ຂ່າວຄາວສະບັບທີໜຶ່ງ 7:1-40
7 ອິດຊາຄາມີລູກຊາຍ 4 ຄົນຊື່ໂຕລາ ປູອາ ຢາຊຸບ ແລະຊິມໂຣນ.+
2 ໂຕລາມີລູກຊາຍຊື່ອຸດຊີ ເຣຟາຢາ ເຢຣີເອນ ຢາຮະມາຍ ອິບສາມ ແລະເຊມູເອນ. ເຂົາເຈົ້າເປັນຫົວໜ້າໃນຈຸ້ມເຈື້ອຂອງໂຕເອງ. ລູກຫຼານຂອງໂຕລາ 22.600 ຄົນເປັນທະຫານທີ່ເກັ່ງຫຼາຍໃນສະໄໝທີ່ດາວິດປົກຄອງ.
3 ອຸດຊີມີລູກຫຼານ*ຜູ້ໜຶ່ງຊື່ອິດຊະຣາຢາ. ອິດຊະຣາຢາມີລູກຊາຍຊື່ມີກາເອນ ໂອບາດີຢາ ໂຢເອນ ແລະອິດຊີຢາ. ທັງຫ້າຄົນນີ້ເປັນຫົວໜ້າ.
4 ເຂົາເຈົ້າກັບພວກລູກຫຼານມີເມຍແລະລູກຊາຍຫຼາຍຄົນ. ດັ່ງນັ້ນ ໃນຈຸ້ມເຈື້ອຕ່າງໆຂອງເຂົາເຈົ້າຈຶ່ງມີທະຫານ 36.000 ຄົນທີ່ພ້ອມຈະຕໍ່ສູ້ໃນສົງຄາມ.
5 ພວກພີ່ນ້ອງຂອງເຂົາເຈົ້າໃນຕະກູນອິດຊາຄາເປັນທະຫານທີ່ເກັ່ງຫຼາຍ. ຕະກູນນີ້ມີທະຫານທັງໝົດ 87.000 ຄົນຕາມລາຍຊື່ທີ່ຂຽນໄວ້ໃນປຶ້ມລາຍຊື່ຜູ້ທີ່ລົງທະບຽນ.+
6 ເບັນຢາມິນ+ມີລູກຊາຍ 3 ຄົນຊື່ເບລາ+ ເບເຄ+ ແລະເຢດີອາເອນ.+
7 ເບລາມີລູກຊາຍຊື່ເອັດຊະໂບນ ອຸດຊີ ອຸດຊີເອນ ເຢຣີໂມດ ແລະອີຣີ. ທັງຫ້າຄົນນີ້ເປັນຫົວໜ້າໃນຈຸ້ມເຈື້ອຂອງເຂົາເຈົ້າ ແລະເຂົາເຈົ້າມີລູກຫຼານທີ່ເປັນທະຫານທີ່ເກັ່ງຫຼາຍລວມທັງໝົດ 22.034 ຄົນຕາມລາຍຊື່ທີ່ຂຽນໄວ້ໃນປຶ້ມລາຍຊື່ຜູ້ທີ່ລົງທະບຽນ.+
8 ເບເຄມີລູກຊາຍຊື່ເຊມີຣາ ໂຢອາດ ເອລີເອເຊ ເອລີໂອນາຍ ອົມຣີ ເຢເຣໂມດ ອາບີຢາ ອານາໂທດ ແລະອາເລເມດ. ທັງໝົດນີ້ເປັນລູກຊາຍຂອງເບເຄ.
9 ໃນຈຸ້ມເຈື້ອເຫຼົ່ານີ້ມີທະຫານທີ່ເກັ່ງຫຼາຍລວມທັງໝົດ 20.200 ຄົນຕາມລາຍຊື່ທີ່ຂຽນໄວ້ໃນປຶ້ມລາຍຊື່ຜູ້ທີ່ລົງທະບຽນ. ລາຍຊື່ນີ້ແບ່ງຕາມລາຍຊື່ຫົວໜ້າໃນຈຸ້ມເຈື້ອຂອງເຂົາເຈົ້າ.
