ຊາມູເອນສະບັບທີໜຶ່ງ 2:1-36
2 ຈາກນັ້ນ ຮັນນາກໍອະທິດຖານວ່າ:
“ລູກມີຄວາມສຸກຍ້ອນພະເຢໂຫວາ.+ພະເຢໂຫວາເຮັດໃຫ້ລູກມີກຳລັງ.*
ລູກຕອບສັດຕູດ້ວຍຄວາມກ້າຫານຍ້ອນດີໃຈທີ່ພະອົງມາຊ່ວຍລູກໃຫ້ລອດ.
2 ບໍ່ມີໃຜບໍລິສຸດຄືກັບພະເຢໂຫວາແລະບໍ່ມີໃຜທຽບພະອົງໄດ້.+ພະເຈົ້າຂອງພວກເຮົາເປັນຄືກັບຫີນຜາ.+
3 ຢ່າເວົ້າອວດອົ່ງອີກ.ຢ່າໃຫ້ຄຳເວົ້າຈອງຫອງອອກມາຈາກປາກຂອງເຈົ້າ.ພະເຢໂຫວາເປັນພະເຈົ້າທີ່ຮູ້ທຸກຢ່າງ+ແລະເພິ່ນຕັດສິນການກະທຳຂອງມະນຸດຢ່າງຍຸຕິທຳ.
4 ຄັນທະນູຂອງຄົນທີ່ແຂງແຮງຈະຫັກເປັນທ່ອນໆແຕ່ຄົນທີ່ສະດຸດແລະລົ້ມລົງຈະກັບມາມີແຮງອີກ.+
5 ຄົນທີ່ເຄີຍຢູ່ດີກິນດີຈະຕ້ອງໄປເຮັດວຽກຮັບຈ້າງເພື່ອຈະມີເຂົ້າກິນແຕ່ຄົນທີ່ອຶດຢາກຈະບໍ່ອຶດຢາກອີກຕໍ່ໄປ.+
ຜູ້ຍິງທີ່ເປັນໝັນໄດ້ລູກຊາຍຮອດ 7 ຄົນ+ແຕ່ຜູ້ຍິງທີ່ມີລູກຊາຍຫຼາຍຄົນພັດບໍ່ມີລູກອີກເລີຍ.*
6 ພະເຢໂຫວາຂ້າຄົນໃຫ້ຕາຍໄດ້ແລະປົກປ້ອງຊີວິດໄດ້.*ເພິ່ນເອົາມະນຸດລົງໄປໃນບ່ອນຝັງສົບ*ໄດ້ແລະກໍເອົາຂຶ້ນມາໄດ້.+
7 ພະເຢໂຫວາເຮັດໃຫ້ທຸກຍາກແລະເຮັດໃຫ້ຮັ່ງມີໄດ້.+ເພິ່ນເຮັດໃຫ້ຕົກຕ່ຳແລະຍົກໃຫ້ສູງຂຶ້ນໄດ້.+
8 ເພິ່ນຍົກຄົນທີ່ຕ່ຳຕ້ອຍຂຶ້ນຈາກດິນ.ເພິ່ນຍົກຄົນທີ່ທຸກຍາກຂຶ້ນຈາກກອງຂີ້ເທົ່າ*+ເພື່ອໃຫ້ເຂົາເຈົ້ານັ່ງກັບພວກເຈົ້ານາຍແລະໃຫ້ເຂົາເຈົ້ານັ່ງໃນບ່ອນທີ່ມີກຽດ.
ຮາກຖານຂອງໂລກເປັນຂອງພະເຢໂຫວາ+ແລະເພິ່ນໄດ້ວາງແຜ່ນດິນໄວ້ເທິງຫັ້ນ.
