ຂ່າວຄາວສະບັບທີໜຶ່ງ 9:1-44
9 ພວກອິດສະຣາເອນທຸກຄົນໄດ້ລົງທະບຽນແລະມີຊື່ຂຽນໄວ້ໃນປຶ້ມຂອງພວກກະສັດອິດສະຣາເອນ. ຫຼັງຈາກນັ້ນ ພວກຢູດາກໍຖືກຈັບໄປເປັນຊະເລີຍຢູ່ບາບີໂລນຍ້ອນເຂົາເຈົ້າບໍ່ສັດຊື່.+
2 ພວກທຳອິດທີ່ກັບຄືນມາຢູ່ເມືອງຕ່າງໆຂອງເຂົາເຈົ້າມີ: ພວກອິດສະຣາເອນບາງຄົນ ພວກປະໂລຫິດ ພວກເລວີ ແລະພວກທີ່ຮັບໃຊ້ໃນວິຫານ.*+
3 ລູກຫຼານບາງຄົນຂອງຢູດາ+ ເບັນຢາມິນ+ ເອຟຣາຢິມ ແລະມານາເຊກໍໄດ້ກັບຄືນມາຢູ່ເມືອງເຢຣູຊາເລັມຄືກັນ.
4 ຜູ້ໜຶ່ງທີ່ກັບຄືນມາແມ່ນອຸທາຍລູກຊາຍຂອງອຳມີຮຸດ. ອຳມີຮຸດເປັນລູກຊາຍຂອງອົມຣີ ອົມຣີເປັນລູກຊາຍຂອງອິມຣີ ອິມຣີເປັນລູກຊາຍຂອງບານີ ບານີເປັນລູກຫຼານຂອງເປເຣດ+ລູກຊາຍຂອງຢູດາ.
5 ພວກລູກຫຼານຂອງຊີໂລ*ທີ່ກັບຄືນມາມີ: ອາສາຢາທີ່ເປັນລູກກົກໃນຄອບຄົວຂອງລາວກັບພວກລູກຊາຍ.
6 ພວກລູກຫຼານ*ຂອງເຊຣາ+ທີ່ກັບຄືນມາມີ: ເຢອູເອນແລະພີ່ນ້ອງຂອງເຂົາເຈົ້າ 690 ຄົນ.
7 ຄົນໃນຕະກູນເບັນຢາມິນທີ່ກັບຄືນມາມີ: ສັນລູລູກຊາຍຂອງເມຊຸນລຳຫຼານຂອງໂຮດາວີຢາເຫຼນຂອງຮັດເສນູອາ
8 ອິບເນຢາລູກຊາຍຂອງເຢໂຣຮາມ ເອລາລູກຊາຍຂອງອຸດຊີຫຼານຂອງມິກຣີ ແລະເມຊຸນລຳລູກຊາຍຂອງເຊຟາຕີຢາຫຼານຂອງເຣອູເອນເຫຼນຂອງອິບນີຢາ.
9 ຄົນເຫຼົ່ານີ້ກັບຄອບຄົວຂອງເຂົາເຈົ້າທີ່ກັບມາມີທັງໝົດ 956 ຄົນ. ເຂົາເຈົ້າເປັນຫົວໜ້າໃນຈຸ້ມເຈື້ອຕ່າງໆ.
10 ພວກປະໂລຫິດທີ່ກັບຄືນມາມີ: ເຢດາຢາ ເຢໂຮຢາຣິບ ຢາກິນ+
11 ແລະອາຊາຣີຢາລູກຊາຍຂອງຮິນກີຢາ. ຮິນກີຢາເປັນລູກຊາຍຂອງເມຊຸນລຳ ເມຊຸນລຳເປັນລູກຊາຍຂອງຊາໂດກ ຊາໂດກເປັນລູກຊາຍຂອງເມຣາໂຢດ ເມຣາໂຢດເປັນລູກຊາຍຂອງອາຮີຕຸບທີ່ເປັນຫົວໜ້າຢູ່ວິຫານຂອງພະເຈົ້າທ່ຽງແທ້.
