ບົດຮຽນທີ 15
ເວົ້າດ້ວຍຄວາມໝັ້ນໃຈ
1 ເທຊະໂລນີກ 1:5
ຈຸດສຳຄັນ: ສະແດງຄວາມໝັ້ນໃຈໃນສິ່ງທີ່ເຈົ້າເວົ້າວ່າເປັນຄວາມຈິງແລະເປັນສິ່ງທີ່ສຳຄັນ.
ສິ່ງທີ່ຄວນເຮັດ:
-
ກຽມຕົວຢ່າງດີ. ສຶກສາເລື່ອງທີ່ຈະເວົ້າຈົນເຂົ້າໃຈວ່າ ຄຳພີໄບເບິນມີຂໍ້ພິສູດແນວໃດວ່າເລື່ອງນັ້ນເປັນຄວາມຈິງ. ພະຍາຍາມອະທິບາຍຈຸດສຳຄັນໂດຍໃຊ້ຄຳເວົ້າງ່າຍໆບໍ່ເທົ່າໃດຄຳ. ເນັ້ນໃຫ້ຜູ້ຟັງເຫັນວ່າເລື່ອງທີ່ເວົ້າເປັນປະໂຫຍດແນວໃດກັບເຂົາເຈົ້າ. ອະທິດຖານຂໍພະລັງບໍລິສຸດ.
-
ໃຊ້ຄຳທີ່ສະແດງເຖິງຄວາມໝັ້ນໃຈ. ໃຊ້ຄຳເວົ້າຂອງເຈົ້າເອງ ແທນທີ່ຈະເວົ້າຫຼືອ່ານຕາມປຶ້ມ. ເລືອກໃຊ້ຄຳເວົ້າທີ່ເຮັດໃຫ້ເຫັນວ່າເຈົ້າໝັ້ນໃຈໃນສິ່ງທີ່ເຈົ້າເວົ້າ.
-
ສະແດງຄວາມຈິງຈັງແລະຈິງໃຈ. ໃຊ້ສຽງດັງຢ່າງເໝາະສົມ. ສົບຕາຜູ້ຟັງຢູ່ສະເໝີ ຖ້າບໍ່ເຮັດໃຫ້ຜູ້ຟັງຮູ້ສຶກອຶດອັດ.
