ຈົດໝາຍສະບັບທຳອິດຂອງໂຢຮັນ 4:1-21
4 ພີ່ນ້ອງທີ່ຮັກ ຢ່າເຊື່ອທຸກຄຳເວົ້າທີ່ເບິ່ງຄືວ່າມາຈາກພະເຈົ້າ+ ແຕ່ໃຫ້ກວດເບິ່ງວ່າຄຳເວົ້ານັ້ນມາຈາກພະເຈົ້າແທ້ໆບໍ+ ຍ້ອນມີຜູ້ພະຍາກອນປອມຫຼາຍຄົນໃນໂລກນີ້.+
2 ຄຳເວົ້າທີ່ມາຈາກພະເຈົ້າແທ້ໆຕ້ອງເປັນຄຳເວົ້າທີ່ຍອມຮັບວ່າພະເຢຊູຄລິດມາເກີດເປັນມະນຸດ.+
3 ຖ້າບໍ່ໄດ້ຍອມຮັບພະເຢຊູແບບນີ້ ຄຳເວົ້ານັ້ນກໍບໍ່ໄດ້ມາຈາກພະເຈົ້າ+ ແຕ່ມາຈາກຜູ້ຕໍ່ຕ້ານພະຄລິດ. ພວກເຈົ້າເຄີຍໄດ້ຍິນແລ້ວວ່າລາວຈະເວົ້າຄຳເວົ້າແບບນັ້ນ+ ແລະຕອນນີ້ຄຳເວົ້າແບບນັ້ນກໍມີຢູ່ໃນໂລກແລ້ວ.+
4 ພວກລູກທີ່ຮັກ ພວກເຈົ້າຢູ່ຝ່າຍພະເຈົ້າແລະພວກເຈົ້າໄດ້ເອົາຊະນະຜູ້ພະຍາກອນປອມເຫຼົ່ານັ້ນ+ ຍ້ອນພະເຈົ້າທີ່ສະໜັບສະໜູນພວກເຈົ້າ+ຍິ່ງໃຫຍ່ກວ່າມານຮ້າຍທີ່ສະໜັບສະໜູນໂລກນີ້ຢູ່.+
5 ຄົນເຫຼົ່ານັ້ນຢູ່ຝ່າຍໂລກ+ ເຂົາເຈົ້າຈຶ່ງເວົ້າເລື່ອງຂອງໂລກແລະໂລກກໍຟັງເຂົາເຈົ້າ.+
6 ສ່ວນພວກເຮົາຢູ່ຝ່າຍພະເຈົ້າ ຄົນທີ່ຮູ້ຈັກພະເຈົ້າຈະຟັງພວກເຮົາ+ ແຕ່ຄົນທີ່ບໍ່ໄດ້ຢູ່ຝ່າຍພະເຈົ້າຈະບໍ່ຟັງພວກເຮົາ.+ ວິທີນີ້ເຮັດໃຫ້ພວກເຮົາແຍກອອກວ່າຄຳເວົ້າທີ່ມາຈາກພະເຈົ້ານັ້ນເປັນຄວາມຈິງຫຼືເປັນເລື່ອງຫຼອກລວງ.+
7 ພີ່ນ້ອງທີ່ຮັກ ໃຫ້ພວກເຮົາຮັກກັນຕໍ່ໆໄປ+ ຍ້ອນຄວາມຮັກມາຈາກພະເຈົ້າ. ຄົນທີ່ສະແດງຄວາມຮັກກໍເປັນລູກຂອງພະເຈົ້າແລະຮູ້ຈັກພະເຈົ້າ.+
8 ຄົນທີ່ບໍ່ສະແດງຄວາມຮັກກໍບໍ່ຮູ້ຈັກພະເຈົ້າ ຍ້ອນພະເຈົ້າເປັນຄວາມຮັກ.+
9 ພະເຈົ້າສະແດງຄວາມຮັກຕໍ່ພວກເຮົາຢ່າງຈະແຈ້ງ ເມື່ອເພິ່ນໃຫ້ລູກຄົນດຽວຂອງເພິ່ນ*+ເຂົ້າມາໃນໂລກ ເພື່ອເພິ່ນຈະເປີດໂອກາດໃຫ້ພວກເຮົາໄດ້ຊີວິດ.+
10 ນີ້ແຫຼະຄືຄວາມຮັກແທ້ ບໍ່ແມ່ນວ່າພວກເຮົາຮັກພະເຈົ້າກ່ອນ ແຕ່ເພິ່ນໄດ້ຮັກພວກເຮົາແລະໃຫ້ລູກຂອງເພິ່ນມາເປັນເຄື່ອງບູຊາ+ໄຖ່ບາບຂອງພວກເຮົາເພື່ອໃຫ້ພວກເຮົາຄືນດີກັບເພິ່ນໄດ້.+
11 ພີ່ນ້ອງທີ່ຮັກ ຖ້າພະເຈົ້າຮັກພວກເຮົາຫຼາຍສ່ຳນີ້ ພວກເຮົາກໍຄວນຈະຮັກກັນ.+
12 ບໍ່ມີຜູ້ໃດເຄີຍເຫັນພະເຈົ້າ+ ແຕ່ຖ້າພວກເຮົາຮັກກັນຕໍ່ໆໄປ ພະເຈົ້າຈະຢູ່ກັບພວກເຮົາ ແລະຄວາມຮັກຂອງເພິ່ນກໍສົມບູນຄົບຖ້ວນໃນພວກເຮົາ.+
13 ພວກເຮົາຮູ້ວ່າພວກເຮົາເປັນອັນໜຶ່ງອັນດຽວກັບພະເຈົ້າແລະເພິ່ນເປັນອັນໜຶ່ງອັນດຽວກັບພວກເຮົາ ກໍຍ້ອນເພິ່ນໃຫ້ພະລັງຂອງເພິ່ນກັບພວກເຮົາ.