9 ເພິ່ນປົກປ້ອງຜູ້ທີ່ພັກດີຕໍ່ເພິ່ນທຸກບາດຍ່າງ+ແຕ່ຄົນຊົ່ວຈະລົງໄປໃນບ່ອນຝັງສົບທີ່ມືດໆ.+ຄົນເຮົາບໍ່ສາມາດເອົາຊະນະດ້ວຍກຳລັງຂອງໂຕເອງໄດ້.+
10 ພະເຢໂຫວາຈະເຮັດໃຫ້ຄົນທີ່ຕໍ່ສູ້ເພິ່ນມຸ່ນອຸ້ຍປຸ້ຍ.*+ເພິ່ນຈະສະແດງຄວາມໃຈຮ້າຍໃສ່ເຂົາເຈົ້າຄືກັບສຽງຟ້າຮ້ອງທີ່ຢູ່ເທິງຟ້າ.+
ພະເຢໂຫວາຈະຕັດສິນທົ່ວໂລກ.+ເພິ່ນຈະໃຫ້ອຳນາດກະສັດທີ່ເພິ່ນແຕ່ງຕັ້ງ+ແລະເຮັດໃຫ້ຜູ້ທີ່ເພິ່ນເລືອກໄວ້ມີກຳລັງເພີ່ມຂຶ້ນ.”*+
11 ຈາກນັ້ນ ເອນການາກໍກັບເມືອເຮືອນຂອງລາວທີ່ຢູ່ເມືອງຣາມາ ແຕ່ຊາມູເອນຢູ່ຮັບໃຊ້ພະເຢໂຫວາ+ໂດຍມີປະໂລຫິດເອລີເປັນຜູ້ເບິ່ງແຍງ.
12 ລູກຊາຍຂອງເອລີເປັນຄົນຊົ່ວຫຼາຍ.+ ເຂົາເຈົ້າບໍ່ນັບຖືພະເຢໂຫວາ.
13 ທຸກເທື່ອທີ່ປະຊາຊົນເອົາເຄື່ອງບູຊາມາໃຫ້ພະເຈົ້າ ເຂົາເຈົ້າຈະບໍ່ຍອມເອົາສ່ວນທີ່ປະໂລຫິດມີສິດຈະໄດ້ຈາກເຄື່ອງບູຊາ+ ແຕ່ຜູ້ຊ່ວຍຄົນໜຶ່ງຂອງປະໂລຫິດຈະເອົາສ້ອມໃຫຍ່ທີ່ມີສາມງ່າມມາບ່ອນທີ່ກຳລັງຕົ້ມຊີ້ນ
14 ແລ້ວລາວຈະສັກສ້ອມນັ້ນລົງໄປໃນໝໍ້ຕົ້ມຊີ້ນ ຫຼືໝໍ້ທີ່ມີຫູ ຫຼືໝໍ້ໃຫຍ່ ຫຼືໝໍ້ທີ່ມີດ້າມຈັບ. ຖ້າສຽບຖືກຊີ້ນຕ່ອນໃດ ຊີ້ນຕ່ອນນັ້ນກໍຈະເປັນຂອງປະໂລຫິດ. ເຂົາເຈົ້າເຮັດແບບນີ້ກັບຄົນອິດສະຣາເອນທຸກຄົນທີ່ມາເມືອງຊີໂລ.
15 ນອກຈາກນັ້ນ ກ່ອນທີ່ຜູ້ໃດຜູ້ໜຶ່ງຈະເອົານ້ຳມັນສັດໄປເຜົາ+ ຜູ້ຊ່ວຍຂອງປະໂລຫິດຈະມາບອກລາວວ່າ: “ເອົາຊີ້ນມານີ້ ປະໂລຫິດຈະເອົາໄປປີ້ງເອງ. ລາວບໍ່ຢາກໄດ້ຊີ້ນຕົ້ມ ລາວຢາກໄດ້ແຕ່ຊີ້ນດິບ.”
16 ຖ້າຄົນນັ້ນເວົ້າກັບຜູ້ຊ່ວຍວ່າ: “ຂໍເຜົານ້ຳມັນສັດ+ໃຫ້ພະເຈົ້າກ່ອນໄດ້ບໍ? ຖ້າເຈົ້າຢາກໄດ້ຫຍັງແລ້ວຈຶ່ງເອົາໄປ.” ຜູ້ຊ່ວຍກໍຈະເວົ້າວ່າ: “ບໍ່ໄດ້ ຕ້ອງເອົາມາໃຫ້ຂ້ອຍດຽວນີ້. ຖ້າບໍ່ໃຫ້ ຂ້ອຍກໍຈະຍາດເອົາ.”
