ເລີ່ມລົມ
ບົດທີ 5
ສະແດງຄວາມນັບຖື
ຫຼັກການ: “ໃຫ້ຄຳເວົ້າຂອງພວກເຈົ້າເປັນຄຳເວົ້າທີ່ກະລຸນາສະເໝີ.”—ກລຊ. 4:6
ສິ່ງທີ່ໂປໂລເຮັດ
1. ເບິ່ງ ວິດີໂອ ຫຼືອ່ານກິດຈະການ 17:22, 23. ແລ້ວຕອບຄຳຖາມຕໍ່ໄປນີ້:
-
ກ. ໂປໂລຮູ້ສຶກແນວໃດເມື່ອເຫັນຮູບບູຊາຢູ່ທົ່ວເມືອງອາແຖນ?—ເບິ່ງກິດຈະການ 17:16
-
ຂ. ແທນທີ່ຈະຕຳໜິຄົນອາແຖນ ໂປໂລເວົ້າກ່ຽວກັບສິ່ງທີ່ເຂົາເຈົ້າເຊື່ອດ້ວຍຄວາມນັບຖືແນວໃດຕອນທີ່ປະກາດ?
ເຮົາໄດ້ບົດຮຽນຫຍັງຈາກໂປໂລ?
2. ຜູ້ຄົນຈະຟັງເລື່ອງທີ່ເຮົາເວົ້າຫຼາຍຂຶ້ນຖ້າເຮົາຄິດດີໆກ່ອນວ່າຈະເວົ້າຫຍັງ ເວົ້າແນວໃດ ແລະເວົ້າຕອນໃດ.
ຮຽນແບບໂປໂລ
3. ຄິດດີໆວ່າຈະເວົ້າຫຍັງ. ຕົວຢ່າງເຊັ່ນ ເມື່ອເວົ້າກັບຄົນທີ່ບໍ່ແມ່ນຄລິດສະຕຽນ ເຈົ້າອາດຕ້ອງປັບວິທີເວົ້າຂອງເຈົ້າເມື່ອເວົ້າເຖິງຄຳພີໄບເບິນຫຼືພະເຢຊູ.
4. ຢ່າຟ້າວບອກວ່າສິ່ງທີ່ລາວເວົ້າມັນຜິດ. ປ່ອຍໃຫ້ລາວເວົ້າຄວາມຄິດຄວາມຮູ້ສຶກຂອງລາວອອກມາແບບອິດສະຫຼະ. ຖ້າລາວເວົ້າຫຍັງທີ່ຂັດກັບຄຳສອນໃນຄຳພີໄບເບິນ ກໍຢ່າຟ້າວຖຽງລາວ. (ຢກບ. 1:19) ເມື່ອເຈົ້າຟັງລາວ ເຈົ້າຈະໄດ້ຮູ້ວ່າລາວເຊື່ອຫຍັງແລະເປັນຫຍັງລາວຈຶ່ງເຊື່ອແບບນັ້ນ.—ສພສ. 20:5
5. ເຫັນດີນຳແລະຊົມເຊີຍລາວຖ້າເປັນໄປໄດ້. ລາວອາດຄິດວ່າເລື່ອງທີ່ລາວເຊື່ອນັ້ນຖືກຕ້ອງ. ດັ່ງນັ້ນ ໃຫ້ພະຍາຍາມລົມໃນເລື່ອງທີ່ທັງເຈົ້າກັບລາວເຫັນດີນຳກັນ ຈາກນັ້ນກໍຄ່ອຍໆຊ່ວຍລາວໃຫ້ເຂົ້າໃຈວ່າຄຳພີໄບເບິນສອນແນວໃດ.