12 ນອກຈາກນັ້ນກໍຍັງມີອາດາຢາລູກຊາຍຂອງເຢໂຣຮາມຫຼານຂອງປັດຊູເຫຼນຂອງມັນກີຢາ ແລະມາອາສາຍລູກຊາຍຂອງອາດີເອນ. ອາດີເອນເປັນລູກຊາຍຂອງຢາເຊຣາ ຢາເຊຣາເປັນລູກຊາຍຂອງເມຊຸນລຳ ເມຊຸນລຳເປັນລູກຊາຍຂອງເມຊິນເລມິດ ເມຊິນເລມິດເປັນລູກຊາຍຂອງອິມເມ.
13 ຄົນເຫຼົ່ານີ້ກັບພວກພີ່ນ້ອງຂອງເຂົາເຈົ້າເປັນຫົວໜ້າໃນຈຸ້ມເຈື້ອຕ່າງໆ. ຄົນທີ່ກັບມາເຊິ່ງເປັນຄົນກ້າຫານ ມີຄວາມສາມາດແລະພ້ອມທີ່ຈະເຮັດວຽກຮັບໃຊ້ຢູ່ວິຫານຂອງພະເຈົ້າທ່ຽງແທ້ມີທັງໝົດ 1.760 ຄົນ.
14 ພວກເລວີທີ່ກັບຄືນມາມີ: ເຊມາຢາ+ລູກຊາຍຂອງຮັດຊຸບຫຼານຂອງອັດຊະຣິກາມເຫຼນຂອງຮາຊາບີຢາທີ່ເປັນລູກຫຼານຂອງເມຣາຣີ.
15 ນອກຈາກນັ້ນຍັງມີ: ບັກບັກກາ ເຮເຣັດ ກາລັນ ມັດຕານີຢາລູກຊາຍຂອງມິກາຫຼານຂອງຊິກຣີເຫຼນຂອງອາສັບ
16 ໂອບາດີຢາລູກຊາຍຂອງເຊມາຢາຫຼານຂອງກາລັນເຫຼນຂອງເຢດູທູນ ແລະເບເຣກີຢາລູກຊາຍຂອງອາຊາຫຼານຂອງເອນການາ. ລາວເຄີຍຢູ່ນຳພວກເນໂຕຟາ.+
17 ພວກຄົນຍາມປະຕູ+ທີ່ກັບມາມີ: ຊາລຶມ ອັກກຸບ ຕັນໂມນ ແລະອາຮີມານ. ຊາລຶມທີ່ເປັນພີ່ນ້ອງຂອງເຂົາເຈົ້າເປັນຫົວໜ້າ
18 ແລະລາວເຄີຍເປັນຄົນຍາມປະຕູທີ່ຢູ່ທາງທິດຕາເວັນອອກ+ຂອງວັງກະສັດ. ທັງໝົດນີ້ແມ່ນຄົນຍາມປະຕູຢູ່ບ່ອນທີ່ພວກເລວີຢູ່.
19 ຊາລຶມລູກຊາຍຂອງໂກເຣຫຼານຂອງເອບີອາສັບເຫຼນຂອງໂກຣາກັບພວກພີ່ນ້ອງຂອງລາວທີ່ເປັນລູກຫຼານຂອງໂກຣາຄືກັນໄດ້ເບິ່ງແຍງວຽກແລະເປັນຄົນຍາມປະຕູທາງເຂົ້າວິຫານ.* ປູ່ຍ່າຕານາຍຂອງເຂົາເຈົ້າເຄີຍຍາມທາງເຂົ້າເຕັ້ນຂອງພະເຢໂຫວາ.
20 ຕອນນັ້ນ ຟີເນຮາດ+ລູກຊາຍຂອງເອເລອາຊາ+ເປັນຫົວໜ້າເຂົາເຈົ້າ ແລະພະເຢໂຫວາຢູ່ນຳລາວ.
