ຊາມູເອນສະບັບທີສອງ 22:1-51
22 ດາວິດຮ້ອງເພງນີ້ໃຫ້ພະເຢໂຫວາ+ ຕອນທີ່ພະເຢໂຫວາຊ່ວຍລາວໃຫ້ລອດຈາກພວກສັດຕູທັງໝົດ+ແລະຈາກຊາອູນ.+
2 ລາວຮ້ອງວ່າ:
“ພະເຢໂຫວາເປັນຫີນຜາ ເປັນປ້ອມທີ່ແຂງແຮງຂອງລູກ+ ແລະເປັນຜູ້ຊ່ວຍລູກໃຫ້ລອດ.+
3 ພະເຈົ້າຂອງລູກເປັນຫີນຜາ+ທີ່ບັງລູກໄດ້.ພະອົງເປັນໂລ້+ ເປັນຜູ້ຊ່ວຍຊີວິດທີ່ມີລິດເດດ* ແລະເປັນບ່ອນລີ້ທີ່ປອດໄພ.*+ພະອົງເປັນບ່ອນທີ່ລູກໜີເຂົ້າໄປລີ້ໄດ້+ແລະເປັນຜູ້ຊ່ວຍຊີວິດລູກ.+ ພະອົງຊ່ວຍລູກຈາກພວກສັດຕູທີ່ໂຫດຫ້ຽມ.
4 ລູກຮ້ອງຫາພະເຢໂຫວາຜູ້ທີ່ສົມຄວນໄດ້ຮັບການສັນລະເສີນແລະພະອົງຈະປົກປ້ອງລູກຈາກພວກສັດຕູ.
5 ຄວາມຕາຍຢູ່ອ້ອມຮອບລູກຄືກັບຄື້ນໃນທະເລ.+ຄົນຊົ່ວເຮັດໃຫ້ລູກຢ້ານຄືກັບນ້ຳໄຫຼຊັດມາຖ້ວມ.+
6 ບ່ອນຝັງສົບ*ມັດລູກໄວ້ຄືກັບເຊືອກ.+ຄວາມຕາຍເປັນກັບດັກຢູ່ຕໍ່ໜ້າລູກ.+
7 ເມື່ອລູກທຸກໃຈ ລູກເອີ້ນຫາພະເຢໂຫວາ+ລູກເອີ້ນຫາພະເຈົ້າຂອງລູກຕະຫຼອດ.
ພະອົງໄດ້ຍິນສຽງລູກຈາກວິຫານຂອງພະອົງແລະສຽງຮ້ອງຂໍຄວາມຊ່ວຍເຫຼືອຂອງລູກໄປຮອດພະອົງ.+
8 ແຜ່ນດິນເລີ່ມສັ່ນໄປສັ່ນມາ+ຮາກຖານຂອງສະຫວັນສັ່ນສະເທືອນ+ແລະໄກວໄປໄກວມາຍ້ອນວ່າພະອົງໃຈຮ້າຍ.+
9 ຄວັນອອກມາຈາກຮູດັງຂອງພະອົງແປວໄຟອອກມາຈາກປາກຂອງພະອົງ+ແລະຖ່ານໄຟລຸກຍ້ອນພະອົງ.
10 ຕອນທີ່ພະອົງລົງມາ ພະອົງຢຽບຂີ້ເຝື້ອໃຫ້ຕ່ຳລົງ+ແລະກ້ອນຂີ້ເຝື້ອທີ່ໜາໆຢູ່ກ້ອງຕີນຂອງພະອົງ.+
11 ພະອົງຂີ່ທູດສະຫວັນ*+ແລະບິນມາ.
ພະອົງຢູ່ເທິງປີກຂອງທູດສະຫວັນ.+
12 ພະອົງເອົາຄວາມມືດມາບັງອ້ອມພະອົງໄວ້+ແລະໄດ້ເອົານ້ຳກັບກ້ອນຂີ້ເຝື້ອດຳໆອ້ອມພະອົງອີກ.
13 ແສງສະຫວ່າງທີ່ມາຈາກພະອົງເຮັດໃຫ້ຖ່ານໄຟລຸກແຮງ.
