ບົດທີ 49
ເຮັດແນວໃດຄອບຄົວຈຶ່ງຈະມີຄວາມສຸກຫຼາຍຂຶ້ນ?—ຕອນທີ 1
ມື້ແຕ່ງດອງເປັນມື້ທີ່ເຈົ້າບ່າວເຈົ້າສາວມີຄວາມສຸກຫຼາຍ ເຂົາເຈົ້າຫວັງວ່າຈະໄດ້ຢູ່ນຳກັນຢ່າງມີຄວາມສຸກແບບນີ້ໄປຕະຫຼອດຊີວິດ. ຄລິດສະຕຽນທີ່ແຕ່ງດອງກັນມາດົນຫຼາຍປີຮູ້ວ່າເລື່ອງນີ້ເປັນໄປໄດ້. ເຂົາເຈົ້າພະຍາຍາມເຮັດຕາມຄຳແນະນຳທີ່ຢູ່ໃນຄຳພີໄບເບິນ ຊີວິດຄູ່ຂອງເຂົາເຈົ້າຈຶ່ງມີຄວາມສຸກຫຼາຍຂຶ້ນ.
1. ຄຳພີໄບເບິນໃຫ້ຄຳແນະນຳຫຍັງກັບຜົວ?
ພະເຢໂຫວາໃຫ້ຜົວເປັນຜູ້ນຳຄອບຄົວ. (ອ່ານເອເຟໂຊ 5:23) ພະເຢໂຫວາຢາກໃຫ້ຜົວເປັນຄົນຕັດສິນໃຈເລື່ອງຕ່າງໆແຕ່ລາວກໍຕ້ອງຄິດເຖິງປະໂຫຍດຂອງຄອບຄົວນຳ. ຄຳພີໄບເບິນບອກຜົວວ່າ: “ໃຫ້ຮັກເມຍສະເໝີ.” (ເອເຟໂຊ 5:25) ນີ້ໝາຍຄວາມວ່າແນວໃດ? ຜົວທີ່ຮັກເມຍຈະເຮັດດີກັບເມຍທັງຕອນທີ່ຢູ່ຕໍ່ໜ້າຄົນອື່ນແລະຕອນຢູ່ເຮືອນ. ລາວຈະປົກປ້ອງເມຍສະເໝີແລະເບິ່ງແຍງເມຍຢ່າງດີທັງດ້ານຮ່າງກາຍແລະດ້ານອາລົມຄວາມຮູ້ສຶກ. (1 ຕີໂມທຽວ 5:8) ແຕ່ທີ່ສຳຄັນທີ່ສຸດ ລາວຕ້ອງຊ່ວຍເມຍໃຫ້ສະໜິດກັບພະເຢໂຫວາ. (ມັດທາຍ 4:4) ຕົວຢ່າງເຊັ່ນ ລາວອາດອະທິດຖານແລະອ່ານຄຳພີໄບເບິນກັບເມຍເປັນປະຈຳ. ຖ້າຜົວຮັກແລະເບິ່ງແຍງເມຍຢ່າງດີ ລາວເອງກໍຈະສະໜິດກັບພະເຢໂຫວາຫຼາຍຂຶ້ນນຳ.—ອ່ານ 1 ເປໂຕ 3:7
2. ຄຳພີໄບເບິນໃຫ້ຄຳແນະນຳຫຍັງກັບເມຍ?