10 ເຢດີອາເອນ+ມີລູກຊາຍຊື່ບິນຮານ. ບິນຮານມີລູກຊາຍຊື່ເຢອຸດ ເບັນຢາມິນ ເອຮຸດ ເຄນາອານາ ເຊທານ ຕາຊິດ ແລະອາຮີຊາຮາ.
11 ທັງໝົດນີ້ແມ່ນລູກຊາຍຂອງເຢດີອາເອນທີ່ຢູ່ໃນລາຍຊື່ຫົວໜ້າໃນຈຸ້ມເຈື້ອຕ່າງໆ. ເຂົາເຈົ້າມີທະຫານທີ່ເກັ່ງຫຼາຍລວມທັງໝົດ 17.200 ຄົນທີ່ພ້ອມຈະຕໍ່ສູ້ໃນສົງຄາມ.
12 ພວກຊຸບປີມແລະພວກຮຸບປີມເປັນລູກຫຼານຂອງອີ.+ ພວກຮູຊີມເປັນລູກຫຼານຂອງອາເຮ.
13 ນັບທາລີ+ມີລູກຊາຍຊື່ຢາຊີເອນ ກູນີ ເຢດເຊ ແລະຊາລຶມ. ທັງໝົດນີ້ແມ່ນລູກຫຼານ*ຂອງບິນຮາ.+
14 ມານາເຊ+ມີລູກຊາຍຊື່ອາຊະຣີເອນ. ລາວໄດ້ລູກຜູ້ນີ້ກັບເມຍນ້ອຍ*ຄົນຊີເຣຍ. (ເມຍນ້ອຍຜູ້ນີ້ເປັນແມ່ຂອງມາກີ+ທີ່ເປັນພໍ່ຂອງກິລຽດ.
15 ມາກີຊອກເມຍໃຫ້ຮຸບປີມແລະຊຸບປີມ. ນ້ອງສາວຂອງເຂົາເຈົ້າຊື່ມາອາກາ.) ມານາເຊມີລູກຊາຍຜູ້ທີ 2 ຊື່ເຊໂລເຟຂາດ.+ ເຊໂລເຟຂາດມີແຕ່ລູກສາວ.+
16 ມາອາກາໄດ້ລູກຊາຍກັບມາກີຊື່ເປເຣັດ. ເປເຣັດມີນ້ອງຊາຍຊື່ເຊເຫຼັດ. ເຊເຫຼັດມີລູກຊາຍຊື່ອຸລາມແລະເຣເກັມ.
17 ອຸລາມມີລູກຊາຍຊື່ເບດານ. ທັງໝົດນີ້ແມ່ນລູກຫຼານຂອງກິລຽດ. ກິລຽດເປັນລູກຊາຍຂອງມາກີແລະເປັນຫຼານຂອງມານາເຊ.
18 ລູກສາວຂອງມາກີຊື່ຮຳໂມເລເກັດ. ລາວມີລູກຊາຍຊື່ອີຊະໂຮດ ອາບີເອເຊ ແລະມາລາ.
19 ເຊມີດາມີລູກຊາຍຊື່ອາຮີອານ ເຊເຄັມ ລີຄີ ແລະອານີອາມ.
20 ເອຟຣາຢິມ+ມີລູກຊາຍຊື່ຊູເທລາ+ ຊູເທລາມີລູກຊາຍຊື່ເບເຣັດ ເບເຣັດມີລູກຊາຍຊື່ທາຄາດ ທາຄາດມີລູກຊາຍຊື່ເອເລອາດາ ເອເລອາດາມີລູກຊາຍຊື່ທາຄາດ
21 ທາຄາດມີລູກຊາຍຊື່ຊາບາດ ຊາບາດມີລູກຊາຍຊື່ຊູເທລາ ຊູເທລາມີລູກຊາຍຊື່ເອເຊແລະເອເລອາດ. ຄົນເມືອງກັດ+ໄດ້ໄປລັກຝູງສັດຂອງພວກລູກຊາຍເອຟຣາຢິມແລະໄດ້ຂ້າເອເຊກັບເອເລອາດ.