14 ແລ້ວພະເຢໂຫວາກໍໃຫ້ມີຟ້າຜ່າຈາກສະຫວັນ.+ພະເຈົ້າສູງສຸດຮ້ອງສຽງດັງອອກມາ.+
15 ພະອົງຍິງທະນູ+ແລະເຮັດໃຫ້ພວກສັດຕູແຕກໜີໄປ.ເມື່ອພະອົງເຮັດໃຫ້ຟ້າແມບ ພວກສັດຕູກໍຢ້ານແລະບໍ່ຮູ້ວ່າຈະເຮັດແນວໃດ.+
16 ເມື່ອພະເຢໂຫວາຮ້າຍແລະມີລົມອອກມາຈາກຮູດັງຂອງພະອົງ+ລົມນັ້ນແຮງຫຼາຍຈົນນ້ຳທະເລແຫ້ງແລະເຫັນພື້ນ+ແລະກວາດເອົາທຸກສິ່ງທີ່ຢູ່ພື້ນດິນຈົນເຫັນຮາກຖານຂອງໂລກ.
17 ພະອົງເດ່ມືລົງມາຈາກບ່ອນທີ່ສູງໆແລະດຶງລູກຂຶ້ນມາຈາກນ້ຳເລິກ.+
18 ພະອົງຊ່ວຍລູກໃຫ້ລອດຈາກສັດຕູທີ່ແຂງແຮງ+ຈາກຄົນທີ່ຊັງລູກທີ່ແຂງແຮງກວ່າລູກ.
19 ເຂົາເຈົ້າມາໂຈມຕີລູກຕອນທີ່ລູກລຳບາກຫຼາຍ+ແຕ່ພະເຢໂຫວາຊ່ວຍລູກຕະຫຼອດ.
20 ພະອົງເອົາລູກອອກມາແລະພາລູກໄປຢູ່ໃນບ່ອນທີ່ປອດໄພ.*+ພະອົງຊ່ວຍຊີວິດລູກ ຍ້ອນພະອົງພໍໃຈລູກຫຼາຍ.+
21 ພະເຢໂຫວາໃຫ້ລາງວັນລູກ ຍ້ອນລູກເຮັດດີ.+ພະອົງຕອບແທນລູກ ຍ້ອນມືຂອງລູກບໍ່ໄດ້ເຮັດຜິດ.+
22 ລູກເຮັດຕາມສິ່ງທີ່ພະເຢໂຫວາຕ້ອງການສະເໝີແລະລູກບໍ່ໄດ້ເຮັດຊົ່ວໂດຍຖິ້ມພະເຈົ້າຂອງລູກ.
23 ລູກຈື່ຄຳສັ່ງທຸກຂໍ້ຂອງພະອົງ.+ລູກຈະເຮັດຕາມກົດໝາຍຂອງພະອົງຕະຫຼອດໄປ.+
24 ລູກຈະເຮັດສິ່ງທີ່ຖືກຕ້ອງສະເໝີ+ຕໍ່ໜ້າພະອົງແລະລູກຈະບໍ່ເຮັດຜິດເລີຍ.+
25 ຂໍພະເຢໂຫວາໃຫ້ລາງວັນລູກ ຍ້ອນລູກເຮັດດີ+ແລະຍ້ອນພະອົງເຫັນວ່າລູກເຮັດສິ່ງທີ່ຖືກຕ້ອງ.+
26 ພະອົງສັດຊື່ຕໍ່ຜູ້ທີ່ສັດຊື່.+ພະອົງຍຸຕິທຳຕໍ່ຜູ້ທີ່ບໍ່ມີຄວາມຜິດ.+
27 ພະອົງຈິງໃຈຕໍ່ຜູ້ທີ່ຈິງໃຈ+ແລະຜູ້ທີ່ມີເລ່ລ່ຽມຕົວະພະອົງບໍ່ໄດ້.+
28 ພະອົງຊ່ວຍຊີວິດຄົນທີ່ຖ່ອມ+ແຕ່ພະອົງບໍ່ມັກຄົນຍິ່ງແລະເຮັດໃຫ້ເຂົາເຈົ້າຕົກຕ່ຳ.+