17 ພວກຜູ້ຊ່ວຍຂອງປະໂລຫິດເຮັດຜິດຮ້າຍແຮງຕໍ່ພະເຢໂຫວາ+ ຍ້ອນເຂົາເຈົ້າ*ບໍ່ນັບຖືເຄື່ອງບູຊາທີ່ເອົາມາໃຫ້ພະເຢໂຫວາ.
18 ຊາມູເອນເຮັດວຽກຮັບໃຊ້+ພະເຢໂຫວາແລະນຸ່ງເອໂຟດ*ທີ່ເຮັດຈາກຜ້າລີນິນ+ເຖິງວ່າລາວຈະເປັນເດັກນ້ອຍ.
19 ແມ່ຂອງລາວຈະເຮັດເສື້ອແຂນກິ້ນໂຕນ້ອຍໆແລະເອົາໄປໃຫ້ຊາມູເອນທຸກປີຕອນທີ່ລາວກັບຜົວເອົາເຄື່ອງບູຊາປະຈຳປີໄປເຜົາໃຫ້ພະເຈົ້າ.+
20 ເອລີອວຍພອນໃຫ້ເອນການາແລະເມຍຂອງລາວວ່າ: “ຂໍພະເຢໂຫວາໃຫ້ເຈົ້າມີລູກກັບເມຍຜູ້ນີ້ອີກ ເພື່ອແທນລູກທີ່ເຈົ້າເອົາໃຫ້ພະເຢໂຫວາ.”+ ແລ້ວເຂົາເຈົ້າກໍເມືອເຮືອນ.
21 ພະເຢໂຫວາອີ່ຕົນຮັນນາ ເພິ່ນຈຶ່ງໃຫ້ລາວຖືພາ.+ ລາວໄດ້ລູກຊາຍອີກ 3 ຄົນແລະລູກສາວ 2 ຄົນ. ຊາມູເອນກໍໃຫຍ່ຂຶ້ນລະຫວ່າງທີ່ຮັບໃຊ້ພະເຢໂຫວາ.*+
22 ຕອນນີ້ເອລີກໍເຖົ້າຫຼາຍແລ້ວ ລາວຮູ້ທຸກເລື່ອງທີ່ພວກລູກຊາຍເຮັດ+ຕໍ່ພວກອິດສະຣາເອນ ແລະເລື່ອງທີ່ເຂົາເຈົ້າໄປນອນນຳພວກຜູ້ຍິງທີ່ເຮັດວຽກຮັບໃຊ້ຢູ່ໜ້າເຕັ້ນສັກສິດ.*+
23 ເອລີເວົ້າກັບເຂົາເຈົ້າເລື້ອຍໆວ່າ: “ເປັນຫຍັງພວກລູກເຮັດແບບນີ້ອີກແລ້ວ? ພໍ່ໄດ້ຍິນແຕ່ເລື່ອງທີ່ບໍ່ດີກ່ຽວກັບພວກລູກ.
24 ເຊົາເຮັດເດີ້ລູກ. ເລື່ອງທີ່ພໍ່ໄດ້ຍິນຈາກປະຊາຊົນຂອງພະເຢໂຫວາແມ່ນບໍ່ດີເລີຍ.