22 ເອຟຣາຢິມພໍ່ຂອງເຂົາເຈົ້າໂສກເສົ້າເສຍໃຈເປັນເວລາດົນ ແລະພວກພີ່ນ້ອງຂອງລາວໄດ້ມາປອບໃຈລາວ.
23 ຕໍ່ມາ ເອຟຣາຢິມກໍນອນນຳເມຍ ແລ້ວເມຍຂອງລາວກໍຖືພາແລະເກີດລູກຊາຍ. ລາວຕັ້ງຊື່ວ່າເບຣິອາ* ເພາະຕອນທີ່ເມຍຂອງລາວເກີດລູກຜູ້ນີ້ຄອບຄົວມີຄວາມໂສກເສົ້າ.
24 ລູກສາວຂອງລາວຊື່ເຊເອຣາເປັນຜູ້ສ້າງເມືອງເບັດໂຮໂຣນທົ່ງ+ ເມືອງເບັດໂຮໂຣນທ່າ+ ແລະເມືອງອຸດເຊັນເຊເອຣາ.
25 ເອຟຣາຢິມມີລູກຊາຍຊື່ເຣຟາແລະເຣເຊັບ* ເຣເຊັບມີລູກຊາຍຊື່ເຕລາ ເຕລາມີລູກຊາຍຊື່ຕາຮານ
26 ຕາຮານມີລູກຊາຍຊື່ລາດານ ລາດານມີລູກຊາຍຊື່ອຳມີຮຸດ ອຳມີຮຸດມີລູກຊາຍຊື່ເອລີຊາມາ
27 ເອລີຊາມາມີລູກຊາຍຊື່ນູນ ແລະນູນມີລູກຊາຍຊື່ໂຢຊວຍ.*+
28 ເຂດຕ່າງໆທີ່ພວກລູກຫຼານຂອງເອຟຣາຢິມຢູ່ແມ່ນເມືອງເບເທນ+ກັບເມືອງນ້ອຍໆທີ່ຢູ່ອ້ອມແອ້ມເມືອງນີ້. ທາງທິດຕາເວັນອອກ ເຂົາເຈົ້າຢູ່ຈົນຮອດເມືອງນາອາລານ. ທາງທິດຕາເວັນຕົກ ເຂົາເຈົ້າຢູ່ເມືອງເກເຊກັບເມືອງນ້ອຍໆທີ່ຢູ່ອ້ອມແອ້ມເມືອງນີ້ ເມືອງເຊເຄັມກັບເມືອງນ້ອຍໆທີ່ຢູ່ອ້ອມແອ້ມເມືອງນີ້ ແລະໄກຈົນຮອດເມືອງອັດຊາ*ກັບເມືອງນ້ອຍໆທີ່ຢູ່ອ້ອມແອ້ມເມືອງນີ້.
29 ພວກລູກຫຼານຂອງມານາເຊມີເມືອງຕ່າງໆທີ່ຢູ່ນອກເຂດແດນຂອງເຂົາເຈົ້າ. ເມືອງເຫຼົ່ານັ້ນແມ່ນເມືອງເບັດເຊອານ+ກັບເມືອງນ້ອຍໆທີ່ຢູ່ອ້ອມແອ້ມເມືອງນີ້ ເມືອງຕາອານັກ+ກັບເມືອງນ້ອຍໆທີ່ຢູ່ອ້ອມແອ້ມເມືອງນີ້ ເມືອງເມກິດໂດ+ກັບເມືອງນ້ອຍໆທີ່ຢູ່ອ້ອມແອ້ມເມືອງນີ້ ແລະເມືອງໂດເຣ+ກັບເມືອງນ້ອຍໆທີ່ຢູ່ອ້ອມແອ້ມເມືອງນີ້. ພວກລູກຫຼານຂອງໂຢເຊັບລູກຊາຍຂອງອິດສະຣາເອນຢູ່ໃນເມືອງທັງໝົດນີ້.
