ໃນ​ຕອນນີ້ ເຮົາ​ຈະ​ໄດ້​ເບິ່ງ​ເຫດການ​ທີ່​ໂປໂລ​ຕ້ອງ​ເຈິ​ກັບ​ກຸ່ມ​ຄົນ​ທີ່​ຄຽດແຄ້ນ ຕ້ອງ​ຖືກ​ກັກ​ຂັງ ແລະ​ຕ້ອງ​ໄປ​ປົກປ້ອງ​ຄວາມ​ເຊື່ອ​ຂອງ​ລາວ​ຕໍ່​ໜ້າ​ເຈົ້າ​ໜ້າທີ່​ໂຣມ​ຫຼາຍ​ຄົນ. ແຕ່​ບໍ່​ວ່າ​ຈະ​ເຈິ​ຫຍັງ ໂປໂລ​ຍັງ​ປະກາດ​ເລື່ອງ​ການ​ປົກຄອງ​ຂອງ​ພະເຈົ້າ​ຢ່າງ​ລະອຽດ​ຖີ່​ຖ້ວນ. ຕອນ​ທີ່​ເຈົ້າ​ໄດ້​ທົບທວນ​ເຫດການ​ໃນ​ໄລຍະ​ທ້າຍໆ​ຂອງ​ປຶ້ມ​ກິດຈະການ​ທີ່​ໜ້າ​ຕື່ນເຕັ້ນ​ນີ້ ຂໍ​ໃຫ້​ຖາມ​ໂຕເອງ​ວ່າ ‘ຂ້ອຍ​ຈະ​ຮຽນ​ແບບ​ຜູ້​ປະກາດ​ຂ່າວ​ດີຄົນ​ນີ້​ທີ່​ກ້າຫານ​ແລະ​ມີ​ຄວາມ​ກະຕືລືລົ້ນ​ໄດ້​ແນວ​ໃດ?’