ຄຳພີໄບເບິນບອກເມຍວ່າລາວ “ຄວນນັບຖືຜົວຈາກໃຈ.” (ເອເຟໂຊ 5:33) ລາວຈະເຮັດແບບນັ້ນໄດ້ແນວໃດ? ເມຍຈະເຮັດແບບນັ້ນໄດ້ໂດຍພະຍາຍາມຄິດເຖິງຂໍ້ດີຂອງຜົວແລະຄິດເຖິງສິ່ງທີ່ຜົວເຮັດເພື່ອເບິ່ງແຍງລາວກັບລູກ. ລາວຈະນັບຖືຜົວໂດຍສະໜັບສະໜູນການຕັດສິນໃຈຂອງຜົວ ນອກຈາກນັ້ນ ລາວຄວນເວົ້າດີໆກັບຜົວແລະເວົ້າເຖິງຜົວໃນແງ່ດີສະເໝີເຖິງວ່າຜົວຈະບໍ່ໄດ້ນັບຖືພະເຢໂຫວາ.
3. ຕ້ອງເຮັດຫຍັງແດ່ເພື່ອຊີວິດຄູ່ຈະໝັ້ນຄົງ?
ຄຳພີໄບເບິນເວົ້າເຖິງຄົນທີ່ແຕ່ງດອງແລ້ວວ່າ: “ທັງສອງຈະເປັນກາຍອັນດຽວກັນ.” (ມັດທາຍ 19:5) ດັ່ງນັ້ນ ເຂົາເຈົ້າຕ້ອງພະຍາຍາມເຮັດທຸກຢ່າງເພື່ອບໍ່ໃຫ້ຄວາມຮັກຈືດຈາງລົງ. ເຂົາເຈົ້າຈະເຮັດແບບນັ້ນໂດຍໃຊ້ເວລານຳກັນສະເໝີແລະບອກໃຫ້ອີກຝ່າຍໜຶ່ງຮູ້ວ່າລາວຄິດແລະຮູ້ສຶກແນວໃດແທ້ໆ. ນອກຈາກພະເຢໂຫວາແລ້ວເຂົາເຈົ້າຈະບໍ່ຍອມໃຫ້ໃຜຫຼືສິ່ງໃດມາສຳຄັນກວ່າຄູ່ຂອງເຂົາເຈົ້າ. ແລະເຂົາເຈົ້າຈະລະວັງເປັນພິເສດທີ່ຈະບໍ່ສະໜິດສະໜົມຫຼາຍເກີນໄປກັບຄົນທີ່ບໍ່ແມ່ນຄູ່ຂອງໂຕເອງ.
ຮຽນຮູ້ຫຼາຍຂຶ້ນ
ມາເບິ່ງວ່າມີຫຼັກການຫຍັງແດ່ໃນຄຳພີໄບເບິນທີ່ຈະຊ່ວຍໃຫ້ຊີວິດຄູ່ຂອງເຈົ້າໝັ້ນຄົງ.
4. ຜົວຄວນຮັກແລະເບິ່ງແຍງເມຍຂອງໂຕເອງຢ່າງດີ
ຄຳພີໄບເບິນບອກວ່າ “ຜົວ . . . ຄວນຮັກເມຍຄືກັບຮັກຮ່າງກາຍຂອງຕົວເອງ.” (ເອເຟໂຊ 5:28, 29) ນີ້ໝາຍຄວາມວ່າແນວໃດ? ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ຜົວຈະເຮັດຫຍັງໄດ້ແດ່ເພື່ອສະແດງໃຫ້ເຫັນວ່າລາວຮັກແລະສົນໃຈເມຍ?
ອ່ານໂກໂລຊາຍ 3:12 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ຜົວຈະເອົາຄຳແນະນຳນີ້ໄປໃຊ້ແທ້ໄດ້ແນວໃດໃນຊີວິດຄູ່?