30 ອາເຊມີລູກຊາຍຊື່ອິມນ້າ ອີຊະວາ ອີຊະວີ ເບຣິອາ+ ແລະມີລູກສາວຊື່ເຊຣາ.+
31 ເບຣິອາມີລູກຊາຍຊື່ເຮເບແລະມັນກີເອນ. ມັນກີເອນເປັນພໍ່ຂອງບິຊາອິດ.
32 ເຮເບມີລູກຊາຍຊື່ຢາຟະເລດ ໂຊເມ ໂຮທາມ ແລະມີລູກສາວຊື່ຊູອ່າ.
33 ຢາຟະເລດມີລູກຊາຍຊື່ປາສັກ ບິມຮັນ ແລະອາຊະວາດ. ທັງໝົດນີ້ແມ່ນລູກຊາຍຂອງຢາຟະເລດ.
34 ເຊເມ*ມີລູກຊາຍຊື່ອາຮີ ໂຣຮະກາ ເຢຮຸບບາ ແລະອາຣາມ.
35 ເຮເລັມ*ນ້ອງຊາຍຂອງເຊເມມີລູກຊາຍຊື່ໂຊຟາ ອິມນາ ເຊເລັດ ແລະອາມານ.
36 ໂຊຟາມີລູກຊາຍຊື່ສູອາ ຮາເນເຟ ຊູອານ ເບຣີ ອິມຣາ
37 ເບເຊ ໂຮດ ຊາມມາ ຊິນຊາ ອິດຣັນ ແລະເບເອຣາ.
38 ເຢເທມີລູກຊາຍຊື່ເຢຟຸນເນ ປີຊະປາ ແລະອາຣາ.
39 ອຸນລາມີລູກຊາຍຊື່ອາຣາກ ຮານນີເອນ ແລະຣິຊີຢາ.
40 ທັງໝົດນີ້ແມ່ນລູກຫຼານຂອງອາເຊ. ເຂົາເຈົ້າເປັນຫົວໜ້າໃນຈຸ້ມເຈື້ອຂອງໂຕເອງ ເປັນທະຫານທີ່ເກັ່ງຫຼາຍ ແລະເປັນຫົວໜ້າຂອງພວກຫົວໜ້າກອງທັບ. ໃນປຶ້ມລາຍຊື່ຜູ້ທີ່ລົງທະບຽນ+ເຂົາເຈົ້າມີທະຫານ 26.000 ຄົນ+ທີ່ພ້ອມຈະຕໍ່ສູ້ໃນສົງຄາມ.
ຂໍ
^ ແປຕາມໂຕວ່າ “ລູກຊາຍ”
^ ແປຕາມໂຕວ່າ “ລູກຊາຍ”
^ ເບິ່ງສ່ວນອະທິບາຍຄຳສັບ
^ ແປວ່າ “ມາພ້ອມກັບຄວາມໂສກເສົ້າ”
^ ອາດເປັນໄປໄດ້ວ່າເຣຟາແລະເຣເຊັບເປັນລູກຊາຍຂອງເບຣິອາ
^ ຫຼື “ເຢໂຮຊູອາ.” ແປວ່າ “ພະເຢໂຫວາເປັນຄວາມລອດ.”
^ ຫຼືອາດແປວ່າ “ຄາຊາ.” ແຕ່ບໍ່ແມ່ນເມືອງຄາຊາຂອງພວກຟີລິດສະຕີນ.
^ ລາວມີອີກຊື່ໜຶ່ງວ່າໂຊເມໃນຂໍ້ 32
^ ອາດເປັນຄົນດຽວກັບ “ໂຮທາມ” ໃນຂໍ້ 32
