ບົດຮຽນທີ 10
ປັບລະດັບສຽງແລະຈັງຫວະການເວົ້າ
ສຸພາສິດ 8:4, 7
ຈຸດສຳຄັນ: ຖ່າຍທອດຈຸດສຳຄັນໃຫ້ຈະແຈ້ງຂຶ້ນແລະກະຕຸ້ນຄວາມຮູ້ສຶກຂອງຜູ້ຟັງໂດຍການເພີ່ມຫຼືຫຼຸດຄວາມດັງ ປັບລະດັບສຽງສູງຕ່ຳ ແລະປັບຈັງຫວະການເວົ້າ.
ສິ່ງທີ່ຄວນເຮັດ:
-
ເພີ່ມຫຼືຫຼຸດຄວາມດັງ. ເວົ້າດັງຂຶ້ນເພື່ອເນັ້ນຈຸດທີ່ສຳຄັນແລະເພື່ອກະຕຸ້ນຜູ້ຟັງ ຫຼືເມື່ອອ່ານຄຳພິພາກສາໃນຄຳພີໄບເບິນ. ເວົ້າຄ່ອຍໆເພື່ອກະຕຸ້ນຄວາມສົນໃຈໃຫ້ຢາກຮູ້ ຫຼືເພື່ອເວົ້າເລື່ອງທີ່ເປັນຕາຢ້ານ ແລະເລື່ອງທີ່ກັງວົນ.
-
ປັບລະດັບສຽງສູງຕ່ຳ. ຖ້າຫາກເປັນເລື່ອງທີ່ເໝາະສົມໃນພາສາຂອງເຈົ້າ ເຈົ້າອາດໃຊ້ສຽງສູງເພື່ອເຮັດໃຫ້ກະຕືລືລົ້ນ ເມື່ອເນັ້ນຂະໜາດ ຫຼືໄລຍະທາງ. ໃຊ້ສຽງຕ່ຳລົງເພື່ອຖ່າຍທອດຄວາມໂສກເສົ້າຫຼືຄວາມກັງວົນ.
-
ປັບຈັງຫວະການເວົ້າ. ເວົ້າໄວຂຶ້ນເພື່ອຖ່າຍທອດເລື່ອງທີ່ໜ້າຕື່ນເຕັ້ນ ເວົ້າຊ້າລົງເພື່ອເນັ້ນຈຸດທີ່ສຳຄັນ.