5. ເມຍຄວນຮັກແລະນັບຖືຜົວຂອງລາວ
ຄຳພີໄບເບິນບອກວ່າເມຍຄວນນັບຖືຜົວບໍ່ວ່າຜົວຈະນະມັດສະການພະເຢໂຫວາຫຼືບໍ່. ອ່ານ 1 ເປໂຕ 3:1, 2 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ຖ້າຜົວຂອງເຈົ້າບໍ່ນັບຖືພະເຢໂຫວາ ແນ່ນອນວ່າເຈົ້າຢາກໃຫ້ລາວມານະມັດສະການເພິ່ນ. ແຕ່ເຈົ້າຄິດວ່າວິທີໃດຈະໄດ້ຜົນຫຼາຍກວ່າກັນ ລະຫວ່າງການເວົ້າເລື່ອງຄຳພີໄບເບິນໃຫ້ລາວຟັງທຸກມື້ຫຼືການທີ່ເຈົ້າສະແດງຄວາມນັບຖືແລະເຮັດດີຕໍ່ລາວ? ເປັນຫຍັງເຈົ້າຈຶ່ງຄິດແບບນັ້ນ?
ຄືຊິດີຖ້າຜົວແລະເມຍມີຄວາມຄິດເຫັນທີ່ກົງກັນເມື່ອຕ້ອງຕັດສິນໃຈໃນບາງເລື່ອງ. 1 ເປໂຕ 3:3-5 ແລ້ວລົມກັນກ່ຽວກັບຄຳຖາມຕໍ່ໄປນີ້:
ແຕ່ກໍອາດມີບາງຄັ້ງທີ່ເມຍບໍ່ເຫັນດີກັບຜົວ. ຖ້າເປັນແບບນັ້ນລາວກໍຄວນໃຈເຢັນໆແລະບອກຜົວດ້ວຍຄວາມນັບຖືວ່າລາວຄິດແນວໃດ ລາວຕ້ອງບໍ່ລືມວ່າພະເຢໂຫວາໃຫ້ຜົວເຮັດໜ້າທີ່ຕັດສິນໃຈເລື່ອງຕ່າງໆໃນຄອບຄົວ. ລາວຈະພະຍາຍາມສະໜັບສະໜູນການຕັດສິນໃຈຂອງຜົວ. ຖ້າລາວເຮັດແບບນັ້ນ ທັງຄອບຄົວກໍຈະມີຄວາມສຸກ. ອ່ານ-
ພະເຢໂຫວາຮູ້ສຶກແນວໃດຖ້າເມຍນັບຖືຜົວ?
6. ເຈົ້າກໍເອົາຊະນະບັນຫາໃນຊີວິດຄູ່ໄດ້
ບໍ່ມີຜົວເມຍຄູ່ໃດທີ່ບໍ່ເຄີຍເຈິບັນຫາ. ແຕ່ເມື່ອເຈິບັນຫາ ເຂົາເຈົ້າກໍຕ້ອງຮ່ວມມືກັນເພື່ອຈະເອົາຊະນະບັນຫານັ້ນໃຫ້ໄດ້. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ຈາກວິດີໂອ ມີຫຍັງແດ່ທີ່ເຮັດໃຫ້ເຫັນວ່າຜົວເມຍຄູ່ນີ້ບໍ່ໄດ້ສະໜິດກັນຄືແຕ່ກ່ອນ?
-
ເຂົາເຈົ້າເຮັດຫຍັງແດ່ເພື່ອເຮັດໃຫ້ຊີວິດຄູ່ໝັ້ນຄົງຫຼາຍຂຶ້ນ?
ອ່ານ 1 ໂກຣິນໂທ 10:24 ແລະໂກໂລຊາຍ 3:13. ຫຼັງຈາກອ່ານຂໍ້ຄຳພີຂໍ້ໜຶ່ງຈົບແລ້ວ ໃຫ້ຖາມຄຳຖາມທີ່ຢູ່ທາງລຸ່ມແລະໃຫ້ເຮັດແບບນີ້ຈົນຄົບທຸກຂໍ້.
-
ຖ້າເຮັດຕາມຄຳແນະນຳນີ້ຊີວິດຄູ່ຈະໝັ້ນຄົງຫຼາຍຂຶ້ນບໍ? ຍ້ອນຫຍັງ?
