເມເຣດ ເອເຟ ແລະຢາໂລນ. ເມຍ*ຜູ້ໜຶ່ງຂອງເມເຣດໄດ້ເກີດມີຣີອາມ ຊາມມາຍ ແລະອິຊະບາທີ່ເປັນພໍ່ຂອງເອຊະເຕມົວ.
18 (ເມຍຂອງເມເຣດທີ່ເປັນຄົນຢິວໄດ້ເກີດລູກຊື່ເຢເຣັດ ເຮເບ ແລະເຢກູທີເອນ. ເຢເຣັດເປັນພໍ່ຂອງເກໂດເຣ. ເຮເບເປັນພໍ່ຂອງໂສໂກ ແລະເຢກູທີເອນເປັນພໍ່ຂອງຊາໂນອາ.) ທັງໝົດນີ້ແມ່ນລູກຂອງບີທີຢາລູກສາວຂອງຟາໂຣ*ທີ່ເມເຣດແຕ່ງດອງນຳ.
19 ເມຍຂອງໂຮດີຢາເປັນເອື້ອຍນ້ອງກັບນາຮາມ. ລູກຊາຍຂອງລາວເປັນພໍ່ຂອງເກອີລາຄົນຄາເຣມຽນແລະເອຊະເຕມົວຄົນມາອາກາ.
20 ຊີມອນມີລູກຊາຍຊື່ອຳໂນນ ຣິນນາ ເບັນຮານັນ ແລະຕີໂລນ. ອີຊີມີລູກຊາຍຊື່ໂຊເຮັດແລະເບັນໂຊເຮັດ.
21 ເຊລາ+ລູກຊາຍຂອງຢູດາມີລູກຊາຍຊື່ເອຣະທີ່ເປັນພໍ່ຂອງເລກາ ແລະລາອາດາທີ່ເປັນພໍ່ຂອງມາເຣຊາ. ລູກຫຼານຂອງອາຊະເບອາທີ່ເປັນລູກຫຼານຂອງເຊລາເປັນຊ່າງຕ່ຳຜ້າເນື້ອດີ.
22 ເຊລາຍັງມີລູກຫຼານຊື່ໂຢກີມ ໂຢອາດ ສາຣາບ ແລະຢາຊູບີເລເຮັມ. ພວກທີ່ຢູ່ໂກເຊບາກໍເປັນລູກຫຼານຂອງເຊລາຄືກັນ. ລູກຫຼານຂອງລາວບາງຄົນເອົາເມຍຄົນໂມອາບ. ຂໍ້ມູນເຫຼົ່ານີ້ມາຈາກບັນທຶກທີ່ເກົ່າແກ່ຫຼາຍ.*
23 ເຂົາເຈົ້າເປັນຊ່າງປັ້ນໝໍ້ຢູ່ເນຕາຢິມແລະເມືອງເກເດຣາ. ເຂົາເຈົ້າຢູ່ບ່ອນນັ້ນແລະເຮັດວຽກໃຫ້ກະສັດ.
24 ຊີເມໂອນ+ມີລູກຊາຍ*ຊື່ເນມູເອນ ຢາມິນ ຢາຣິບ ເຊຣາ ແລະຊາອູນ.+
25 ຊາອູນມີລູກຊາຍຊື່ຊາລຶມ ຊາລຶມມີລູກຊາຍຊື່ມິບສາມ ມິບສາມມີລູກຊາຍຊື່ມິຊະມາ
26 ມິຊະມາມີລູກຊາຍຊື່ຮາມມູເອນ ຮາມມູເອນມີລູກຊາຍຊື່ຊາກູເຣ ຊາກູເຣມີລູກຊາຍຊື່ຊິເມອີ.
27 ຊິເມອີມີລູກຊາຍ 16 ຄົນແລະມີລູກສາວ 6 ຄົນ ແຕ່ອ້າຍນ້ອງຂອງລາວບໍ່ມີລູກຊາຍຫຼາຍສ່ຳລາວ. ຄອບຄົວຂອງພວກອ້າຍນ້ອງຊິເມອີບໍ່ໃຫຍ່ສ່ຳກັບຄອບຄົວຕ່າງໆໃນຕະກູນຢູດາ.+
28 ເຂົາເຈົ້າຢູ່ເມືອງເບເອເຊບາ+ ເມືອງໂມລາດາ+ ເມືອງຮາຊາຊູອານ+
29 ເມືອງບິນຮາ ເມືອງອີຢິມ+ ເມືອງໂຕລາດ
30 ເມືອງເບທູເອນ+ ເມືອງໂຮມາ+ ເມືອງຊິກລັກ+
31 ເມືອງເບັດມັກກາໂບດ ເມືອງຮາຊາສູສີມ+ ເມືອງເບັດບີຣີ ແລະເມືອງຊະອາຣາຢິມ. ເມືອງທັງໝົດນີ້ເປັນຂອງເຂົາເຈົ້າຈົນຮອດຕອນທີ່ດາວິດປົກຄອງ.
