ບົດຮຽນທີ 19
ເຂົ້າເຖິງຫົວໃຈ
ສິ່ງທີ່ຄວນເຮັດ:
-
ຊ່ວຍຜູ້ຟັງໃຫ້ກວດສອບຕົວເອງ. ໃຊ້ຄຳຖາມເພື່ອກະຕຸ້ນຜູ້ຟັງໃຫ້ກວດສອບຄວາມຮູ້ສຶກຂອງຕົວເອງ.
-
ເຮັດໃຫ້ເກີດແຮງກະຕຸ້ນທີ່ດີ. ເຮັດໃຫ້ຜູ້ຟັງກວດສອບເບິ່ງຕົວເອງວ່າເປັນຫຍັງເຂົາຈຶ່ງເຮັດສິ່ງທີ່ດີ. ຊ່ວຍຜູ້ຟັງໃຫ້ມີແຮງກະຕຸ້ນທີ່ດີທີ່ສຸດເຊິ່ງກໍຄື ຄວາມຮັກທີ່ມີຕໍ່ພະເຢໂຫວາ ຕໍ່ເພື່ອນມະນຸດ ແລະຕໍ່ຄຳສອນໃນຄຳພີໄບເບິນ. ໃຫ້ຫາເຫດຜົນກັບຜູ້ຟັງແທນທີ່ຈະບອກຜູ້ຟັງໃຫ້ຮູ້ໄປເລີຍ. ຢ່າເຮັດໃຫ້ຜູ້ຟັງຮູ້ສຶກອາຍຫຼືຮູ້ສຶກຜິດ ເມື່ອບັນລະຍາຍຈົບຜູ້ຟັງຄວນໄດ້ຮັບກຳລັງໃຈແລະຢາກເຮັດດີທີ່ສຸດ.
-
ກະຕຸ້ນໃຫ້ຜູ້ຟັງສົນໃຈທີ່ພະເຢໂຫວາ. ເນັ້ນວ່າຄຳສອນ ຫຼັກການ ແລະຄຳສັ່ງໃນຄຳພີໄບເບິນສະທ້ອນເຖິງຄຸນລັກສະນະຂອງພະເຢໂຫວາ ແລະຄວາມຮັກທີ່ພະອົງມີຕໍ່ເຮົາ. ຊ່ວຍຜູ້ຟັງໃຫ້ຄິດເຖິງຄວາມຮູ້ສຶກຂອງພະເຢໂຫວາແລະກະຕຸ້ນເຂົາເຈົ້າໃຫ້ຢາກເຮັດໃນສິ່ງທີ່ພະອົງພໍໃຈ.