29 ພະເຢໂຫວາເອີ້ຍ ພະອົງເປັນຕະກຽງຂອງລູກ.+ລູກຢູ່ໃນບ່ອນມືດ ແຕ່ພະເຢໂຫວາເຮັດໃຫ້ມີແສງສະຫວ່າງ.+
30 ຍ້ອນພະອົງຊ່ວຍ ລູກຈຶ່ງຕໍ່ສູ້ກັບພວກກຸ່ມໂຈນໄດ້.ຍ້ອນພະເຈົ້າໃຫ້ກຳລັງ ລູກຈຶ່ງປີນຂ້າມກຳແພງໄດ້.+
31 ທຸກຢ່າງທີ່ພະເຈົ້າທ່ຽງແທ້ເຮັດແມ່ນດີທີ່ສຸດ.+ທຸກສິ່ງທີ່ພະເຢໂຫວາເວົ້າແມ່ນບໍລິສຸດ.*+
ພະອົງເປັນໂລ້ສຳລັບທຸກຄົນທີ່ໄປລີ້ໄພຢູ່ນຳເພິ່ນ.+
32 ບໍ່ມີພະເຈົ້າອື່ນນອກຈາກພະເຢໂຫວາ+
ແລະພະເຈົ້າຂອງພວກເຮົາເປັນຄືກັບຫີນຜາ.+
33 ພະເຈົ້າທ່ຽງແທ້ຂອງລູກເປັນປ້ອມທີ່ແຂງແຮງ+ແລະພະອົງຈະເຮັດໃຫ້ທາງຂອງລູກກ້ຽງ.+
34 ພະອົງເຮັດໃຫ້ລູກໂດດໄດ້ຄືກວາງ.ພະອົງເຮັດໃຫ້ລູກຢືນຢູ່ບ່ອນທີ່ສູງຊັນໄດ້.+
35 ພະອົງຝຶກລູກໃຫ້ເຮັດສົງຄາມລູກຈຶ່ງກົ່ງຄັນທະນູທອງແດງໄດ້.
36 ພະອົງເອົາໂລ້ໃຫ້ລູກເພື່ອຊ່ວຍຊີວິດລູກແລະຄວາມຖ່ອມຂອງພະອົງເຮັດໃຫ້ລູກຍິ່ງໃຫຍ່.+
37 ພະອົງເຮັດໃຫ້ທາງຍ່າງຂອງລູກກວ້າງອອກລູກຈຶ່ງບໍ່ມື່ນ.+
38 ລູກຈະໄລ່ລ່າແລະກຳຈັດພວກສັດຕູ.ລູກຈະບໍ່ກັບມາຈົນກວ່າຈະຂ້າເຂົາເຈົ້າໄດ້ໝົດ.
39 ລູກຈະກວາດລ້າງເຂົາເຈົ້າໃຫ້ໝົດຈົນລຸກຂຶ້ນມາບໍ່ໄດ້.+ເຂົາເຈົ້າຈະລົ້ມລົງແລະລູກຈະເອົາຕີນຢຽບ.
40 ພະອົງຈະຊ່ວຍລູກໃຫ້ມີແຮງຕໍ່ສູ້.+ພະອົງຈະເຮັດໃຫ້ພວກສັດຕູລົ້ມລົງຕໍ່ໜ້າລູກ.+
41 ພະອົງຈະເຮັດໃຫ້ພວກສັດຕູຖອຍໜີໄປຈາກລູກ.*+ລູກຈະທຳລາຍຄົນທີ່ຊັງລູກ.*+
42 ເຂົາເຈົ້າຮ້ອງຂໍຄວາມຊ່ວຍເຫຼືອ ແຕ່ຈະບໍ່ມີໃຜຊ່ວຍ.ເຖິງວ່າເຂົາເຈົ້າຂໍໃຫ້ພະເຢໂຫວາຊ່ວຍ ແຕ່ພະອົງກໍຈະບໍ່ຟັງ.+
43 ລູກຈະຕຳເຂົາເຈົ້າຈົນມຸ່ນຄືກັບຂີ້ຝຸ່ນ.ລູກຈະຢຽບເຂົາເຈົ້າຈົນແປຄືກັບຂີ້ຕົມຢູ່ຫົນທາງ.
