ບົດຮຽນທີ 18
ຖ່າຍທອດຄວາມຮູ້ໃຫ້ຜູ້ຟັງ
1 ໂກລິນໂທ 9:19-23
ຈຸດສຳຄັນ: ກະຕຸ້ນຄວາມຄິດຜູ້ຟັງ ເຮັດໃຫ້ຜູ້ຟັງຮູ້ສຶກວ່າໄດ້ຮຽນຮູ້ສິ່ງທີ່ມີຄ່າ.
ສິ່ງທີ່ຄວນເຮັດ:
-
ໃຫ້ຄິດກ່ອນວ່າຜູ້ຟັງຮູ້ຫຍັງຢູ່ແລ້ວ. ແທນທີ່ຈະເວົ້າສິ່ງທີ່ຜູ້ຟັງຮູ້ແລ້ວ ຄວນຊ່ວຍຜູ້ຟັງໃຫ້ເຫັນແງ່ມຸມໃໝ່ໆຈາກເລື່ອງນັ້ນ.
-
ຄົ້ນຄວ້າແລະຄິດໃຄ່ຄວນ. ຖ້າເປັນໄປໄດ້ ໃຫ້ເວົ້າຂໍ້ມູນທີ່ຜູ້ຟັງຍັງບໍ່ຄຸ້ນເຄີຍຫຼືເວົ້າກ່ຽວກັບເຫດການທີ່ເກີດຂຶ້ນໃໝ່ໆເພື່ອອະທິບາຍຈຸດສຳຄັນ. ຄິດໃຄ່ຄວນຢ່າງເລິກເຊິ່ງກ່ຽວກັບເລື່ອງທີ່ເຈົ້າຈະເວົ້າແລະເຊື່ອມໂຍງໃຫ້ເຂົ້າກັບຂໍ້ມູນທີ່ເຈົ້າໃຊ້ເພື່ອອ້າງອີງ.
-
ເຮັດໃຫ້ເຫັນວ່າເລື່ອງທີ່ເຈົ້າເວົ້າມີປະໂຫຍດ. ອະທິບາຍໃຫ້ຜູ້ຟັງເຫັນວ່າຈຸດຕ່າງໆໃນຂໍ້ພະຄຳພີມີປະໂຫຍດໃນຊີວິດປະຈຳວັນແນວໃດ. ເວົ້າເຖິງສະພາບການ ຄວາມຄິດ ແລະການກະທຳບາງຢ່າງທີ່ກ່ຽວຂ້ອງກັບຜູ້ຟັງຢ່າງເຈາະຈົງ.