ກະສັດສະບັບທີສອງ 21:1-26
21 ມານາເຊ+ເປັນກະສັດຕອນອາຍຸ 12 ປີ ແລະລາວປົກຄອງຢູ່ເມືອງເຢຣູຊາເລັມ 55 ປີ.+ ແມ່ຂອງລາວຊື່ເຮັບຊີບາ.
2 ມານາເຊເຮັດສິ່ງທີ່ພະເຢໂຫວາເບິ່ງວ່າຊົ່ວ. ລາວໄດ້ເຮັດສິ່ງທີ່ເປັນຕາຂີ້ດຽດຄືກັບຊາດຕ່າງໆ+ທີ່ພະເຢໂຫວາໄດ້ໄລ່ໜີໄປຈາກພວກອິດສະຣາເອນ.+
3 ບ່ອນນະມັດສະການຕ່າງໆທີ່ເຮເຊກີຢາພໍ່ຂອງລາວໄດ້ທຳລາຍແລ້ວ+ ລາວກໍສ້າງຂຶ້ນມາໃໝ່. ລາວສ້າງແທ່ນບູຊາໃຫ້ພະບາອານແລະເຮັດເສົາໄມ້ສັກສິດ*+ຄືກັບທີ່ອາຮາບກະສັດຂອງອິດສະຣາເອນເຄີຍເຮັດ.+ ລາວຂາບໄຫວ້ແລະນະມັດສະການດວງດາວຕ່າງໆ.+
4 ນອກຈາກນັ້ນ ລາວຍັງໄດ້ສ້າງແທ່ນບູຊາຫຼາຍແທ່ນໃຫ້ພະເຈົ້າປອມຢູ່ໃນວິຫານຂອງພະເຢໂຫວາ+ ເຊິ່ງເປັນບ່ອນທີ່ພະເຢໂຫວາເວົ້າເຖິງວ່າ: “ເຮົາຈະໃຫ້ຊື່ຂອງເຮົາຢູ່ໃນເມືອງເຢຣູຊາເລັມ.”+
5 ລາວໄດ້ສ້າງແທ່ນບູຊາໃຫ້ດວງດາວຕ່າງໆ+ໄວ້ທັງສອງເດີ່ນຢູ່ວິຫານຂອງພະເຢໂຫວາ.+
6 ລາວເຜົາລູກຊາຍຂອງໂຕເອງ. ລາວຫຼິ້ນຄາຖາອາຄົມ ເບິ່ງດວງ+ ແລະໃຫ້ມີພວກໝໍຜີກັບໝໍດູ.+ ລາວເຮັດສິ່ງທີ່ພະເຢໂຫວາເບິ່ງວ່າຊົ່ວແທ້ຊົ່ວວ່າແລະເຮັດໃຫ້ເພິ່ນໃຈຮ້າຍຫຼາຍ.
