ຈົດໝາຍສະບັບທີສອງເຖິງຄລິດສະຕຽນໃນເມືອງໂກຣິນໂທ 3:1-18
3 ພວກເຮົາຍັງຕ້ອງແນະນຳໂຕເອງອີກບໍ? ພວກເຮົາຕ້ອງໃຫ້ພວກເຈົ້າເບິ່ງໜັງສືແນະນຳໂຕພວກເຮົາ ຫຼືພວກເຮົາຕ້ອງມີໜັງສືແນະນຳໂຕຈາກພວກເຈົ້າຄືກັບທີ່ຄົນອື່ນເຮັດບໍ?
2 ພວກເຈົ້າຫັ້ນແຫຼະເປັນໜັງສືແນະນຳໂຕ+ເຊິ່ງຂຽນໄວ້ໃນຫົວໃຈພວກເຮົາເພື່ອໃຫ້ທຸກຄົນຮູ້ຈັກແລະອ່ານໄດ້.
3 ເຫັນໄດ້ແຈ້ງວ່າພວກເຈົ້າເປັນໜັງສືຈາກພະຄລິດເຊິ່ງພວກເຮົາທີ່ເປັນຜູ້ຮັບໃຊ້ຂອງພະເຈົ້າໄດ້ຂຽນ.+ ບໍ່ແມ່ນຂຽນດ້ວຍນ້ຳມຶກ ແຕ່ຂຽນດ້ວຍພະລັງຂອງພະເຈົ້າຜູ້ມີຊີວິດຢູ່. ບໍ່ແມ່ນຂຽນໃສ່ແຜ່ນຫີນ+ ແຕ່ຂຽນໃສ່ເນື້ອໜັງເຊິ່ງກໍຄືໃສ່ຫົວໃຈ.+
4 ພວກເຮົາເວົ້າໄດ້ແບບນີ້ຕໍ່ໜ້າພະເຈົ້າດ້ວຍຄວາມໝັ້ນໃຈກໍຍ້ອນພະຄລິດ.
5 ພວກເຮົາເຮັດວຽກນີ້ດ້ວຍໂຕເອງບໍ່ໄດ້ ແຕ່ພະເຈົ້າຊ່ວຍພວກເຮົາໃຫ້ເຮັດວຽກນີ້ໄດ້.+
6 ເພິ່ນຊ່ວຍພວກເຮົາໃຫ້ເປັນຜູ້ຮັບໃຊ້ຕາມຄຳສັນຍາໃໝ່.+ ບໍ່ແມ່ນຕາມກົດໝາຍທີ່ຂຽນໄວ້+ ແຕ່ຕາມທີ່ພະລັງຂອງພະເຈົ້າຊີ້ນຳ. ກົດໝາຍທີ່ຂຽນເປັນລາຍລັກອັກສອນເຮັດໃຫ້ມີໂທດເຖິງຕາຍ+ ແຕ່ພະລັງຂອງພະເຈົ້າເຮັດໃຫ້ມີຊີວິດ.+
7 ກົດໝາຍທີ່ເຮັດໃຫ້ມີໂທດເຖິງຕາຍແລະທີ່ຂຽນໄວ້ໃນແຜ່ນຫີນນັ້ນ+ເຮັດໃຫ້ໜ້າຂອງໂມເຊມີແສງລັດສະໝີອອກມາຈົນຄົນອິດສະຣາເອນແນມເບິ່ງບໍ່ໄດ້.+ ແຕ່ໃນທີ່ສຸດ ແສງລັດສະໝີນັ້ນກໍໝົດ.