21 ເຊຄາຣີຢາ+ລູກຊາຍຂອງເມເຊເລມີຢາເຄີຍເປັນຄົນຍາມທາງເຂົ້າເຕັ້ນຂໍການຊີ້ນຳ.*
22 ຄົນທີ່ຖືກເລືອກໃຫ້ຍາມປະຕູທາງເຂົ້າມີ 212 ຄົນ. ເຂົາເຈົ້າກັບໄປຢູ່ບ່ອນຕ່າງໆຕາມທີ່ຂຽນໄວ້ໃນປຶ້ມລາຍຊື່ຜູ້ທີ່ລົງທະບຽນ.+ ດາວິດແລະຊາມູເອນຜູ້ເຫັນນິມິດ+ໄດ້ແຕ່ງຕັ້ງປູ່ຍ່າຕານາຍຂອງເຂົາເຈົ້າໃຫ້ເຮັດວຽກນີ້ຍ້ອນເຂົາເຈົ້າເຊື່ອໃຈໄດ້.
23 ເຂົາເຈົ້າກັບພວກລູກຊາຍເຮັດວຽກຍາມປະຕູທາງເຂົ້າວິຫານຂອງພະເຢໂຫວາ.+
24 ຄົນຍາມປະຕູຍາມຢູ່ທັງສີ່ທິດຄື: ທິດຕາເວັນອອກ ທິດຕາເວັນຕົກ ທິດເໜືອ ແລະທິດໃຕ້.+
25 ບາງເທື່ອພວກອ້າຍນ້ອງຂອງເຂົາເຈົ້າກໍມາຈາກບ່ອນທີ່ເຂົາເຈົ້າຢູ່ເພື່ອເຮັດວຽກນຳກັນ 7 ມື້.
26 ໃນຈຳນວນຄົນທີ່ຍາມປະຕູມີ 4 ຄົນເປັນຫົວໜ້າທີ່ເຊື່ອໃຈໄດ້. ເຂົາເຈົ້າເປັນຄົນເລວີເຊິ່ງມີໜ້າທີ່ເບິ່ງແຍງຫ້ອງຕ່າງໆ*ແລະຄັງຊັບສິນໃນວິຫານຂອງພະເຈົ້າທ່ຽງແທ້.+
27 ເຂົາເຈົ້າຢືນຍາມໝົດຄືນຢູ່ອ້ອມວິຫານຂອງພະເຈົ້າທ່ຽງແທ້. ເຂົາເຈົ້າເບິ່ງແຍງວຽກຍາມທັງໝົດແລະຮັບຜິດຊອບກະແຈເພື່ອເປີດປະຕູວິຫານທຸກໆເຊົ້າ.
28 ບາງຄົນມີໜ້າທີ່ເບິ່ງແຍງເຄື່ອງໃຊ້+ໃນການນະມັດສະການພະເຈົ້າ. ເຂົາເຈົ້າຈະນັບເຄື່ອງໃຊ້ກ່ອນເອົາອອກໄປແລະຕອນເອົາມາໄວ້ຄືນ.
29 ບາງຄົນມີໜ້າທີ່ເບິ່ງແຍງເຄື່ອງໃຊ້ອື່ນໆ ເຄື່ອງໃຊ້ທຸກຢ່າງທີ່ບໍລິສຸດ ແປ້ງທີ່ລະອຽດ+ ເຫຼົ້າແວງ+ ນ້ຳມັນໝາກກອກ+ ກຳຍານ*+ ແລະນ້ຳມັນຫອມ.+
30 ລູກຊາຍບາງຄົນຂອງພວກປະໂລຫິດເຮັດໜ້າທີ່ປະສົມນ້ຳມັນຫອມ.
31 ມັດຕີທີຢາຈາກຕະກູນເລວີທີ່ເປັນລູກກົກຂອງຊາລຶມລູກຫຼານຂອງໂກຣາມີໜ້າທີ່ຂາງເຂົ້າຈີ່ຢູ່ເທິງໝໍ້.+
32 ອ້າຍນ້ອງຂອງເຂົາເຈົ້າບາງຄົນທີ່ເປັນລູກຫຼານຂອງໂກຮາດມີໜ້າທີ່ເບິ່ງແຍງເຂົ້າຈີ່ທີ່ຢອງຊ້ອນກັນ*+ທຸກວັນຊະບາໂຕ.+
33 ສຳລັບພວກນັກຮ້ອງທີ່ເປັນຫົວໜ້າໃນຈຸ້ມເຈື້ອຕ່າງໆຂອງພວກເລວີທີ່ຮ້ອງເພງຢູ່ຫ້ອງກິນເຂົ້າ ເຂົາເຈົ້າບໍ່ໄດ້ເຮັດວຽກອື່ນ ຍ້ອນວ່າຕ້ອງເຮັດວຽກມອບໝາຍຂອງໂຕເອງທັງກາງເວັນແລະກາງຄືນ.