25 ຖ້າຜູ້ໜຶ່ງເຮັດຜິດຕໍ່ອີກຜູ້ໜຶ່ງກໍຍັງມີຄົນອ້ອນວອນຂໍພະເຢໂຫວາເພື່ອລາວໄດ້.* ແຕ່ຖ້າຜູ້ໜຶ່ງເຮັດຜິດຕໍ່ພະເຢໂຫວາ+ ໃຜຈະອະທິດຖານຂໍເພື່ອລາວໄດ້?” ແຕ່ພວກລູກຊາຍຂອງເອລີບໍ່ຟັງສິ່ງທີ່ພໍ່ບອກ ຍ້ອນພະເຢໂຫວາຕັ້ງໃຈໄວ້ແລ້ວວ່າຈະໃຫ້ເຂົາເຈົ້າຕາຍ.+
26 ໃນລະຫວ່າງນັ້ນ ຊາມູເອນກໍໃຫຍ່ຂຶ້ນແລະພະເຢໂຫວາກັບປະຊາຊົນກໍຮັກລາວຫຼາຍ.+
27 ຄົນຂອງພະເຈົ້າມາຫາເອລີແລະເວົ້າກັບລາວວ່າ: “ພະເຢໂຫວາບອກວ່າ ‘ຕອນທີ່ປູ່ຍ່າຕານາຍຂອງເຈົ້າເປັນທາດຂອງຟາໂຣ*ໃນເອຢິບ ເຮົາໄດ້ໃຫ້ເຂົາເຈົ້າຮູ້ຈັກເຮົາເປັນຢ່າງດີບໍ່ແມ່ນບໍ?+
28 ເຮົາໄດ້ເລືອກປູ່ຍ່າຕານາຍຂອງເຈົ້າອອກຈາກຕະກູນຕ່າງໆຂອງອິດສະຣາເອນ+ເພື່ອໃຫ້ເປັນປະໂລຫິດ. ເຂົາເຈົ້າຈະເຜົາເຄື່ອງບູຊາ ເຜົາເຄື່ອງຫອມ*ຢູ່ເທິງແທ່ນບູຊາຂອງເຮົາ+ ແລະນຸ່ງເອໂຟດຮັບໃຊ້ເຮົາ. ເຮົາໄດ້ຍົກເຄື່ອງບູຊາເຜົາທັງໝົດທີ່ພວກອິດສະຣາເອນເອົາມາໃຫ້ນັ້ນໃຫ້ປູ່ຍ່າຕານາຍຂອງເຈົ້າກັບພວກລູກຫຼານ.+
29 ເປັນຫຍັງເຈົ້າບໍ່ນັບຖືເຄື່ອງບູຊາທີ່ເຮົາສັ່ງໃຫ້ເອົາມາບ່ອນຢູ່ຂອງເຮົາ?+ ເປັນຫຍັງເຈົ້າໃຫ້ກຽດລູກຊາຍຂອງເຈົ້າຫຼາຍກວ່າເຮົາແລະເອົາສ່ວນທີ່ດີທີ່ສຸດຂອງເຄື່ອງບູຊາທີ່ພວກອິດສະຣາເອນເອົາມາໃຫ້ເຮົາໄປກິນຈົນຕຸ້ຍຈົນພີ?+
30 ຍ້ອນແນວນີ້ພະເຢໂຫວາພະເຈົ້າຂອງອິດສະຣາເອນຈຶ່ງເວົ້າວ່າ “ເຮົາເຄີຍເວົ້າວ່າ ເຮົາຈະໃຫ້ລູກຫຼານຂອງເຈົ້າແລະປູ່ຍ່າຕານາຍຂອງເຈົ້າຮັບໃຊ້ເຮົາຕະຫຼອດໄປ.”+ ແຕ່ຕອນນີ້ພະເຢໂຫວາບອກວ່າ “ເຮົາຈະບໍ່ເຮັດແບບນັ້ນອີກຕໍ່ໄປ ເພາະວ່າເຮົາຈະໃຫ້ກຽດຜູ້ທີ່ໃຫ້ກຽດເຮົາ+ ແຕ່ເຮົາຈະບໍ່ເຫັນຄ່າຜູ້ທີ່ບໍ່ນັບຖືເຮົາ.”
31 ດັ່ງນັ້ນ ມື້ໜຶ່ງເຮົາຈະເຮັດໃຫ້ເຈົ້າແລະປູ່ຍ່າຕານາຍຂອງເຈົ້າໝົດແຮງ*ຈົນບໍ່ມີໃຜໃນພວກລູກຫຼານຂອງເຈົ້າໄດ້ມີຊີວິດຢູ່ຈົນເຖົ້າຈົນແກ່.+
32 ຕອນທີ່ອິດສະຣາເອນຢູ່ຢ່າງສຸກສະບາຍ ເຈົ້າຈະເຫັນສັດຕູຂອງເຈົ້າຢູ່ໃນບ່ອນຢູ່ຂອງເຮົາ+ ແລະຈະບໍ່ມີໃຜໃນພວກລູກຫຼານຂອງເຈົ້າໄດ້ຢູ່ຈົນເຖົ້າຈົນແກ່ອີກເລີຍ.