14 ນອກຈາກນັ້ນ ພວກເຮົາໄດ້ເຫັນດ້ວຍໂຕເອງແລະເປັນພະຍານຢືນຢັນວ່າພະເຈົ້າຜູ້ເປັນພໍ່ໃຊ້ລູກຂອງເພິ່ນມາເປັນຜູ້ຊ່ວຍໂລກໃຫ້ລອດ.+
15 ຜູ້ທີ່ຍອມຮັບວ່າພະເຢຊູຄລິດເປັນລູກຂອງພະເຈົ້າ+ ພະເຈົ້າຈະເປັນອັນໜຶ່ງອັນດຽວກັບລາວແລະລາວຈະເປັນອັນໜຶ່ງອັນດຽວກັບພະເຈົ້າ.+
16 ພວກເຮົາຮູ້ແລະເຊື່ອໝັ້ນວ່າພະເຈົ້າຮັກພວກເຮົາ.+
ພະເຈົ້າເປັນຄວາມຮັກ.+ ຜູ້ທີ່ສະແດງຄວາມຮັກຢູ່ສະເໝີກໍເປັນອັນໜຶ່ງອັນດຽວກັບພະເຈົ້າແລະພະເຈົ້າກໍເປັນອັນໜຶ່ງອັນດຽວກັບລາວ.+
17 ເມື່ອເຮັດແບບນັ້ນ ຄວາມຮັກກໍສົມບູນໃນພວກເຮົາ ແລ້ວພວກເຮົາຈະກ້າເວົ້າ+ໃນມື້ຕັດສິນ ຍ້ອນໃນໂລກນີ້ພວກເຮົາເປັນຄືກັບພະເຢຊູຄລິດ.
18 ເມື່ອມີຄວາມຮັກ ພວກເຮົາກໍບໍ່ຢ້ານ+ ຍ້ອນຄວາມຮັກທີ່ສົມບູນຈະກຳຈັດຄວາມຢ້ານ. ທີ່ຈິງ ຄວາມຢ້ານເປັນອຸປະສັກຂັດຂວາງພວກເຮົາ ແລະຖ້າຜູ້ໃດຢ້ານ ຄວາມຮັກຂອງລາວກໍບໍ່ສົມບູນ.+
19 ພວກເຮົາສະແດງຄວາມຮັກກໍຍ້ອນພະເຈົ້າຮັກພວກເຮົາກ່ອນ.+
20 ຖ້າຜູ້ໃດບອກວ່າ “ຂ້ອຍຮັກພະເຈົ້າ” ແຕ່ຊັງພີ່ນ້ອງຮ່ວມຄວາມເຊື່ອ ຜູ້ນັ້ນກໍເວົ້າຕົວະ.+ ຜູ້ທີ່ບໍ່ຮັກພີ່ນ້ອງຮ່ວມຄວາມເຊື່ອ+ທີ່ລາວເບິ່ງເຫັນ ຈະຮັກພະເຈົ້າທີ່ລາວເບິ່ງບໍ່ເຫັນໄດ້ແນວໃດ?+
21 ພວກເຮົາໄດ້ຮັບຄຳສັ່ງວ່າ ຜູ້ທີ່ຮັກພະເຈົ້າກໍຕ້ອງຮັກພີ່ນ້ອງຮ່ວມຄວາມເຊື່ອຄືກັນ.+
ຂໍ
^ ຫຼື “ລູກຄົນດຽວທີ່ເພິ່ນສ້າງເອງ”