34 ທັງໝົດນີ້ແມ່ນຫົວໜ້າໃນຈຸ້ມເຈື້ອຕ່າງໆຂອງພວກເລວີຕາມຈຸ້ມເຈື້ອຂອງເຂົາເຈົ້າ. ຄົນເຫຼົ່ານີ້ຍ້າຍກັບມາຢູ່ເມືອງເຢຣູຊາເລັມ.
35 ເຢອີເອນຢູ່ເມືອງກິເບໂອນ+ ແລະລາວເປັນຜູ້ສ້າງຕັ້ງເມືອງນີ້. ເມຍຂອງລາວຊື່ມາອາກາ.
36 ລູກກົກຂອງລາວຊື່ອັບໂດນ ຜູ້ຕໍ່ມາຊື່ຊູເຣ ກີເຊ ບາອານ ເນ ນາດາບ
37 ເກໂດເຣ ອາຮີໂອ ເຊຄາຣີຢາ ແລະມິກໂລດ.
38 ມິກໂລດມີລູກຊາຍຊື່ຊິເມອາ. ເຂົາເຈົ້າຢູ່ໃນເມືອງເຢຣູຊາເລັມໃກ້ກັບພີ່ນ້ອງຂອງເຂົາເຈົ້າ.*
39 ເນ+ມີລູກຊາຍຊື່ກີເຊ ກີເຊມີລູກຊາຍຊື່ຊາອູນ+ ຊາອູນມີລູກຊາຍຊື່ໂຢນາທານ+ ມັນກີຊົວ+ ອາບີນາດາບ+ ແລະເອຊະບາອານ.
40 ໂຢນາທານມີລູກຊາຍຊື່ເມຣິບບາອານ+ ເມຣິບບາອານມີລູກຊາຍຊື່ມີກາ.+
41 ມີກາມີລູກຊາຍຊື່ປີໂທນ ເມເລັກ ຕາເຣອາ ແລະອາຮາດ.
42 ອາຮາດມີລູກຊາຍຊື່ຢາຣາ ຢາຣາມີລູກຊາຍຊື່ອາເລເມດ ອາຊະມາເວດ ແລະຊິມຣີ. ຊິມຣີມີລູກຊາຍຊື່ໂມຊາ
43 ໂມຊາມີລູກຊາຍຊື່ບິເນອາ ບິເນອາມີລູກຊາຍຊື່ເຣຟາຢາ ເຣຟາຢາມີລູກຊາຍຊື່ເອເລອາສາ ເອເລອາສາມີລູກຊາຍຊື່ອາເຊນ.
44 ອາເຊນມີລູກຊາຍ 6 ຄົນຊື່ອັດຊະຣິກາມ ໂບເກຣູ ອິດຊະມາເອນ ເຊອາຣິຢາ ໂອບາດີຢາ ແລະຮານານ. ທັງໝົດນີ້ແມ່ນລູກຊາຍຂອງອາເຊນ.
ຂໍ
^ ຫຼື “ພວກເນທິນິມ.” ແປຕາມໂຕວ່າ “ຜູ້ທີ່ຖືກມອບໄວ້.”
^ ແປຕາມໂຕວ່າ “ລູກຊາຍ”
^ ແປຕາມໂຕວ່າ “ເຕັ້ນ”
^ ຫຼື “ເຕັ້ນສັກສິດ”
^ ຫຼື “ຫ້ອງກິນເຂົ້າ”
^ ເບິ່ງສ່ວນອະທິບາຍຄຳສັບ
^ ໝາຍເຖິງເຂົ້າຈີ່ທີ່ຕັ້ງໄວ້. ເບິ່ງສ່ວນອະທິບາຍຄຳສັບ.
^ ໝາຍເຖິງພວກເບັນຢາມິນ