32 ເຂົາເຈົ້າຍັງຢູ່ອີກ 5 ເມືອງຄື: ເມືອງເອຕາມ ເມືອງອາອິນ ເມືອງຣິມໂມນ ເມືອງໂຕເກນ ແລະເມືອງອາຊານ.+
33 ນອກຈາກນັ້ນ ເຂົາເຈົ້າຍັງຢູ່ບ້ານຕ່າງໆທີ່ຢູ່ອ້ອມແອ້ມເມືອງເຫຼົ່ານັ້ນໄກຈົນຮອດເມືອງບາອານ. ນີ້ແມ່ນລາຍຊື່ຜູ້ທີ່ລົງທະບຽນຕາມຄອບຄົວຂອງເຂົາເຈົ້າແລະເມືອງທີ່ເຂົາເຈົ້າຢູ່.
34 ລູກຫຼານຄົນອື່ນໆຂອງຊີເມໂອນມີ: ເມໂຊບັບ ຢາມເລກ ໂຢຊາລູກຊາຍຂອງອາມາຊີຢາ
35 ໂຢເອນ ເຢຮູ (ເຢຮູເປັນລູກຊາຍຂອງໂຢຊີບີອາ ໂຢຊີບີອາເປັນລູກຊາຍຂອງເສຣາຢາ ເສຣາຢາເປັນລູກຊາຍຂອງອາຊີເອນ)
36 ເອລີໂອນາຍ ຢາອາໂກບາ ເຢໂຊຮາຢາ ອາສາຢາ ອາດີເອນ ເຢສີມີເອນ ເບນາຢາ
37 ແລະຊີຊາລູກຊາຍຂອງຊິບຟີ. ຊິບຟີເປັນລູກຊາຍຂອງອັນໂລນ ອັນໂລນເປັນລູກຊາຍຂອງເຢດາຢາ ເຢດາຢາເປັນລູກຊາຍຂອງຊິມລີ ແລະຊິມລີເປັນລູກຊາຍຂອງເຊມາຢາ.
38 ທັງໝົດນີ້ແມ່ນລາຍຊື່ຂອງຫົວໜ້າໃນຈຸ້ມເຈື້ອຕ່າງໆແລະຈຸ້ມເຈື້ອເຫຼົ່ານີ້ກໍມີຄົນເພີ່ມຂຶ້ນຫຼາຍ.
39 ເຂົາເຈົ້າໄປໃກ້ໆເມືອງເກໂດເຣທີ່ຢູ່ທາງທິດຕາເວັນອອກຂອງຮ່ອມພູເພື່ອຊອກທົ່ງຫຍ້າໃຫ້ຝູງສັດ.
40 ໃນທີ່ສຸດ ເຂົາເຈົ້າກໍເຫັນທົ່ງຫຍ້າທີ່ກວ້າງໆແລະຂຽວງາມ ທັງມິດງຽບແລະບໍ່ມີສັດຕູມາໂຈມຕີ. ພວກຮາມ+ເຄີຍຢູ່ຫັ້ນມາກ່ອນ.
41 ໃນສະໄໝຂອງເຮເຊກີຢາ+ກະສັດຂອງຢູດາ ຄົນທີ່ມີລາຍຊື່ທາງເທິງນີ້ໄດ້ທຳລາຍເຕັ້ນຂອງພວກຮາມແລະພວກເມອູນີມທີ່ຢູ່ຫັ້ນ. ເຂົາເຈົ້າໄດ້ຂ້າພວກນີ້ແລ້ວກໍເຂົ້າມາຢູ່ແທນ ຍ້ອນວ່າມີທົ່ງຫຍ້າສຳລັບລ້ຽງສັດ.
42 ເປລາຕີຢາ ນາອາຣີຢາ ເຣຟາຢາ ແລະອຸດຊີເອນລູກຊາຍຂອງອີຊີເປັນຫົວໜ້າພາພວກຊີເມໂອນ 500 ຄົນໄປພູເສອີ.+
43 ເຂົາເຈົ້າໄດ້ຂ້າພວກອາມາເລັກ+ທີ່ຍັງເຫຼືອເຊິ່ງໜີມາຢູ່ຫັ້ນ ແລ້ວເຂົາເຈົ້າກໍຢູ່ຫັ້ນຈົນຮອດທຸກມື້ນີ້.
ຂໍ
^ ຊື່ຢາເບດອາດກ່ຽວຂ້ອງກັບຄຳພາສາເຮັບເຣີທີ່ແປວ່າ “ເຈັບປວດ”
^ ແປວ່າ “ຮ່ອມພູຂອງຄົນທີ່ເຮັດວຽກດ້ານສີໄມ້ລາຍມືເກັ່ງທຸກຢ່າງ”
^ ອາດໝາຍເຖິງບີທີຢາໃນຂໍ້ 18
^ ນີ້ແມ່ນຕຳແໜ່ງກະສັດຂອງເອຢິບ
^ ຫຼື “ຂໍ້ມູນເຫຼົ່ານີ້ມາຈາກການເລົ່າປາກຕໍ່ປາກທີ່ເກົ່າແກ່ຫຼາຍ”
^ ຄຳນີ້ໃນພາສາເຮັບເຣີອາດໝາຍເຖິງລູກຊາຍ ຫຼານຊາຍ ຫຼືລູກຫຼານ