8 ຖ້າກົດໝາຍນັ້ນມາພ້ອມກັບແສງລັດສະໝີ ສິ່ງທີ່ພະລັງຂອງພະເຈົ້າເຮັດໃຫ້ສຳເລັດ+ກໍຄວນຈະມີແສງລັດສະໝີທີ່ຍິ່ງໃຫຍ່ກວ່ານັ້ນອີກ.+
9 ຖ້າກົດໝາຍທີ່ເຮັດໃຫ້ມີການຕັດສິນລົງໂທດນັ້ນ+ມີແສງລັດສະໝີ+ ວຽກຮັບໃຊ້ທີ່ເຮັດໃຫ້ພະເຈົ້າຍອມຮັບຄົນເຮົາກໍແຮ່ງມີແສງລັດສະໝີຫຼາຍກວ່ານັ້ນອີກ.+
10 ທີ່ຈິງ ກົດໝາຍນັ້ນໝົດແສງລັດສະໝີໄປເລີຍເມື່ອທຽບກັບແສງລັດສະໝີຂອງສັນຍາໃໝ່.+
11 ຖ້າກົດໝາຍທີ່ຖືກຍົກເລີກໄປນັ້ນມີແສງລັດສະໝີໃນຕອນທຳອິດ+ ສັນຍາໃໝ່ທີ່ຍັງໃຊ້ໄດ້ຢູ່ກໍແຮ່ງຕ້ອງມີແສງລັດສະໝີຫຼາຍກວ່ານັ້ນອີກ.+
12 ເມື່ອພວກເຮົາມີຄວາມຫວັງແບບນັ້ນ+ ພວກເຮົາຈຶ່ງກ້າເວົ້າດ້ວຍຄວາມໝັ້ນໃຈ
13 ແລະບໍ່ເຮັດຄືກັບໂມເຊທີ່ເອົາຜ້າປົກໜ້າໄວ້+ເພື່ອບໍ່ໃຫ້ຄົນອິດສະຣາເອນເຫັນແສງລັດສະໝີ*ຂອງກົດໝາຍນັ້ນເຊິ່ງຈະຕ້ອງຖືກຍົກເລີກໄປ.
14 ແຕ່ໃຈເຂົາເຈົ້າດື້ດ້ານ+ ແລະຈົນຮອດທຸກມື້ນີ້ ທຸກເທື່ອທີ່ເຂົາເຈົ້າອ່ານສັນຍາເກົ່າ ຜ້າປົກໜ້ານັ້ນກໍຍັງບໍ່ໄດ້ເອົາອອກ+ ຍ້ອນຜ້າປົກໜ້ານັ້ນຈະເອົາອອກໄດ້ກໍຕໍ່ເມື່ອເຂົາເຈົ້າເຊື່ອໃນພະຄລິດ.+
15 ທີ່ຈິງ ທຸກມື້ນີ້ຫົວໃຈຂອງເຂົາເຈົ້າຍັງມີຜ້າປົກຢູ່ ເຂົາເຈົ້າຈຶ່ງບໍ່ເຂົ້າໃຈ+ເມື່ອອ່ານປຶ້ມທີ່ໂມເຊຂຽນ.+
16 ແຕ່ຖ້າຜູ້ໃດປ່ຽນມາຫາພະເຢໂຫວາ* ຜ້າປົກນັ້ນກໍຖືກເອົາອອກ.+
17 ພະເຢໂຫວາ*ເປັນຜູ້ທີ່ມະນຸດເບິ່ງບໍ່ເຫັນ+ ແລະຄົນທີ່ໄດ້ຮັບພະລັງຂອງພະເຢໂຫວາ*ກໍມີອິດສະຫຼະ.+
18 ເມື່ອພວກເຮົາທຸກຄົນບໍ່ມີຜ້າປົກໜ້າ ພວກເຮົາຈຶ່ງສະທ້ອນແສງລັດສະໝີຂອງພະເຢໂຫວາ*ຄືກັບແວ່ນ ແລະຖືກປ່ຽນແປງໃຫ້ມີລັກສະນະຄືກັບເພິ່ນເຊິ່ງເຮັດໃຫ້ພວກເຮົາສະທ້ອນແສງລັດສະໝີຂອງເພິ່ນຫຼາຍຂຶ້ນເລື້ອຍໆ ຈົນພວກເຮົາເປັນແບບທີ່ພະເຢໂຫວາ*ຕ້ອງການໃຫ້ພວກເຮົາເປັນ.*+
ຂໍ
^ ຫຼື “ຈຸດຈົບ”
^ ເບິ່ງພາກຜະໜວກ ກ5
^ ເບິ່ງພາກຜະໜວກ ກ5
^ ເບິ່ງພາກຜະໜວກ ກ5
^ ເບິ່ງພາກຜະໜວກ ກ5
^ ເບິ່ງພາກຜະໜວກ ກ5
^ ຫຼື “ພະເຢໂຫວາຜູ້ທີ່ມະນຸດເບິ່ງບໍ່ເຫັນຕ້ອງການໃຫ້ພວກເຮົາເປັນ”