44 ເຖິງວ່າຄົນຂອງລູກຈະຈັບຜິດລູກ ພະອົງກໍຈະຊ່ວຍຊີວິດລູກ.+
ພະອົງຈະປົກປ້ອງລູກເພື່ອໃຫ້ລູກເປັນຜູ້ນຳຂອງຊາດຕ່າງໆ.+ຊາດອື່ນທີ່ລູກບໍ່ຮູ້ຈັກກໍຈະມາຮັບໃຊ້ລູກ.+
45 ຄົນຕ່າງຊາດຈະຢ້ານລູກຈົນໝູບຢູ່.+ເຂົາເຈົ້າຈະເຊື່ອຟັງລູກ ຍ້ອນໄດ້ຍິນເລື່ອງຂອງລູກ.
46 ຄົນຕ່າງຊາດຈະບໍ່ກ້າຫານແລ້ວ.ເຂົາເຈົ້າຈະຍ່າງແບບສັ່ນໆອອກມາຈາກປ້ອມຂອງເຂົາເຈົ້າ.
47 ພະເຢໂຫວາຜູ້ມີຊີວິດຢູ່ ພະອົງເປັນຫີນຜາຂອງລູກ.+ ລູກຂໍສັນລະເສີນພະອົງ.
ພະເຈົ້າທີ່ເປັນຫີນຜາທີ່ຊ່ວຍຊີວິດລູກໃຫ້ລອດ ຂໍໃຫ້ພະອົງໄດ້ຮັບການຍົກຍ້ອງ.+
48 ພະເຈົ້າທ່ຽງແທ້ແກ້ແຄ້ນແທນລູກ.+ພະອົງໃຫ້ພວກສັດຕູຢູ່ພາຍໃຕ້ອຳນາດລູກ.+
49 ພະອົງຊ່ວຍລູກໃຫ້ລອດຈາກພວກສັດຕູ.
ພະອົງຍົກລູກໃຫ້ສູງຂຶ້ນ+ຈົນຜູ້ທີ່ມາໂຈມຕີລູກຢື້ບໍ່ເຖິງ.ພະອົງປົກປ້ອງລູກຈາກຄົນທີ່ຮຸນແຮງ.+
50 ພະເຢໂຫວາ ຍ້ອນແນວນີ້ລູກຈະຍົກຍ້ອງພະອົງຕໍ່ໜ້າຊາດຕ່າງໆ+ແລະລູກຈະຮ້ອງເພງ*ສັນລະເສີນຊື່ຂອງພະອົງ.+
51 ພະອົງເຮັດໃຫ້ກະສັດຂອງພະອົງໄດ້ຮັບໄຊຊະນະທີ່ຍິ່ງໃຫຍ່ຫຼາຍເທື່ອ.+ພະອົງສະແດງຄວາມຮັກທີ່ໝັ້ນຄົງຕະຫຼອດໄປຕໍ່ດາວິດແລະລູກຫຼານຂອງລາວທີ່ພະອົງໄດ້ເລືອກ.”+
ຂໍ ຄວາມ ໄຂ ເງື່ອນ
^ ແປຕາມໂຕວ່າ “ເຂົາສັດແຫ່ງຄວາມລອດ.” ເບິ່ງຄຳວ່າ “ເຂົາສັດ” ໃນສ່ວນອະທິບາຍຄຳສັບ.
^ ຫຼື “ບ່ອນສູງທີ່ປອດໄພ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ເຄຣູບ”
^ ຫຼື “ບ່ອນກວ້າງໆ”
^ ຄຳພາສາເຮັບເຣີທີ່ແປຕາມໂຕໝາຍເຖິງການຫຼອມເຫຼັກໃຫ້ບໍລິສຸດ
^ ຫຼື “ພະອົງຈະໃຫ້ພວກສັດຕູປິ່ນຫຼັງໃສ່ລູກ”
^ ແປຕາມໂຕວ່າ “ລູກຈະເຮັດໃຫ້ຄົນທີ່ຊັງລູກມິດງຽບ”
^ ຫຼື “ຫຼິ້ນດົນຕີ”