ພາກທີ 3
ຊີວິດໃນອຸທິຍານເຄີຍເປັນແນວໃດ?
ພະເຢໂຫວາໄດ້ປະທານສິ່ງດີຫຼາຍໆສິ່ງໃຫ້ກັບອາດາມແລະເອວາ. ຕົ້ນເດີມ 1:28
ພະເຢໂຫວາໄດ້ສ້າງເອວາຍິງຄົນທຳອິດ ແລະພະອົງໄດ້ຍົກລາວໃຫ້ເປັນເມຍອາດາມ.—ຕົ້ນເດີມ 2:21, 22.
ພະເຢໂຫວາສ້າງເຂົາທັງສອງໃຫ້ມີຈິດໃຈແລະຮ່າງກາຍທີ່ສົມບູນແບບ ບໍ່ມີຂໍ້ບົກພ່ອງເລີຍ.
ບ້ານຂອງເຂົາເຈົ້າແມ່ນສວນເອເດນ—ສວນນີ້ເປັນບ່ອນຢູ່ທີ່ສວຍງາມມີທັງແມ່ນໍ້າ ຕົ້ນໝາກໄມ້ແລະຝູງສັດຊະນິດຕ່າງໆ.
ພະເຢໂຫວາເວົ້ານຳເຂົາເຈົ້າ; ພະອົງສອນເຂົາເຈົ້າ. ຫາກວ່າເຂົາເຈົ້າເຊື່ອຟັງພະອົງ ເຂົາເຈົ້າກໍຈະມີຊີວິດຕະຫຼອດໄປໃນອຸທິຍານເທິງແຜ່ນດິນໂລກ.
ພະເຈົ້າສັ່ງວ່າຢ່າກິນໝາກໄມ້ຈາກຕົ້ນນັ້ນ. ຕົ້ນເດີມ 2:16, 17
ພະເຢໂຫວາໃຫ້ອາດາມແລະເອວາເບິ່ງຕົ້ນໝາກໄມ້ຕົ້ນໜຶ່ງໃນສວນ ແລະບອກວ່າຖ້າເຂົາເຈົ້າກິນໝາກຈາກຕົ້ນນັ້ນ ເຂົາເຈົ້າຈະຕາຍ.
ມີທູດສະຫວັນຕົນໜຶ່ງໄດ້ຂືນອຳນາດຂອງພະເຈົ້າ. ທູດສະຫວັນຊົ່ວນີ້ແມ່ນຊາຕານພະຍາມານ.
ຊາຕານບໍ່ຢາກໃຫ້ອາດາມແລະເອວາເຊື່ອຟັງພະເຢໂຫວາ. ດັ່ງນັ້ນ ມັນຈຶ່ງໃຊ້ງູໃຫ້ໄປບອກເອວາວ່າຖ້າລາວກິນໝາກໄມ້ທີ່ຖືກຫ້າມນັ້ນ ລາວຈະບໍ່ຕາຍແຕ່ຈະເປັນຄືພະເຈົ້າ. ແນ່ນອນນັ້ນເປັນຄຳຕົວະ.—ຕົ້ນເດີມ 3:1-5.
ເລື່ອງທີ່ເຈົ້າອາດຈະມັກ
ຄຳສອນ
ເປັນຫຍັງພະເຈົ້າຈຶ່ງສ້າງໂລກ?
ໂລກຂອງເຮົາເຕັມໄປດ້ວຍສິ່ງທີ່ງົດງາມ. ໂລກຢູ່ຫ່າງຈາກດວງຕາເວັນໃນໄລຍະທີ່ເໝາະສົມ ແລະໃຫ້ໂລກປິ່ນອ້ອມຕົວມັນເອງດ້ວຍຄວາມໄວທີ່ພໍດີ. ເປັນຫຍັງພະເຈົ້າຈຶ່ງສ້າງໂລກໃຫ້ສວຍງາມຫຼາຍປານນີ້?
ຄຳພີໄບເບິນ—ບອກເລື່ອງຫຍັງ?
ພະຜູ້ສ້າງປະທານອຸທິຍານໃຫ້ແກ່ມະນຸດ
ຄຳພີໄບເບິນກ່າວເຖິງການສ້າງມະນຸດຢ່າງໃດ? ພະເຈົ້າໄດ້ໃຫ້ຄຳສັ່ງຫຍັງໃຫ້ແກ່ມະນຸດຄູ່ທຳອິດ?