7 ລາວແກະສະຫຼັກຮູບພະອັດເຊຣາ*+ ແລ້ວເອົາໄປໄວ້ໃນວິຫານເຊິ່ງພະເຢໂຫວາເຄີຍບອກດາວິດກັບໂຊໂລໂມນລູກຊາຍຂອງລາວວ່າ: “ເຮົາຈະໃຫ້ຊື່ຂອງເຮົາຢູ່ໃນວິຫານນີ້ຕະຫຼອດໄປແລະຢູ່ເມືອງເຢຣູຊາເລັມທີ່ເຮົາໄດ້ເລືອກຈາກທຸກເມືອງໃນຕະກູນຕ່າງໆຂອງອິດສະຣາເອນ.+
8 ຖ້າເຂົາເຈົ້າເຮັດຕາມຄຳສັ່ງທຸກຢ່າງຂອງເຮົາ+ທີ່ໂມເຊຜູ້ຮັບໃຊ້ຂອງເຮົາໄດ້ຕັ້ງເປັນກົດໝາຍໄວ້ໃຫ້ເຂົາເຈົ້າ ເຮົາຈະບໍ່ໃຫ້ພວກອິດສະຣາເອນອອກໄປຈາກແຜ່ນດິນນີ້ອີກທີ່ເຮົາເອົາໃຫ້ປູ່ຍ່າຕານາຍຂອງເຂົາເຈົ້າ.”+
9 ແຕ່ເຂົາເຈົ້າບໍ່ເຊື່ອຟັງ. ມານາເຊໄດ້ພາເຂົາເຈົ້າໄປຜິດທາງແລະເປັນຕົ້ນເຫດເຮັດໃຫ້ເຂົາເຈົ້າເຮັດຊົ່ວຫຼາຍກວ່າຊາດຕ່າງໆທີ່ພະເຢໂຫວາໄດ້ກວາດລ້າງຕອນທີ່ພວກອິດສະຣາເອນເຂົ້າມາຢູ່ໃນແຜ່ນດິນນັ້ນ.+
10 ພະເຢໂຫວາໄດ້ເວົ້າຫຼາຍເທື່ອຜ່ານທາງພວກຜູ້ພະຍາກອນທີ່ເປັນຜູ້ຮັບໃຊ້ຂອງເພິ່ນ+ວ່າ:
11 “ມານາເຊກະສັດຂອງຢູດາໄດ້ເຮັດສິ່ງທັງໝົດນີ້ທີ່ພະເຈົ້າຂີ້ດຽດ.* ລາວເຮັດຊົ່ວຫຼາຍກວ່າພວກອາໂມ+ທີ່ມີຊີວິດຢູ່ກ່ອນລາວ+ ແລະລາວໄດ້ພາພວກຢູດາເຮັດຜິດໂດຍສ້າງຮູບບູຊາຕ່າງໆທີ່ພະເຈົ້າຂີ້ດຽດໃຫ້ເຂົາເຈົ້າ.
12 ພະເຢໂຫວາພະເຈົ້າຂອງອິດສະຣາເອນຈຶ່ງເວົ້າວ່າ ‘ເຮົາຈະເຮັດໃຫ້ເຢຣູຊາເລັມແລະຢູດາຈິບຫາຍ+ ແລະຄົນທີ່ໄດ້ຍິນເລື່ອງນີ້ຈະຕ້ອງຕົກໃຈຫຼາຍ.+
13 ເຮົາຈະເຮັດໃຫ້ເຢຣູຊາເລັມເປັນຄືກັບຊາມາເຣຍ+ແລະຄືກັບຄອບຄົວຂອງອາຮາບ.+ ເຮົາຈະລ້າງເຢຣູຊາເລັມໃຫ້ກ້ຽງຄືກັບລ້າງຖ້ວຍໃຫ້ກ້ຽງແລ້ວຂວ້ຳໄວ້.+
14 ເຮົາຈະຖິ້ມປະຊາຊົນຂອງເຮົາທີ່ຍັງເຫຼືອຢູ່+ແລະໃຫ້ພວກສັດຕູຊະນະເຂົາເຈົ້າ. ເຂົາເຈົ້າຈະຖືກພວກສັດຕູຈັບໄປເປັນຊະເລີຍແລະຖືກປຸ້ນ+
15 ຍ້ອນເຂົາເຈົ້າເຮັດສິ່ງທີ່ເຮົາເບິ່ງວ່າຊົ່ວແລະເຮັດໃຫ້ເຮົາໃຈຮ້າຍຕະຫຼອດຕັ້ງແຕ່ມື້ທີ່ປູ່ຍ່າຕານາຍຂອງເຂົາເຈົ້າອອກມາຈາກເອຢິບຈົນຮອດທຸກມື້ນີ້.’”+
16 ນອກຈາກມານາເຊຈະເຮັດຜິດໂດຍເປັນຕົ້ນເຫດພາໃຫ້ພວກຢູດາເຮັດສິ່ງທີ່ພະເຢໂຫວາເບິ່ງວ່າຊົ່ວ ລາວຍັງຂ້າຫຼາຍຄົນທີ່ບໍ່ມີຄວາມຜິດຈົນເລືອດຂອງເຂົາເຈົ້າເຕັມເມືອງເຢຣູຊາເລັມ.+
17 ເລື່ອງຕ່າງໆຂອງມານາເຊ ທຸກສິ່ງທີ່ລາວເຮັດ ແລະຄວາມຜິດຂອງລາວກໍຂຽນໄວ້ໃນປຶ້ມປະຫວັດຂອງພວກກະສັດຢູດາ.