ຄຳພີໄບເບິນບອກວ່າເຮົາຄວນໃຫ້ກຽດກັນ. ວິທີໜຶ່ງທີ່ເຮົາຈະໃຫ້ກຽດຄົນອື່ນໄດ້ຄືເຮົາສະແດງຄວາມນັບຖືແລະຄິດເຖິງຄວາມຮູ້ສຶກຂອງຄົນອື່ນ. ອ່ານໂຣມ 12:10 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ຜົວຫຼືເມຍຄວນຈະຖ້າໃຫ້ອີກຝ່າຍໜຶ່ງໃຫ້ກຽດລາວກ່ອນບໍ? ຍ້ອນຫຍັງເຈົ້າຈຶ່ງຄິດແບບນັ້ນ?
ບາງຄົນເວົ້າວ່າ: “ເຮົາແຕ່ງດອງກັນມາດົນແລ້ວເລີຍບໍ່ຄ່ອຍສົນໃຈກັນຄືແຕ່ກ່ອນ.”
-
ຖ້າມີຄົນເວົ້າແບບນີ້ເຈົ້າຈະລົມກັບລາວແນວໃດເພື່ອເຮັດໃຫ້ລາວເຫັນວ່າຄຳພີໄບເບິນຊ່ວຍໄດ້?
ສະຫຼຸບ
ຖ້າຜົວເມຍຮັກກັນ ນັບຖືກັນ ແລະເຮັດຕາມຄຳແນະນຳໃນຄຳພີໄບເບິນເຂົາເຈົ້າກໍຈະມີຄວາມສຸກ.
ຄຳຖາມທົບທວນ
-
ຜົວຈະເຮັດໃຫ້ຊີວິດຄູ່ມີຄວາມສຸກຫຼາຍຂຶ້ນໄດ້ແນວໃດ?
-
ເມຍຈະເຮັດໃຫ້ຊີວິດຄູ່ມີຄວາມສຸກຫຼາຍຂຶ້ນໄດ້ແນວໃດ?
-
ຖ້າເຈົ້າແຕ່ງດອງແລ້ວ ເຈົ້າຄິດວ່າຄຳແນະນຳໃດໃນຄຳພີໄບເບິນຈະຊ່ວຍໃຫ້ຊີວິດຄູ່ຂອງເຈົ້າໝັ້ນຄົງຫຼາຍຂຶ້ນ?
ເບິ່ງເພີ່ມເຕີມ
ມີຄຳແນະນຳຫຍັງແດ່ທີ່ເປັນປະໂຫຍດທີ່ຈະຊ່ວຍໃຫ້ຄອບຄົວຂອງເຈົ້າມີຄວາມສຸກຫຼາຍຂຶ້ນ.
ເບິ່ງມິວສິກວິດີໂອທີ່ເນັ້ນເຖິງສິ່ງດີໆທີ່ເຈົ້າຈະໄດ້ຮັບເມື່ອເຮັດຕາມຄຳແນະນຳຈາກພະເຈົ້າກ່ຽວກັບຊີວິດຄູ່.
ການສະແດງຄວາມນັບຖືຕໍ່ຜົວທີ່ເປັນຫົວໜ້າຄອບຄົວໝາຍເຖິງຫຍັງ.
“ຜູ້ຍິງທັງຫຼາຍ ເປັນຫຍັງເຈົ້າຄວນອ່ອນນ້ອມຕໍ່ຕຳແໜ່ງປະມຸກ?” (ຫໍສັງເກດການ 15 ພຶດສະພາ 2010)
ຜົວເມຍຄູ່ໜຶ່ງເຮັດແນວໃດເພື່ອເອົາຊະນະບັນຫາຮ້າຍແຮງລວມທັງການຢ່າຮ້າງ?
ຄຳສອນຂອງພະເຈົ້າເຮັດໃຫ້ເຮົາມີຊີວິດຄູ່ທີ່ມີຄວາມສຸກອີກຄັ້ງ (5:14)