33 ຈະມີລູກຫຼານຄົນໜຶ່ງຂອງເຈົ້າທີ່ເຮົາບໍ່ໄດ້ປົດອອກຈາກການຮັບໃຊ້ຢູ່ແທ່ນບູຊາ ລາວຈະເຮັດໃຫ້ຕາຂອງເຈົ້າມົວແລະເຮັດໃຫ້ເຈົ້າເສຍໃຈ ແລະລູກຫຼານຂອງເຈົ້າຫຼາຍຄົນຈະຖືກຂ້າດ້ວຍດາບ.+
34 ສິ່ງທີ່ຈະເກີດຂຶ້ນກັບໂຮບນີແລະຟີເນຮາດລູກຊາຍ 2 ຄົນຂອງເຈົ້າຈະເປັນສິ່ງທີ່ຢືນຢັນຄຳເວົ້າຂອງເຮົາ. ທັງສອງຄົນຈະຕາຍໃນມື້ດຽວກັນ.+
35 ແລ້ວເຮົາຈະເລືອກປະໂລຫິດຄົນໜຶ່ງທີ່ສັດຊື່.+ ລາວຈະເຮັດຕາມທີ່ໃຈເຮົາຕ້ອງການ. ເຮົາຈະໃຫ້ລູກຫຼານຂອງລາວຮັບໃຊ້ເປັນປະໂລຫິດຕະຫຼອດໄປ ແລະລາວຈະຮັບໃຊ້ເປັນປະໂລຫິດຂອງຜູ້ທີ່ເຮົາເລືອກໄວ້ຕະຫຼອດໄປ.
36 ຄົນໃນຕະກູນຂອງເຈົ້າທີ່ຍັງເຫຼືອຢູ່ຈະມາໝູບລົງຕໍ່ໜ້າລາວເພື່ອຂໍເງິນກັບເຂົ້າຈີ່ກ້ອນໜຶ່ງເປັນຄ່າຈ້າງເຮັດວຽກ ແລະຈະເວົ້າວ່າ “ຂໍແຕ່ງຕັ້ງຂ້ອຍໃຫ້ເປັນປະໂລຫິດເພື່ອຂ້ອຍຈະມີແນວກິນ.”’”+
ຂໍ
^ ແປຕາມໂຕວ່າ “ຍົກເຂົາຂອງລູກຂຶ້ນ”
^ ແປຕາມໂຕວ່າ “ຫ່ຽວແຫ້ງ”
^ ຫຼື “ເຮັດໃຫ້ມີຊີວິດໄດ້”
^ ເບິ່ງສ່ວນອະທິບາຍຄຳສັບ
^ ຫຼືອາດແປວ່າ “ກອງຂີ້ເຫຍື້ອ”
^ ຫຼືອາດແປວ່າ “ຜູ້ທີ່ຕໍ່ສູ້ພະເຢໂຫວາຈະຕ້ອງຢ້ານ”
^ ແປຕາມໂຕວ່າ “ຍົກເຂົາຂອງຜູ້ທີ່ເພິ່ນເລືອກໄວ້”
^ ອາດໝາຍເຖິງລູກຊາຍ 2 ຄົນຂອງເອລີ ແລະອາດລວມເຖິງພວກຜູ້ຊ່ວຍນຳ
^ ເບິ່ງສ່ວນອະທິບາຍຄຳສັບ
^ ຫຼື “ຕໍ່ໜ້າພະເຢໂຫວາ”
^ ຫຼື “ເຕັ້ນຂໍການຊີ້ນຳ.” ເບິ່ງສ່ວນອະທິບາຍຄຳສັບ.
^ ຫຼືອາດແປວ່າ “ພະເຈົ້າຈະຊ່ວຍໄກ່ເກ່ຍໃຫ້ລາວໄດ້”
^ ແປຕາມໂຕວ່າ “ໃນເຮືອນຂອງຟາໂຣ”
^ ຫຼືອາດແປວ່າ “ເຮັດໃຫ້ຄວັນຂອງເຄື່ອງຫອມລອຍຂຶ້ນໄປ”
^ ແປຕາມໂຕວ່າ “ຕັດແຂນ”