18 ເມື່ອມານາເຊຕາຍ ເຂົາເຈົ້າໄດ້ຝັງລາວໄວ້ຢູ່ວັງຂອງລາວໃນສວນທີ່ເຄີຍເປັນຂອງອຸດຊາ.+ ອາໂມນລູກຊາຍຂອງລາວກໍເປັນກະສັດແທນ.
19 ອາໂມນ+ເປັນກະສັດຕອນອາຍຸ 22 ປີ ແລະລາວປົກຄອງຢູ່ເມືອງເຢຣູຊາເລັມ 2 ປີ.+ ແມ່ຂອງລາວຊື່ເມຊຸນເລເມັດເປັນລູກສາວຂອງຮາຣຸດຄົນໂຢດບາ.
20 ອາໂມນເຮັດສິ່ງທີ່ພະເຢໂຫວາເບິ່ງວ່າຊົ່ວຄືກັບມານາເຊພໍ່ຂອງລາວ.+
21 ລາວເຮັດຄືກັບພໍ່ທຸກຢ່າງ. ລາວນະມັດສະການແລະຂາບໄຫວ້ຮູບບູຊາຕ່າງໆທີ່ພະເຈົ້າຂີ້ດຽດທີ່ພໍ່ຂອງລາວເຄີຍນະມັດສະການ.+
22 ລາວຖິ້ມພະເຢໂຫວາພະເຈົ້າຂອງປູ່ຍ່າຕານາຍຂອງລາວ ແລະບໍ່ໄດ້ໃຊ້ຊີວິດໃນແນວທາງຂອງພະເຢໂຫວາ.+
23 ໃນທີ່ສຸດ ຄົນຮັບໃຊ້ຂອງອາໂມນໄດ້ວາງແຜນແລະຂ້າລາວຕາຍຢູ່ໃນວັງຂອງລາວ.
24 ແຕ່ປະຊາຊົນໄດ້ຂ້າທຸກຄົນທີ່ວາງແຜນຂ້າກະສັດອາໂມນ ແລະແຕ່ງຕັ້ງໂຢສີຢາລູກຊາຍຂອງລາວໃຫ້ເປັນກະສັດແທນ.+
25 ເລື່ອງຕ່າງໆຂອງອາໂມນແລະສິ່ງທີ່ລາວເຮັດກໍຂຽນໄວ້ໃນປຶ້ມປະຫວັດຂອງພວກກະສັດຢູດາ.
26 ເຂົາເຈົ້າຝັງລາວໄວ້ຢູ່ບ່ອນຝັງສົບໃນສວນທີ່ເຄີຍເປັນຂອງອຸດຊາ+ ແລ້ວໂຢສີຢາລູກຊາຍຂອງລາວ+ກໍເປັນກະສັດແທນ.
ຂໍ
^ ເບິ່ງສ່ວນອະທິບາຍຄຳສັບ
^ ຫຼື “ເສົາໄມ້ສັກສິດ.” ເບິ່ງສ່ວນອະທິບາຍຄຳສັບ.
^ ຄຳນີ້ໃນພາສາເຮັບເຣີອາດກ່ຽວຂ້ອງກັບຄຳວ່າ “ຂີ້ສັດ” ແລະໃຊ້ໃນລັກສະນະດູຖູກ
